Morgunblaðið - 23.07.1986, Blaðsíða 32

32
MORGUNBLAÐIÐ, MIÐVIKUDAGUR 23. JÚLÍ 1986

Af stuttu færi
Walken og Penn f hlutverkum sínum í myndinni í návígi.
Kvikmyndir
Arnaldur Indriðason
í návígi (At Close Range).
Sýnd í Regnbog-anum.
Stjörnugjöf: ☆ ☆ ☆
Bandarisk.
Leikstjóri: James Foley.
Handrit: Nicholas Kazan eftir
sögu hans og Elliott Lewitt.
Framleiðendur: Elliott Lewitt
og Don Guest.
Kvikmyndataka: Juan Ruiz
Anchia.
Tónlist: Patrick Leonard.
Helstu hlutverk: Sean Penn,
Christopher Walken, Mary
Stuart Masterson, Crispin
Glover, Tracey Walters og
Christopher Penn.
Orion 1985.
Sjaldan fellur eplið langt frá
eikinni segir máltækið og það er
eins og sniðið fyrir Brad yngri
(Sean Penn), sem langar til að
verða þjófur eins og pabbi sinn,
Brad eldri (Christopher Walken).
Brad yngri er siðferðislega þann-
ig gerður að hann lítur upp til
föður síns, sem er kaldur og klár
og höfuðpaurinn í alræmdri
glæpaklíku sem græðir peninga
með því að bijóta upp peninga-
skápa og ræna traktórum. Brad
eldri skiptir um bíla oftar en
sokka og veifar hundraðdollara-
seðlum í þverhandarþykkum
búntum. Og hvers vegna ekki að
taka hann sér til fyrirmyndar?
Hann ætlar líka að gefa syni
sínum kost á að ganga í glæpa-
klíkuna.
Fyrir utan að líta á það sem
nokkuð sérstakan og eftirsóknar-
verðan hlut að hjálpa pabba
sínum í greininni, hefur Brad
yngri svo sem ekkert betra að
gera en að stela. Hann býr með
mömmu sinni, ömmu og yngri
bóður (Christopher Penn) í fá-
tæklegu húsi og þvælist um í
tilgangs- og reiðileysi drekkandi
bjór, reykjandi maríjuana og
gleypandi pillur eins og raunar
flestir aðrir í þessari nýju mynd
James Foleys, f návígi (At Close
Range), sem sýnd er í Regn-
boganum.
Líf föður hans er sveipað ævin-
týraljóma en þegar Brad yngri
kynnist pabba sínum nánar snýst
aðdáunin á honum fljótlega upp
í viðbjóð og fordæmingu. Brad
litli er nefnilega að því leytinu
ólíkur föður sínum að hann er
ekki gersneyddur mannlegum til-
fínningum. Hann dregur mörkin
í sóðalegri undirheimaveröldinni
þar sem faðir hans þekkir engin
takmörk: hann vill hætta þegar
hann sér að pabbi hans er ekki
bara þjófur heldur líka morðingi.
En það þýðir ekkert að ætla sér
að hætta bara sísvona. Pabba
líkar það ekki og það er erfitt að
eiga við pabba sem er bæði geð-
sjúkur og miskunnarlaus djöfull.
Christopher Walken hefur ekki
verið öllu betri síðan hann lék í
Hjartarbánanum. Allur óhugnað-
ur myndarinnar er tengdur Brad
eldri á einhvem hátt, sem í túlkun
Walkens, lítur út eins og Satan
sjálfur að veija sitt Helvíti. Mynd-
in er byggð á sönnum atburðum,
sem áttu sér stað í Pennsylvaníu
í Bandaríkjunum en hún hefst
vorið 1978. Hún lýsir sjúklegu
fólki í sjúklegri veröld og sjúkast-
ur allra er Brad eldri, sem engu
eirir ef hann og glæpaklíka hans
eru í hættu.
Madonna-drengurinn, Sean
Penn, er löngu orðinn einn af
bestu kvikmyndaleikurum yngri
kynslóðarinnar í Bandaríkjunum
þrátt fyrir stuttan feril og frammi-
staða hans í I návígí tryggir hann
enn í sessi. Frami Penn hefur
verið slqotur og verðskuldaður.
Hann er mjög vandaður leikari,
sterkur og öruggur og það geislar
af honum í hlutverki Brad }mgri,
sem fínnst gaman að vera þjófur
en morðingi er hann ekki sama
hvað pabbi segir.
Tveir fjölskyldumeðlimir Penn
leika á móti honum: Christopher
Penn (bróðir Sean) er stór og
heimskulegur í hlutverki bróður
Brad litla og Eileen Ryan (móðir
Sean) leikur ömmu hans þung-
brýna og skapilla. Aðrir leikarar
standa sig prýðilega, sérstaklega
Mary Stuart Masterson í hlutverki
kærustu Brad yngri.
Það er þungur og draumkennd-
ur blær yfír þessum litla heimi
ofbeldis og glæpa. Seiðandi tón-
listin, rólegar klippingar á milli
myndskeiða og ljúft^ sambland
ljóss og skugga gera I návigi að
næstum því fallegri martröð.
Morð eru sviðsett eins og til að
draga fram fegurð í þeim og
menn eru myrtir með sömu köldu
róseminni og fylgir því að kveikja
sér í sígarettu. Ofbeldið er líka
skoplegt og kaldhæðnislegt og
verður þannig enn óhugnarlegra.
Það verður gaman að vita hvað
Foley gerir næst.