Morgunblaðið - 19.08.1986, Page 38

38
MORGUNBLAÐIÐ, ÞRIÐJUDAGUR 19. ÁGÚST 1986
REYKJAVÍK 200 ÁRA
Fjölmargir áhorfendur fylgdust með útiskákmótinu í gaerdag.
Útiskákmótið á Hótel tslandslóðinni:
Helgi vann og ÍSAL
fær Borgarbikarinn
HELGI Ólafsson stórmeistari gaerdag á Hótel íslandslóðinni í Hann tefldi fyrir íslenska álfé-
sigraði í útiskákmótinu um Borg- miðbæ Reykjavíkur. Helgi hlaut lagið, sem mun þvi varðveita
arbikarinn, sem fram fór í 6V2 vinning af 7 mögulegum. bikarinn næsta árið að minnsta
Lagt af stað úr Reykjavíkurhöfn áleiðis til Akraness. Morgunblaðið/Þorkeii
Fjarstýrt póstflug frá
Reykjavík til Akraness
FLUGLÍKANI var í gærmorgun
flogið frá Reykjavík til Akraness
með 500 sérstimpluð umslög með
frimerkjum, sem gefin voru út á
afmælisdegi Reykjavíkur.
Flugmódelið, sem er líkan af sjó-
flugvél, lagði af stað úr mynni
Reykjavíkurhafnar í fylgd með
tveimur hraðbátum, en í bátunum
voru menn, sem stýrðu flugvélinni.
Fluglíkanið er með 20 rúmsenti-
metra mótor og 2,6 metra vænghaf
og getur náð 34 sjómílna hraða.
Flugið til Akraness tók um 20
mínútur. Póstinum var komið fyrir
í séhönnuðum póstkössum í „far-
angursrými" flugmódelsins undir
vængjunum, en pósturinn var sam-
tals 2,5 kg að þyngd.
Það var Flugmódelfélagið Þytur,
sem stóð fyrir þessu sérstæða póst-
flugi og fer það fram undir eftirliti
Alþjóða flugmálafélagsins. Tilefnið
er 50 ára afmæli Flugmálafélags
Islands og 200 ára afmæli
Reykjavíkur. Tilgangur flugsins er
að vekja athygli á starfsemi félags-
ins og afla flár til þess að koma
upp „flugaðstöðu" fyrir félagið, sem
nú er nánast engin. Er það gert
með því að selja fyrstadagsumslög-
in 500 til safnara og fleiri aðila.
Flugmódelfélagið Þytur, sem
stofnað var árið 1970 telur nú um
80 félagsmenn og um þessar mund-
ir stendur það fyrir sýningu á
flugmódelum á Reykjavíkurflug-
velli. M.a. mun heimsmeistarinn í
módelflugi, Hanno Prettner, sýna
þar listir sínar.
Póstinum komið fyrir í flugvélinni.
Morgunblaðið/Þorkcll
Morgunblaðið/Börkur
Þráinn Guðmundsson, forseti Skáksambands Islands, afhendir Helga
Ólafssyni, stórmeistara Borgarbikarinn. Helgi vann sex skákir og
gerði eitt jafntefli við Guðmund Halldórsson.
kosti. Borgarbikarinn er gjöf
Reykjavíkur til skákmanna og
hefur verið ákveðið að tefla um
hann á sérstöku Afmælismóti
Reykjavíkur 18. ágúst ár hvert.
Alls tóku 58 skákmenn þátt í
mótinu. Teflst var samkvæmt svo-
kölluðu Monrad-kerfi, en þá er
reynt að hafa því svo til að keppend-
ur með sama vinningafjölda tefli
saman í hverri umferð. Gerir það
mót jöfn og spennandi. Tefldar voru
sjö umferðir af sjö mínútna skákum,
svo hraðinn var mikill. Áhorfendum
virtist líka það vel, en þeir voru fjöl-
margir þótt tertubitar, djasstónlist
og fleira freistaði á næstu götu-
hornum.
Veitt voru verðlaun fyrir þrjú
efstu sætin. Guðmundur Siguijóns-
son stórmeistari varð í öðru sæti
með 6 vinninga, en hann tefldi fyr-
ir Jón Loftsson hf. Jafnir í 3.-4.
sæti urðu Gylfi Þórhallsson og Dan
Hanson. Þeir tefldu fyrir Akur-
eyrarkaupstað og Samvinnubanka
Islands. Síðan komu flmm skák-
menn með 5 vinninga, Guðmundur
Halldórsson (Smíðajám Guðmund-
ar Arasonar), Ágúst Karlsson
(Útsýn), Hannes Hlífar Stefánsson
(Kassagerð Reykjavíkur), Bragi
Kristjánsson (Morgunblaðið) og
Sævar Bjamason (Ölgerð Egils
Skallagrímssonar). Rétt er taka
fram að keppendur drógu um hvaða
fyrirtæki þeir kepptu fyrir.
Á meðfylgjandi mynd afhendir Ragnar Birgisson forstjóri Sani-
tas hf. Davíð Oddssyni afmælisdrykk Reykjavíkurborgar, en
Sanitas hf. gaf Reykjavíkurborg 50.000 flöskur af afmælis-
drykknum í tilefni 200 ára afmælis borgarinnar.
Afmælisdrykkur
frá Sanitas
SANITAS hf. hefur framleitt
sérstakan afmælisdrykk í til-
efni 200 ára afmælis Reykjavík-
urborgar.
Afmælisdrykkurinn er eini
íslenski gosdrykkurinn sem inni-
heldur 10% hreinan appelsínusafa,
náttúruleg bragðefni og náttúm-
leg litarefni, segir í frétt frá
fyrirtækinu. Á afmælisdaginn gaf
Sanitas hf. borgarbúum að
smakka á þessum einstæða drykk.