Morgunblaðið - 09.07.1986, Blaðsíða 2

2
MORGUNBLAÐIÐ, MIÐVIKUDAGUR 9. JÚLÍ 1986
Margt ljós-
ara eftir
þessa lotu
— segir Halldór As-
grímsson um viðræð-
urnar í Bandaríkjunum
Washington. Frá Jóni Ásgeirí Sigurðssyni
fréttarítara Morgunbladsins
í Bandaríkjunum.
„ÞAÐ ER náttúrulega ekkert
launungarmál að Bandaríkja-
mönnum finnst þeir of margir
hvalimir sem íslendingar hyggj-
ast veiða. Þeir vilja helst að það
sé ekki nokkur hvalur veiddur,"
sagði Halldór Ásgrimsson sjávar-
útvegsráðherra í samtali við
Morgunblaðið í Washington í
gærkvöldi.
„Okkur greinir enn á í ýmsum
atriðum og var nánar rætt um þau
í morgun. Síðan talaði ég við dr.
Calio í síma og við ákváðum að
vera áfram í sambandi um þessi
mál í gegnum sendiráðið í Was-
hington".
„Samkvæmt Alþjóðahvalveiði-
sáttmálanum ber okkur skylda til
þess að nýta þá hvali sem veiðast.
Við höfum lagt áherslu á að það
sem skipti okkur öllu máli séu
árangur og niðurstöður vísinda-
rannsóknanna, en ekki fjöldi
dýranna. Samningurinn við Hval
hf. er til fjögurra ára en verður
endurskoðaður árlega."
— Sem sagt veiða færri hvali?
„Ég vil ekkert segja um það. Við
leggjum áherslu á vísindarannsókn-
imar og það getur að sjálfsögðu
ýmislegt breyst á þessu tímabili."
— Verður hvalkjöt selt til Jap-
ans?
„Hvalur hf. sér um sölu afurð-
anna. En það halda áfram þreifing-
ar í málinu og ég endurtek að það
er ekki komin nein niðurstaða, þó
að margt sé ljósara eftir þessa iotu.“
ítölsk listflug-
sveit flýgnr
yfir Reykjavík
LISTFLUGSVEIT ítalska flug-
hersins er væntanleg til landsins
á laugardaginn. Mun hún fljúga
yfir Reykjavík um klukkan 15
ef veður leyfir og áætlun stenst.
Sveitin er á leið vestur til Banda-
ríkjanna. í henni eru 12 herþotur
og 4 birgðavélar. Sveitin lendir á
Keflavíkurflugvelli á laugardaginn
en heldur ferðinni áfram vestur um
haf á sunnudag.
Keflavík:
Bærinn með
málefni hrað-
frystihússins
til athugnnar
„AFSTAÐA hefur ekki ennþá
verið tekin tíl þess hvort bærinn
muni styrkja Hraðfrystihús
Keflavíkur með þvi að gerast
hluthafi í því,“ sagði Vilhjálmur
Ketilsson, bæjarstjóri í Keflavík,
þegar hann var spurður um hvort
ákvarðanataka í þessu máli lægi
fyrir.
Hann sagði að málið væri í at-
hugun, endurskoðendur væru um
þessar mundir að fara yfír reikninga
og skjöl hraðfrystihússins og kvaðst
hann búast við niðurstöðum frá
þeim á næstunni.
„Þetta er stórt mál sem við er
að fást og því hefur verið ákveðið
að skoða það mjög vandlega," sagði
Vilhjálmur.
Morgunblaðið/Einar Falur
„Laxveiði“ við skipshlið í Hvammsvíkinni í gær. Starfsmenn Laxalóns háfa eldisseiðin upp úr
kvínni. Háfurinn er framleiddur af Seglagerðinni Ægi og Iétu Norðmenn vel af notkun hans.
Norsk tankskip lesta í sjóeldisstöð Laxalóns:
Eldisseiði fyrir
20 milljónir króna
TVÖ NORSK tankskip lesta í þessari viku laxaseiði í sjóeldis-
stöð Laxalóns í Hvalfirði. í gær var unnið að þvi að ferma
„Fisktrans" úr eldiskviunum í Hvammsvík. Laxalón hefur
gert samning um sölu 220.000 eldisseiða á þessu sumri að
verðmæti 20 milljónir króna.
físka til að ganga úr skugga um
að þeir hefðu náð umsamdri
þyngd. „Þetta er góður fískur,"
sagði Sagan, „sá langbesti sem
við höfum keypt á þessu ári.“
Norsk Settefisk Import kaupir
seiðin og dreifír þeim til um 20
laxeldisstöðva. Seiðin hafa verið
vanin við sjó í þrjár vikur fyrir
afhendingu. Þau eru árs gömul.
Að sögn Ólafs Skúlasonar fram-
kvæmdastjóra Laxalóns fer
eftirspum eftir eldisseiðum í
Noregi vaxandi. Norðmenn
stefna að því að auka laxeldi í
sjó úr 30.000 tonnum á síðasta
ári í 100.000 tonn árið 1990.
Skiiyrði hér á landi eru talin
mjög góð til að ala seiðin upp í
þá stærð sem sjóeldisstöðvamar
í Noregi óska eftir.
Um 10 manns unnu við lestun
úti á Hvammsvíkinni í gær.
Laxalón hefur físk í 8 kvíum og
þegar tankskipin hafa sótt
aflann verða 2 þeirra tómar. í
hinum er alinn regnbogasilungur
til slátmnar í haust og vetur.
„Fisktrans" lá við kvína þegar
blaðamaður Morgunblaðsins og
ljósmyndari komu um borð í
gær. Starfsmenn eldisstöðvar-
innar veiddu seiðin upp úr
sjónum með stórum „háfí“ sem
hífður var um borð. Þar var hann
tæmdur í tank skipsins sem er
240 rúmmetrar, og nær frá brú
fram í stafn. Dýralæknir í físk-
sjúkdómum, Ámi Mathiesen, og
Thor Sagan, fulltrúi kaupenda
tóku sýni úr aflanum og vigtuðu
Skipið sigldi í gærkvöldi og
verður komið með „aflann“ til
Noregs eftir 6-8 daga. Fisktrans
er í stöðugum siglingum með lif-
andi físk milli staða í Noregi og
utanlands. Skipið er sextugt á
þessu ári, og hefur gegnt ýmsum
hlutverkum um ævina. Það var
smíðað sem hvalbátur, og síðar
nær eyðilagt við hertöku Noregs
1939. í stríðinu notuðu Þjóðveij-
ar það við eftirlit, en eftir stríðið
var skipið á síldveiðum og hét
þá „Johann E.“ Því var síðan
breytt í tankskip um 1962 og
þá lengt upp í 43 metra. Um
borð í „Fisktrans" er 6 manna
áhöfn.
Drukknaði
í Mjóavatni
MAÐUR frá Blönduósi fannst
drukknaður á mánudag í Mjóa-
vatni á Auðkúluheiði.
Maðurinn, sem var 66 ára gam-
all, fór að Mjóavatni á laugardag
og ætlaði að veiða fram á sunnu-
dagskvöld. Kunningi hans kom síðla
kvölds á sunnudag að ná í hann,
en sá þá ekkert til hans eða báts-
ins, sem hann var á. Taldi hann
þá að maðurinn hefði farið heim
með einhveijum öðrum. Á hádegi á
mánudag barst lögreglunni á
Blönduósi tilkynning um að manns-
ins væri saknað og fannst hann
síðdegis sama dag í vatninu. Er
talið að hann hafí fallið fyrir borð
og loft í vöðlum sem hann var
klæddur hafí gert það að verkum
að hann komst ekki upp úr vatninu.
Maðurinn, sem lést var einhleyp-
ur.
Breiðholts-
prestakall
laust til
umsóknar
TÓLF PRESTAKÖLL hafa verið
auglýst laus til umsóknar og er
skilafrestur umsókna til 8. ágúst
næstkomandi.
Athygli vekur að Breiðholts-
prestakall er meðal þeirra pre-
stakalla sem auglýst hafa verið að
þessu sinni, en sr. Lárus Halldórs-
son, sóknarprestur mun láta af
störfum 1. nóvember næstkomandi
fyrir aldurs sakir, en hann verður
þá orðinn 66 ára gamall. í samtali
við blaðamann komst hann svo að
orði að hann kynni illa þeirri til-
hugsun að þurfa að snögghætta
eftir nokkur ár og því tekið þá
ákvörðun að hætta nú, eftir 41 ár
f þjónustu kirkjunnar. Kvað hann
nóg að gera og taldi líklegt að hann
myndi hafa einhver afskipti af söfn-
uðinum þrátt fyrir að hann léti
formlega af störfum.
Önnur prestaköll sem laus eru
til umsóknar eru Húsavík, Ólafs-
fjörður, Raufarhöfn, Útskálar í
Kjalamesprófastsdæmi, Bíldudalur
og Sauðlauksdalur í Barðastrandar-
prófastsdæmi, Staður í Súganda-
fírði, Bólstaðarhlíð í Húnavatns-
prófastsdæmi, Hrísey, og
Grenjaðarstaður og Staðarfell í
Þingeyj arprófastsdæmi.
„Höfum tekið mun vægar á ís-
lendingum en Norðmönnum“
— segir Craig van Note talsmaður Monitor-samtakanna í viðtali við Morgnnblaðið
Washington. Frá Jóni Ásgeirí Sigurðssyni fréttarítara Morgunblaðsins í Bandaríkjunum.
„NORÐMENN hafa verið heiðarlegri í hvalveiðimálum en
Islendingar," sagði Craig Van Note talsmaður Monitor-
samtakanna í viðtali við fréttaritara Morgunblaðsins í gær.
„Eftir ákvörðun Alþjóðahval-
veiðiráðsins um algjört bann við
hvalveiðum frá 1985-1990, not-
færðu Norðmenn sér rétt til að
mótmæla þeirri ákvörðun og
héldu síðan áfram veiðum. ís-
lendingar svindla hinsvegar með
því að segjast veiða hvali í
vísindalegu skyni."
“Samt sem áður höfum við
tekið mun vægar á íslendingum
en Norðmönnum. Við gerum
okkur grein fyrir því hversu
gífurlega mikilvægur fískút-
flutningur ykkar er. Við fengurn
fískréttamatstaði til að hætta
kaupum á norskum físki vegna
afstöðu þeirra til hvalveiða, og
hvöttum þá á sama tíma til að
kaupa íslenskan fisk“.
„Refsiaðgerðir gegn Norð-
mönnum halda væntanlega
áfram. í maí síðastliðnum sendu
allir öldungadeildarþingmenn
repúblikana í Alaska-, Wash-
ington- og Oregon-fylki bréf til
Malcolms Baldridge viðskipta-
ráðherra þar sem vísað er til
hvalveiða Norðmanna og skorað
á ráðherrann að banna laxinn-
flutning frá Noregi. Fyrir 6.
ágúst nk. verður Ronald Reagan
Bandaríkjaforseti að taka af-
stöðu til kæru Baldridge við-
skiptaráðherra á hendur
Norðmönnum, þar sem farið er
fram á löndunarbann á nær
þriðjung af innflutningi norskra
sjávarafurða, vegna hvalveið-
anna. Umhverfisvemdarsam-
tökin gangast þess vegna fyrir
blaðaskrifum, blaðaauglýsing-
um og mótmælum gegn
Norðmönnum nú í lok júlí.
„Við höfum hlíft íslendingum
hingað til,“ sagði Craig van
Note, „en ef þeir halda hvalveið-
um áfram grípum við til harðari
aðgerða. Til dæmis eru ákvæði
í lögum um refsiaðgerðir vegna
milliríkjaverslunar með hvalaf-
urðir. Dr. Calio, aðalfulltrúi
Bandaríkjanna í Alþjóðahval-
veiðiráðinu, sem tekur þátt í
viðræðum við Halldór Ásgríms-
son og félaga, lýsti því yfír við
nefnd Bandaríkjaþings í ágúst
1985 að hann vildi framfylgja
þessu lagaákvæði af hörku
gagnvart þeim sem hyggjast
selja Japönum hvalkjöt. Hann
sagði einnig að samkomulag
væri við Japani um að þeir
keyptu ekkert hvalkjöt umfram
eigin veiðikvóta.
„Eg hef áreiðanlegar heimild-
ir fyrir því að Japanir komi þeim
boðskap á framfæri við Halldór
Ásgrímsson að þeir flytji ekkert
hvalkjöt inn án samþykkis
Bandaríkjamanna,“ sagði Craig
van Note talsmaður náttúru-
vemdarsamtakanna Monitor,
sem samhæfa aðgerðir fjölda
annarra slíkra félaga i Banda-
ríkjunum.