Morgunblaðið - 26.02.1984, Blaðsíða 32

80 MORGUNBLAÐIÐ, SUNNUDAGUR 26. FEBRÚAR 1984
Blóði drifinn ferill
„farandmorðingjanna“
Tveir játa að hafa myrt meira en 200 konur og börn
Theodore Bundy Wayne Williams Randy Kraft Kenneth Bianchi
36 morð 25 morð 16 morð 9 morð
Angelo Buono Ottis Toole, Henry Lucas John Gacy
9 morð hafa játað á sig 200 morð. 33 morð.
í Bandaríkjunum hafa
menn lengi haft meira en
nóg af alls kyns glæpaverk-
um en nú er komin þar fram
á sjónarsviðið ný tegund
afbrotamanna, hinir svoköll-
uðu „farandmorðingjar",
menn, sem flækjast um land-
ið, myrða fólk án augljósrar
ástæðu og þess vegna oftast
nær erfitt að hafa hendur í
hári þeirra.
„Allir hafa heyrt um Jack the
Ripper, sem myrti fimm mann-
eskjur og flestir muna eftir
morðingjanum í Boston, sem
kyrkti 13 manns," segir lögreglu-
maðurinn Robert O. Heck. „Nú
höfum við hins vegar hér í
Bandaríkjunum menn, sem hafa
20 eða 30 mannslíf á samvisk-
unni eða meira. Þetta eru menn,
sem láta sér ekki nægja að drepa
fórnariambið heldur kvelja þeir
það og limlesta áður en það gef-
ur upp öndina. Þessi morð nálg-
ast það að vera farsótt í land-
inu."
Aðeins á siðustu fimm árum
hefur lögreglan handtekið eða
elst við 17 „farandmorðingja",
sem hafa drepið a.m.k. 10 manns
hver og níu þeirra raunar fleiri
en 20. Einn þessara manna, sem
enn er leitað er „Grænármorð-
inginn" svokallaði, en á síðasta
hálfu öðru ári hefur hann myrt
21 konu og unglingsstúlku i
nágrenni borgarinnar Seattle.
Flest líkin fundust á bökkum ár
nokkurrar, sem rennur skammt
frá borginni, og lögreglumenn
hallast að því, að morðinginn
hafi viðar látið til sín taka.
Einn „farandmorðingjanna",
Theodore Bundy, bíður nú dauða
síns í fangelsi i Florida fyrir að
hafa myrt tvær konur og 12 ára
gamla stúlku en þar að auki þyk-
ir ljóst, að Bundy hafi drepið 33
manneskjur aðrar í öðrum ríkj-
um Bandaríkjanna. George E.
Stano var einnig handtekinn í
Flórida fyrir þrefalt morð og við
yfirheyrslur játaði hann á sig 31
til viðbótar.
„Farandmorðingjarnir" og
flækingarnir Ottis E. Toole, 36
ára gamall, og Henry L. Lucas,
47 ára, eiga líklega viðbjóðsleg-
astan feril að baki, en saman
játuðu þeir á sig meira en 200
morð á konum og börnum.
í viðtali við dagblaðið „New
York Times“ sögðu lögreglu-
mennirnir, sem vinna að rann-
sókn þessara mála, að flestir
„farandmorðingjanna" séu vel
gefnir menn og eðlilegir við
fyrstu kynni. Menn, sem falla
inn i fjöldann og vekja að því er
virðist ekki neinar sérstakar
grunsemdir.
Það var fyrir tæpum 20 árum,
að lögreglan fékk fyrst veður af
„farandmorðingjunum", sem
drepa án þess að nokkur sjáan-
leg ástæða sé fyrir því. Árið 1966
voru framin 11.000 morð í
Bandaríkjunum og tókst lögregl-
unni að upplýsa 89% þeirra.
Hvað 5,9% morðanna (644
manns) varðaði virtist engin
ástæða vera fyrir þeim. Árið
1982 höfðu morðin meira en tvö-
faldast, 23.000 alls, 74% upplýst-
ust en 17,8% (4.118 manns)
ástæðulaus að sjá.
Alls konar rannsóknir hafa
farið fram á þessu fyrirbæri,
sem „farandmorðingjarnir" eru,
en enn sem komið er eru spurn-
ingarnar fleiri en svörin.
„Brenglað kynferðislíf virðist
fremur öðru einkenna þessa
morðingja," segir Robbin
Robertson, lögreglumaður í
Michigan, enda hefur mörgum
fórnarlambanna verið nauðgað
eða kynferðislega misþyrmt. Það
vekur líka athygli hvað margir
þessara morðingja eru kynvilltir
og má í þvi sambandi benda á
John W. Gacy, sem á ferðum sín-
um myrti 33 unga drengi.
Óþekktur fjöldi „farandmorð-
ingja" leikur lausum hala i
Bandaríkjunum og flakkar um
landið i leit að næsta fórnar-
lambi. Ekki er heldur annað að
sjá en vel beri í veiði fyrir þá.
„Bandaríska lögreglan býr ekki
yfir miðstýrðu upplýsingakerfi.
Þess vegna eiga þeir svona auð-
veldan leik,“ segir Robert O.
Heck, fyrrnefndur lögreglumað-
ur.
KAUPÞING HF
Hvað bjóða bankarnir sparifjáreigendum?
Margir möguleikar hafa opnastsparifjáreigendum á síðustu
árum auk ninnar hefðbundnu sparisjóðsbókar svo sem:
verðtryggðir reikningar, spariskírteini ríkissjóðs, veðskuldabréf o.fl.
Nú hefur verdbólgan minnkað og þá vaknar hjá mörgum sparif járeigendum
sú spurning hvað eigi að gera. Möguleikarnir eru margir og fjölbreyttir.
Af því tilefni ætlar Kaupþing hf. að efna til
fræðslufundar um efnið. Hvað bjóða bankarnir
sparifjáreigendum og hvers eiga þeir úrkosta
annars staðar; dr Pétur H. Blöndal, frkv.stj.
Kaupþings flytur inngangsorð.
Erindi flytja:
Höskuldur Ólafsson, bankastjóri Verslunarbanka íslands
Samskipti banka og sparif járeigenda.
- Borgar sig að leggja inn á sparisjóðsbók?
- Mismunandi innlánsform
- Hvaða ráðgjöf veitir bankinn sparifjáreigendum?
- Ný innlánsform m.t.t. heimildar bankanna aðauglýsa
önnur kjör en þau sem nú eru í boði á sparifé sem bundið
er í minnst 6 mánuði.
Guðmundur Arnaldsson, viðskiptafræðingur, fjármálastjóri
Plastprents hf.
Hagur sparifjáreigenda fyrr og nú
- Hverjir hafa kostir sparifjáreigenda verið fyrrognú?
- Staða sparifjáreigenda og þjóðarbúsins ef raunvextir
hefðu verið greiddir á sparifé á íslandi
Ari Arnalds verkfræðingur.
Sparnaður: Hvað vildum við geta gert?
— Helstu sparnaðarleiðir á íslandi-utan bankakerfisins
kostir og gallar
- Hvernig má fjölga sparnaðarleiðum?
Fundurinn verður haldinn að Hótel Loftleiðum (Kristalsal) fimmtudaginn 1. mars og hefst
kl. 20:30. Að loknum erindum verða frjálsar umræður og fyrirspurnum svarað.
Öllum heimill aðgangur meðan húsrúm leyfir
KAUPÞING HF