Morgunblaðið - 12.02.1983, Blaðsíða 48
^Anglýsinga-
síminn er 2 24 80
^^^skriftar-
síminn er 830 33
LAUGARDAGUR 12. FEBRÚAR 1983
Báðu um 6 gáma
af síldarflökum
Skipverjar á Vetti SU frá Eskifirði gera ailt klárt áður en netin eru tekin um borð, en vetrarvertíð er nú að
komast í fullan gang. Morgunblaði«/Æv»r.
FYRIR nokkru var gengið frá
samningum við annan stærsta
stór-verslanahring í Bandaríkjun-
um um að verslanakeðja þessi taki
til sölu „Kippers“ eða léttreykt
sfldarflök frá íslandi. Heimir
Hannesson, framkvæmdastjóri
Sölustofnunar lagmetis, sagði í
gær, að þessi samningur þýddi, að
kanadísku sfldarflökin hyrfu úr
verslunum þessa fyrirtækis, en
þær er að finna í flestum fylkjum
Bandaríkjanna.
Fyrir skömmu barst síðan
fyrsta pöntunin frá fyrirtæki
þessu og hljóðaði hún upp á 6
gáma af „kippers" eða 500—600
þúsund dósir af vörunni. Verð-
mæti þessarar pöntunar er á
fimmtu milljón króna. Það er
Norðurstjarnan í Hafnarfirði,
sem framleiðir upp í þennan
samning, og er búist við að af-
Einstæður atburður á Alþingi:
Álexander Stefánsson neitar
um umræður utan dagskrár
Gunnar Thoroddsen krafðist þess að Hjörleifur talaði ekki
Sá fátíði, ef ekki einstæði atburð-
ur gerðist á Alþingi í gær, að starf-
andi forseti neðri deildar, Alexander
Stefánsson, synjaði, að kröfu for-
sætisráðherra, formlegri beiðni frá
þingflokki sjálfstæðismanna, sem
formaður þingflokks Alþýðuflokks-
ins studdi, um stutta utandagskrár-
umræðu vegna endurákvörðunar
framleiðslugjalds ÍSAL, sem tveir
ráðherrar höfðu haldið fjölmiðla-
fund um í hádeginu í gær. Þingmenn
höfðu enga vitneskju um þessa
ákvörðun, hvorki stjórnarliðar né
stjórnarandstæðingar. Það kom
þingmönnum Alþýðubandalags,
þeim er Mbl. spurði álits á ákvörðun
ráðherra þeirra laust eftir hádegi,
jafnmikið í opna skjöldu og þing-
mönnum annarra flokka og sam-
ráðherrum. „Vissi ekkert, veit ekk-
ert, og get því ekkert sagt“, var t.d.
svar Steingríms Hermannssonar,
ráðherra.
Alexander Stefánsson, starf-
andi deildarforseti, synjaði þess-
ari þinglegu beiðni, á þeirri for-
sendu, að Hjörleifur Guttormsson,
orkuráðherra, vildi ekki taka þátt
í slíkri umræðu, og að sögn forset-
ans ekki fyrr en að lokinni um-
ræðu um bráðabirgðalögin, en í
þeirri umræðu voru fjölmargir
þingmenn á mælendaskrá. Stjórn-
arandstæðingar töldu synjun for-
seta valdníðslu, sem ekki væri for-
dæmi fyrir. Framkoma Hjörleifs
Guttormssonar með því að neita
umræðunni væri og lítilsvirðing
við Alþingi.
Mikill órói var í neðri deild á
meðan menn tjáðu sig um af-
greiðslu forseta á beiðni sjálf-
stæðismanna, en þeir báðu um
orðið um þingsköp. Ráðherrar og
þingflokksformaður Alþýðubanda-
lags voru í stöðugum ferðum milli
forseta deildarinnar og forsætis-
ráðherra, og urðu hvöss orðaskipti
milli þingflokksformannsins og
forsætisráðherra í þingsalnum.
Ólafur Ragnar Grímsson, þing-
flokksformaður, sagði við blaða-
mann Mbl., að Hjörleifur Gutt-
ormsson hefði verið tilbúinn til
utandagskrárumræðna, en orðið
að láta undan kröfu forsætisráð-
herra um að neita henni. Hann
sagði orðaskipti sín og forsætis-
ráðherra hafa orðið vegna þessa.
Þrátt fyrir margar og ítrekaðar
tilraunir hafði forsætisráðherra
ekki tíma til að ræða við blaða-
mann Mbl. um málið.
Þá var hörð og á köflum illvíg
barátta í þinginu í gær milli for-
sætisráðherra og nokkurra forvíg-
ismanna Framsóknarflokks ann-
ars vegar, og þingflokksformanna
stjórnarandstöðu og Alþýðubanda-
lags hins vegar. Forsætisráðherra
og Páll Pétursson, þingflokksfor-
maður Framsóknar, skipuðu Alex-
ander Stefánssyni, varaforseta, að
halda þingstörfum áfram í gær-
kvöldi, en Sverrir Hermannsson,
forseti, fór út á land árdegis í gær.
Taldi hann þá fullt samkomulag
vera um að þingstörfum yrði lokið
kl. 19. Alþýðubandalagið hafði
boðað til miðstjórnarfundar í
gærkvöldi og stjórnarandstæð-
ingar vilja bíða með afgreiðslu
bráðabirgðalaganna þar til ijóst
verður um framvindu kjördæma-
málsins. Þeir telja, að Gunnar
Thoroddsen forsætisráðherra
rjúfi þing og boði til nýrra kosn-
inga, er bráðabirgðalögin verða
felld, þannig að til Alþingiskosn-
inga komi án þess að lagfæringar
hafi náðst í kjördæmamálinu.
Forsætisráðherra var auðsjáan-
lega brugðið, þegar Sverrir Her-
mannsson birtist i þingsalnum
laust fyrir kl. 19 í gærkvöldi og
kallaði ráðherrann til fundar við
sig. Að afloknum fundinum tók
Sverrir við fundarstjórn. Kl. 19
sleit hann fundi og boðaði til
framhaldsumræðna um bráða-
birgðalögin n.k. mánudag. Forsæt-
isráðherra sat drjúga stund í ráð-
herrastól sínum eftir að þing-
heimur hafði yfirgefið salinn.
Sjá nánar sagt frá þessum þing-
átökum á miðopnu Mbl. í dag.
skipanir verði örar. Heimir
Hannesson sagði, að reynslan
ætti eftir að skera úr um hvert
framhaldið yrði, en byrjunin
lofaði góðu og menn hefðu
ástæðu til að vera bjartsýnir.
Handtekinn meö
fíkniefni:
Var með jafn-
virði 240—296
þúsund króna
í iðrum sér
MAÐUR á þrítugsaldri var handtek-
inn á Keflavíkurliugvelli á þriðjudag-
inn í síöustu viku, vegna gruns um
fíkniefnasmygl. Maðurinn var úr-
skurðaður í sjö daga gæsluvarðhald og
kom þá í Ijós að hann Iftfði gleypt
verjur sem hann hafði fyllt með ffkni-
efnum, samkvæmt upplýsingum sem
Mbl. fékk hjá fíkniefnadeild lögregl-
unnar í gær.
í iðrum mannsins voru 280
grömm af hassolíu, 5 grömm af
kókaíni og 2—3 grömm af hassi, auk
0,3ja gramma af óþekktu efni, sem
er í efnagreiningu hjá lögreglunni.
Maðurinn var sem fyrr sagði úr-
skurðaður í 7 daga gæsluvarðhald
og gengu fyrrgreind fíkniefni niður
af honum í varðhaldinu, en í fram-
haldi af því var hann úrskurðaður í
15 daga gæslu til viðbótar. Maður-
inn var gripinn við komu frá Amst-
erdam, en hann hefur áður komið
við sögu lögreglunnar vegna fíkni-
efnamisferlis.
Samkvæmt upplýsingum lögregl-
unnar er söluverð hassolíu á mark-
aði hérlendis 800—1.000 krónur
grammið, þannig að verðmæti hass-
olíunnar er frá 224.000 til 280.000
krónur. Markaðsverð kókaíns er hér
á landi um 3.000 krónur grammið,
þannig að andvirði þess er um
15.000 krónur. Síðan er verð á
grammi af hassi um 250 krónur,
þannig að verðmæti þess er um 750
krónur. Heildarverðmæti fíkniefn-
anna er því frá tæpum 240.000 krón-
um til tæpra 296.000 króna.
Fjármálaráðuneytið skuld-
færir ÍSAL um 127 milljónir
Viðbrögð í samræmi við lagalegan rétt, segir forstjóri ÍSAL
FJÁRMÁLARÁÐUNEYTIÐ hefur skuldfært íslenska álfélagið h.f.
(ÍSAL) um samtals 6.660.030 Bandaríkjadali eða 127 milljónir ís-
lenskra króna vegna endurákvörðunar á framleiðslugjaldi félagsins
1976 til 1980. Var ÍSAL skýrt frá þessari ákvörðun í gær en hún
byggist á niðurstöðum breska endurskoðunarfyrirtækisins Coopers &
Lybrand um verðlagningu súráls og rafskauta. Alusuisse hefur mót-
mælt þessum niðurstöðum sem röngum. „Við erum í réttarríki og
munum bregðast við reikningi fjármálaráðuneytisins í samræmi við
lagalegan rétt okkar,“ sagði Ragnar S. Halldórsson, forstjóri ÍSAL í
gær.
Ragnar Arnalds, fjármálaráð-
herra, og Hjörleifur Guttormsson,
iðnaðarráðherra, kölluðu blaða-
menn til fundar við sig í gærmorg-
un og skýrðu þeim frá kröfugerð-
inni á hendur ÍSAL. Á fundinum
skýrði fjármálaráðherra frá því,
að ekki lægi fyrir samþykkt ríkis-
stjórnarinnar um að til þessa úr-
ræðis skyldi gripið. Ráðherrann
sagði að enginn innlendur aðili
hefði mótmælt slíkri kröfugerð, en
til hennar hefði verið gripið tvisv-
ar áður og þá hefði ÍSAL ekki
heldur kært hana fyrir alþjóðleg-
um gerðardómi eins og það hefur
rétt til samkvæmt samningi við
íslenska ríkið. Taldi fjármálaráð-
herra það nú vera „stóru spurn-
inguna" hvort ÍSAL kærði þetta
til hins alþjóðlega gerðardóms.
Hjörleifur Guttormsson sagði að
síðar yrði skýrt frá aðgerðum
hans varðandi raforkuverðið til
ÍSAL, ýmsar leiðir væru til athug-
unar. „Við skulum ræða það á síð-
ara stigi, nú er skattamálið á
dagskrá," sagði Ragnar Arnalds,
fjármálaráðherra.
„Við höfum margsinnis mót-
mælt þessari kröfugerð og það
breytir engu um okkar afstöðu,
þótt hún sé sett fram sem reikn-
ingur frá fjármálaráðuneytinu,"
sagði Ragnar S. Halldórsson, for-
stjóri ÍSÁL, þegar Morgunblaðið
leitaði álits hans á þessu máli. Og
hann bætti við: „I samskiptum
Alusuisse og iðnaðarráðherra hef-
ur deilan um verð á súráli og raf-
skautum verið aðalatriðið eins og
kunnugt er og því höfum við viljað
vísa til athugunar hjá hlutlausum
aðilum enda höfum við undir
höndum greinargerðir frá viður-
kenndum endurskoðendum sem
stangast á við niðurstöður Coop-
ers & Lybrand.
Það hefur vakið athygli að
Hjörleifur Guttormsson hefur síð-
ustu daga látið sem orkuverðið til
álversins í Straumsvík sé aðal-
atriðið án þess þó að þar hafi hon-
um miðað nokkuð áfram, enda eru
samningar jafnan kenndir við svik
í flokki hans þegar erlendir aðilar
eiga í hlut. Ráðherrann getur þó
ekki látið spyrjast að ekkert liggi
eftir hann í álmálinu og því er
þessi reikningur sendur okkur
með tilstyrk frá fjármálaráðherr-
anum, flokksbróður hans. Við er-
um í réttarríki og munum bregð-
ast við reikningnum í samræmi
við lagalegan rétt okkar," sagði
Ragnar S. Halldórsson.
Sjá í miAopnu: Nái krafan fram
á rfkissjóður 35 milljónir
króna inni hjá ÍSAL.