Morgunblaðið - 10.04.1985, Side 29

wím .iis'TA oi h jOAcnnnvaiw xjiaAJflvtiiauoM
MORGUNBLAÐIÐ, MIÐVIKUDAGUR 10. APRÍL 1985
Tölvuvæðing á íslenskum auglýsingastofum í samstarfi við Norðmenn og Dani:
Samstarfsmöguleik-
ar metnir í sumar
Rætt við Ólaf Stephensen formann Sambands íslenskra auglýsingastofa og Lars
Bruusgaard aðstoðarframkvæmdastjóra Sambands norskra auglýsingastofa
LARS Bruusgaard, aðstoöarframkvæmdastjóri RRF, sambands norskra
auglýsingastofa, er nú staddur hér á landi, en hann var sérstakur gestur
á aðalfundi Sambands íslenskra auglýsingastofa sem haldinn var í
Reykjavík síðastliðinn föstudag. Að fundinum loknum héldu Lars
Bruusgaard og Knut Straume, framkvæmdastjóri tölvuþjónustu Norrænu
auglýsingastofanna, erindi um tölvuvæðingu og upplýsingabanka
auglýsingastofa, en undanfarin ár hafa tölvurnar rutt sér til rúms á
norskum auglýsingastofum og aukið til muna alla hagræðingu í starfsemi
þeirra. Norðmenn hafa átt samvinnu við Dani, sem eru hvað lengst
komnir á þessu sviði af Norðurlöndunum. „Danir fóru að huga að
tölvuvæðingu á auglýsingastofum um 1969, en við tókum upp samstarf
við þá 1975 og á undanförnum tveimur árum höfum við tölvuvætt flestall-
ar auglýsingastofur í RRF í Noregi, en alls eru um 150 auglýsingastofur í
Noregi," sagði Lars Bruusgaard er blaðamaður Mbl. hitti hann að máli á
föstudaginn.
Á aðalfundi Sambands is-
lenskra auglýsingastofa var
stjórn sambandsins endurkjörin
og er formaður þess Ólafur
Stephensen. Hann sagði eftir
fundinn að nú væru 14 auglýs-
ingastofur í samtökunum og að á
aðalfundinum hefði mikið verið
rætt um menntun íslendinga í
auglýsinga- og fjölmiðlafræðum,
en eins og kunnugt er, eru
menntunarmöguleikar í þeim
greinum takmarkaðir hér á
landi. 1 Noregi hafa einkaaðilar
tekið sig saman um að bæta úr
þessum málum með dag- og
kvöldskólum þar sem boðið er
upp á umræddar námsgreinar,
en norsk yfirvöld hafa ekki sinnt
þeim að marki. Sagði Lars
Bruusgaard að nemendur væru
mjög ánægðir með þetta fram-
tak forráðamanna skólanna.
Hugsanlegt samstarf
norskra, danskra og ís-
lenskra auglýsingastofa
Hver er kostnaðurinn við tölvu-
væðingu eins og þá sem átt hefur
sér stað á norskum auglýs-
ingastofum?
„Heildarkostnaðurinn nam
um það bil fimm milljónum
norskra króna, en eins og ég
minntist á áðan, var þetta gert í
samvinnu við Dani sem greiddu
helming kostnaðarins, en við
notum sama kerfi og þeir,“ segir
Lars Bruusgaard. „Slíkt sam-
starf er ákaflega jákvætt og nú
er til umræðu að við tökum upp
svipað samstarf við íslenskar
auglýsingastofur. Þannig er I
fyrsta lagi hægt að deila kostn-
aðinum og upplýsingabankinn,
sem er sameiginlegur, verður
augljóslega mun stærri og viða-
ir.eiri, ef fleiri „leggja inn“ upp-
lýsingar. Einn liðurinn í tölvu-
kerfinu tengist rekstri fyrir-
tækjanna og með góðri sam-
vinnu næst einnig betri heild-
aryfirsýn yfir reksturinn hjá
auglýsingastofum á Norðurlönd-
um. Með slíkri tölvuvæðingu er
ennfremur auðveldara að auka
starfsemi fyrirtækjanna án þess
að fjölga starfsfólki í verulegum
mæli.“
Hvaða reynsla er komin á
þessa tölvuvæðingu í Noregi?
„Að sjálfsögðu komu upp ýms-
ir byrjunarörðugleikar í þessu
eins og öðru, en nú erum við að
byrja að sjá árangur og mér
virðist sem starfsfólk á auglýs-
ingastofum sé upp til hópa af-
skaplega ánægt með þessa þróun
mála.“
íslendingar kröfuharöir
þegar auglýsingar
eru annars vegar
ólafur Stephensen var inntur
eftir því hvort hann teldi mögu-
legt að tölvuvæða þannig ís-
lenskar auglýsingastofur og eiga
samstarf við Norðmenn í því
efni.
„Fyrstu skrefin í þeim efnum
hafa nú þegar verið stigin á ís-
Morgunblaðift/Árni Sæberg
Lars Bruusgaard og Ólafur Stephensen. „íslenskar auglýsingar eru
skemmtilegar án þess að þær missi upplýsingagildi sitt. Þær eru mjög
góóar og á alþjóðlegum mælikvarða,“ segir Lars Bruusgaard.
lenskum auglýsingastofum, þó í
litlum mæli sé. En til að vel megi
takist verða menn að taka sig
saman og með sameiginlegu
átaki og samstarfi við aðrar
Norðurlandaþjóðir ættum við að
geta aukið starfsemi og gæði
auglýsinga hér á landi. Við ís-
lendingar gerum strangar kröf-
ur til auglýsinga og viljum
raunhæfari auglýsingar en
margar aðrar þjóðir. Því er mik-
ill kostur að geta haft aðgang að
góðum upplýsingabanka, en þær
upplýsingar sem eru í tölvukerfi
Norðmanna og Dana er einnig
hægt að nota hér á landi."
Hvað ímyndarðu þér að langt
sé í að íslenskar auglýsingastof-
ur verði tölvuvæddar í samvinnu
við Norðurlöndin?
„Að svo stöddu er ómögulegt
að svara því, en við vonumst til
að geta metið möguleika okkar á
samstarfi nú í sumar. Auglýs-
endur hér á landi nýta sér í
auknum mæli ýmiskonar sér-
þjónustu sem auglýsingastofur
bjóða upp á. Siðanefnd SÍA fer
eftir alþjóðlegum siðareglum og
veitir mikið aðhald sem kemur
sér vel bæði fyrir auglýsendur og
auglýsingastofur. Mér virðist
auglýsingagerð hér á landi sí-
fellt vera að þróast meira í átt
að upplýsingamiðlun," sagði
ólafur að lokum.
Lars Bruusgaard sagði að það
hefði komið sér á óvart hversu
góðar auglýsingar væru gerðar
hér á landi. „Skemmtilegar án
þess að missa upplýsingagildi
sitt,“ segir hann. „Þær auglýs-
ingar sem ég hef séð hérna eru
mjög góðar og á alþjóðlegum
mælikvarða," sagði Lars
Bruusgaard að endingu.
Btom.
C0MM0D0RE 64
FERMENGARITLBt®
Nú um páskana bjóöum við einstakt fermingartil-
boö á vinsælu COMMODORE 64 heimilistölvunni
og fylgihlutum.
COMMODORE 64 er hentug tölva jafnt fyrir byrjendur sem
lengra komna. Við hana er fáanlegur fjöldi forrita af ýmsum
geröum fyrir flestra þarfir, enda býöur COMMODORE 64 upp
á eitt stærsta úrval forrita sem fáanlegt er á eina heimilis-
tölvu.
Viö COMMODORE 64 heimilistölvuna er til fjöldi fylgitækja,
svo sem segulband, diskettudrif, prentari, teiknari, skjár,
stýripinnar og fleira. Þaö sem meira er: öll tengi fyrir jaöar-
tækin eru innbyggö í COMMODORE 64!
Kynnið ykkur fermingartilboð okkar á
COMMODORE 64.
Býður nokkur betur?