Morgunblaðið - 16.04.1986, Blaðsíða 33

MORGUNBLAÐIÐ, MIÐVIKUDAGUR 16. APRÍL1986
33
Skoðanaköimun á Akureyri:
Sjálfstæðisflokkur og Fram-
sókn bæta við sig manni
Akureyri.
DAGUR, málgagn framsóknar-
manna á Akureyri, birti í gær
niðurstöðu úr skoðanakönnun
sem blaðið gerði á Akureyri um
helgina um bæjarstjórnarkosn-
ingarnar í vor. Skv. niðurstöð-
um Dags fengji Sjálfstæðis-
flokkur 5 menn kjörna, Fram-
sóknarflokkur 4 og Alþýðu-
flokkur og Alþýðubandalag 1
mann hvor.
Kvennaframboðið fékk 2 bæj-
arfulltrúa kjörna í síðustu kosn-
ingum - en framboðið tekur ekki
þátt í kosningunum nú. Sjálfstæð-
isflokkur og Framsóknarflokkur
fengu því sitt hvort sætið sem
losnar í bæjarstjórn skv. þessari
niðurstöðu.
Reiknistofnun Háskóla íslands
vann 700 manna úrtak fyrir Dag.
Af því náðist í 491, sem er 70,14%.
Stór hluti aðspurðra var óákveð-
inn, alls 198 manns sem er
40,32%. 10,59% sögðust ekki ætla
að kjósa og 16,7% vildu ekki svara
spumingu blaðsins.
Af þeim sem tóku afstöðu, sem
voru 159, sögðust 23 ætla að
kjósa Alþýðuflokkinn (14,46%),
51 Framsóknarflokkinn (32%), 62
Sjálfstæðisflokkinn (38,99) og 23
Alþýðubandalagið (14,46%).
Gunnar Ragnars:
Bæjarbúar vilja breyta stjórnun
Akureyri.
„ÞAÐ VEKUR fyrst og fremst
athygli mína hve svarprósentan
er lág,“ sagði Gunnar Ragnars,
efsti maður á lista Sjálfstæðis-
flokksins, er Morgunblaðið leit-
aði álits hans á niðurstöðum
könnunar Dags.
„Ég hef velt því fyrir mér
hverni^, tendur á því og að vissu
leyti held ég að ástæðan sé sú
að það er ekki óháður aðili sem
stendur að könnuninni. En samt
sem áður er niðurstaðan greinileg
vísbending um að bæjarbúar vilja
breytta stjómun í málefnum bæj-
arfélagsins. Og það er einmitt það
sem kosningamar í vor munu
fyrst og fremst snúast um,“ sagði
Gunnar Ragnars.
Sigurður Jóhannsson:
Má ekki byggja um of á niðurstöðum
Akureyri.
„ÉG ER sæmilega ánægður
með niðurstöðuna. Hitt er svo
að mörg vafaatriði eru í þessu
— sérstaklega hve stór hluti
tekur ekki afstöðu, vill ekki
svara eða hefur ekki gert upp
hug sinn,“ sagði Sigurður Jó-
hannesson, efsti maður á lista
Framsóknarflokksins, í samtali
við Morgunblaðið.
Sigurður sagði að ef þeir sem
ekki hefðu viljað svara gerðu það
gæti niðurstaða skoðanakönnun-
arinnar gjörbreyst. „Því miður
má því ekki byggja allt of mikið
á þessum niðurstöðum." Sigurður
var spurður hvort hann hefði búist
Freyr Ófeigsson:
Menn gefa
ekki upp
skoðanir sínar
Akureyri.
„ÉG TEL þessa skoðanakönnun
afskaplega lítið marktæka - ég
vona að minnsta kosti að hún
gefi ekki vísbendingu um nið-
urstöðu þegar upp verður stað-
ið,“ sagði Freyr Ofeigsson, efsti
maður á lista Alþýðuflokksins
á Akureyri, í samtali við Morg-
unblaðið um niðurstöðu könn-
unar Dags.
„Það eru sterk rök fyrir því að
könnunin sé ekki marktæk: Þessi
sáralitla þátttaka. Nú, við búum
í litlu bæjarfélagi - bæjarfélagi
kunningsskaparins, og menn eru
þess vegna ekki hrifnir af að gefa
upp hvað þeir ætla að kjósa. Ég
er heldur ekki í vafa um að það
skiptir máli hvaða aðili stendur
að könnuninni. Ég veit dæmi þess
að fólk gat ekki hugsað sér að
svara Degi.“
Freyr tók fram að Alþýðuflokk-
urinn væri ekki enn búinn að birta
lista sinn og kosningabaráttan
varla farin af stað í bænum,
„þannig að margt á eftir að breyt-
ast fram að kosningum", sagði
hann.
við því að flokkur hans og Sjálf-
stæðisflokkurinn myndu fá sinn
hvom bæjarfulltrúann sem
Kvennaframboðið hafði í síðustu
kosningum: „Nei, ekki var það
nú svo í mínum huga. Ég hef
reyndar alltaf gert ráð fyrir því
að við næðum öðrum — ég held
það sé óraunhæft að gera ráð
fyrir því að við fáum báða — en
að Alþýðubandalag eða Alþýðu-
flokkur næði hinum. Það er mín
tilfinning."
Sigríður Stefánsdóttir:
Hæpið að draga
ályktanir af
þessari könnun
Akureyri.
„ÞAÐ ER afskaplega hæpið að
draga ályktanir af þessari
könnun. Af 700 manna úrtaki
gefa aðeins 150 upp afstöðu
sína og það er hæpið að minu
mati að skipta bæjarfulltrúm
eftir þeirri niðurstöðu,“ sagði
Sigríður Stefánsdóttir, efsti
maður á lista Alþýðubandalags-
ins, í samtali við Morgunblaðið.
Sigríður sagði annað atriði sem
gerði það að verkum að niðurstað-
an væri ekki marktæk að hlutlaus
aðili hefði ekki staðið að könnun-
inni. „Dagur er í hugum fólks það
tengdur Framsóknarflokknum að
það er ekki tilbúið að svara blað-
inu. Og það er einmitt stærsti
gallinn á öllum skoðanakönnunum
þegar hlutlaus aðili stendur ekki
að þeim - þá eru niðurstöður ekki
marktækar."
Sigríður sagði, pólítískt séð,
„fráleitt að ríkisstjómarflokkamir
komi út með 9 af 11 bæjarfulltrú-
um. Ég ætla Akureyringum það
ekki og þetta er ekki í takt við
þann anda sem ég finn. Við emm
bjartsýn og ætlum að vinna mjög
vel fram að kosningum."
Fundur um miðbæjar-
skipulag í Hafnarfirði
„ MIÐBÆJARSKIPULAG í nútíð
og framtíð," var yfirskrift fund-
ar sem landsmálafélagið Fram
hélt i Sjálfstæðishúsinu í Hafnar-
firði á mánudagskvöld. Fram-
sögu á fundinum hafði Jóhann
G. Bergþórsson. Hann fjallaði um
sögu miðbæjarskipulags Hafnar-
fjarðar og núverandi stöðu mála.
Að loknu erindi hans spunnust
umræður um málefni miðbæjar-
ins.
í erindi Jóhanns kom m.a. fram
að árið 1933 var lagt fram fyrsta
skipulag Hafnarfj arðarbæj ar.
Skipulagsnefnd var stofnuð 1959
og efndi hún til verðlaunasam-
keppni um útlit miðbæjarins. Tillög-
ur Jóns Haraldsonar arkitekts báru
sigur úr býtum. Núverandi skipulag
er hinsvegar unnið af Sigurþóri
Aðalsteinssyni, og var það sam-
þykkt í apríl 1982. Síðan þá hafa
bæjaryfirvöld og lóðaeigendur við
Fjarðargötu staðið í deilum um
eignarhald á svæðinu frá Strand-
götu niður að sjó. Þessi mál verður
að leysa fyrir dómstólum, en það
hefur dregist á langinn. Jóhann
taldi tímabært að deiluaðilar gerðu
bráðabirgðasamkomulag svo að
framkvæmdir í miðbænum gætu
hafist. Annars væri hætta að Hafn-
arfjörður drægist aftur úr í upp-
byggingu.
Finnbogi Arndal stjómaði fund-
inum. Hann sagði að það væri lýs-
andi dæmi um Hafnarfjörð í dag
að á sama tíma og sjálfstæðismenn
funduðu um skipulagsmál, væri
kappleikur í íþróttahúsinu, safnað-
arfundur í kirkjunni og sýning hjá
Leikfélagi Hafnarfjarðar á Galdra-
Lofti. Þetta sannaði best að í
bænum væri mikið líf þótt fólkið
væri ekki margt. Aðrir fundarmenn
tóku í sama streng. Þorgeir Ibsen
sagði að Hafnarfjörður væri eitt
fallegasta bæjarstæði á öllu
landinu. Það væri alltaf gaman að
skoða bæinn og þá stórkostlegu
möguleika sem þar væru fyrir
hendi. Þorgeir rifjaði upp ýmislegt
frá fyrri ámm sem hann kallaði
slys í skipulagi. Hann sagði að ráða-
menn bæjarins hefðu nú tækifæri
til þess að ákveða framtíð bæjarins,
og það væri mikil ábyrgð. Ámi
Grétar Finnsson sagði að það hefðu
verið fleiri ljón á veginum fyrir
uppbyggingu bæjarins en margir
gerðu sér grein fyrir. Þröngt væri
búið að bænum, og úr of fáum lóð-
um væri að spila. Hann sagði að
menn gætu aldrei séð þróunina
algjörlega fyrir. Taldi Ami t.d.
uppbygginguna á iðnaðarsvæðinu á
Flatahrauni ágæta. Þar væm nú
samankomin mörg helstu fyrirtæki
bæjarins úr öllum starfsgreinum.
Jóhann Petersen sagði að það væri
tómt mál að tala um miðbæ án
mannlífs. Til þess þyrfti fleira en
göngugötur. Hann sagði að bæjar-
stjómin yrði að hafa ákveðna
stefnu, kaupa lóðir, rífa hús og
skapa skilyrði fyrir byggingar utan
um lifandi fólk.
Fjölmörgum spurningum var
beint til Jóhanns á fundinum og
svaraði hann þeim eftir því sem við
átti. Af umræðum manna á mátti
merkja að þótt skipulagsmál mið-
bæjarins hafi verið í sjálfheldu,
skortir ekki áhuga Hafnfirðinga á
blómlegu mannlífi.
Sjónvarpsskilyrði á Höfn:
„Myndin dettur út og
hljóðið bara garg“
Hyggjast endursenda innheimtuseðlana
„VIÐ erum að safna saman hjá
fólki innheimtuseðlum frá Ríkis-
útvarpinu fyrir þetta misseri og
ætlum að skila útvarpsstjóra
þeim með þeirri orðsendingu, að
íbúar Austur-Skaftafellssýslu
séu ekki tilbúnir að greiða fyrir
ímyndaða þjónustu sjónvarps-
ins,“ sagði Tryggvi Ámason
sveitarstjóri á Höfn i Homafirði
í samtali við Morgunblaðið.
Að sögn Tryggva, hefur fólk í
Austur-Skaftafellssýslu verið sára-
óánægt með móttökuskilyrði fyrir
sjónvarp í sýslunni í mörg ár en
þó keyrði um þverbak síðastliðið
sumar og haust.
Tryggvi sagði að truflanir væru
einkum þrenns konar. „í fyrsta lagi
eru stöðugar mynd- og hljóðtruflan-
ir — myndin er á fleygiferð og ekki
heyrist annað en garg úr hátölurun-
um. í öðru lagi dettur þetta hvort
tveggja iðulega út frá tuttugu sek-
úndum og upp í eina til tvær mínút-
ur, og í þriðja lagi dofnar myndin
og kemur inn á víxl, og er þá undir
hælinn lagt hvort hún er í lit eða
svarthvít. Ástandið er einna verst
suður í Öræfum. Þar eru truflanir
langtiðastar og liturinn afskaplega
lítilfyörlegur og lélegur,“ sagði
Tryggvi.
Að sögn Tryggva hefur Póstur
og sími gefið þá skýringu á truflun-
unum, að rafmagnstruflanir hafí
skemmt búnaðinn. Hins vegar sé
búið að leggja niður verksmiðjum-
ar, sem framleiddu tækin, og vara-
hlutir fáist ekki, svo það sé verið
að reyna að búa þá til hér heima.
„Þetta segja þeir skýringuna á
ástandinu eins og það er núna, en
í þau átta ár sem ég hef búið hér
á Höfn, hafa sjónvarpsskilyrði verið
mjög léleg að undanskildu tæpu
einu ári, 1981—1982. Móttökutæk-
in héma eru bara gamalt og úrelt
drasl og hæfa engan veginn nútíma
tækni," fullyrti Tryggvi.
Hann sagði, að Austur-Skaftfell-
ingar greiddu um fimm milljónir (
afnotagjöld til Ríkisútvarpsins á ári
og þætti því hart, að ekki væri
hægt að sjá af svo sem einni tify
þremur milljónum til þess gera þeim
kleift að njóta þeirrar þjónustu, sem
þeir borguðu fyrir.
Gengið hefUr vel að safna saman
innheimtuseðlunum og er ætlunin
að skila þeim eftir eindaga afnota-
gjaldsins, sem er 22. apríl nk.
„Austur-Skaftfellingar eru sein-
þreyttir til vandræða, en nú er
mælirinn fullur," sagði Tryggvi
Ámason að lokum.
Kærður fyrir nauðgun
UNGUR maður var á mánu- Ekki fengust nánari upplýs-
dag úrskurðaður í fjögurra ingar um málavöxtu hjá Rann-
daga gæsluvarðhald vegna sóknarlögreglu ríkisins í gær og
kæru sem borist hafði á hend- er málið í rannsókn.
ur honum um nauðgun.