Morgunblaðið - 27.11.1985, Blaðsíða 4

4
MORGUNBLAÐIÐ, MIÐVIKUDAGUR 27. NÓVEMBER1985
Tólf efstu í prófkjöri Sjálfstæðisflokksins í Reykjavík
Davíð Oddsson:
Einkenni
prófkjörsins
var gott úrval
frambjóöenda
„ÚRSLITIN í
þessu prófkjöri
koma út af fyrir
sig ekkert sér-
staklega á óvart.
Ég fékk ágætan
stuðning og það
var engin orra-
hríð í kringum
forystusætið á listanum," sagði
Davíð Oddsson, borgarstjóri, sem
hlaut yfirgnæfandi meirihiuta »
fyrsta sæti í prófkjöri sjálfstæðis-
manna til borgarstjórnar.
„Allir þeir sem með mér hafa
starfað og nýir frambjóðendur
veittu mér vel í þessu prófkjöri,
það var eining um fyrsta sætið og
það er fagnaðarefni,“ sagði Davíð
ennfremur. „Það sem mér fannst
einkenna þetta prófkjör var að
þarna var gott úrval frambjóð-
enda, það var frambærilegt fólk
sem gaf kost á sér í þessu próf-
kjöri. Menn lögðu auðvitað
misjafnlega mikið í þessa baráttu
en ég held að allir hafi viljað gera
veg flokksins sem mestan, og ég
er mjög sáttur við hvernig próf-
kjörsbaráttan var háð í öllum
meginatriðum.
Varðandi hlut kvenna þá er það
gömul saga og ný, og gildir þá
sama um Sjálfstæðisflokkinn og
alla aðra flokka, að prófkjör virð-
ast ekki vera besta leiðin til að
rétta hlut kvenna á framboðslist-
um flokkanna. Það hefur ekki sýnt
sig í þeim prófkjörum sem hafa
verið haldin hingað til. Þetta er
hvorki betri né verri útkoma fyrir
konur en verið hefur í prófkjörum
áður. En hjá okkur í Sjálfstæðis-
flokknum er borgarstjórnarflokk-
urinn það afl sem tekur þær
ákvarðanir sem máli skipta. Það
sitja bæði varamenn og aðalmenn
í borgarstjórn og hafa þar jöfn
áhrif. Þegar ég lít yfir þann hóp
sem líklegt er að skipi borgar-
stjórnarflokk Sjálfstæðismanna
næsta kjörtímabil, samkvæmt
þessum úrslitum, þá sýnist mér
það vera mjög vænlegur hópur."
Davíð sagði að þær reglur sem
nú giltu hefðu bæði kosti og galla.
„Númerareglan getur gefið réttari
mynd af vilja kjósenda heldur en
krossinn, sem er meira háð tilvilj-
unum. Númerareglan hefur þó
einnig sína annmarka eins og
raunar prófkjörið allt,“ sagði
Davíð Oddsson, borgarstjóri.
Magnús L Sveínsson:
Kosning borgar-
stjóra sýnir
að fólk vill
hafa foringja
„ÉG ER að að
sjálfsögðu mjög
ánægður með að
hafa hlotið ann-
að sætið, en ég
var áður í fjórða
sæti. Ég vil nota '
tækifærið og
þakka af ein-
lægni öllum þeim sem studdu mig
og stuðluðu að þessum sigri,“ sagði
Magnús L. Sveinsson er úrslitin
lágu fyrir í gær. Magnús hlaut
alls 3.346 atkvæði og þar af 1.339
atkvæði í fyrsta og annað sæti.
„Ég hefði óskað að Hulda Val-
týsdóttir og Sigurjón Fjeldsted
hefðu komið betur út úr þessu
prófkjöri," sagði Magnús enn-
fremur. „Að mínu mati hefðu þau
átt það skilið miðað við störf
þeirra í borgarstjórn að undan-
förnu. En svona er nú pólitíkin,
hún er fallvölt og þar er enginn
öruggur. I þeirra stað koma hæfir
fulltrúar, sem eru Árni Sigfússon,
ungur og efnilegur maður, og Júl-
íus Hafstein, sem hefur mikla
þekkingu á íþróttamálum.
Ég er mjög ánægður að sjá
hversu glæsilega borgarstjórinn
kom út úr þessu prófkjöri. Hið
mikla og verðskuldaða fylgi sem
hann fékk sýnir ótvíræðan stuðn-
ing borgarbúa við glæsilega for-
ystu hans í borgarstjórn á þessu
kjörtímabili. Kosningin sýnir að
fólk vill hafa foringja, sem lætur
að sér kveða og hefur forystu um
að koma verkum S framkvæmd.
Varðandi þessar prófkjörsregl-
ur, sem nú voru viðhafðar, tel ég
að það sé mjög óheppilegt að vera
að breyta til frá þeim reglum sem
í gildi hafa verið að undanförnu,
þar sem menn áður krossuðu fyrir
framan nöfn frambjóðenda, en
þurftu núna aö númera. Ég varð
var við að fólki þótti þetta flókið
og óæskilegt fyrirkomulag og ég
er sammála því. Fyrir utan að
þetta gerir kosningabaráttu fram-
bjóðenda allt aðra, persónulegri
og neikvæðari,” sagði Magnús L.
Sveinsson.
Katrín Fjeldsted:
Hefði viljað sjá
jafnari dreifíngu
„ÞESSI mikla 1
þátttaka kjós-
enda við val á;
lista Sjálfstæð- j
isflokksins er
meiri en gerist í j
nokkrum öðrum j
flokki og sýnir ]
vel styrk flokks-
ins. Þetta er því lýöræöisleg að-
ferð, þótt hún hafi vissa ann-
marka,“ sagði Katrín Fjeldsted,
sem varð í 3. sæti í prófkjörinu.
Katrín hlaut samtals 3.346 at-
kvæði. Hún tók ekki þátt í próf-
kjörinu 1981, en skipaði 11. sætið
á framboðslistanum í kosningun-
um að tillögu kjörnefndar.
„Ég er auðvitað ánægð með mína
útkomu. Ég var sett inn í 11. sætið
síðast eftir prófkjör og var þá í
baráttusæti þannig að það má
kannski túlka stuðning kjósenda
við mig nú sem yfirlýsingu um að
sú ákvörðun kjörnefndar hafi verið
réttlætanleg,” sagði Katrín enn-
fremur. „Ég fagna þeim afgerandi
stuðningi sem borgarstjóri fékk í
þessu prófkjöri og tel hann vel að
þeim stuðningi kominn. Hins veg-
ar finnst mér hlutur kvenna of rýr.
Ég hefði viljað sjá meiri dreifingu
á milli karla og kvenna. Það eru
bæði vel hæfir karlmenn og vel
hæfar konur sem þarna bjóða sig
fram og þess vegna finnst mér
ekki eðlilegt að dreifingin sé svona
ójöfn. Sérstaklega vil ég nefna
Huldu Valtýsdóttur, sem á sæti I
borgarráði og á erindi þarna
áfram. En menn verða auðvitað
að hlýta dómi kjósenda. Ég held
hins vegar að það sé of mikið um
að menn velji bara eina eða tvær
konur i örugg sæti, án nokkurs
tillits til að fleiri konur kunna að
vera vel hæfar til setu í borgar-
stjórn. Margir gera þetta af göml-
um vana og kvennaáratugurinn
virðist ekki hagga Sjálfstæðis-
flokknum hvað þetta snertir.
Ég hef ekki tekið þátt í prófkjöri
áður og hef því ekki samanburð á
núgildandi reglum og fyrri reglum
hvað varðar þátttöku í prófkjöri.
Það má ef til vill til sanns vegar
færa að númerareglan sem nú gilti
hafi ruglað fólk eitthvað, sérstak-
lega gamalt fólk. Krossamerking-
arnar hafa hins vegar vissa ann-
marka, sem númerakerfið leiðrétt-
ir, en þá koma aðrir annmarkar
inn í staðinn. Þetta er þvi kannski
frekar spurning um hvort eigi að
viðhalda prófkjöri eða ekki, frem-
ur en að reglurnar sem slíkar
skipti meginmáli," sagði Katrín
Fjeldsted.
Páll Gislason:
Reglur prófkjörs-
ins flóknar
„MÉR líst ágæt-
lega á úrslit
prófkjörsins fyr-
ir mína hönd og
er þakklátur
fyrir þann
stuðning sem
mér var sýndur.
Ég hef aldrei
fengið eins hátt hlutfall af greidd-
um atkvæðunum og nú,“ sagði Páll
Gislason læknir. Hann lenti í
fjórða sæti I prófkjörinu og hlaut
samtals 3143 atkvæði og þar af
1696 í fjórða sæti.
„Reglur prófkjörsins voru óþarf-
lega Uóknar. Sumir áttu í erfið-
leikum með að skilja þær og ég
held að það hafi valdið minni þátt-
töku i prófkjörinu en áður. Liklega
hefði verið einfaldara að krossa
við frambjóðendur í stað þess að
merkja við þá í númeraröð og tel
ég að það hefði ekki breytt miklu
um úrslitin.
Ég er ánægðastur með það
traust sem Davíð Oddssyni borgar-
stjóra var sýnt. Þetta styður okkur
í þeirri baráttu sem framundan
er fyrir borgarstjórnarkosning-
arnar. Það er nauðsynlegt að hafa
örugga og styrka forystu.
Hlutur kvenna er afleitur í þessu
prófkjöri. Ég held að ein af orsök-
unum sé sú að konum hefur ekki
tekist að sameinast um nema eina
konu á listanum, Katrínu
Fjeldsted og er þetta áhyggjuefni
fyrirflokkinn.
Ég er fylgjandi opnu prófkjöri
og tel það vera styrk fyrir flokkinn
að sem flestir stuðningsmenn hans
geti tekið þátt í að velja frambjóð-
endur,“ sagði Páll Gíslason að
lokum.
Vilhjálmur Þ.
Vilhjálmsson:
Vona að úrslitin
treysti samheldni
borgarstjórnar-
flokksins
„ÉG vil byrja á
að lýsa ánægju
minni með þann
afgerandi stuðn-
ing sem borgar-
stjóri fékk í
þessu prófkjöri
og sjálfur er ég
mjög sáttur við
minn hlut“, sagði Vilhjálmur Þ.
Vilhjálmsson, sem varð í 5. sæti í
prófkjörinu. Vilhjálmur hlaut alls
2.743 atkvæði og þar af 1.600 í
fimm efstu sætin. Hann var í 8.
sæti í prófkjörinu 1981 og kom þá
inn sem nýliði.
„Þetta prófkjör einkenndist
nokkuð af baráttu um efstu sætin,
á eftir fyrsta sæti, þar sem ýmis
sjónarmið komu fram varðandi
röðun á listann samkvæmt hefð-
um,“ sagði Vilhjálmur ennfremur.
„Það er Ijóst af þessu prófkjöri að
kjósendur vildu taka tillit til þess-
ara hefða og í sjálfu sér er ekki
nema gott eitt um það að segja.
Hins vegar má kannski segja að
það feli í sér ákveðinn ókost þegar
margir frambjóðendur stefna op-
inberlega á ákveðið sæti þar sem
það getur haft í för með sér tog-
streitu milli stuðningsmanna
frambjóðendanna, sem freistast
þá jafnvel til að sniöganga keppi-
nauta síns frambjóðanda, sem þeir
kannski ella hefðu greitt atkvæði
sitt. Þessi togstreita um annað
sætið nú stuðlaði því að nokkuð
óvenjulegri kosningabaráttu og
áhrifa á niðurstöðu. í því sam-
bandi var staða forseta borgar-
stjórnar og kvenna mjög sterk inn
í myndinni. Þessi sjónarmið áttu
greinilega fylgi að fagna og ég
persónulega vona að úrslitin varð-
andi efstu sætin treysti þá góðu
samheldni sem ávallt hefur verið
til staðar í borgarsjórnarflokkn-
um,“ sagði Vilhjálmur.
Hilmar Guðlaugsson:
Úrslit
prófkjörsins
mjög ánægjuleg
„Mér líst mjög
vel á árangur
minn í prófkjör-
inu. Og mér
finnst úrslitin í
heild vera mjög
ánægjuleg"
sagði Hilmar
Guðlaugsson
múrari sem hafnaði í 6. sæti í próf-
kjörinu með samtals 2.629 atkvæði.
Þar af hlaut hann 1.720 atkvæði í
6. sæti.
„Hvað varðar hlut kvenna í úr-
slitum prófkjörsins er hann mjög
rýr. Það verður að viðurkennast.
Aðeins ein kona hafnar í átta efstu
sætum listans, en það er Katrín
Fjeldsted í 3. sæti. Síðan er Jona
Gróa Sigurðardóttir í því níunda,
en miðað við þann árangur sem
við náðum í síðustu borgarstjórn-
arkosningum er hún einnig inni.
Það hefði verið heppilegra ef öðru-
vísi hefði raðast niður á listann. Ég
tel að listinn hefði komið betur út
og verið jákvæðari ef fleiri konur
hefðu verið í efstu sætunum."
Hilmar sagðist ekki telja það
vera til batnaðar að raða fram-
bjóðendum í númeraröð. Betra
hefði verið að krossa við frambjóð-
endur eins og gert hefur verið í
fyrri prófkjörum.
„Mér finnst rétt að hafa lokað
prófkjör. Ég hef alltaf haft þá
skoðun að flokksbundnir sjálf-
stæðismenn eigi fyrst og fremst
að hafa áhrif á gerð framboðslist-
ans.
En það er tímabært að endur-
skoða þessi prófkjör almennt. Ég
held að þau séu að renna sitt skeið
á enda“ sagði Hilmar Guðlaugsson
að lokum.
Árni Sigfusson:
Hressileg endur-
nýjun á listanum
ÁRNI Sigfússon
rekstrarráðgjafi
hafnaði í 7. sæti % ‘ #
í prófkjörinu.
Hann hlaut
samtals 2.685 ' \
atkvæði og þar
af 1.889 atkvæði
í áðurnefnt sæti. -vv I B
Árni er nýliði á lista Sjálfstæð-
isflokksins og kvaðst vera mjög
ánægður með þessi úrslit. „Mínar
vonir voru bundnar við að ná
öruggu sæti og það tókst,“ sagði
hann. „Ég tel að það hafi átt sér
stað hressilegendurnýjun á listan-
um sem ég trúi að komi okkur til
góða í næstu kosningum. Það er
síðan kjörnefndar að kanna með
hvaða hætti megi betur tryggja
að þessi listi túlki sem breiðasta
fylkingu sjálfstæðisfólks.
Mér sýnist að á þessum lista sé
mjög gott fólk. En það er alltaf
leitt að nýir menn þurfi óhjá-
kvæmilega að verða til þess að
aðrir færist aftar á listann. Að
þessu sinni færðust þau Hulda
Valtýsdóttir og Sigurjón Fjeldsted
neðar á listann. Þau hafa bæði
starfað mjög vel að borgarmálum
og ég vona að þau verði virkjuð
áfram til þeirra starfa.
Ég held að lokuðu prófkjöri fylgi
bæði kostir og gallar. Það er ljóst
að fjöldi borgarbúa styður Sjálf-
stæðisflokkinn, en vill ekki vera
flokksbundinn. Fyrir vikið er þeim
ekki gert kleift að taka þátt í próf-
kjörinu. Hins vega hafa þeir, sem
tekið hafa ákvörðun um að styðja
flokkinn með því að ganga í hann,
skýrari og sterkari möguleika á
að hafa áhrif á listann. Því er í
rauninni erfitt að segja til um
hvort er betra, opið eða lokað próf-
kjör,“ sagði Árni.
Júlíus Hafstein:
Tel úrslitin
sigur fyrir mig
JÚLÍUS Haf-
stein varð í 8.
sæti í prófkjör-
inu. Hann hlaut
samtals 2.612
atkvæði og þar
af 2.070 í átt-
unda sæti.
„Ég er mjög
ánægður með úrslit prófkjörsins
fyrir mína hönd. Ég hækka úr 15.
sæti í það 8. og næ því bindandi
kosningu" sagði Júlíus Hafstein.
„Ég er líka mjög ánægður með hve
glæsilega kosningu Davíð Oddsson
borgarstjóri hlaut. Hún er einstök.
Þá hlaut Magnús L. Sveinsson
forseti borgarstjórnar sterka og
góða kosningu í annað sætið.“
Júlíus sagði að æskilegra hefði
verið að hlutur kvenna væri meiri
í úrslitum prófkjörsins, en menn
yrðu að gera sér grein fyrir því
að hér væri um lokað og bundið
prófkjör að ræða hjá stærsta
stjórnmálaflokki landsins. Konur
hefðu jafnmikla möguleika á að
koma sér á framfæri í þessum
flokki og karlar.
Ég er mjög þakklátur þeim
fjölda kjósenda sem veittu mér
þetta mikla traust og tel úrslitin
mikinn sigur fyrir mig,“ sagði Júl-
íus Hafstein að lokum.
Jóna Gróa Sigurðardéttir:
Níunda sætið
gæti orðið
baráttusætið
„ÁRANGUR
kvenna í þessu
prófkjöri var því
miður heldur
rýr, þó margar
mjög góðar kon-
ur hafi verið í
framboði," sagði
Jóna Gróa Sig-
urðardóttir. Jóna Gróa hafnaði í
9. sæti - hlaut samtals 2430 at-
kvæði, þar af 2047 í 9. sæti.
„Prófkjörið tókst mjög vel og góð
eindrægni var á milli manna,“
sagði Jóna Gróa. „Fyrir mitt leyti
er ég afskaplega ánægð með úrslit
prófkjörsins með tilliti til þess að
frambjóðendurnir voru allir mjög
sterkir og nokkrir þeirra mjög
þekktir. Margir líta svo á að mitt
sæti, það níunda, sé baráttusætið.
Ég bind þó vonir við að í kosning-
unum í vor reynist tíunda sætið
vera baráttusætið".
Aðspurð kvaðst Jóna Gróa ávallt
hafa verið frekar hlynnt lokuðu
prófkjöri. Sér fyndist sanngjarn-
ast að flokksmenn fengju að raða
upp sínu fólki. Er hún var innt
álits á því fyrirkomulagi að merkja
við frambjóðendur í númeraröð
sagði hún að það skipti ekki miklu
máli þegar upp væri staðið. Hins
vegar gerði þetta fyrirkomulag
bæði kosningu og talningu mun
flóknari.
Sigurjón Fjeldsted:
Úrslitin komu
mér áóvart
„ÉG GET ekki
neitað því að ég
varð fyrir
nokkrum von-
brigðum með ár-
angur minn í
þessu prófkjöri,"
sagði Sigurjón
Fjeldsted. Hann ______
hafnaði í 10. sæti með alls 2.298
atkvæði, þar af 2.075 i 10. sæti. „Ég
hef aðeins einu sinni áður tekið
þátt í prófkjöri og lenti þá í sjö-