Morgunblaðið - 07.08.1986, Qupperneq 36
36
MORGUNBLAÐIÐ, FIMMTUDAGUR 7. ÁGÚST 1986
SólveigD. Erlends-
dóttir — Minning
Sólveig Dagmar Erlendsdóttir
Aézt í Reykjavík 29. júlí sl. eftir
stutta en stranga sjúkdómslegu.
Hún var nýlega orðin 77 ára, en
hún fæddist í Reykjavík 22. júní
1909, dóttir hjónanna Erlends
Sveinssonar klæðskerameistara frá
Stöðvarfirði og Sigurbjargar Ólafs-
dóttur frá Mjóanesi á Völlum í
Suður-Múlasýslu.
Sólveig var yngst þriggja systk-
ina, en hin voru Þorbergur, sem
lézt á bezta aldri, og Unnur, sem
lézt fyrir nokkrum árum. Sólveig
missti föður sinn 10 ára gömul og
-ólst eftir það upp hjá móður sinni
og síðar Unni systur sinni og manni
hennar, Guðmundi Markússyni,
þekktum togaraskipstjóra í
Reykjavík í þá daga og síðar.
Sólveig kynntist manni sínum,
Magnúsi Einarssyni bakarameist-
ara, er hún var við störf hjá
brauðgerð G. Ólafsson og Sandholt.
Þau gengu í hjónaband í október
1932 og fluttust skömmu síðar
búferlum til Hafnarfjarðar, þar sem
Magnús tók við rekstri Alþýðu-
brauðgerðarinnar. Þau bjuggu í
Hafnarfirði í 12 ár og varð fímm
barna auðið. Þau eru: Þórir Einar
flugumferðarstjóri, maki Anna Ein-
x^vrsdóttir, Alma bankafulltrúi, maki
Jón V. Ottason verkstjóri, Erla
Björg skrifstofumaður, maki Haf-
þór Sigurbjömsson skrifstofumað-
ur, Magnús fyrrv. rannsóknarlög-
reglumaður, búsettur í Noregi,
maki Margrét Ellertsdóttir dýra-
læknir, og Erlendur framkvæmda-
stjóri, sambýliskona hans er Fanney
Júlíusdóttir flugfreyja.
Til Reykjavíkur fluttust þau
Magnús og Sólveig aftur árið 1945,
en þá tók Magnús við rekstri brauð-
gerðar Mjólkursamsölunnar, sem
hann stjómaði, unz hann komst á
eftirlaunaaldur. Magnús lézt árið
1978.
Sá, sem þessar línur skrifar, á
margar ánægjulegar endurminn-
ingar frá heimili þeirra Magnúsar
og Sólveigar í húsi Mjólkursamsöl-
unnar við Laugaveg 162. Heimili
þeirra virtist ávallt standa opið,
þegar vini og kunningja bama
þeirra bar að garði. Blönduðu þau
geði við gestina, þó að aldursmunur
væri nokkur, Magnús tefldi gjarnan
skák við okkur strákana, en annars
höfðu þau hjón mikla ánægju af
spilamennsku og fengu oft til sín
gesti á kvöldin og var þá spilað
lengi fram eftir, ef svo bar undir.
Sinn sérstaka unaðsreit áttu þau
Sólveig og Magnús við Þingvalla-
vatn. I landi Skálabrekku reistu þau
sumarbústað, þar sem þau dvöldust
löngum á sumrin. Sólveig var þar
gjaman með bömin meðan þau
vom yngri, en Magnús kom um
helgar eftir langa og stranga vinnu-
viku í brauðgerðinni.
Líf sitt helgaði Sólveig fyrst og
fremst fjölskyldu sinni, og bar hag
bama sinna og barnabama mjög
fyrir brjósti. Hún gekkst undir al-
varlega aðgerð í lok síðasta árs og
virtist ná sér nokkuð vel. En fyrr
á þessu ári syrti í álinn og hún átti
ekki afturkvæmt af sjúkrahúsi eftir
að hún lagðist inn í júnímánuði sl.
Ég votta fjölskyldu Sólveigar
samúð mína, en útför Sólveigar
verður gerð frá Fossvogskirkju í
dag-
Alfreð Þorsteinsson
Minningarorð:
Þórarinn
Guðmundsson
Vinur minn og vinnufélagi Þórar-
inn Guðmundsson, vélsmíðameist-
ari, hefur verið til moldar borinn.
Hann lést 7. mars 1985, og var
jarðsettur í grafreitunum í Gufu-
nesi við Reykjavík.
Þessi síðbúnu minningarorð, em
jafnframt til að minnast þess að í
dag eru liðin 90 ár frá fæðingar-
degi hans. Þórarinn var fæddur að
Ketilstöðum í Mýrdal 7. ágúst 1896.
Foreldrar hans vom Rannveig Guð-
mundsdóttir og Guðmundur
Guðmundsson. Það gerðist með
Þórarinn sem og aðra Islendinga á
þessum ámm að brauðstritið byij-
aði snemma. Um fermingaraldur
*!5!ör hann til Vestmannaeyja, og
réðst í vinnu og sjómennsku hjá
þeim ágæta útgerðarmanni Valdi-
mar Bjarnasyni og konu hans,
Ingibjörgu, sem reyndust honum
sem foreldrar. Hæfileikar Þórarins,
lagni og atorka komu snemma í ljós,
ekki leið á löngu þar til hann fór
að stjóma vélum til sjós, á þessum
ámm var vélbátaöldin að heíja inn-
reið sína.
\
Um tvítugs aldur fer hann í sigl-
ingar á flutningaskip, við þau störf
öðlast hann mikla víðsýni og
reynslu. Réttindi sín í rennismíði
öðlaðist hann á Neskaupstað þar
sem hann starfaði um margra ára
skeið. Áður hafði hann unnið í vél-
smiðjum í Reykjavík og Danmörku.
Eins og áður segir var Þórarinn
mikill atorkumaður, hann helgaði
starf sitt vélstjórn og vélsmíði.
Þórarinn var maður árrisull, ég
vil meina að sannast hafi á honum
hinn gamli og sígildi málsháttur
sem segir, að morgunstund gefi
gull í mund.
Það var ekki ótítt að hann hafði
skilað dijúgum hluta úr dagsverki
er við vinnufélagar hans mættum
til vinnu á venjulegum tíma að
morgni. Þórarinn var traustur og
trúr starfsmaður. I vinahópi var
hann glaður, reifur og hrókur alls
fagnaðar, hafði gaman af kveðskap
og var sjálfur hagmæltur.
Þórarinn var tvíkvæntur, fyrri
kona hans var Herborg Hallgríms-
dóttir, þau eignuðust tvö börn, Lilju
Grétu og Hallgrím. Þau slitu sam-
vistum eftir skamma sambúð.
Seinni kona hans var Guðrún Sig-
mundsdóttir, með henni átti hann
tvær dætur, tvíbura Öldu og Báru.
Guðrún lifir mann sinn og býr að
Droplaugarstöðum, húsi aldraðra í
Reykjavík.
I tilefni fæðingarafmælis Þórar-
ins vil ég leyfa mér fyrir mína hönd
og fyrrverandi vinnufélaga í Vél-
smiðju Njarðvíkur og félaga í JPK
að senda Guðrúnu kveðju okkar
félaganna. Með kærri þökk fyrir
samfylgdina og ánægjuleg kynni.
Blessuð sé mipning vinar okkar.
Ásgeir Skúlason
Juvena snyrtivörukynningar
ídagkl. 13.00-18.00
Sandra — Hafnarfirði
Greifynjan — Laugavegi 82
Juvena snyrtivörur - Svissnesk gæðavara unnin úrjurtum
fyrirþá sem láta sér annt um velferð húðarinnar
£.
0)
JUVENA
j Of SWITZE.IAND
Munið Juvena getraunina
ViKu ferð til Sviss ogjuvena
vöruúttektir í verðlaun
Sundaborg 36
Sigríður Þóra Harð-
ardóttir — Kveðja
Fædd 10. apríl 1971
Dáin 27. júlí 1986
Kallið er komið,
komin er nú stundin,
vinaskilnaðar viðkvæm stund.
Vinimir kveðja
vininn sinn látna,
er sefúr hér hinn síðsta blund.
(V. Briem)
Haukur Hauksson
+
Þökkum auðsýnda samúð og hlýhug við andlát og útför
KRISTJÁNS SAMÚELSSONAR,
Grænumörk 1,
Selfossi.
Kristfn Samúelsdóttir,
Tryggvi Samúelsson.
t
Einlægar þakkir fyrir samúð og vinarhug við andlát og útför
ÁSBJÖRNS JÓNSSONAR
frá Deildará,
Nýlendugötu 29,
og viröingu sýnda minningu hans.
Kristrún Jónsdóttjr,
Jón Ásbjörnsson, Fríða Ásbjörnsdóttir,
Halla Daníelsdóttir, Steingrimur Baldursson
og barnabörn.
Lokað
Lokað frá hádegi fimmtudaginn 7. ágúst vegna útfarar
ÁGÚSTAR PÉTURSSONAR verkstjóra.
Gamla kompaníið.
Lokað
Vegna jarðarfarar INGIBJARGAR J. KALDAL verður lok-
að frá hádegi föstudaginn 8. ágúst.
Pfaffhf.,
Borgartúni 20.
Birting afmælis-
og minningargreina
Morgunblaðtð tekur afmælis- og minningargreinar til birting-
ar endurgjaldslaust. Tekið er við greinum á ritstjórn blaðsins
á 2. hæð í Aðalstræti 6, Reykjavík og á skrifstofu blaðsins í
Hafnarstræti 85, Akureyri.
Athygli skal á því vakin, að
greinar verða að berast með góð-
um fyrirvara. Þannig verður
grein, sem birtast á í miðviku-
dagsblaði að berast síðdegis á
mánudegi og hliðstætt er með
greinar aðra daga.
I minningargreinum skal hinn
látni ekki ávarpaður. Ekki eru
tekin til birtingar frumort ljóð um
hinn látna. Leyfilegt er að birta
Ijóð eftir þekkt skáld, 1—3 erindi
og skal þá höfundar getið. Sama
gildir ef sálmur er birtur. Megin-
regla er sú, að minningargreinar
birtist undir fullu nafni höfundar.
Við birtingu afmælisgreina
gildir sú regla, að aðeins eru birtar
greinar um fólk sem er 70 ára
eða eldra. Hins vegar eru birtar
afmælisfréttir með mynd í dagbók
um fólk sem er 50 ára eða eldra.
Mikil áhersla er á það lögð að
handrit séu vel frá gengin, vélrit-
uð o g með góðu línubili.
J w mm i
cn co vn co Metsölublaó cí hverjum degi!