Morgunblaðið - 07.08.1986, Blaðsíða 22
■-' 22
MORGUNBLAÐIÐ, FIMMTUÐAGUR 7í ÁGÚST 1086
•»-, e* *
Sr. Eirikur les bænina
Morgunblaðið/Áff.Átf.
Kaupmannahöf n:
Fræðimaðurinn í
Jónshúsi predikar
Jónshúsi. Ah
1
Prestarnir og söngkonan að lokinni messugerð
Sr. Eiríkur J. Eiríksson fv.
prófastur og þjóðgarðsvörður á
Þingvöllum og prestur og skóla-
stjóri á Núpi í Dýrafirði varð 75
ára 22. þ.m. Sr. Eiríkur og kona
hans, frú Kristín Jónsdóttir frá
Gemlufalli, dvelja nú í fræði-
mannsíbúðinni hér í Jónshúsi.
Predikaði sr. Eiríkur við íslenzku
guðsþjónustuna í Skt. Pálskirkju
sunnudaginn 27. júlí af þrótti og
dirfð frjálslyndrar skoðunar
Grundtvigsstef nunnar.
Ekki þarf að kynna hinn þjóð-
fræga prest og bókfræðimann sr.
Eirík og frú Kristínu. Svo þekkt eru
þau hjónin öllum þorra manna
heima og fjöldamargir, sem notið
hafa forgöngu þeirra í skóla, gest-
risni og greiðasemi, svo að ekki sé
talað um hina einstöku bókagjöf til
Ámessýslu, eitt stærsta bókasafn í
einkaeign, sem þar varð almanna-
eign í héraði uppruna hans og
ættartengsla. Er mjög verðugt, að
hjónin búi nú í hinni eftirsóttu
fræðimannsíbúð og endast vikumar
vart sr. Eiríki til fræðistarfa um
Grundtvig, en hann vinnur að mik-
illi ritgerð um áhrif stefnunnar, sem
kennd er við hinn fræga danska
prest og sálmaskáld, á Islendinga
og íslenzka sálma- og trúarljóða-
gerð.
Það var líka fjölmenni í Skt.
Pálskirkjunni þennan dag til að
hlýða á predikun sr. Eiríks og áma
þeim hjónunum heilla. Þá tóku líka
önnur prestshjón þátt í athöfninni.
Sr. Gunnar Björnsson fríkirkju-
prestur í Reykjavík annaðist
organistastöi-fin frábærlega vel og
kona hans, frú Ágústa Ágústsdótt-
ir, söng stólvers með miklum
glæsibrag. Þau hjónin voru stödd
hér í nokkra daga á heimleið frá
tónlistariðkunum í Weimar.
I messukaffínu í félagsheimilinu
í Jónshúsi á eftir var líka sungið
af þrótti við undirleik sr. Gunnars.
Nú verður félagsheimilið lokað
vegna viðgerða á gólfi frá 1. ágúst,
en Safn Jóns Sigurðssonar verður
að sjálfsögðu opið eftir sem áður
og fyrirgreiðsla önnur en veitinga-
sala fyrir hendi í sambandi við það.
G. L. Ásg.
Brúin við Upp-
typpinga minnti
á þjóðbraut
FJOLDI fólks lagði leið sína um hálendi Austurlands um verslunar-
mannahelgina. I Kverkfjöllum var fleira fólk en nokkru sinni fyrr,
enda straumur bíla um nýju brúna yfir Jökulsá á Fjöllum við
Upptyppinga. Brúin styttir m.a. leiðina frá Öskju til Kverkfjalla um
nær 200 kílómetra.
stað.
Þess má geta, að um 1970 tóku
beir Ferðafélagsmenn á Húsavík sig
til og smíðuðu bráðabirgðabrú yfir
Jökulsá á nákvæmlega sama stað
og nýja brúin er nú. Lögðu þeir
vírstreng yfir ána og drógu síðan
með trissum burðarbita yfír ána,
eftir að einn leiðangursmanna hafði
fyrst verið sendur yfir með hjálp
vírsins. Þessi útbúnaður var síðan
tekinn sundur, er ú'allagarpamir
snem heimleiðis.
Nokkrum árum síðar eyðilögðu
vatnavextir undirstöður brúarinnar
og var saga hennar þá öll, enda
brúin yfir Kreppu byggð skömmu
síðar.
í Kverkfjöllum er svonefndur
Sigurðarskáli, sem rekinn er í sam-
einingu af Ferðafélagi Fljótsdals-
héraðs, Ferðafélagi Vopnafjarðar
og Ferðafélagi Húsavíkur.
a Að sögn Jóns Jóhannessonar
hjá Ferðafélagi Húsavíkur er ætlun-
in að brúa Rjúpnabrekkukvísl í
sumar. Verður það gert við gljúfur,
þar sem einnig renna tvær aðrar
kvíslir Skjálfandafljóts. Nokkru
sunnar í Rjúpnabrekkukvísl
drukknaði á síðasta ári japanskur
ferðalangur, er gert hafði tilraun
til að aka yfir ána á varasömum
Fyrirlestur:
Vitsmunalíf í
himingeimnum
Hér á landi er staddur Charles
L. Seeger, prófessor í eðlisfræði og
stjörnufræði við ríkisháskólann í
San Francisco. Prófessor Seeger
var meðal brautryðjenda í útvarps-
stjömufræði, starfaði fyrst við
Comell-háskólann í Bandaríkjun-
um, en síðar við háskólann í Leiden
í Hollandi. Átti hann m.a. þátt í að
sanna, að útvarpsbylgjur frá vetrar-
brautinni væru að verulegu leyti
samhraðlageislun (synchrotron-
geislun). Störf Seegers hafa þó
ekki verið bundin við útvarps-
stjörnufræði eingöngu; t.d. hafði
hann yfímmsjón með hönnun á
stómm spegilsjónauka fyrir
McDonald-stjörnustöðina í Texas.
Síðan 1970 hefur áhugi Seegers
beinst fyrst og fremst að tilraunum
til að finna vitsmunalíf utan jarðar-
innar með könnun á útvarpsbylgj-
um. Hefur hann unnið að þekktum
rannsóknaráætlunum á því sviði,
nú síðast á vegum Geimrannsókna-
stofnunar Bandaríkjanna (NASA) í
Ames-rannsóknastöðinni í Kali-
forníu.
Prófessor Seeger mun halda fyr-
irlestur við Háskóla íslands í dag,
fimmtudaginn 7. ágúst. Fyrii lestur-
inn, sem fjallar um leitina að
vitsmunalífi í himingeimnum, verð-
ur haldinn í stofu 158 í Verkfræði-
og raunvísindahúsi II við Hjarðar-
haga og hefst kl. 16.15.
Þetta framtak varð þó til þess,
að menn gátu í fyrsta sinn farið inn
á svonefnda Krepputungu. í fyrstu
ferðinni var með í hópnum Sigurður
Egilsson, sem Sigurðarskáli í
Kverkfjöllum er kenndur við. Sig-
urður var nokkuð við aldur og
treysti sér því ekki til að klífa jökui-
inn með hinum leiðangursmönnun-
um. Meðan þeir príluðu, fann
Sigurður hins vegar íshellinn, sem
margir landsmenn kannast við, ef
ekki af eigin raun, þá úr sjónvarp-
inu.
Mikil gróska hefur verið í há-
fjallaferðum síðustu árin og jr.á
geta þess, að Björn Sigurðsson á
Húsavík fer eina ferð í viku til
Kverkfjalla um Mývatn. Hefur hann
samráð við Svenna og Benna á
Eskifírði, sem bjóða ferðir frá Egils-
stöðum til Kverkfjalla, svo að
ferðafólk getui1 skipt um rútu eftir
dvölina í Kverkfjölium.
Eftir samgöngubæturnar í sumar
mun Ferðaskrifstofa Guðmundar
Jónassonar gefa kost á ferð til
Herðubreiðarlinda og hugsanlega
einnig Hvannalinda frá Kverkfjöll-
um. Gæsavatnsleiðin austur á
Jökulsáraura, sem venjulega opnast
seint, er og verður áfram mikill
farartálmi og varla von á miklum
endurbótum þai' á næstunni.
Ferðafrömuðir austanlands telja
líklegt, að fljótlega muni framtaks-
samir rútumenn norðanlands bjóða
ferðir að norðan frá t.d. Mývatni
um Herðubreiðarlindir og Öskju til
Kverkfjalla.
Hálf öld síðan flug-
málaráðunautur
ríkisins var skipaður
I DAG er liðin hálf öld síðan Agnar Kofoed Hansen var skipaður
flugmálaráðunautur ríkisins. Skipun hans í embættið var eigin-
lega upphafið að Flugmálastjóm íslands eins og við þekkjum þá
stofnun í dag. Flugmálastjóm hyggst minnast þessara tímamóta
með ýmsum hætti og tekur m.a. þátt í afmælishátíðarhöldum í
ágúst ásamt Flugmálafélagi íslands sem einnig á hálfrar aldar
afmæli í ár.
Þegar Haraldur Guðmundsson
þáverandi samgönguráðherra
skipaði Agnar í embætti flug-
málaráðunautar, 7. ágúst 1936,
var Agnar aðeins 21 árs. Hlaut
hann embættið fyrir tilstilli Sveins
Björnssonar, sem síðar varð for-
seti íslands. Mánaðarlaun hins
unga flugmálaráðunautar voru
ekki há, aðeins 167 krónur en á
þeim tíma voru það um hálf laun
verkamanns. Um aðdragandann
að skipan sinni í embættið segir
Agnar í endurminningabók sinni
„A brattann": „Fyrir mín orð
skrifaði hann (Sveinn Björnsson,
innsk. blm.) þá staddur í Karlsbad
í Tékkóslóvakíu, ríkisstjóminni
bréf og benti á nauðsyn þess að
nýta þá þekkingu sem ég byggi
yfir, ekki aðeins sem flugmaður
heldur og sem herskólagenginn
maður, blikur styijaldar komnar
á loft o.s.frv."
Sjálfur segir Agnar, að á þess-
um árum hafí ríkt mikil andúð
margra ráðamanna í garð alls sem
hét flug og þá hafi efnahagur
landsmanna verið bágborinn enda
kreppan í algleymingi. Því voru
fyrstu verkefni Agnars sem flug-
málaráðunautur að reyna að afla
fluginu trausts og virðingar á ný,
svo og að safna sem ítarlegustum
upplýsingum um lendingarskilyrði
víðs vegar um land og gera um
það heildaryfirlit. Flugmálastjóm
Islands, eins og við þekkjum hana
í dag, var stofnsett árið 1945 eða
fyrir 41 ári.
Agnar Kofoed Hansen hefði
orðið 71 árs í dag hefði honum
enst aldur til, en hann lést fyrir
ijórum ámm.
Flugmálastjóm hyggst minnast
þessa merka áfanga í sögu sinni
með ýmsum hætti, m.a. hefur
Flugmálastjóm látið gera bijóst-
mynd af Agnari sem ekkja hans
mun afhjúpa við formlega athöfn
22. ágúst nk.
- G.Þ.
Þessi ljósmynd var tekin á flugdegi Svifflugfélagsins á Sand-
skeiði árið 1938. Á henni sjást þeir Agnar Kofoed Hansen, þáv.
flugmálaráðunautur aðeins 23 ára og Guðbrandur Magnússon,
forstjóri Áfengisverslunar rikisins og flugáhugamaður mikill,
lýsa því sem fyrir augu bar í beinni útsendingu Ríkisútvarpsins.