Morgunblaðið - 27.11.1985, Blaðsíða 19

MORGUNBLAÐIÐ, MIÐVIKUDAGUR 27. NÓVEMBER1985
19
Morgunblaöid/ól.K.Mag.
Frá vinstri á myndinni eru: Ingibjörg K. Jónsdóttir iormaður Fósturfélags íslands, Valborg Sigurðardóttir fyrrver-
andi skólastjóri Fósturskóla íslands og skipuð sem faglegur ráðgjafi í nefndina, Svandís Skúladóttir formaður
nefndarinnar sem vann að áætluninni og lengst til hægri er Margrét Pála Olafsdóttir fulltrúi Fósturfélags íslands
í nefndinni og jafnframt varaformaður félagsins.
Ráðstefna Fóstrufélags íslands:
Ný uppeldisáætlun fyrir
dagvistarheimili kynnt
RÁÐSTEFNA var haldin á vegum
Fóstrufélags íslands í samráði við
menntamálaráðuneytið að Borgar-
túni 6 síðastliðinn laugardag þar sem
m.a. var kynnt nýútkomin uppeldis-
áætlun fyrir dagvistarheimili. Um
260 manns sóttu ráðstefnuna: fóstr-
ur, þroskaþjálfar auk annarra þeirra
er að uppeldis- og skólamálum starfa.
Áætlunin, sem komin er út í bók,
inniheldur markmið og leiðir í
uppeldi á dagvistarheimilum og
hefur slíkt rit ekki áður komið út
hér á landi, að sögn Ingibjargar
K. Jónsdóttur formanns Fóstrufé-
lags íslands. „Ritið er fyrst og
fremst mikilvægt vinnuplagg fyrir
fóstrur sem gegnir sama hlutverki
og námsskrár gera fyrir kennara
í skólum.
Þetta er í fyrsta sinn sem slíkt
rit er gefið út hér á landi og
markar því tímamót í sögu uppeld-
ismála á Íslandi. Á fundinum kom
fram almenn ánægja meðal fóstra
með ritið og geri ég nú ráð fyrir
að hvert dagvistarheimili muni
endurskoða starf sitt og samræma
þeim hugmyndum sem fram koma
í áætluninni,“ sagði Ingibjörg.
í 1. grein laga um byggingu og
rekstur uppeldisstofnana segir að
markmiðið með starfsemi dagvist-
arheimila sé að gefa börnum kost
á að njóta handleiðslu sérmennt-
aðs fólks í uppeldismálum og búa
þeim þau uppeldisskilyrði er efli
persónulegan og félagslegan
þroska þeirra. Fóstrum þótti vanta
reglugerð er kveði á um leiðir til
að ná markmiðunum og árið 1981
var samþykkt tillaga á Alþingi
frá Guðrúnu Helgadóttur um að
gerð yrði starfsáætlun á vegum
menntamálaráðuneytisins er
kvæði nánar á um markmið og
leiðir í uppeldisstarfi á dagvistar-
heimilum í samráði við aðila er
að uppeldis- og skólamálum vinna.
í júlí 1982 skipaði menntamálaráð-
herra níu manna nefnd til að
semja starfsáætlunina, sem nú er
að líta dagsins ljós.
Uppeldisáætlunin skiptist í níu
kafla og er alls 90 blaðsíður. Fyrst
er fjallað um hugmyndafræði að
baki uppeldisstarfi á dagvistar-
heimilum og hlutverk þeirra í nú-
tíma þjóðfélagi. Þá segir frá meg-
instraumum í hugmyndafræði
uppeldis og menntunar á Vestur-
löndum og áhrif þeirra á forskóla-
uppeldi. Leitast er við að svara
hvers vegna sé þörf á markmiðum
fyrir uppeldisstörf og ýmis uppeld-
issvið eru tekin til athugunar í
bókinni.
Á sunnudag var síðan haldinn
vinnudagur, sérstaklega fyrir þær
fóstrur sem komu utan af landi,
til að fá fram sjónarmið þeirra
viðvíkjandi uppeldismál. „Þær
voru almennt sammála um að
mikið skorti á skilning yfirvalda
dagvistarstofnana, sem eru við-
komandi sveitarfélög, og vildu þær
eindregið auka á skilning ráða-
manna á nauðsyn þessara stofn-
ana sérstaklega nú þar sem færst
hefur í vöxt að foreldrar barna
vinni bæði úti,“ sagði Ingibjörg.
Sautjánda bindi björg-
unar- og sjóslysasögu
BÓKAÚTGÁFAN Örn og Örlygur
hefur gefið út bókina Þrautgóðir
á raunastund eftir Steinar J. Lúð-
vfksson og er bókin sautjánda
bindið í bókaflokknum um björg-
unar- og sjóslysasögu íslands.
í frétt frá útgefanda segir, að
í bókinni sé getið margra sögu-
legra atburða er urðu á árunum
1967 og 1968 sem bókin fjallar
um. Meðal stærri atburða er
nefnd frásögn um mannskaða-
veðrin er urðu snemma árs 1968
er breski togarinn Kingston
Peridot fórst með allri áhöfn
fyrir norðan land, breski togar-
inn Ross Cleveland og vélbátur-
inn Heiðrún II. fórust á ísafjarð-
ardjúpi og togarinn Notts Counti
strandaði við Snæfjallaströnd.
Sagt er frá einstæðri björgun
Harry Eddoms, sem var eini
maðurinn sem komst lífs af er
Ross Cleveland fórst, sagt frá
frækilegri björgun áhafnarinnar
af Notts Counti og greint ítar-
lega frá réttarhöldunum sem
fram fóru í Bretlandi eftir sjó-
slysin. t bókinni er greint frá
fjölmörgum öðrum atburðum,
m.a. björgun áhafnar vélskipsins
Stíganda er fórst langt norður í
höfum 1967.
1 fréttatilkynningu Arnar og
örlygs segir ennfremur: „Bóka-
flokkurinn Þrautgóðir á rauna-
stund er þegar orðinn einn viða-
mesti bókaflokkur hérlendis.
Efnisskipan er með þeim hætti
að hvert ár er út af fyrir sig en
atburðum gerð misjafnlega
mikil skil eftir eðli þeirra og
atvikum. Hverju ári fylgir ná-
kvæm atburðaskrá í tímaröð.
Steinar J. Lúðvíksson
Mörgum atburðanna lýsa
menn sem hlut áttu að máli,
ýmist sem björgunarmenn eða
þeir sem bjargað var. óhætt er
að segja að hér sé á ferðinni
áhrifamikil og oft hrikaleg
samtíðarsaga, einn af veigameiri
þáttum íslandssögunnar.“
Sautjánda bindið var filmu-
sett og prentað hjá Prentstofu
G. Benediktssonar en bundin
hjá Arnarfelli hf. Sigurþór Jak-
obsson teiknaði kápuna.
aðra tslendinga, leyfum við okkur
að líta svo á, að við séum borgarar
í þessu þjóðfélagi, sem höfum full-
an rétt til þess að standa vörð um
lífshagsmuni okkar, ekki sízt,
þegar sýnt er, að hagsmunir okkar
stangast ekki á við — og reyndar
í fyllsta samræmi við — þá kröfu,
sem ber að gera til þess, að fyrir-
tækjarekstur sé byggður á heil-
brigðum grundvelli. Við þurfum
atbeina ykkar til þess að íslenzka
skipafélagið hf. og Útvegsbanki
íslands fái frið til þess að vinna
að heilbrigðri lausn þessa máls,
og sérstaklega, að því gjörninga-
veðri, sem beint hefur verið að
Útvegsbanka íslands út af þessu
máli linni nú og bankinn fái sið-
ferðilegan stuðning í málinu í stað
ómaklegra árása.
I umræðunni undanfarið hefur
á stundum mátt heyra raddir, sem
gert hafa mikið úr því að Hafskip
hafi ekki safnað eignum. Af hverju
skyldi það vera? Við, sem störfum
þar, vitum svarið. Það er vegna
þess að það hefur alltaf verið
markmið fyrirtækisins að láta
viðskiptavininn njóta ábatans,
sem hefur komið fram í lægri
flutningsgjöldum og væntanlega
þar með lægra vöruverði en ella.
Hvers vegna er aldrei reynt að
meta, hver ágóði þjóðarinnar er
af þessu? Hvers vegna er aldrei
minnst á þann gífurlega sparnað,
sem orðið hefur í erlendum flutn-
ingsmiðlunarkostnaði vegna þess
aðhalds, sem starfsmenn Hafskips
erlendis hafa veitt? Hvers vegna
er eilíflega klifað á því, að Útvegs-
banki íslands kunni að tapa ein-
hverjum fjármunum í viðskiptum
við Hafskip en aldrei á það minnst,
hvort bankinn hafi ekki haft hagn-
að af viðskiptum sínum við fyrir-
tækið í 27 ár? Og bankinn á von-
andi eftir að hafa hag af því í
framtíðinni, ef það mikilvæga
verkefni tekst að koma rekstri
Islenzka skipafélagsins hf. á heil-
brigðan grundvöll. Þess mun þjóð-
arbúið einnig njóta.
Til viðbótar þeim siðferðilega
stuðningi, sem við förum fram á,
viljum við einnig beina þeirri
áskorun til ykkar stjórnmála-
mannanna og yfirvalda banka- og
sjóðamála, að þessir aðilar með
ykkur í fararbroddi greiði fyrir
því, að fjárhagslegur stuðningur
verði veittur til þess að íslenzka
skipafélagið hf. geti hafið rekstur
sinn af myndarskap. Við förum
ekki fram á gjafafé. Aðeins tíma-
bundna aðstoð, sem er alveg óhjá-
kvæmileg, ekki sizt vegna þess,
hversu fljótt hlutimir þurfa að
gerast og hversu lítinn tíma
stjórnendur Islenzka skipafélags-
ins hf. og við starfsmenn Hafskips
höfum haft í þessu máli. Við telj-
um það enga goðgá, nema síður sé,
þótt fyrirtæki í Reykjavík og
starfsmenn þess fái lífsnauðsyn-
lega aðstoð til þess að greiða úr
örðugleikum, sem í raun og veru
eru ekki meiri en vandamál úr
öðrum landshlutum og öðrum at-
vinnugreinum, sem stjórnvöld
reyna nær daglega að leysa, og þá
skyldu menn ekki heldur gleyma
því, að björgunarsveit okkar hefur
lagt metnað sinn í það, svo sér-
staka athygli hefur vakið, ekki
aðeins að tryggja áframhaldandi
rekstur fyrirtækisins og atvinnu
starfsmanna þess, heldur og að
standa vörð um hagsmuni við-
skiptabanka síns og þar með hins
sameiginlega sjóðs allra lands-
manna.
Þegar þetta allt er haft í huga,
finnst okkur við geta borið höfuðið
hátt, þegar við förum fram á
stuðning ykkar, sem við setjum
traust okkar á að fá.
Góð kaup fyrir kulsækna
aðeins 30% útborgun
Höfum fengið glæsilegan mokkafatnað
frá Iðnaðardeild Sambandsins til sölu
á mjög hagstæðu verði.
Aðeins 30% útborgun og eftirstöðvar
í þrennu lagi eða staðgreiðsluafsláttur.
Tækifæri sem enginn kulsækinn ætti AA\\Æ\ |/N|nr%|
að láta ganga sér úr greipum. xKIIIvLI\3*IÍCB/wIiC
Greiðslukortaþjónusta. MIKIÐ FYRIR LÍTIÐ