Morgunblaðið - 21.02.1985, Page 15

MORGUNBLAÐIÐ, FIMMTUDAGUR 21. FEBRÚAR 1985
15
Kona um
konur
Leiklist
Jóhann Hjálmarsson
Alþýðuleikhúsið:
KLASSAPÍUR
eftir Caryl Churchill.
Þýðing: Hákon Leifsson.
Tónlist: Leifur Þórarinsson.
Leikstjóri: Inga Bjarnason.
Aðstoðarleikstjóri: Elfa Gísladótt-
ir.
Leikmynd og búningar: Guðrún
Erla Geirsdóttir.
Lýsing: Árni Baldvinsson.
Klassapíur eftir Caryl Chur-
chill er leikrit eftir konu um
konur frá níundu öld til okkar
daga. Fulltrúar hinna ýmsu
stétta birtast í leikritinu og
skýra frá lífsreynslu sinni. I
upphafi býður nútímakonan
Margrét til veislu. Konur liðins
tíma opna hug sinn, sumar á
hógværan hátt, aðrar með ofsa.
Umræðuefni eru margvísleg:
heimspeki, ljóðlist, trúarbrögð,
ástir, ferðalög, helvíti.
Auk Margrétar eru á sviðinu
Isabella Bird sem á nítjándu öld
gat sér gott orð sem ferðabóka-
höfundur; Gréta, stigin út úr
málverki eftir Bruegel; Grishild-
ur góða; Lafði Nijó, japönsk hjá-
kona keisara og síðar nunna, og
Jóhanna páfi sem talin er hafa
verið páfi 854—856, en fæddi
barn í skrúðgöngu og var af
þeim sökum grýtt í hel.
Allar voru þessar konur at-
kvæðamiklar, hver með sínum
hætti, en verða ekki verulega
sannfærandi í Klassapíum nema
helst Gréta. Hlutverkið nýtur
sterkrar túlkunar Ásu Svavars-
dóttur sem er allt að því djöful-
leg, einkum í lýsingum á mann-
legri grimmd. Geðþekk er sú
mynd sem Anna S. Einarsdóttir
dregur upp af Isabellu. Sigur-
jóna Sverrisdóttir leikur Grís-
hildi góðu, Sólveig Halldórsdótt-
ir Lafði Nijó og Sigrún Edda
Björnsdóttir Jóhönnu páfa. Frá
höfundarins hendi eru þessi
hlutverk daufgerð og leikurun-
um tekst ekki að gæða þau eftir-
minnilegu lífi. Hér skortir líka
nokkuð á hnitmiðun í leikstjórn.
í síðari hluta verksins er Mar-
grét sýnd sem hin dæmigerða
nútímakona á framabraut, köld
og miskunnarlaus. Margrét Áka-
dóttir sem leikur nöfnu sína nær
á henni góðum tökum, túlkar af
jafn mikilli innlifun stolt hennar
og vanmátt. Þessi hluti er í
raunsæisstíl, dálítið í anda vana-
bundinna ádeiluleikrita og segir
í rauninni ekkert nýtt. Þó er
reynt að skyggnast inn í hugar-
fylgsni áhrifakonu og afhjúpa
hana, tengja um leið háttalag
hennar við enskt samfélag eins
og það hefur þróast undir stjórn
Thatchers og dómur kveðinn upp
um hinar verri hliðar markaðs-
hyggjunnar.
Kristín Bjarnadóttir er hin
mædda Elísabet, fátæk, en ekki
reiðubúin að gefast upp fyrir
Margréti, systur sinni. Kristín
gerir Elísabetu góð skil.
Sigrún Edda Björnsdóttir og
Sólveig Halldórsdóttir leika
stelpur á gelgjuskeiði. Leikur
þeirra er ólíkur. Sigrún kann vel
að túlka dyntóttar og ærsla-
fengnar stelpur, en túlkar hina
vanþroskuðu Ásu af full mikilli
ákefð. Sólveig Halldórsdóttir
kemur Kit aftur á móti til skila
með hófstilltri túlkun og dregur
áreynslulítið fram hið spaugi-
lega.
Anna S. Einarsdóttir er Rósa,
kona manns sem verður í starfi
sínu að lúta í lægra haldi fyrir
hinni kappsömu Margréti. Anna
fer þokkalega með þetta hlut-
verk. Sigurjóna Sverrisdóttir er
hressileg Dúdda og ekki verður
að Ásu Svavarsdóttur fundið í
hlutverki Diddu.
Guðný J. Helgadóttir fer snot-
urlega með hlutverk þjónustu-
stúlku í fyrri hluta verksins.
Þýðing Hákonar Leifssonar er
áheyrileg.
Tónlist Leifs Þórarinssonar
þótti mér á köflum falleg, en
ekki er verulegur styrkur að
henni.
Inga Bjarnason leikstjóri hef-
ur þegar á heildina er litið skap-
að skemmtilega sýningu og leyst
ýmiskonar vanda hins þrönga
húsnæðis. Leikmynd Guðrúnar
Erlu Geirsdóttur er myndræn og
stækkaði sviðið ótrúlega. Loka-
þátturinn þegar konur hins liðna
birtast verður ekki síst minn-
isstæður vegna leikmyndarinn-
ar. Lýsing Árna Baldvinssonar
átti sinn þátt í lífi leikmyndar-
innar.
Klassapíur er ekkert bylt-
ingarverk í leikritun þótt hlut-
verkin séu öll í höndum kvenna.
En hér er drepið á ýmislegt sem
ómaksins vert er að rifja upp.
íbiza er staöur unga fólksins og í sumar mun straumurinn örugglega liggja þangaö
ef marka má allar þær fyrirspurnir sem við höfum nú þegar fengið. Guðmundur farar-
stjóri sór um að halda uppi fjörinu allan sólarhringinn og á dagskrá eru m.a. ökuferðir
í allskonar farartækjum. siglingar, sjóskíði, seglbretti, fótbolti, hjólaferðir, diskótek,
kvöldveislur, morgunveislur, næturveislur og síðdegisveislur, fyrir utan sólbaðið
ogallt hitt.
Á Bossaströndinni á fbiza eru Úrvalshótelin Arlanza og Sal Rossa tilbúin til þess að
taka á móti sprellfjörugum Úrvalsfarþegum.
Brottfarir: 29/5 (örfá sæti laus), 19/6, 10/7, 31/7, 21/8, 11/9.
Sérstök fjölskylduferð: 10/7. FerðatHhögun: Leiguflug.
Dvalartími: 3 vikur. Verð frá kr. 24,880,-
Barnaafsláttur: 0—1 árs greiða 10%, 2—11 ára greiða 50%, og 12—16 ára greiða
70%, nema 15 ára fá 50% afslátt í tilefni 15 ára afmælis Úrvals.
FERMSKRIFSIDaN ÚRVM
Ferðaskrifstofan Úrval við Austurvöll, sími (91/-26900.
Ibiza er stjörnuferðastaðurinn.