Morgunblaðið - 27.11.1985, Blaðsíða 2

2
MORGUNBLADID, MIDVIKUDAGUR 27. NÓVEMBER1985
Borgarstjómarkosningar:
Sameiginlegur
listi Alþýðu-
flokks og BJ?
R/ETT hefur verid um það að undanfórnu að Alþýðuflokkurinn og Banda-
lag jafnaðarmanna verði með sameiginlegan framboðslista jafnaðarmanna
í borgar- og sveitarstjórnakosningunum á næsta ári. Fylgir það sögunni
að stefnt sé að því að Stefán Benediktsson, BJ, skipi eitt af efstu sætunum
hér í Keykjavík. I»eir Jón Baldvin Hannibalsson, formaður Alþýðuflokks-
ins, og Stefán Benediktsson, þingmaður BJ, staðfestu í gær að viðræður
þessa efnis hefðu farið fram á míllí flokkanna, þótt þær væru enn óform-
legar.
„A kjördæmisþingi Alþýðu-
flokksins í Reykjavík í september,
lýsti ég því í framsöguræðu að ég
teldi sameiginlegt framboð jafnað-
armanna til borgarstjórnar vera
Ölfus:
Bíl ekið inn
í hrossahóp
ÞAÐ SLYS varð í Ölfusinu við Gljúf-
urholt í gærkvöldi að bifreið var ekið
inn í hrossahóp á þjóðveginum, með
þeim afleiðingum að tvö hrossanna
drápust, og það þriðja varð að aflífa.
Olafur Jónsson varðstjóri lög-
reglunnar á Selfossi sagði I samtali
við Morgunblaðið í gærkveldi að
slysið hefði átt sér stað á áttunda
tímanum í gærkveldi og bíllinn,
sem var stór amerískur fólksbíll
hefði stórskemmst við árekstur-
inn, en ökumaðurinn hefði ekki
meiðst. Sagði hann að ökumaður-
inn hefði ekki séð hrossahópinn
fyrr en of seint. Ólafur sagði að
hreint vandræðaástand skapaðist
oft meðfram vegum í ölfusinu
vegna þess að búfjáreigendur
gættu ekki nógu vel að skepnum
sinum og að því að þær slyppu
ekki úr girðingu.
mjög álitlegan kost. Það fer ekkert
á milli mála að við höfum leitað
eftir samstöðu og samstarfi við
Bandalag jafnaðarmanna, og lagt
áherslu á að það væri tiltölulega
fátt sem okkur greindi á um,“ sagði
Jón Baldvin í gær. „Eðlilega hefur
sú hugmynd komið upp og verið
rædd'i okkar röðum, að þessu
samstarfi mætti koma á í eðlileg-
um áföngum," sagði Jón Baldvin,
„og það hlyti að koma mjög til
álita að samstarf gæti tekist um
borgarmálefni í Reykjavík, og
kannski sveitarstjórnarmálin. Síð-
an hefur þetta mál verið á um-
ræðustigi, en það hafa engar
ákvarðanir verið teknar."
Stefán Benediktsson þingmaður
BJ sagði í samtali við blaðamann
Morgunblaðsins um þetta mál:
„Það eru engar alvarlegar umræð-
ur um þetta I gangi, en aftur á
móti, þá hefur þetta borið á góma
hvað borgar- og sveitastjórna-
kosningum viðvíkur, og ég get í
sjálfu sér ekki séð neitt því til
fyrirstöðu að við getum ekki náð
þar málefnalegri samstöðu."
Stefán var spurður hvort það
væri rétt að ef af slíku samstarfi
yrði, myndi hann skipa efsta sætið
á lista jafnaðarmanna í Reykjavík:
„Það er algjörlega órætt mál hvar
hver maður verður á lista, enda
ekki til umræðu fyrr en viðræður
eru komnar á alvörustig."
Hlutur kvenna til lítils
sóma fyrir flokkinn
— segir frú Auður Auðuns, fyrrverandi ráðherra
„MÉR finnst
hlutur kvenna
í þessu próf-
kjöri vera til
lítils sóma fyr-
ir Sjálfstæðis-
flokkinn, líkt
og í síðasta
prófkjöri,”
sagði frú Auður Auðuns, fyrrver-
andi ráðherra er hún var innt
álits á niðurstöðum í prófkjöri
Sjálfstæðisflokksins í Reykjavík
í samtali við Morgunblaðið.
„Ég átti svo sannarlega von á
að árangur kvenna yrði betri I
prófkjörinu. Það er engu líkara
en að kjósendur Sjálfstæðis-
flokksins beri ekki traust til
kvenna.
Þeir eru margir sem halda því
fram að prófkjör I núverandi
mynd hafi gengið sér til húðar.
Ég er sammála þeim. Það er ekki
eðlilegt hvernig að þessu er stað-
ið. Fjárráð eiga ekki að ráða
neinu um val fulltrúa borgarbúa
í borgarstjórnina," sagði frú
Auður Auðuns.
Konur hefðu þurft
að vera fleiri og ofar
— segir Ragnhildur Helgadóttir heil-
brigðis- og tryggingamálaráðherra
„ÉG hefði vilj-
að sjá hlut
kvenna miklu
stærri í þessu
prófkjöri,"
sagði Ragn-
hildur Helga-
dóttir heil-
brigðis- og
tryggingamálaráðherra. „Þó er
vissulega mikils um vert að 6
konur eru í 15 efstu sætunum.
En þær hefðu þurft að vera fleiri
og ofar á listanum.
Engu að síður er það svo að
áhrifa kvenna mun gæta mjög
mikið i borgarstjórn með þessari
skipan lista. Vegna þess að í
borgarstjórn þá eru varamenn
mjög virkir og borgarstjórnar-
flokkur sjálfstæðismanna tekur
mikinn þátt í hvers konar
ákvörðunum á sviði borgarmála
og ber mikla ábyrgð í ýmiss
konar starfi borgarstjórnar eða
á hennar vegum. En óneitanlega
er niðurstaða mín sú að ég hefði
viljað sjá mun fleiri konur ofar
á listanum."
Sá síðasti „stendur í mönnumu
GÖMLU hitaveitugeymarnir í Öskjuhlíðinni hafa
horfið einn af öðrum upp á síðkastið — og nú stendur
aðeins einn þeirra eftir. „Hann stendur eitthvað í
mönnum — það er hart í þessu,“ sagði Gunnar Krist-
insson hjá Hitaveitu Reykjavíkur í samtali við Morg-
unblaðið en bætti við að sá síðasti yrði eflaust horfinn
innan fárra daga.
Að sögn Gunnars á að vera búið að hreinsa og
slétta svæðið fyrir 15. janúar næstkomandi og þá
verður strax hafist handa við að reisa undirstöður
undir nýja geyma sem rísa munu á sama stað. Það
verk verður boðið út í desember.
Reistir verða sex nýir stálgeymar í líkingu við
þá gömlu. Stærri geymar eru þarna við hliðina,
eins og sést vel á meðfylgjandi mynd Árna Sæ-
bergs, sem hann tók á dögunum er hann flaug yfir
öskjuhlfðina.
Þorsteinn Pálsson fjármálaráðherra um vanda Hafskips:
„Engin áform um hluta-
fjárframlög eða ábyrgðiru
„I FYRSTA lagi þá hafa engar óskir
komið fram um það að ríkið bjargi
þessu fyrirtæki," sagði Þorsteinn
Fálsson fjármálaráðherra er hann
var spurður hvort það kæmi til
greina af hans hálfu að ríkissjóður
kæmi Hafskip/íslenzka skipafélag-
inu til bjargar. Þorsteinn var spurð-
ur þessarar spurningar í tilefni orða
Jóns G. Zoega, lögmanns Hafskips
og stjórnarmanns Islenzka skipafé-
lagsins á starfsinannafundi Haf-
skips, en þar sagði hann að nú
gætu stjórnmálamenn látið að sér
kveða í máli, sem varðaði marga
kjósendur.
Þorsteinn sagði jafnframt að
hann hefði ekki verið á áðurnefnd-
um fundi, og því gæti hann ekki
tjáð sig um það sem þar hefði farið
fram. „Þetta félag hefur að sjálf-
sögðu haft fullan tilverurétt og
óskorað athafnafrelsi, en það eru
ekki nein áform uppi um það meðal
stjórnvalda, að ríkið fari að blanda
sér i kaupskipaútgerð, hvorki með
hlutafjárframlögum, né ábyrgð-
um,“ sagði fjármálaráðherra.
„Ég tel að það sé miður hvernig
komið er fyrir þessu skipaféiagi,
því það hefur virkilega gegnt
mikilvægu hlutverki í flutninga-
starfsemi og í því að viðhalda
eðlilegri samkeppni," sagði fjár-
málaráðherra.
Þórður H. Hilmarsson, framkvæmdastjóri íslenzka skipafélagsins:
„Biðjum um skilning á
tilverurétti félagsins“
„ÉG VIL ekki orða það á þann
hátt, að við séum að fara fram á
beina fjárhagslega aðstoð stjórn-
valda, heldur vil ég fyrst og fremst
meina að þarna sé verið að biðja
stjórnvöld um almennan skilning á
tilverurétti þessa félags,“ sagði
Þórður H. Hilmarsson, fram-
kvæmdastjóri íslenzka skipafélags-
ins, er blaðamaður Morgunblaðsins
spurði hann í gær, hvort líta bæri
á þau orð Jóns G. Zoéga, eins
stjórnarmanna íslenzka skipafé-
lagsins á starfsmannafundi Haf-
skips í fyrradag, sem beiðni um
fjárhagslega björgunaraðgerð
stjórnvalda.
Þórður sagði að allir vissu hvað
gerðist með þjónustu- og flutn-
ingsgjöld, ef þetta félag hyrfi af
sjónarsviðinu og Eimskip og SÍS
væru ein eftir. „Sá stuðningur sem
við þurfum á að halda," sagði Þórð-
ur, „er fyrst og fremst að það
takist að semja um skuldastöðu
Hafskips á þeim grundvelli, að við
getum staðið undir því. Við teljum
okkur geta staðið undir slíku, að
gefnum ákveðnum forsendum.
Þetta er náttúrlega mál sem vinnst
á milli okkar samninganefndar og
Útvegsbankans."
Ágæti — nýja sölu-
félagið tekur til starfa
HIÐ NÝJA sölufyrirtæki matjurtaframleiðenda, sem tekur til starfa um
næstu mánaðamót, hefur hlotið nafnið Ágæti. Ágæti mun annast heildsölu
á matjurtum, innlendum sem innfluttum. Það hefur tekið fasteignir Græn-
metisverslunar landbúnaðarins við Síðumúla á leigu og keypt lausafjármuni.
Starfsemi (írænmetisverslunar verður þá jafnframt hætt.
Forsvarsmenn Ágætis, Gestur sem ekki nyti neinna sérréttinda
Einarsson framkvæmdastjóri fyr-
irtækisins og Ólafur Sveinsson
fjármálastjóri, boðuðu í gær til
blaðamannafundar til að kynna
þessar breytingar. Sögðu þeir að
félagið ætlaði að standa undir
nafni og sanna ágæti sitt. Þetta
væri nýtt fyrirtæki í eigu frjálsra
samtaka matjurtaframleiðenda
umfram önnur heildsölufyrirtæki.
Sögðust þeir vera að byggja fyrir-
tækið frá grunni og væru breyting-
arnar nú ekki aðeins breytingar á
ásjónu gömlu Grænmetisverslun-
arinnar, heldur algerlega nýtt
fyrirtæki með mun fjölbreyttara
vöruúrval. Ágæti fer nú út í sölu
á tómötum, gúrkum, papriku og
sveppum, í samkeppni við önnur
sölufyrirtæki á þessu sviði, meðal
annars Sölufélag garðyrkjumanna
og fleiri nýjungar mætti nefna.
SÍM hefur gert samkomulag við
landbúnaðarráðuneytið um að fela
sérstökum gerðardómi að skera úr
um það hver sé réttarstaða Græn-
metisverslunar landbúnaðarins,
það er hvort stofnunin sé ríkis-
stofnun eða sjálfseignarstofnun.
Úrskurður gerðardómsins verður
endanleg niðurstaða í málinu.