Morgunblaðið - 07.06.1986, Blaðsíða 4

4
MORGUNBLAÐIÐ, LAUGARDAGUR 7. JÚNÍ1986
„Góð blanda af göml-
um og nýjum lögum“
— Dave Brubeck á tónleikum Listahátíðar í Broadway annað kvöld
JAZZLEIKARINN frægi, Dave
Brubeck, er kominn tíl landsins
en á sunnudagskvöldið klukkan
21 mun hann ásamt kvartett
sínum halda tónleika í sam-
komuhúsinu Broadway.
Dave Brubeck er kunnur langt
út fyrir raðir jazzáhugamanna;
tónsmíðar hans hafa oft verið
spilaðar í Ríkisútvarpinu og eins
hafa menn gjaman raulað lög
hans fyrir munni sér.
Brubeck fæddist árið 1920 og
þrettán ára gamall var hann þegar
bytjaður að spila með danshljóm-
sveitum þess tíma. Síðar meir nam
hann tónlist hjá Daríus Milhaud
og Amold Schönberg. Arið 1946
stjómaði hann framúrstefnu-
oktettinum: The Jazz Workshop
Ensamble, og þremur ámm síðar
stofnaði hann hljómsveit sína, sem
í fyrstu var einungis skipuð þrem-
ur mönnum að honum meðtöldum,
en árið 1951 bættist einn enn í
hópinn og þar með voru meðspil-
arar hans orðnir þrír.
Hljómsveit hans er að þessu
sinni skipuð þeim Bill Smith,
klarinettuleikara, bassaleikaran-
Morgunblaðið/Börkur
Dave Brubeck, jazzleikarinn
þekkti, er kominn hingað til
lands ásamt hljómsveit sinni.
um Cliff Brubeck, sem er sonur
Dave Brubeck, og trommuleikar-
anum Randy Jones.
Á fréttamannafundi, sem hald-
inn var með Brubeck á komudegi
hans hingað til lands, sagði hann
að sennilega yrði góð blanda af
gömlum og nýjum lögum á tón-
leikunum, en ekki væri fyrirfram
ákveðið hvað spilað yrði. „Þeir
sem ákveða slíkt fyrirfram ættu
að snúa sér að sígildri tónlist,"
sagði Brubeck.
Aðspurður um hverslags jazz
það væri sem hljómsveitin spilaði
um þessar mundir kvaðst hann
ekki vita það. „Þegar við í hljóm-
sveitinni héldum það á einum tíma
að við værum einhveijir þeir
„heitustu" sem spiluðu jazz vorum
við sagðir með allt annan stíl,
þannig að ég veit ekki hvað segja
skal að þessu sinni," sagði
Brubeck.
Dave Brubeck og hljómsveit
hans eru mikið á ferðalagi út um
allan heim og upphaflega stóð til
að hljómsveitin héldi héðan til
annarra Evrópulanda en af því
getur ekki orðið að þessu sinni,
en þess í stað verður förinni heitið
til Hvíta hússins í Wasington þar
sem þeir félagar munu ieika fyrir
Ronald Reagan.
Ólafsvík:
Sjálf stæðisf lokk-
ur o g Alþýðuflokk-
ur mynda meirihluta
Á Ólafsvík hefur náðst sam-
komulag milli Sjálfstæðisflokks og
Alþýðuflokks um myndun meiri-
hluta í bæjarstjórn. Kristófer Þor-
leifsson, efsti maður af D-lista,
verður forseti bæjarstjómar og
Sveinn Þór Elínbergsson, efsti
maður af A-lista, verður formaður
bæjarráðs.
Ákveðið hefur verið að auglýsa
eftir bæjarstjóra.
Nýr bíll frá Lada-verksmiðj-
unum sýndur um helgina
KOMINN er til landsins nýr
þriggja dyra bíll frá Lada verk-
smiðjunum. Var bifreiðin sýnd
gestum í gærkvöldi.
í dag og á morgun, laugardag
og sunnudag, gefst almenningi færi
á að skoða nýja Lödu, Samara 2108,
hjá Bifreiðum og Landbúnaðarvél-
um hf. í bakhúsi að Suðurlands-
braut 14. Sýningin verður opin frá
því kl. 10 árdegis til 5 síðdegis báða
dagana. Boðið verður upp á veiting-
ar.
Morgunblaðið/Bjami
„íslenskt fjallalamb" eldsteikt fyrir gesti á blaðamannafundi Mark-
aðsnefndar landbúnaðarins á Hótel Loftleiðum.
„íslenskt fjallalamb“
Kynningarátak fyrir
íslenska lambakjötið
MARKAÐSNEFND landbúnað-
arins hefur nýlega hafið sérstakt
kynningarátak til þess að glæða
sölu og neyslu á íslensku lamba-
kjöti hér innanlands. Neysla á
lambakjöti hefur farið minnk-
andi undanfarna mánuði og
gengur hægar á birgðir en gert
var ráð fyrir. Markaðsnefndin
hefur ráðið Auglýsingaþjón-
ustuna GBB til að annast kynn-
ingarátakið í sumar og er vonast
til að með þvi takist að auka
söluna verulega og grynnka á
birgðunum fyrir næstu sláturtíð.
Alls verður fjórum milljónum
króna varið til þessa markaðsátaks
í sumar og verður lambakjötið
auglýst og selt undir heitinu „ís-
lenskt fjallalamb". í frétt frá Mark-
aðsefnd landbúnaðarins segir að
herferðin miði öll að því að undir-
strika þá sérstöðu lambakjötsins,
að vera hrein og ómenguð „villi-
bráð“, þar sem lambið nærist á
villtum gróðri að stærstum hluta
og er slátrað að hausti án þess að
hafa nokkru sinni komið í hús.
Markaðsnefnd hefur leitað eftir
samstarfi við dreifingaraðila og
verslunarmenn og er gert ráð fyrir
því að sveit sérfróðra manna í
meðhöndlun og framleiðslu lamba-
kjöts heimsæki verslanir um allt
land í sumar, vinni þar með kaup-
mönnum og kjötiðnaðarmönnum að
sölu lambakjöts. Á sama tíma verð-
ur kjötið auglýst sem hráefni á úti-
grillið sem og í hefðbundna mat-
reiðslu.
Útvarpsþátturinn í loftinu:
„Hrikalegur munnsöfnuður“ um lista-
mennina sem studdu Davíð Oddsson
— Munstrið ruglast og maður er
ekki lengur gott skáld, segir
Þórarinn Eldjárn
YFIRLYSING um stuðning við Davið Oddsson, borgarstjóra, sem
níu listamenn sendu frá sér og birt var í Morgunblaðinu á föstu-
dag fyrir kjördag, hefur „heldur betur farið fyrir bijóstið á
mennta- og listafólki á vinstri væng stjómmálanna“, eins og
komist var að orði í útvarpsþættinum í loftinu sl. þriðjudag, þar
sem rætt var við einn níumenninganna, Þórarin Eldjárn, rit-
höfund.
í upphafi þáttarins skýrði Hall-
grímur Thorsteinsson, stjómandi
þáttarins, frá því, að ástæðan fyrir
ijaðrafokinu væri sú „að meiri
hluti níumenninganna hefur ein-
hvem tíma verið orðaður við
vinstri vænginn, ef ekki stigið eða
þótt stíga svolítið í við hann“.
Hann kveðst síðan hafa heyrt
„aldeilis hrikalegan munnsöfnuð"
viðhafðan um listamennina. Þeir
væru kallaðir „svikarar" og talað
um að þeir væm að „svíkja mál-
stað“ eða „selja sig“.
Þórarinn Eldjám sagði að
margir hefðu haft samband við
sig vegna yfirlýsingarinnar. Yfir-
leitt væri það fólk í tengslum við
Alþýðubandalagið og það væri
sammerkt því öllu, að það teldi
sig hafa a.m.k. jafnmikinn ef ekki
meiri ráðstöfunarrétt yfir atkvæði
sínu en hann sjáifur.
Hann kvað ávarpið í Morgun-
blaðinu ósköp einfaldlega yfirlýs-
ingu um stuðning við hæfan ein-
stakling, sem níumenningamir
teldu rétt að gegndi starfi borgar-
stjóra næstu fjögur árin. Það
skipti miklu minna máli í hvaða
flokki hann væri.
Þórarinn sagði, að fólk, sem
hefði haft samband við sig, virtist
fyrirfram hafa talið hann alþýðu-
bandalagsmann. Hann kvaðst
hins vegar aðeins tvisvar hafa
haft tækifæri til að kjósa í Reykja-
vík og í fyrra skiptið, 1982, hefði
hann kosið Kvennaframboðið. Þá
sagði Þórarinn, að hann og fleiri
úr hópi níumenninganna hefðu
orðið varir við það, að yfír þeim
væri eins konar eignarréttur, sem
rekja mætti til gamalla hugmynda
stjómmálamanna um listamenn
sem „okkar menn“ og „hina“.
Pólitík væri sett fremst og um
hana spurt fyrst af öllu. það væri
miklu minni áhugi á því, hvað
menn væm í rauninni að gera,
hvað þeir væru t.d. að skrifa.
Hann og fleiri listamenn væm
settir inn í eitthvert munstur og
þegar svo atvik, eins og stuðn-
ingsávarpið við Davíð Oddsson,
yrði fyndist fólki að búið væri að
eyðileggja munstrið, mgla hlut
sem væri allt í einu orðinn öðm-
vísi en hann ætti að vera og hefði
verið áratugum saman.
Þórarinn Eldjám sagðist hafa
verið spurður að því, hvað hann
hefði fengið borgað fyrir ávarpið.
„Þetta fólk getur ekki hugsað sér,
að maður taki afstöðu út af neinu
öðm en maður fái eitthvað fyrir.
Og um leið er það gefið upp, hver
er valútan, sem það lætur í stað-
inn. Það er t.d. hylli og það er
skrifað vel um mann og það er
sagt, að maður sé gott skáld.
Munstrið ruglast og þá er maður
það ekki lengur."
Stór hluti
Reykjavíkur
án vatns í dag
STÓR hluti Reykjavíkur verður
vatnslaus S dag, en vonast er til
að vatn verði aftur komið i hús
um kvöldmatarleytið.
Vatnsleysið stafar af breytingu
á aðalæð vegna gerð gangna undir
Miklubraut norðan nýja miðbæjar-
ins. Þau svæði sem vatnslaus verða
í dag liggja vestan Kringlumýrar-
brautar og norðan Suðurlands-
brautar, allt að Elliðaám.
Að sögn Jóns Óskarssonar, deild-
arverkfræðings hjá Vátnsveitu
Reykjavíkur, vonast menn þar til
að framkvæmdum verði lokið fyrir
kvöldið, en í versta falli verður
vatnslaust fram að miðnætti ef
óvæntar tafir verða.
„Háaleitishverfí, Smáíbúðar-
hverfí, Fossvogur, Breiðholt og
Árbær fá sitt vatn í dag eins og
venjulega, en íbúar annarra hverfa
verða að sýna þolinmæði. Þó eiga
íbúar húsa, sem liggja á lægstu
svæðum vatnslausu hverfanna,
möguleika á að fá inn eitthvað vatn
í dag, en í þeim húsum sem hærra
liggja, t.d. í Laugarásnum, verður
vatnslaust með öllu,“ sagði Jón.