Morgunblaðið - 26.01.1986, Blaðsíða 25

Morgunblaðið - 26.01.1986, Blaðsíða 25
MORGUNBLAÐIÐ, SUNNUDAGUR 26. JANÚAR 1986 25 Flugvallarskatturinn: Reiði einkennir viðbrögð þýskra ferðaheildsala — segir Davíð Vilhelmsson, framkvæmdastjóri Flugleiða í Frankfurt „VIÐ GEFUM út verðskrá á haustinn með föstu verði og gildir hún fram á vor. Verðið sem þar kemur fram er auglýst mikið og við verðum að standa við það, enda ekki hægt að breyta því þvi samkeppnin er gríðarlega hörð,“ sagði Pétur J. Eiríksson framkvæmdastjóri Flugleiða í Stokkhólmi. Morgun- blaðið leitaði til Péturs og Dav- íðs Vilhelmssonar framkvæmda- stjóra Flugleiða í Frankfurt og spurði þá hvaða áhrif þeir töldu að fyrirhuguð hækkun á flug- vallarskatti hefði á ferðamanna- straum til Islands. Hækkun á flugvallarskatti úr 250 krónum í 750 krónur á hvern farþega tekur gildi 1. mars nk. 100 krónur skípta miklu máli „Fýrir ferðamanninn skipta hverjar 100 krónur mjög miklu máli,“ sagði Pétur. „Ferðir til ís- lands á ráðstefnur eða helgarferðir mega ekki vera dýrari en t.d. ferðir til vinsælla staða í Evrópu, svo sem Vínar eða Parísar.“ Pétur sagði að ekki þýddi að reyna að innheimta flugvallar- skattinn af fólki sem keypti sér helgarpakka til íslands, eða ráð- stefnupakka. Þess vegna þyrftu Flugleiðir að greiða hann og yrði að taka hann af þeim litlu tekjum sem fást af hveijum farþega. En verði á þessum ferðum er haldið í lágmarki og hafa Flugleiðir haft samvinnu við hótel á Islandi um Íiað til þess að fá ferðamenn til slands yfir vetrartímann, „sem annars er algerlega dauður tími,“ eins og Pétur orðaði það. Ekki stoðaði að hækka verðið á þessum ferðum, því það væri í rauninni markaðurinn sem réði verðinu. Hins vegar verður reynt að inn- heimta skattinn af einstaklingum sem ferðast til íslands. Pétur sagði að flestir sem ferðuðust til íslands á þessum árstíma væru einmitt þeir sem fara á ráðstefnur eða í helgarferðir. „Til þess að vera samkeppnis- hæf þurfum við að halda verðinu á ferðum til íslands í algjöru lág- marki, og er því þessi skattur mjög óþægilegur fyrir okkur og kostnað- arsamur. Við höfum reynt að halda lægsta fargjaldi, svokölluðum rauðum Apex- miða, innan við 3.000 sænskar krónur. Ef farið er í helgarferð til íslands kostar flug- farið frá Stokkhólmi 1.900 sænsk- ar krónur og 1.675 sænskar krónur frá Gautaborg. Flugvallarskattur- inn er hins vegar 155 s. krónur. Hættuleg aðgerð „Okkur hefur gengið mjög vel að selja þessar ferðir. Frá 20. september til febrúar munu 36 fyrirtæki hafa haldið ráðstefnur á íslandi, með samtals 1.100 ráð- stefnugestum. í mars, apríl og maí eru bókaðir 1.100-1.500 ráð- stefnugestir. Og þetta fólk eyðir miklum peningum á íslandi. Það er því mjög pirrandi þegar stjóm- völd grípa til þessara aðgerða algerlega á óvart og án samráðs við okkur. Þetta lýsir bara sam- bandsleysi þeirra við atvinnulífið. Þetta er að okkar dómi mjög hættuleg aðgerð vegna þess hve samkeppnin er gífurlega hörð. Verðið skiptir öllu máli. Það er mikill misskilningur að erlendis bíði fjöldi milljónamæringa bara eftir því að komast til íslands, hvað sem það kostar. Þetta er ekki þannig. Margir eiga sér vissu- lega þann draum að komast til íslands, en flestir þeirra þurfa að velta peningunum fyrir sér og fara því til þeirra staða sem þeir hafa efni á. ^ Stjómvöld gætu aukið tekjur sínar á annan hátt án beinna skatta. Þau gætu fellt niður sölu- skatt af bílaleigubflum sem þeir leigja erlendum ferðamönnum og greitt er fyrir erlendis. Þá myndu bílaleigur stækka bílaflota sinn um 25% og bensínsala myndi stórauk- ast. Þetta er jákvæð aðgerð og þannig tel ég að fjármálaráðuneyt- ið ætti að vinna,“ sagði Pétur J. Eiríksson að lokum. Hörð viðbrög-ð í Þýskalandi Davíð Vilhelmsson fram- kvæmdastjóri Flugleiða í Frank- furt sagði að viðbrögð ferðaheild- sala í Þýskalandi við flugvallar- skattinum hefðu verið mjög hörð. Hafa þeir sent þýska ferðaskrif- stofusambandinu kvörtunarbréf með beiðni um að það komi mót- mælum á framfæri við íslensk yfirvöld. „Það er ýmislegt sem gerir þetta mál erfítt því hér í landi eru ákveðnar reglur og jafnvel löggjöf um starfsemi ferðaheildsala sem bannar þeim að hækka verð, sem auglýst hefur verið í prentuðum bæklingum, með minna en fjögurra mánaða fyrirvara. Flestir gáfu út ferðabæklinga um áramótin sem þýðir að verðið í þeim stenst ekki, jafnvel áður en byijað er að selja ferðimar.“ Davíð sagði að ísland væri dvergur á ferðamálamarkaðnum. Hann sagði að viðbrögð ferðaheild- sala hafi aðallega einkennst af reiði. Þeir hafa hótað því að neita að innheimta skattinn, sem þýðir að þá koma ferðamenn til íslands án þess að hafa hugmynd um að þeir þurfi að greiða skattinn. Einn ferðaheildsalinn, sem að undan- förnu hefur selt töluvert af ferðum til íslands, hefur hótað að hætta að bjóða upp á slíkar ferðir. Hann telur að ekki sé hægt að bjóða farþegunum upp á þennan aukna kostnað. Lægsta fargjald til ís- lands er rúmleg 600 mörk á vorin og haustin, en flugvallarskatturinn 45 mörk, eða 7,5% af fargjaldinu. „Við áttum ekki annarra kosta völ en að tilkynna ferðaskrifstofum og ferðaheildsölum hér í landi um þennan skatt. Við eigum hins vegar enga möguleika á að kreljast þess að hann verði innheimtur, getum einungis beðið um að það verði gert. Þetta kom okkur jafn- mikið á óvart og öðrum og Flug- leiðir hafa mótmælt þessu við ís- lensk yfirvöld. Skatturinn kemur á versta tíma og allt of seint, því allir bæklingar eru komnir á mark- aðinn," sagði Davíð Vilhelmsson. Morgunblaðið/Arni Sæberg Krassj, búmm og bahaha Leiklist Sveinbjörn I. Baldvinsson Hitt leikhúsið: Rauðhóla-Rannsý Leikstjóri: Páll Baldvin Bald- í fyrrakvöld var leikverkið Rauðhóla-Rannsý eftir Claire Luckham frumsýnt í Gamla bíói og er þetta önnur uppfærsla Hins leikhússins. Sú fyrsta var Litla hryllingsbúðin. Höfundur verksins segjr í leikskrá að verkið fjalli um „þroska og reynslu kvenna al- mennt" og að fjölbragðaglíman í verkinu sé hugsuð sem táknmynd alls þess sem hetja leiksins lendir í. Verkið gerist sem sé allt í glímu- hring og þar er okkur birt sagan um Rannsý þessa, sem glímir til sigurs í nafni kynsystra sinna, gegn fordómum og karlrembu. Eins og rækilega hefur verið tíundað í fjölmiðlum er þetta sér- stæð leiksýning og gerir gríðar- legar kröfur til leikaranna, hvað varðar líkamlegt atgervi og ná- kvæmni í hreyfingum. Það er skemmst frá því að segja að þeir standa sig allir mjög vel að þessu leyti. Hvað varðar leik í hefð- bundnari skilnigi orðsins er það að segja, að hann fyllir vel út í það rými sem verkið gefur til slíks, en það rými er reyndar ekki ýkja mikið. Persónumar em flestar ákaflega einlitar og sumar jafnvel svo mjög að vafasamt virðist að kalla þær persónur. Taka má dómarann sem dæmi. Hann er nokkurs konar kynnir og sögu- maður fremur en persóna í verk- inu. Erfítt er að gæða hlutverk af þessu tagi vemlegu lífi. Andra Emi Clausen tókst það ekki, nema í söngatriðinu sem var afbragðs- gott hjá honum. Hinar persónum- ar hafa öll einhver skýr einkenni sem leikaramir geta moðað úr. Það tókst líka prýðilega. Maður gerir ekki sömu kröfur til söngleikja varðandi dramatíska spennu og hnitmiðaða byggingu og atburðarás og til annarra leik- rita. Rannsý er söngleikur. Það snjalla við þetta verk er hugmyndin um sviðið, um að setja samskipti persónanna fram sem átök í glímuhring. Að öðm leyti era notuð hefðbundin meðöl til að gleðja áhorfendur ýktar týpur, kröftug söngtónlist, fyndinn texti. Útkoman er pottþétt skemmtun. Verkið gerir alls engar kröfur til áhorfenda, fremur en Litla hryll- ingsbúðin, þeir geta bara einbeitt sér að því að skemmta sér og það gera þeir svo sannarlega. Það sem höfundurinn segir í leikskránni um að verkið fyalli um þroska og reynslu kvenna almennt þykja mér nokkuð stór orð. Verkið segir áhorfendum nákvæmlega ekkert nýtt. Það endurtekur bara gömlu lummumar á sniðugan hátt. „Stundum er það kvöl að vera kona,“ segir í einum söngtextan- um. Það er inntak verksins. Það er ekki sjálfsagt mál að karlar klifri upp metorðastigann á baki eiginkvenna sinna. Það er líka inntak verksins. Og hvað svo meir? Ekkert meir. Nema Krasj, búmm og hahaha. En þótt inntakið sé heldur rýrt í verkinu þá er þessi sýning vissu- lega stórskemmtileg og virðist vönduð og vel hugsuð í hvívetna. Þýðing leikstjórans og Megasar er alveg mátulega útbíuð í slettum til að verka sem klára íslenska, tónlist með ágætum en útsetning- amar era eftir Jakob F. Magnús- son. Allir aðrir aðstandendur sýn- ingarinnar eiga einnig hól skilið. Rannsý sjálf er ótvíræður sig- urvegari í verkinu. Baddi brúskur maður hennar, bíður lægri hlut og dæmist til húsverka, en hún fetar framabrautina í fjölbragða- glímunni. Edda Heiðrún Back- mann er ótvíræður sigurvegari í þessari sýningu. Edda leikur og syngur frábærlega og virðist geta blómstrað í ólíkustu hlutverkum. Þetta kemur reyndar gömlum skólafélaga ekki á óvart. Nafna hennar Björgvinsdóttir bregður upp skýrri og skemmtilegri mynd af móður Rannsýar og pabbinn er tekinn sannfærandi tökum af Leifi Haukssyni. Guðjón Pedersen leikur Badda brúsk og enda þótt Baddi tapi glímunni vinnur Guð- jón leikinn. Hlutverk Rannsýar og Badda gefa mesta möguleika fyrir leikara í þessari sýningu. Bæði Edda Heiðrún og Guðjón nýttu þá til fulls, svo stimdi á. Það era ótaldir þrír leikarar: Kristín S. Kristjánsdóttir, Kolbrún Halldórsdóttir og Steinarr Magn- ússon. Þau skila öll sínu með sóma, en hlutverk Kristinar er langstærst. Hún leikur Klöra klassa, vinkonu Rannsýjar. íslensku leikhúslífi er fengur í Qölbreytni og Hitt leikhúsið hefur gert sitt til að auka þessa fjöl- breytni með tveimur glæsilegum uppfærslum á vinsælum erlendum söng- og gleðileikjum. Upp undir fjórðungur þjóðarinnar sá Litlu hryllingsbúðina. Ekki er að efa að Rauðhóla-Rannsý muni njóta mikilla vinsælda. Hér er afbragðs skemmtun á ferðinni og ekki síst: Afbragðs leikarar.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.