Morgunblaðið - 05.12.1984, Qupperneq 27

MORGUNBLAÐIÐ, MIDVIKUDAGUR 5. DESEMBER 1984
27
-
Egilsstaðir:
Jólalegt um að litast
KgiLsNtöAum, 2. desember.
ÞAÐ ER jólalegt um að litast hér á Egilsstöðum fyrsta sunnudag í
jólafostu. Nýfallinn snjór prýðir þorpið og aðventuljós má sjá í velflest-
um húsagluggum.
í haust hefur jörð verið nær
auð að kalla — en er menn tygj-
uðu sig til vinnu síðastliðinn
föstudagsmorgun var jörð orðin
alhvít, jólasnjórinn var kominn.
Verslanir eru nú sem óðast að
taka upp jólavarninginn — en
jólatrén úr Hallormsstaðarskógi
eru þó enn ókomin á markað. Að
sögn starfsmanns Skógræktar-
innar hefst skógarhögg í Hall-
ormsstaðárskógi nú eftir helg-
ina. Líklega verða felld um 1.000
jólatré í skóginum að þessu sinni
— velflest til heimilisskrauts —
en nokkur til skreytinga utan
dyra. Stærsta tréð sem fellt
verður er um 10—12 m að hæð
og verður reist við KHB á Egiis-
stöðum venju samkvæmt. Maur-
inn sem hrjáði trjágróður í Hall-
ormsstaðarskógi í sumar mun
ekki draga úr framboði jólatrjáa
þaðan nú.
í grunnskólanum er farið að
hugsa til jóla — og verður efnt
til sérstaks föndurdags fyrir
nemendur og foreldra laugar-
daginn 15. desember.
— Olafur
Morgunblaðid/Bj arni
Frá blaðamannafundinum, talið f.v.: Gestur Ólafsson formaöur Lífs og lands,
Þórdís Bachmann, Hulda Ólafsdóttir og Helga Edwald, félagskonur.
Líf og land býdur
ráðgjöf á sviði
umhverfismála
LÍF OG LAND, landssamtök um
umhverfismál hafa ákveðið að taka
að sér að veita sveitarfélögum, öðr-
um opinberum aðilum og félags-
samtökum ókeypis ráðgjöf á sviði
umhverfismála, með það að mark-
miði að auka gæði umhverfis á ís-
landi.
Gestur Ólafsson, formaður fé-
lagsins sagði á fundi sem haldinn
var með blaðamönnum á dögun-
um, að í gegnum árin hefði ýmis-
legt verið rætt og ritað um um-
hverfismál en nú vildu samtökin
taka upp annan hátt og láta
verkin tala meira. Sagði hann að í
kjölfar hinnar miklu byltingar
sem hefði átt sér stað á þessari öld
í búsetu hér á landi, fylgdu margs-
konar vandamál bæði til sjávar og
sveita. Bæði hefði það umhverfi
sem byggt hefur verið ekki þjónað
fólki sem skyldi né heldur hefðum
við farið nógu varfærnum höndum
um náttúru landsins.
Fjölmargir sérfræðingar sem
framarlega standa hver á sínu
sviði, hafa ákveðið að taka þátt í
umhverfisráðgjöf Lífs og lands og
gefa vinnu sína til þess að stuðla
að betra umhverfi hér á landi. Er
þar um að ræða arkitekta, verk-
fræðinga, skipulagsfræðinga,
landslagsarkitekta, hagfræðinga
o.fl. Að sögn Gests er fyrirhugað
að ráðgjöfin fari í meginatriðum
þannig fram að í upphafi snúi við-
komandi aðili sér til Lífs og lands
og óski eftir ráðgjöf. Félagið mun
síðan velja starfshóp til að fjalla
um viðkomandi verkefni, sem fara
mun á staðinn og dvelja þar í
nokkra daga við athuganir og við-
ræður við hlutaðeigandi aðila. Að
þeim tíma loknum er gert ráð
fyrir að vinnuhópurinn kynni til-
lögur sínar á almennum fundi.
Sagði Gestur að það væri von
félagsmanna Lífs og lands að um-
hverfisráðgjöfin vekti nýjar
hugmyndir og stuðlaði að betra
umhverfi. Mun Skagaströnd nú
þegar hafa óskað eftir vinnuhóp á
staðinn til að bæta umhverfið þar.
Jólaföndur
Jólaföndurspakkningar (sjá mynd), snjókarl, jólapar, jólastelpa,
flöskusveinn, sérvíettuhringir, diskamottur o.fl.
Stimplar meö jólamunstri fyrir tauþrykk
A

Vattkúlur,
vattbjöllur,
pípuhattar,
jólasveinabúkar,
filtefní,
málmbjöllur,
strigi,
pípuhreinsarar,
náttúrubast,
plastbast,
glimmer,
könglar,
föndurkarton,
kreppappír,
álfolía,
trókúlur,
blómavír,
aöventukransar,
skreytingaleir,
óróajárn,
silkiboröar,
gærubútar,
þekjulitir,
plastperlur,
jólamunstur,
föndurlím,
málmhringir,
keramín-styttur
brúðuandlit,
áteikn. jóladúkar,
áteikn. svuntur,
áteíkn. póstpokar,
þvottaekta DEKA-litir
til taumálunar,
glerlitir, DEKA.
-------
Skólavöröustíg 15, 101 Reykjavík, sími 21412.
Glæsilegt úrval
af fallegum
ullarefnum.