Morgunblaðið - 26.01.1986, Page 55
--------MfíRGUNBLAÐID,:SUNNUDAGUR26. JANÚAR1986 Í55r
Ingibjörg Jóns-
dóttir — Kveðjuorð
Fædd 30. apríl 1904
Dáin 12. nóvember 1985
„Þreyttar, vinnulúnar hendur
stijúka þýðlega vanga lítils drengs
og sópa burtu tárum sem falla niður
á kinn. Falleg ómþýð bæn streymir
af vörum fram og svæfir lítinn
þreyttan hnokka, sem saklaus
hverfur á vit draumanna. Bros og
dillandi hlátur við strákslegum
uppátækjum, mild ástúðleg svör við
ráðgátum lífsins. Hlýir sterkir
armar og kelta sem bæði veitir
skjól og frið.“
Fram í hugann streyma minning-
ar svo margar, svo sterkar. Ljúfsár-
ar og blandnar trega. Hún amma
er dáin. Þessi góða og sterka kona
sem aldrei brást og alltaf hafði trú.
Eftir langa og erfiða sjúkdómslegu,
er hún nú loks lögð af stað í ferða-
lagið til hans afa sem hún alla tíð
þráði svo heitt. Sá staður er um-
vafinn fegurð, kærleika og himn-
eskri birtu, var ætíð hennar sann-
færing. „Þegar við pabbi hittumst,"
var hún vön að segja.
í mörg ár átti ég heimili mitt
hjá ömmu. Við ólumst upp saman
þrír dætrasynir í öruggu skjóli og
við ástríki afa og hennar. FVaman
af var okkar hugarheimur bundinn
í dróma sagna þeirra og ævintýra,
sem amma var vön að segja okkur
um álfa, tröll og fleiri furðuverur.
Hún kunni líka ógrynnin öll af
kvæðum og þulum, sem hún var
vön að raula fyrir okkur í rökkrinu
á kvöldin og var þá svefnsins aldrei
langt að bíða. Hver nýr dagur var
tiihlökkunarefni þar sem litlar sálir
snerust í óþreytandi gáska í kring-
um ömmu, sem hló með ungunum
sínum. Bemskuárin liðu fljótt, ljúf
við leik og störf og alvara lífsins
fór að taka við.
Hugurinn mótaðist snemma af
skoðunum ömmu, sem var óþreyt-
andi við að segja alls kyns dæmisög-
ur um baráttu góðs og ills, um
kærleikann, vináttuna, miskunn-
semina og sannleikann. Hún var
trúuð kona, sem trúði á sitt himna-
ríki og mátt bænarinnar. Hún gaf
okkur öllum hlutdeild í trú sinni,
sem við búum að enn í dag.
Sjaldan man ég ömmu reiða. Hún
var vön að leiða okkur fyrir sjónir
villu okkar á svo rólegan og yfirveg-
aðan hátt, að stundum koma upp í
huga mér ábendingar hennar. Við
mig sagði hún oft: „Sá sem stjómar
skapi sínu er meiri en sá sem vinnur
borgir," og alltaf fylgdi þessu bjart
bros eða ljúfur koss. Hún var vön
að hlýða okkur yfir skólabókaiær-
dóminn og var aufús og hjálpsöm
við að leysa úr þeim vangaveltum
er það mjmduðust. Hvað námið
snerti var hún ströng og lagði ríka
áherslu á það að allir lærðu vel og
samviskusamlega. „Góð menntun
er öllum nauðsyn og undirstaða
ávinninga í lífinu," var hennar við-
kvæði.
Amma hafði sterka fegurðartil-
fínningu og skynjaði hana bæði í
orði og verki. Hjá henni nam ég
kraft og fegurð orðanna og ófá
voru þau skipti þar sem ég las fyrir
hana upp úr ljóðabókum hin ýmsu
kvæði. A slíkum stundum kom oft
fyrir að við táruðumst saman og
einatt útskýrði hún fyrir mér kvæð-
in eftirá, út frá sinni miklu góð-
mennsku og djúpstasða skilningi á
mannlegum tilfinningum. Ætíð var
hún reiðubúin til hjálpar og ekkert
aumt mátti hún sjá hjá öðrum án
þess að rétta ekki út gefandi styrkj-
andi hönd. í skynsemi sinni og rétt-
sýni var hún traust sem klettur og
einatt var hún tilbúin til að deila
með okkur jafnt gleði sem sorg.
áuðug var hún af kímnigáfu og
sérstakt lag hafði hún á því að fá
grámyglu hversdagsleikans til að
gufa upp sem dögg fyrir sólu. Þó
var alvara lífsins sjaldan langt
undan.
Við vorum samhent fjölskylda og
heimilið á Kleppsveginum var okkur
öllum friðsælt, traust athvarf, jafn-
vel löngu eftir að sum okkar höfðu
yfírgefíð hreiðrið. Ég minnist jól-
anna við kerta- og greniilm, þar sem
allir hittust, jafnt böm sem fúllorðn-
ir. Stór og stæðilegur hópur, stolt
afa og ömmu. Yfír öllu friður og
hátíðleiki, eftirvænting. Minning
sem lifír í hugum okkar allra og
laðar fram bros við endurómunina.
Amma hafði um langt skeið ekki
gengið líkamlega heil til skógar, en
jafnvel í veikindum sínum æðraðist
hún ekki né glataði trú sinni og
sjaldan var fallegt bros hennar
langt undan. Nú brosa þau saman
aftur, hún og afí.
Ég mun muna lífsspeki ömmu,
gæsku hennar og festu. Brosin,
tárin og hlátur hennar sem ennþá
ómar í huga mér. Hugrekki hennar
og kjark á öllum stundum. Vináttu ,
hennar og kærleika. Að hafa fengið
að njóta þess að alast upp við raun-
sæi hennar, réttlæti og óbilandi trú.
Megi mynd ömmu ávallt lifa í hjört-
um okkar. Hafði hún þökk fyrir
allt. Enn á ný fínn ég hönd ömmu
stijúka burt tárin úr augum mínum.
Púlli
t
Dóttir mín, móðir okkar og tengdamóðir,
ESTHER INGVARSDÓTTIR,
Ásgarði 117,
Reykjavik,
lést í Landspitalanum að kvöldi hins 23. janúar.
Halldóra Hansdóttir,
Ingvar Hafsteinsson, Þyri Kristjánsdóttir,
Hafdís Hafsteinsdóttir,
Ásbjörn Kristinsson.
ATHYGLI skal vakin á því, að afmælis- og minningargrein-
ar verða að berast blaðinu með góðum fyrirvara. Þannig
verður grein, sem birtast á í miðvikudagsblaði, að berast
í síðasta lagi fyrir hádegi á mánudag og hliðstætt með
greinar aðra daga. í minningargreinum skal hinn látni
ekki ávarpaður. Þess skal einnig getið, af marggefnu til-
efni, að frumort ljóð um hinn látna eru ekki birt á minning-
arorðasíðum Morgunblaðsins. Handrit þurfa að vera vélrituð
og með góðu línubili. Meginregla er að minningargreinar
birtist undir fullu höfundamafni.
raöauglýsingar
raöauglýsingar
raöauglýsingar
Almennur bæjarmála-
fundur Akureyri
Fundur um fjárhagsáætlun Akureyjarbæjar og veitustofnana verður
haldinn mánudaginn 27. jan. nk. í Kaupangi v/Mýrarveg. Allir velkomnir.
Stjóm fulltrúaráðs sjálfstæðisfólaganna.
Stjórnmálaskóli
Sjálfstæðisflokksins
verður starfræktur dagana 24. feb.-8.
mars nk. sem kvöld- og helgarskóli.
Skólinn skiptist i tvo hluta. Allir nemendurnir taka þátt i fyrri hlutanurr
og verður þar farið yfir vítt svið stjórnmála- og félagsmála. T.d.
fyrirlestrar um sveitarstjórnarmál, utanríkis- og öryggismál og enn-
fremur verður kennd ræðumennska og greinaskrif. Siðari hluti skipt-
ist í 2 svið, efnahags- og atvinnumál og utanrikis- og menningarmál.
Nánari upplýsingar fást á skrifstofu fulltrúaráðs sjálfstæðisfélaganna
í Reykjavík, Háaleitisbraut 1, eða í sima 82900.
Sjálfstæðiskvennafélagið
Vorboði Hafnarfirði
Almennur félagsfundur verður mánudaginn 27. nk. kl. 20.30 stundvis-
lenga.
Dagskrá:
1. Skýrsla jólanefndar.
2. Konur og stjórnmál. Frummælendur: Sólveig Ágústsdóttir bæjar-
fulltrúi, Anna K. Jónsdóttir varaborgarfulltrúi og Þórunn Gestsdóttir
formaður landssambands sjálfstæðiskvenna.
3. Frjálsar umræður, kaffiveitingar.
Mætið vel og takiö meö ykkur gesti.
Stjórnin.
Sjálfstæðiskonur
— Opið hús
Landssamband sjálfstæðiskvenna og Hvöt, félag sjálfstæðiskvenna
í Reykjavík, hafa opiö hús í Valhöll (kjallarasal) i hádeginu fimmtudag-
inn 30. janúar.
Sjálfstæðiskonur mætum allar og spjöllum saman. Léttur hádegis-
veröur verður á boðstólum fyrir konur og börn, sem að sjálfsögðu
eru velkomin.
Stjórnimar.
Landsmálafélagið Vörður
Straumhvörf í íslenskum
stjórnmálum ?
Dr. Hannes H. Gissurarson flytur erindi á
Varðarfundi þriðjudaginn 4. febrúar nk. kl.
20.30 i Sjálfstæöishúsinu Valhöll sem hann
nefnir „Straumhvörf í islenskum stjórn-
málum?“. Að loknu framsöguerindi verða
umræöur.
Sjálfstæðismenn og aðrir áhugamenn um
stjórnmál eru hvattir til að fjölmenna.
Stjórn Varðar.
Kynning á Varðbergi
Opinn stjómarfundur Heimdallar veröur
haldinn í Valhöll, Háaleitisbraut 1, mánu-
daginn 27. janúar nk. Hefst hann kl. 20.00.
Gestur fundarins verður Gunnar Jóhann
Birgisson nýkjörinn formaður Varðbergs,
félags áhugamanna um vestræna sam-
vinnu. Mun hann kynna fyrirhugaða starf-
semi félagsins og markmið þess.
Allir félagar velkomnir.
Stjóm Heimdallar.
Sjálfstæðisfólk
Rangárvallasýslu
Sjálfstæðisfélag Rangæinga og Fjölnir
halda aðalfundi þriöjudaginn 28. janúar nk.
kl. 20.30 í Hellubíói.
Fundarefni:
1. Venjuleg aðalfundarstörf.
2. Þorsteinn Pálsson flytur ávarp og ræðir
stjórnmálaviöhorfin.
Félagar fjölmenniö.
Keflavík
Sjálfstæðiskvennafélagið Sókn
heldur almennan fund í Glóðinni mánudaginn 27. þessa mánaöar
kl. 20.30.
Fundarefni:
Frú Guðrún Erlendsdóttir lögfræðingur flytur erindi (Róttur konunnar
f óvígðri sambúð) og svarar fyrirspurnum.
Kaffiveitingar.
Ungt fólk er sérstaklega boðið velkomiö.
Stjómin.
Blómaskreytinga-
námskeið
Ný námskeið að hefjast. Kennari Uffe
Balslev. Innritun og upplýsingar í síma
612276 á kvöldin og um helgar.
Frönskunámskeið
Alliance Francaise
Fyrri námskeið vorannar hefjast mánudag
3. febrúar.
— 10 vikna námskeið.
— Kennt verður á öllum stigum.
— Bókmenntaklúbbur.
— Leiklistarklúbbur (minnst 6 nem., mest
12 nem.) fyrir þá sem lengra eru komnir.
— Barnaflokkur (7-12 ára) og Unglingaflokk-
ur (13-16 ára) ef næg þátttaka fæst.
Innritun fer fram á bókasafni Alliance Fran-
caise alla virka daga frá kl. 3-7 og hefst
mánudag 20. janúar. Nánari upplýsingar í
síma 23870. Veittur er 10% staðgreiðsluaf-
sláttur og 15% staðgreiðsluafsláttur fyrir
námsmenn.
Munið kvikmyndaklúbbinn. Sýningar (með
enskum texta) sýndar á hverju fimmtudags-
kvöldi kl. 20.30 í Regnboganum. Fimmtudag-
inn 30. janúar stórmyndin „Rue Case--
Negres“ eftir euzhan Palcy. (1983).
t