Morgunblaðið - 19.06.1985, Blaðsíða 68
68
MORGUNBLAÐIÐ, MIÐVIKUDAGUR 19. JÚNÍ 1985
Magnús L Sveinsson, forseti borgarstjórnar, leggur blómsveig frá Reykvíkingum á leiði Jóns Sigurðsson-
ar í kirkjugarðinum við Suðurgötu.
Forseti tslands, frú Vigdís Finnbogadóttir, leggur blómsveig frá íslensku þjóðinni að
minnisvarða Jóns Sigurðssonar á Austurvelli.
Hátíðahöld í Reykjavík 17. júní:
Milli 10 og 15 þúsund manns
söfnuðust saman í miðbænum
HÁTÍÐAHÖLD í Reykjavík á þjóðhátíðardaginn tókust mjög vel samkvæmt
upplýsingum lögreglunnar í Reykjavík og söfnuðust milli 10 og 15 þúsund
manns saman í miðbænum á meðan flutt voru þar skemmtiatriði.
Hátíðin sett á Austurvelli
Dagskráin hófst kl. 10 með því
að Magnús L. Sveinsson, forseti
borgarstjórnar, lagði blómsveig
frá Reykvíkingum á leiði Jóns Sig-
urðssonar í kirkjugarðinum við
Suðurgötu. Því næst var hátíðin
sett á Austurvelli af Kolbeini H.
Pálssyni, formanni Æskulýðsráðs
Reykjavíkur.
Forseti íslands, frú Vigdís
Finnbogadóttir, lagði síðan
blómsveig frá íslensku þjóðinni að
minnisvarða Jóns Sigurðssonar og
forsætisráðherra, Steingrímur
Hermannsson, ávarpaði við-
stadda. Guðsþjónusta hófst i
Dómkirkjunni kl. 11.15 og þjónaði
séra Agnes M. Sigurðardóttir
fyrir altari.
Frá kl. 13 til 17 var ýmislegt til
skemmtunar í borginni. Hægt var
að leika mini-golf í Hallargarðin-
um eða bregða sér í skemmtisigl-
ingu á Tjörninni. I hljómskála-
garðinum höfðu skátafélagar reist
tjaldbúðir og gengust þeir fyrir
alls kyns útileikjum. Þá voru
íþróttamenn með golf- og glímu-
sýningu.
Klukkan 14.20 var gengið í
skrúðgöngu frá Hlemmtorgi,
niður Laugaveg og Bankastræti. Á
Lækjartorgi, í Lækjargötu og í
Bankastræti voru flutt fjölbreytt
skemmtiatriði til kl. 17.
Randver Þorláksson, Örn Árna-
son og Sigurður Sigurjónsson
fluttu leikþátt fyrir börn og þeir
félagar Jón Páll og Bjössi bolla
létu gamminn geisa, svo dæmi séu
tekin. Þá sýndi Sultuleikhúsið
leikþátt og í aðalhlutverki var stór
og stæðilegur dreki sem öllum að
óvörum birtist í Bankastræti.
Um 5 þús. ungmenni á hljóm-
ieikum í Laugardalshöll
Um fimm þúsund ungmenni
sóttu hljómleikana sem haldnir
voru í Laugardalshöll um kvöldið,
en þar komu fram hljómsveitirnar
Mezzoforte, Grafík og Gipsy, og
tónlistarmennirnir Megas og
Bubbi Morthens. Að sögn lögregl-
unnar í Reykjavík fóru hljómleik-
arnir vel fram og engin óhöpp
urðu. Þá var einnig kvöldskemmt-
un í miðbænum þar sem Hljóm-
sveit Magnúsar Kjartanssonar,
Rikshaw og Léttsveit Ríkisút-
varpsins léku fyrir dansi til kl.
23.30.
Þessi hnáta lét það ekkert á sig fá
þó að hún yrði stundarkorn viðskila
við pabba og mömmu, enda í önigg-
um höndura lögregluþjónsins.
Fjöldi fólks safnaðist saman við Tjörnina þar sem hægt var að fara í skemmtisiglingu á róðrarbátum sem
siglingaklúbbur Æskulýðsráðs Reykjavíkur lét f té.
Skemmtiatriðin féllu greinilega í góðan jarðveg.
Leiktækin sem skátsfélagar reistu í Hljómskálagarðinum
vöktu mikia hrifningu meðal yngstu kynslóðarinnar.