Morgunblaðið - 21.05.1985, Qupperneq 33

MORGUNBLADIÐ, ÞRIÐJUDAGUR 21. MAl 1985
33
Sovétríkin:
Vilja fá bestu-
kjara-samninga
- í viðskiptum sínum við Bandaríkjamenn
Moskvu, 20. maí. AP.
MALCOLM Baldrige, viðskiptaráðherra Bandaríkjanna, átti í dag
fund með Mikhail S. Gorbachev, leiðtoga Sovétmanna, í Moskvu og
er hann fyrsti bandarískí ráðherrann, sem hann hittir ef frá eru
skildir þeir, sem voru viö útlor Chernenkos. í Moskvu standa nú yfir
fyrstu viðræður Bandaríkjamanna og Sovétmanna um viðskipti, sem
fram hafa farið í sjö ár.
Síðustu viðskiptaviðræður þjóð-
anna fóru fram árið 1978 en ríkis-
stjórn Carters hætti þeim eftir
innrás Sovétmanna í Afganistan.
Þeir Gorbachev og Baldrige hafa
að sjálfsögðu rætt um viðskipta-
málin en það eitt er þó vitað með
vissu um fund þeirra í dag, að þeir
töluðu í langan tíma um hesta,
sem báðir hafa mikinn áhuga á.
Baldrige og Nikolai S. Patolich-
ev, utanríkisviðskiptaráðherra
Sovétríkjanna, settu fundinn í dag
og hóf Patolichev mál sitt með því
að fara fram á það við Banda-
ríkjamenn, að Sovétmenn fengju
að njóta bestu-kjara-samninga í
viðskiptum við þá. Eru slík kjör
annars ætluð þeim þjóðum, sem
eru í nokkru vinfengi við Banda-
ríkjamenn. Ekki er talið líklegt, að
við þessum óskum verði orðið
nema Sovétmenn slaki á klónni
gagnvart gyðingum og ieyfi fleir-
um að flytjast úr landi.
Sri Lanka:
Stjórnarhermenn
myrða 59 Tamfla
('olombo, Sri Lanka, 20. maí. AP.
Stjórnarhermenn á Sr' Lanka
myrtu fyrir helgi 59 óvopnaðe Tam-
íla, brenndu líkin og reyndu síðan að
fela verksummerkin. Eru þessar
fréttir hafðar eftir einum leiðtoga
Tamfla.
Paul Nallanayagam, leiðtogi
Tamila í bænum Kalmunai á aust-
urströndinni, sagði í gær, að her-
menn úr öryggissveitum stjórnar-
innar hefðu á föstudag og laugar-
dag skotið til bana 59 óvopnaða
Tamíla. Hefðu þeir sfðan grafið
líkin en svo tekið þau upp aftur og
brennt þau til að reyna að fela
ódæðisverkið. Héraðsstjórinn á
þessum slóðum segist enga vitn-
eskju hafa um þetta en Nallana-
yagam hefur farið fram á opin-
bera rannsókn.
Június R. Jayewardene, forseti
Sri Lanka, fordæmdi í gær þau
grimmdarverk, sem hermenn
stjórnarinnar hefðu gert sig seka
um og hvatti til meiri aga í hern-
um. Tilkynnti hann jafnframt, að
herinn yrði efldur að mönnum og
vopnum í baráttunni við skæru-
liða Tamíla, sem berjast fyrir
sjálfstæðu ríki á norðurhluta eyj-
arinnar.
Enn eitt fórnarlamb
hermannaveikinnar
Sufford, Englandi, 20. nuí. AP.
TALSMAÐUR sjúkrahússins í Stafford greindi frá því í dag að 72
ára gömul kona hefði látist i nótt, banameinið hefði verið hermanna-
veiki og þar með hafa 37 látist úr veikinni í þeirri hrinu sem staðið
hefur yfir síðustu vikurnar á þessum slóðum.
46 sjúklingar eru haldnir her-
mannaveiki í sjúkrahúsum á þess-
um slóðum og sumir þeirra eru
þungt haldnir. Síðasta dauðsfallið
kom innan við sólarhring eftir að
heilbrigðisyfirvöld lýstu yfir
bjartsýni á að veikin væri loks í
rénun þar eð enginn sjúklingur
hefði bæst við í tvo sólarhringa.
Hermannaveiki berst með bakt-
eríum sem er að finna í vatni og
jarðvegi og lýsir sér sem slæm
inflúensa eða lungnabólga. Lækn-
ar í Stafford-sjúkrahúsinu, þar
sem flestir sjúklingarnir eru sam-
ankomnir, sögðu í dag að óvíst
væri að það fyndist nokkurn tím-
ann út með hvaða hætti sjúkdóm-
urinn náði sér á strik, því athug-
anir sem gerðar voru á raka í
loftræstikerfi hússins hefðu leitt í
ljós að hermannabakteríurnar
voru eigi þar í leyni.
Engin ein dýna er rétt fyrir alla.
ÓsKir um verð og gerð eru margbreytilegar eftir efnum og ástæðum.
En þar komum við inn í málið og hönnum þá einu réttu fyrir hvern og einn
- fyrir öll hugsanleg rúm og aðstæður.
Og það er mesti misskilningur að slík persónuleg þjónusta sé dýrari.
Verðið fer eftir gerðinni og gerðirnar eru margar-já allt niður í ótrúlega ódýrar.
121 REYKJAVlK
Frambrettí
á MAZDA 323 ’81—85
kostar 5.240 krónur.
Hvað kostar frambrettí á
bílínn þínn?: BILABORG
HR Smiðshöfða 23. S. 81265