Morgunblaðið - 24.04.1985, Blaðsíða 4
4
MORGUNBLAÐIÐ, MIÐVIKUDAGUR 24. APRÍL1986
Hlakka til að byrja
nýtt líf í Kanada
- segir pólski flóttamaðurinn Jerzy Rundsztuk
„Ástandinu í Póllandi er best
lýst meó því aö vísa til dönsku
heimildarmyndarinnar, sem sýnd
var í íslenska sjónvarpinu á sunnu-
dagskvöld," sagði Pólverjinn Jerzy
Rundsztuk í samtali við blaða-
mann Morgunbiaðsins. Rund-
sztuk, sem er 29 ára gamall, hefur
dvalist hér á landi frá því í haust,
en fór í gær til Kanada, þar sem
hann hefur fengið landvist sem
pólitískur flóttamaöur.
í sjónvarpsmyndinni.sem
hann nefndi, kemur glögglega í
ljós það pólitíska og efnahags-
lega ófremdarástand, sem nú
ríkir í Póllandi, og hefur valdið
því að þúsundir Pólverja hafa
flúið land á undanförnum mán-
uðum. Rundsztuk sagði, að al-
mennt pólitískt ástand í Pól-
landi, og þó einkum hin bágu
lífskjör þar, hafi ráðið því, að
hann yfirgaf heimaland sitt.
Jerzy Rundsztuk kom hingað
til lands i október á síðasta ári
með knattspyrnufélaginu Wisla
Kraków, sem lék við Vestmann-
eyinga. Hann er ekki knatt-
spyrnumaður sjálfur, en hefur
lengi verið í félaginu og af þeim
sökum var honum leyft að fara
með því til íslands, en slíkt er
mjög óvanalegt. Það var í fyrsta
sinn, sem hann kom til Vestur-
landa. „Ég hafði oft velt því fyrir
mér að yfirgefa Pólland," sagði
hann, „en tók ekki endanlega
ákvörðun um það fyrr en eftir
símtal við bróður minn, sem er
búsettur í Kanada og stundar
þar veitingahúsrekstur.“
Rundsztuk dvaldi þá á hóteli í
Reykjavík og hafði samband við
útlendingaeftirlitið eftir að hann
tók hina afdrifaríku ákvörðun.
Meðan hann beið eftir svari frá
Kanadamönnum fór hann huldu
höfði í borginni og naut góðs af
liðsinni þeirra fjölmörgu Pól-
verja, sem hér eru búsettir.
Rundsztuk er frá borginni
Kraków í suðurhluta Póllands.
Hann starfaði þar sem verk-
stjóri í prentsmiðju og er lærður
bókagerðarmaður. „Launin voru
lág og starfið að auki ótryggt,“
sagði hann. Hann á foreldra og
systkini í Kraków og sagði að
móðir sfn hafi ekki tekið tíðind-
unum um landflóttann vel. „Það
er erfitt að segja fyrir um það
hvort þau eigi eftir að verða
fyrir einhverjum óþægindum
vegna flótta míns,“ sagði hann.
Bróðir hans, sem er búsettur í
Kraków, hafði sótt um leyfi til
að heimsækja kunningja sinn á
Vesturlöndum í tvo mánuði, en
var synjað um það. „Kannski var
það vegna þess að annar bróðir
minn er flóttamaður í Kanada.“
Á ekki von á breytingum
í Póllandi
Rundsztuk vildi ekki láta hafa
neitt eftir sér um hið pólitíska
og efnahagslega ástand, sem nú
ríkir í Póllandi, að öðru leyti en
því, að hann að hann staðfesti að
danska sjónvarpskvikmyndin,
sem áður var nefnd, væri um það
góð heimild. Hann kvaðst ekki
hafa verið félagi í Kommúnista-
flokknum, en vildi ekki svara því
hvort hann hefði tekið þátt í
starfi Samstöðu, óháðu verka-
lýðsh rey f i ngari n nar.
Blaðamaður Morgunblaðsins
MorgunblaAið/Árni Sœberg
Jerzy Rundsztuk
spurði Rundsztuk að því hvort
hann ætti von á því að einhverj-
ar breytingar yrðu á hinu póli-
tíska ástandi f Póllandi á næst-
unni. „Ég veit það ekki,“ sagði
hann, „ég á ekki von á því, en
auðvitað getur allt gerst þar.“
Jerzy Rundsztuk lét vel af
dvölinni á Islandi sl. hálft ár og
bað Morgunblaðið að koma á
framfæri þakklæti sínu til Pól-
verjanna og íslendinganna, sem
aðstoðuðu hann, svo og til út-
lendingaeftirlitsins og ræð-
ismanns Kanada hér.
„Ég hlakka til að byrja nýtt lif
í Kanada og held þangað glaður í
bragði,“ sagði Rundsztuk. „Til
Póllands fer ég aldrei aftur.“
GM
Fákur.
Firmakeppni
Hestamannafélagið Fákur heldur
sína árlegu firmakeppni á morgun,
sumardaginn fyrsta, og hefst hún kl.
14.30 á svæði félagsins á Víðivölium.
Alls hafa um þrjúhundruð
fyrirtæki skráð sig til keppni og
verður keppt í karla-, kvenna- og
unglingaflokki.
Nú er verið að leggja síðustu
hönd á nýtt félagsheimili Fáks,
sem er staðsett rétt fyrir ofan
skeiðvöllinn. Þaðan er gott útsýni
yfir völlinn og þar verða Fákskon-
ur með kaffisölu á meðan á firma-
keppninni stendur.
Einnig munu Fáksfélagar gefa
börnum kost á að skreppa á hest-
hak
Myndin var tekin á fírmakeppni Fáks í fyrra af fímm efstu keppendum í kvennafíokki. MorgunblaAia/SíK- Sigm.
*Wbjr ¥ wKádSk1
1 r M wsk 9gf Wv pír ' 1
Orkustofnun:
Hvetur til sam-
starfs um fersk-
vatnsmál
ORKUÍfTOFNUN hefur ritað eig-
endum vatnsréttinda á Suðurnesjum
bréf ásamt greinargerð um fersk-
vatnsmál á svæðinu og hvatt þá til
að stofna hið fyrsta til samstarfs um
þau mál. Sérstaklega er bent á nauð-
syn þess að skipuleggja vinnslu
ferskvatns og meðhöndlun úrgangs-
efna á svæðinu í því skyni að koma í
veg fyrir óhöpp vegna blöndunar við
salt vatn, eða vegna mengunar.
Greinargerðin var tekin saman
vegna umræðna í fjölmiðlum um
ferskvatnsmál á Suðurnesjum, en
þær urðu i framhaldi af heimild
sem stjórnvöld veittu SÍS-fyrir-
tækinu Islandslaxi hf. til vatns-
töku í landi ríkisjarðarinnar Stað-
ar við Grindavík. í bréfinu er það
tekið fram að ennþá hafi engin al-
varleg óhöpp orðið vegna blöndun-
ar við salt vatn eða vegna meng-
unar, en að hætta á þeim aukist
ört með vaxandi vinnslu fersk-
vatns nema fyllsta aðgæsla sé
viðhöfð og fullt tillit tekið til þess
að ferskvatnslagið á svæðinu er
ein heild.
Undir lok greinargerðar
Orkustofnunar segir: „Þó mikið
vatn renni til sjávar á utanverðum
Reykjanesskaga, þá er samt langt
frá því, að það sé óþrjótandi. Það
verður því að nýta þessa auðlind
með gát og nota til þess þá þekk-
ingu, sem þegar er fyrir hendi, og
afla viðbótarþekkingar eftir þörf-
um. Sérstaklega er nauðsynlegt að
rannsaka áhrif nýtingar á þessa
auðlind og fela einhverjum
ákveðnum aðila ákvörðunarvald
til að grípa inn í, ef þörf krefur.
Af framansögðu má ljóst vera
að samvinna landeigenda, sveitar-
félaga og annarra sem hagsmuna
hafa að gæta er nauðsynleg varð-
andi nýtingu á ferskvatnsauðlind-
inni. Landeigendur hafa einungis
takmörkuð ráð yfir grunnvatninu,
því það virðir ekki landamæri
eignarréttarins og það þarf ekki
mikið til að spilla því fyrir þeim
sem nýta vatn neðar í straumn-
um.“ —
INNLENT
Athugasemd vegna fréttar
um veiðar á friðuðum svæðum
VEGNA fréttar í Morgunblaðinu í
gær um dóma yfír skipstjórum
fímm togbáta fyrir veiðar á friðuðu
svæði útaf Stafnesi og töku togar-
ans Klakks VE á friðuðu svæði á
Selvogsbankatá, birtir blaðið hér á
eftir í heild fréttatilkynningu sjáv-
arútvegsráðuneytisins frá 20. mars
sl. um lokanir þessara svæða og
frétt Morgunblaðsins frá 27. marz
sl. sem unnin var uppúr þeirri
fréttatilkynningu.
Fréttatilkynningin
„Fréttatilkynning frá Sjávar-
útvegsráðuneytinu um stöðvun
veiða smábáta, bann við þorsk-
netaveiðum um páska og um
neta- og línusvæði.
Ráðuneytið hefur í dag gefið
út reglugerð um stöðvun veiða
smábáta, bann við þorskaneta-
veiðum um páska og um sérstök
línu- og netaveiði.
Samkvæmt reglugerð þessari
eru:
1. Allar veiðar báta minni en 10
brl. aðrar en grásleppuveiðar,
bannaðar frá og með 27. mars
til kl. 12.00 á hádegi 9. apríl
1985.
2. Allar þorsknetaveiðar bann-
aðar frá kl. 22.00 2. apríl 1985
til kl. 12.00 á hádegi 9. apríl
1985.
3. Allar togveiðar bannaðar frá
og með 9. apríl til og með 15.
maí 1985 á eftirgreindum
svæðum:
A. Norðan línu, sem dregin er
réttvísandi 270° frá Stafnes-
vita í punkt 63°58’3 N, 23°40’5
V og þaðan í eftirgreinda
punkta:
1) 64°04’9 N, 23°45’0
2) 64°04’9 N, 23°42’0
3) 64°20’0 N, 23°42’0
og þaðan í 90° réttvísandi.
B. Á svæði, sem markast af lín-
um sem dregnar eru milli eft-
irgreindra punkta:
1) 63°10’0 N, 22°00’0 V
2) 63°25’3 N, 22°00’0 V
3) 63°33’7 N, 23°03’0 V
Sjávarútvegsráðuneytið,
20. mars 1985.“
Frétt Morgunblaðsins
„Sjávarútvegsráðuneytið:
Reglugerð um stöðvun veiða.
Sjávarútvegsráðuneytið hefur
gefið út reglugerð um stöðvun
veiða smábáta, bann við þorsk-
netaveiðum um páska og sér-
staka línu- og netaveiði.
Samkvæmt reglugerðinni eru
allar veiðar báta minni en 10 brl.
aðrar en grásleppuveiðar bann-
aðar frá og með 27. mars til
klukkan 12.00 á hádegi 9. apríl
næstkomandi. Þá eru allar
þorsknetaveiðar bannaðar frá
klukkan 22.00 2. apríl til klukkan
12.00 á hádegi 9. aprfl. Einnig
eru togveiðar bannaðar frá og
með sama degi til og með 15. maí
á eftirgreindum svæðum:
A. Norðan línu sem dregin er
réttvísandi 270 frá Stafnes-
vita f punkt 63°58’3 N,
23°40’5 V og þaðan í eftir-
greinda punkta:
1. 64°04’9 N 23°45’0
2. 64°04’9 N 23°42’0
3. 64°20’0 N 23°42’0 og það-
an í 90° réttvísandi.
B. Á svæði sem markast af lín-
um sem dregnar eru milli eft-
irgreindra punkta:
1. 63° 10,0 N 22°10,0 V
2. 63°25,3 N 22°00’0 V
3. 63°33,7 N 23°03’0 V
I frétt Morgunblaðsins í gær
kom fram, að skipstjórar togbát-
anna fimm og skipstjóri Klakks
VE töldu sig hafa verið á lögleg-
um veiðum á friðuðu svæðunum
og bentu máli sínu til stuðnings
á ofangreinda frétt Morgun-
blaðsins.
Skipstjórar togbátanna töldu
fréttina gefa til kynna að svæð-
inu útaf Stafnesi yrði lokað
' C«Mltigi<Ml«jiigtN
VAHI* *
' All/il' VI lOAlf
4
4
♦
27/3-'VS
6’j’
----L—I----1--1---1--1___1__i___|___|__1___|__|___l--L... .1_J--1 ...J _L...I
24* 23' 22"
Kort af bannsvæðunum, sem fylgdi fréttatilkynningu sjivarútvegsráðu-
neytisins.
klukkan 12 á hádegi 9. apríl en
ekki á miðnætti eins og segir í
reglugerðinni.
Ef hins vegar fréttatilkynning
ráðuneytisins og frétt Morgun-
blaðsins eru bornar saman kem-
ur í ljós, að þær eru samhljóða
um þetta atriði. Togveiðar eru
bannaðar frá og með 9. aprfl til og
með 15. maí á hinum tilteknu
svæðum en ekki er sérstaklega
getið á hvaða tíma dags bannið
hefst eða því lýkur.
Aftur á móti er ein prentvilla í
frétt Morgunblaðsins þegar til-
greindir eru viðmiðunarpunktar
friðuðu svæðanna.
í fréttinni segir um 1. punkt
svæðis B, þ.e. svæðið, þar sem
Klakkur VE var tekinn, að hann
sé
63°10’0 N, 22°10’0 V
en í fréttatilkynningunni stóð
63°10’0 N, 22°00’0 V.
Sjá ennfremur forystugrein-
ina „Morgunblaðið og Stjómar-
tfðindi* á miðopnu blaðsins.
Ritstj.