Morgunblaðið - 07.08.1986, Blaðsíða 3
MORGUNBLAÐIÐ, FIMMTUDAGUR 7. ÁGÚST 1986
3
Fjölmennt við Geysisgos
Tíu sjónvarps-
skermar eru á
húsum án leyfis
Borgaryf irvöld standa enn í stappi við
sendiráð Sovétríkjanna
Morgunblaðið/Ámi Sœberg
Yfir tvö þúsund manns fylgdust með þegar Geysir í Haukadal var látinn gjósa síðastliðinn laugar-
dag. Hátt í tvo tíma og um 50 kíló af sápu þurfti til áður en hverinn sýndi styrk sinn.
„ÞAÐ ER ekki mjög mikið um að fólk setji upp sjonvarpsskerma
í óleyfi, en þó eru nú um 10 skermar í Reykjavik, sem ekki hafa
fengist leyfi fyrir,“ sagði Gunngeir Pétursson, skrifstofustjóri hjá
byggingafulltrúanum i Reykjavík.
I Morgunblaðinu hinn 31. júlí
birtist auglýsing frá byggingafíill-
trúanum í Reykjavík þar sem
athygli húseigenda var vakin á því
að auk samþykkis meðeigenda
þurfi leyfi bygginganefndar fyrir
því að setja upp sjónvarpsskerma.
Megi þeir sem sett hafa upp slíka
skerma án leyfis búast við því að
þeim verði gert að fjarlægja þá að
viðlögðum dagsektum.
Gunngeir Pétursson sagði það
hlutverk byggingafulltrúans í
Reykjavík að fylgjast með því að
skermarnir væru ekki settir upp
þannig að þeir væru of áberandi.
„Við viljum til dæmis ekki að
skermarnir séu fyrir framan hús,
heldur á þaki þeirra, þar sem
minna ber á þeim. Þá er það einn-
ig okkar sjónarmið að það eigi
ekki að vera fleiri en einn skermur
á húsi. Það er ótækt að það séu
margir skermar á fjölbýlishúsum
og helst ætti að vera einn skermur
fyrir heilu hverfin, þar sem því
verður við komið. Það væri hroða-
lega ljótt ef allir væru með skerm.
Við viljum að þeir fari vel og af-
lagi ekki húsin,“ sagði hann.
Ekki kvaðst Gunngeir vita hve
margir skermar væru nú í
Reykjavík. Hann sagði að enn
væri staðið í stappi við sendiráð
Sovétríkjanna vegna sjónvarps-
skerms sem komið var fyrir á
bústað sendiherrans fyrir nokkrum
árum. „Við höfum rætt þetta mál
við þá Sovétmenn og þeir lofuðu
að færa skerminn, en þeir hafa
ekki staðið við það,“ sagði Gunn-
geir. „Við viljum að skermurinn
verði færður á minna áberandi
stað, því það er ekki hægt að stað-
setja svona stóra hluti blint. Það
hefur verið reynt að knýja fram
niðurstöðu í þessu máli í gegnum
utanríkisráðuneytið, en án árang-
urs. Lögfræðingar deila líka um
hvort hægt sé að beita sendiráðs-
menn dagsektum, en það telst
hæpið,“ sagði Gunngeir Pétursson
að lokum.
Atkvæði lög-
reglumanna
talin á morgun
NIÐURSTAÐA úr atkvæða-
greiðslu lögreglumanna um
kjarasamninga verður Ijós á
inorgun.
Lögreglumenn hafa að undan-
förnu fengið atkvæðaseðla senda
heim í pósti. Á skrifstofu landssam-
bands lögreglumanna fengust þær
upplýsingar í gær, að í dag yrðu
atkvæðaseðlar þeir er borist hafa
til landssambandsins teknir saman
og atkvæði yrðu síðan talin á morg-
un, föstudag.
REYKJAVÍK AKUREYRI NJARÐVÍK