Morgunblaðið - 05.12.1984, Síða 25

MORGUNBLAÐIÐ, MIDVIKUDAGUR 5. DESEMBER 1984
25
og því hafa bækur CDU-flokksins
frá því fyrir 1975 verið eyðilagðar.
Frumvarp um náöun
dregiö til baka
Aðalstjórnarflokkurinn, sem nú
er við völd í Bonn, flokkur Kristi-
legra demókrata, hefur ætíð verið
iðjuhöldum og öðrum atvinnurek-
endum mjög nákominn. Fyrr á
þessu ári, er nöfn fleiri og fleiri
„mektarmanna" fóru að skjóta
upp kollinum í sambandi við
Flick-málið og svipuð gjafamál yf-
irleitt, vann þingflokkurinn að því
hörðum höndum að koma í gegn
frumvarpi um náðum allra, sem
annars kynnu að verða ákærðir í
þessu sambandi.
Litli samstjórnarflokkurinn,
flokkur frjálsra demókrata, studdi
„stóra bróður" eftir mætti í
fyrstu, þar til þrýstingur andstæð-
inga frumvarpsins, bæði innan
flokks og utan, var orðinn svo
mikill, að FDP snerist gegn CDU í
þessu máli. Loks var almennings-
álitið orðið svo sterkt, að upp-
hafsmenn frumvarpsins sáu sig
tilneydda til að draga það til baka.
Hefði það náð fram að ganga,
hefði öll frekari rannsókn fallið
niður, og málið hefði sjálfsagt
fallið í gleymskunnar dá innan
skamms tíma.
Veskin gerð „gegnsæ“
f þessu sambandi má minnast á
það, að þingmenn ýmissa flokka,
sem auðsjáanlega hafa hreinan
skjöld, hafa borið fram tillögu
þess efnis, að þeim — þingmönn-
unum — verði gert að skyldu að
gefa upp allar aukatekjur sínar,
sem eru talsverðar oft og tíðum, á
meðan á þingmennsku þeirra
stendur og gera þar með „veski sín
gegnsæ" eins og sagt er. Ennfrem-
ur hefur verið talað um að fyrir-
hyggja aukastörf þingmanna á
meðan þeir sitja þing.
Maður skyldi ætla, að það sé ær-
ið verkefni að sitja þing og sinna
flokksstörfum, en það virðist ekki
nægja öllum. Það er alveg ótrú-
legt, hvað margir taka að sér
aukalega. En ef ofangreind tillaga
næði fram að ganga, yrðu tor-
tryggni og getgátur ástæðulausar,
og hinir „útvöldu menn þjóðarinn-
ar“ gætu (vonandi) horfzt blygð-
unarlaust í augu við kjósendur
sína. Slíkt tíðkast í Bandaríkjun-
um og það hefur margt vitlausara
verið innleitt úr þeirri áttinni en
þetta.
Engir englar, en ...
Spurningin, sem ósjálfrátt
vaknar í sambandi við allt þetta,
sem nú kemur fram í dagsljósið,
er þessi: eru það stjórnmálamenn-
irnir, sem þjóðin kýs, sem stjórna
landinu, eða er okkur óbeint
stjórnað af þeim, sem (peninga)-
valdið hafa í efnahagslífinu? Ég
er viss um, að svo er að miklu
leyti.
Auðvitað má ekki búast við, að
stjórnmálamenn séu neinir engl-
ar; þeir eru breyskir eins og aðrir
menn, en má ekki ætlast til að þeir
taki ákvarðanir sínar af sinni eig-
in sannfæringu, óháðir utanað-
komandi áhrifum? Ekki eru þeir
nú látnir svelta, manntetrin, þing-
launin nægja vel til þess að hafa í
sig og á. Sannleikurinn er sá, að
þau eru svo há, að venjulegt fólk
svimar, er það heyrir upphæðina
(ef ég man rétt, eru grunnlaunin
7.850 mörk á mánuði, en síðan
bætast alls konar aukagreiðslur
við vegna aukahúsnæðiskostnað-
ar, ferðakostnaðar o.s.frv. o.s.frv.).
Er þetta þá hið marglofaða lýð-
ræði?
Þrátt fyrir allar freistingar,
sem verða á vegi þessara manna,
finnst mér við eiga heimtingu á
heiðarlegum og óháðum mönnum
við stjórnvölinn. Auðvitað má ekki
dæma alla eftir nokkrum svörtum
sauðum, en er það furða, þótt
maður verði tortrygginn?
Depill fer
í leikskóla
Lyftiflipabók handa
4—7 ára börnum
BÓKAFORLAG Odds Björnssonar
gefur nú út fjórðu lyftiflipabókina eftir
Eric HiH um hvolpinn Depil. Depils-
bækurnar henta best 4—7 ára börn-
um. Þ<er eru litskrúðugar og með
stóru letri, prentaðar á góðum pappír
og í hörðum spjöldum.
Börnin lyfta flipa á hverri opnu
og sjá undir honum hvað Depill er
að bralla eða segja, því þetta er tal-
andi hundur eins og allir góðir
ævintýrahundar. Munurinn er
kannski aðallega sá, að Depill lifir í
nútímanum og börnin þekkja um-
hverfi hans og viðfangsefni mæta-
vel.
Áður hafa komið út 3 lyftiflipa-
bækur og 4 litabækur um hvolpinn
Depil, sem á ensku nefnist „Spot“ og
nýtur hvarvetna mikilla vinsælda,
ekki síður en hér á landi. Depill fer í
leikskóla er 22 bls.
(FrétUtilkynning.)
AUSTURSTRÆTI 8
REYKJAVIK
SIMI 14220
HÖFÐABAKKA 9,
REYKJAVIK
SIMI 685411
BRUI1RB0T
-AFÖRYGGSÁSTÆÐUM
BRUNABÓTAFÉLAG ÍSLANDS
Laugavegur 103 105 Reykjavlk Slmi 26055
essemm/ ■ 05.01