Morgunblaðið - 27.11.1985, Blaðsíða 29

MORGUNBLAÐIÐ, MIÐVIKUDAGUR 27. NÓVEMBER1985
29
Síldarverkun á Eyrarbakka.
Eyrarbakki:
Mikið að gera í sfldinni
Kyrarhakka, 25. nóvrmber.
UNDANFARIÐ hefur verið mikiö
að gera hér við síldarverkun. Búið
er að vinna úr 700 tonnura af síld
og hefur hún öll verið flökuð og
verkuð á ýmsa vegu, meðal annars
um 100 tunnur af kryddflökum, 80
tunnur af edikflökum fyrir l>ýska-
land, auk um 100 tonna af saltflök-
um fyrir sænskan markað.
Flest haust hefur verið meira
og minna atvinnuleysi hér, svo nú
ber heldur nýrra við. Siðan Suður-
vör hf. tók við rekstri frystihússins
í maí sl. hafa verið frystir 30.000
kassar af fiski. { sumar bárust
hingað 66 tonn af humri og var
því hér um að ræða mestu humar-
vinnsluna á Suðurlandi.
Hráefni fyrir frystinguna hefur
verið aflað bæði frá bátum og
togurum, t.d. var bv. Bergey um
tíma í viðskiptum hér að hluta.
Nú hafa fjórir bátar byrjað
róðra með línu og aðrir fjórir með
net. Gæftir hafa verið aleitar
undanfarið, en afli þokkalegur
þegar gef ið hefur.
A komandi vetrarvertíð stefnir
Suðurvör að því að reka frysting-
una hér af fullum krafti, en salt-
fiskur verður unninn í aðalstöðv-
um Suðurvarar í Þorlákshöfn.
Óskar.
Norömenn og Danir
skoða SR í Siglufirði
TUTTUGU manna hópur frá Noregi og Danmörku kemur hingað til lands
á morgun til að skoða Sfldarverksmiðju ríkisins á Sigluflrði, en verksmiðjan
er nú búin fullkomnustu Uekjum hvað varðar framleiðslu og tölvuvinnslu.
Verkfræðistofan Rafhönnun hef-
ur séð um hönnun hugbúnaðar
verksmiðjunnar og tvö norsk fyrir-
tæki, Saas Prosess í Þrándheimi
og Myrens Verksted í Osló, hafa
hannað vél- og tækjabúnað verk-
smiðjunnar á Siglufirði.
Að sögn Páls Bragasonar stjórn-
arformanns Fálkans, sem er um-
boðsaðili norsku fyrirtækjanna hér
á landi, hefur það spurst út til ná-
grannalandanna hversu vel Síldar-
verksmiðja ríkisins er búin tækjum.
Gestirnir, sem eru framkvæmda-
stjórar fiskimjölsverksmiðja í Nor-
egi og Danmörku auk forráða-
manna rannsóknastofnana fiskiðn-
aðarins í báðum löndum, halda
norður á Siglufjörð á föstudag þar
sem fulltrúar þeirra þriggja fyrir-
tækja sem hannað hafa búnaö verk-
smiðjunnar halda fyrirlestra auk
þess sem tæknimenn Síldarverk-
smiðjunnar fræða gestina um
tækninýjungarnar.
Páll sagði að auk þess sem tölvu-
og stjórntæki væru öll hin nýtísku-
legustu, væri orkunýting verk-
smiðjunnar sú allra besta miðað
Góð færð
um landið
VEGIR eru færir bflum nán&st um
allt land og er það mjög óvenjulegt
miðað við árstíma.
Hjá Vegaeftirliti ríkisins feng-
ust þær upplýsingar að Dynjandis-
heiði, sem er milli Vatnsfjarðar
og Þingeyrar, væri þó ófær litlum
bílum.
©
við aðrar slíkar, m.a. vegna þess
að verksmiðjan nýtir útblástur
þurrkara til eimingar í soði, af-
gangsvarmi frá eimingartækjum til
suðu á hráefninu er nýttur sérstak-
lega vel og lífhvötum er blandað í
soðið sem verður til þess að unnt
er að fjarlægja meira vatn úr soð-
inu í eimingartækjum en áður hefur
þekkst og þar með minnkar það
vatn sem þarf að fjarlægja með
þurrkurum. Þá er lögð mikil áhersla
á góða meðferð hráefnis og til þess
notaðar sérstakar hráefnisdælur,
sem talið er til bóta fyrir vinnsluna.
Áhugamenn um úrbætur í húsnæðismálum:
Mótmæla orðum
fjármálaráðherra
INNLENT
Áhugamenn um úrbætur í hús-
næóismálum hafa sent frá sér eftir-
farandi fréttatilkynningu:
„Áhugamenn um úrbætur í hús-
næðismálum vilja taka eftirfar-
andi fram vegna ummæla Þor-
steins Pálssonar fjármálaráðherra
í fréttatíma sjónvarpsins föstu-
daginn 23. nóv. sl.: í fréttaviðtalinu
segir fjármálaráðherra að það sé
rangt að svikin hafi verið loforð
sem sett voru fram sl. vor um að
komið yrði til móts við húsnæðis-
kaupendur síðustu ára. Þetta er
ekki rétt hjá fjármálaráðherra!
í greinargerð frumvarps um
fjáröflun til húsnæðismála sem
hann flutti sjálfur ásamt þrem
öðrum þingmönnum er talað um
nauðsyn þess „að enn frekar verði
komið til móts við þá húsbyggjcndur
og íbúðakaupendur sem orðið hafa
fyrir skakkaröllum vegna efnahags-
áfalla síðustu ára“, enn fremur er
þar greint frá verkefnaskrá ríkis-
stjórnarinnar í húsnæðismálum,
en þar segir „að mörg viðfangsefni
séu óleyst í húsnæðismálum ekki
síst vegna þess vanda sem skapast
hefur vegna misgengis launa og láns-
kjara .“ í þessu sambandi er bent
á að frumvarpið er lagt fram eftir
að byrjunaraðgerðir ríkisstjórnar-
innar í þessum málum voru komn-
ar til framkvæmda. Aðrar aðgerð-
ir hafa ekki litið dagsins ljós þrátt
fyrir gefin loforð eins og getið er
héraðframan.
í umræddu sjónvarpsviðtali
segir fjármálaráðherra enn frem-
ur, að það sé rangt hjá áhuga-
mönnum um úrbætur í húsnæðis-
málum að það fjármagn sem aflað
var með þessu frumvarpi hafi
þyngt lánsbyrðar fólks. Hér skal á
það bent að á meðal þess sem
ákveðið var til að afla 700 millj.
til húsnæðismála var að hækka
söluskatt. Það ætti hverjum manni
að vera ljóst að hærri söluskattur
hefur í för með sér hærra vöruverð,
hærri vísitölu og þar af leiðandi
meiri hækkun lána og aukna
greiðslubyrði. Niðurstaöan er sú að
loforðin hafa verið svikin en fjáröfl-
unin hefur þyngt greiðslubyrðina.“
Fjögur tekin með
falsaða ávísun
BROTIST var inn í einbýlishús {
Seljahverfl um helgina og þaðan
stolið skartgripum, útvarpstæki og
áfengi. Rannsóknarlögregla ríkisins
vinnur að rannsókn málsins.
Á sunnudag voru þrír karlmenn
og kona handtekin á Hótel Esju.
Þeir hugðust greiða reikning með
ávísun og vöknuðu grunsemdir um,
að hún væri illa fengin. í ljós kom
að hún var fölsuð.
Framkvæmdastjóri Borgarspítalans:
Skýrar aðhaldsreglur
um meðferð og innkaup
á hjúkrunargögnum
Lyfjakostnaður um 4%af heildar
rekstrarkostnaði Borgarspítalans
„LYFJAKOSTTNAÐUR hefur verið um 4%af heildarrekstrarkostnaði Borg-
arspítalans undanfarin ár og ég leyfl mér að fullyrða að það er mjög lágt
hlutfall borið saman við sjúkrahús um allan heim,“ sagði Jóhannes Pálma-
son, framkvæmdastjóri Borgarspítalans, er borin voru undir hann ummæli
norskra hjúkrunarfræðinga um litla forsjá í meðferð fjármuna hjá spítalan-
um. Að sögn Jóhanncsar var heildarrekstrarkostnaður Borgarspítalans rúmar
696 milljónir króna árið 1984, þar af var lyfjakostnaður um 29 milljónir og
hjúkrunargögn rúmar 37 milljónir.
I viðtalinu við norsku hjúkrunar-
fræðingana, sem birtist í sunnu-
dagsblaði Morgunblaðsins, er með-
al annars fullyrt, að sjaldnast sé
spurt um hvað hlutirnir kosti, áhöld
séu illa nýtt og yfirleitt sé keypt
og pantað án tillits til hvað til sé
fyrir á spítalanum. „Þetta eru
þungar ásakanir, og ég mun óska
eftir skýringum hjá yfirmönnum
hjúkrunarogyfirlæknum um hvort
þessar ásakanir eigi við rök að
styðjast. Ég held hins vegar að
þessar fullyrðingar norsku hjúkr-
unarfræðinganna séu byggðar á
misskilningi og þarna hafi verið
dregnar fljótfærnislegar ályktan-
ir,“ sagði Jóhannes. Hann sagði að
skýrar reglur væru um það hvernig
meðferð og innkaupum á lyfjum og
hjúkrunargögnum skyldi háttað og
væru þær reglur miðaðar við að
veita sem mest aðhald, en gæði
vörunnar og öryggi sjúklinga væri
þó það sem mestu máli skipti. „Við
reynum að haga innkaupum á sem
hagkvæmastan hátt og nýta þær
birgðir sem fyrir eru, en öryggi
sjúklinga er þó í fyrirrúmi. í þessu
sambandi má geta þess að tekist
hefur samstarf milli spítalanna um
innkaup á ýmsum rekstrarvörum
og hefur verulegur sparnaður náðst
á þann hátt. Ef hins vegar einhver
misbrestur hefur orðið á að fram-
fylgja þeim reglum sem settar hafa
verið um aðhald er það sök þeirra
sem starfa í viðkomandi deildum,
en ekki yfirstjórnar sjúkrahússins.
Reglurnar eru skýrar og við verðum
að treysta því að eftir þeim sé
farið, en eins og ég sagði verður
þetta mál kannað nánar,“ sagði
Jóhannes.
Kristján Linnet, yfirlyfjafræð-
ingur Borgarspítalans, sagði í
samtali við Morgunblaðið að það
hefði lengi verið stefnan á spítalan-
um að gera sem hagkvæmust inn-
kaup, en um leið væri þess gætt að
fylgja ákveðnum gæðakröfum til
að tryggja öryggi sjúklinga. „Við
teljum að okkur hafi tekist að spara
verulega í lyfjainnkaupum á undan-
förnum árum. Hins vegar má
kannski taka einstök dæmi út úr
heildarmyndinni og alhæfa um of
út frá þeim, sem ég held að þær
norsku hafi gert i þessu tilfelli. Það
má líka segja að alltaf megi gera
betur og í þessu sambandi má geta
þess, að apótekið hér býr við ákaf-
lega þröngar og lélegar aðstæður
sem gera það að verkum að það er
kannski ekki nægur tími til að
fylgja öllum málum eftir. í þeim
efnum má gera miklu betur.“
Kristján var spurður um þær
fullyrðingar norsku hjúkrunar-
fræðinganna að lyf væru yfirleitt
einnotuð, það er afgangi hent eftir
eina notkun. „Ég veit ekki nákvæm-
lega hvað þær eiga við þarna, en í
sumum tilfellum eru umbúðir og
tegundir lyfja þannig að af örygg-
isástæðum er ekki er hægt að
geyma lyfin eftir að umbúðir hafa
verið rofnar. Til þess vantar okkur
sérstaka skápa. Við þessar aðstæð-
ur getum við eKki tekið þá áhættu
að það komi bakteríumengun í
umrædd lyf og því er ekki um það
að ræða að geyma þau. Við brýnum
fyrir hjúkrunarfræðingum að láta
öryggi sjúklings ganga fyrir svona
sparnaði."
í viðtalinu er ennfremur fullyrt
að ef læknir segði til dæmis að
nota ætti smyrsli ákveðinnar teg-
undar væri það pantað og keypt,
þó svo sams konar smyrsli væru til
staðar annarrar tegundar. Kristján
var spurður hvort læknar ættu
hugsanlega einhverra persónulegra
hagsmuna að gæta varðandi inn-
kaup á lyfjum, kremum og öðrum
hjúkrunargögnum: „Samkvæmt ís-
lenskum lög'um mega læknar ekki
vera umboðsaðitar fyrir erlenda
framleiðendur og mér er ekki kunn-
ugt um að nokkur læknir sé inn-
flytjandi á þessu sviði. Um slíka
hagsmuni er því alls ekki að ræða.
Hins vegar má kannski segja að í
opnu þjóðfélagi sé erfitt að að úti-
loka hagsmunatengsl af einhverju
tagi, eða finna einhver atriði sem
túlka megi sem hagsmunatengsl.
Ég leyfi mér hins vegar að fullyrða
að þessu er ekki þannig farið.
Læknarnir ákveða meðferð á sjúkl-
ingnum og hvaða lyf skuli nota og
síðan er það hlutverk apóteksins
og lyfjanefndar spítalans að velja
þau lyf sem eru hagkvæmust í
innkaupum í samræmi við þær
gæðakröfur sem gerðar eru,“ sagði
Krisján Linnet.
Kaupum engan
ís frá Reykjavík
— ódýrara að kaupa hann frá Stokkseyri
en ísfélagi Þorlákshafnar, segir skrif-
stofustjóri Meitilsins í Þorlákshöfn
„ÞAÐ ER rangt, sem haft er eftir Ilafsteini Ásgeirssyni í Morgunblaðinu
síðastliðinn sunnudag, að Meitillinn kaupi ís sinn í Reykjavík og aki honum
til Þorlákshafnar. Við höfum að undanförnu keypt ís á Stokkseyri vegna
bilunar í ísframleiðslu okkar,“ sagði Guðmundur Sigurðsson, skrifstofustjóri
Meitilsins í Þorlákshöfn, í samtali við Morgunblaðið.
Guðmundur sagði, að Meitillinn
væri með sína eigin ísframleiðslu,
sem nægði þeim og hefði einnig
verið aflögufær til annarra. Bilun
í framleiðslunni hefði orðið til
þess, að ísinn hefði verið sóttur til
Stokkseyrar og með ódýrari hætti
en það kostaði að fá hann hjá
ísfélaginu. Hvert kíló af ís kostaði
þar 1,20 krónur en 95 aura á
Stokkseyri. ísnum væri ekið þaðan
með bílum Meitilsins og kostnaður
við hverja ferð væri um 1.200 krón-
ur. Miðað við ís í einn togara, um
60 lestir, væri það 12.500 krónum
ódýrara að taka hann á Stokkseyri
en hjá ísfélaginu. Líkur væri á
því, að viðgerð á ísvélum Meitilsins
yrði lokið um mánaðamót og þyrfti
fyrirtækið þá ekki lengur 'að leita
annars staðar eftir honum.