Morgunblaðið - 19.08.1986, Blaðsíða 63
MORGUNBLAÐIÐ, ÞRIÐJUDAGUR 19. ÁGÚST 1986
63
Þessir hringdu . .
Illa farið með
ungabarn
Kona við Mímisveg hringdi.
„Ég hélt að það tilheyrði liðinni
tíð að börn væru látin gráta
klukkutímum saman án þess að
þeim væri sinnt í vögnunum
sínum.
Því finnst mér sárgrætilegt að
hérna við Mímisveginn og nær-
liggjandi götur heyrist skerandi
grátur barns daglega á milli
klukkan hálfellefu og tólf.
Það er ekki farið svona með
dýr, sérstaklega ekki nú á dögum
þegar friðunarmál eru svo mjög
til umræðu og því finnst mér
skjóta skökku við að enginn segi
neitt við þessu. Barninu líður
greinilega mjög illa og það hrygg-
ir mig að heyra það.“
Veiðistengur
töpuðust við
Þingvallavatn
Þóra hringdi:
„Miðvikudaginn 13. ágúst varð
ég fyrir því óláni að tapa tveimur
veiðistöngum við Þingvallavatn.
Stengumar eru í gráum hólki og
er finnandi vinsamlega beðinn að
hringja í síma 37263.“
Úr týndist í
Artúni
Herdís hringdi. Hún hafði týnt
kvengullúri af Farve-Leuba-gerð
í Ártúni 5. júlí sl. Finnandi er vin-
samlega beðinn að hafa samband
í síma 34508 (heima) eða síma
14810 (vinna).
Hvalir eru í
útrýmingarhættu
Hvalavinur hringdi:
„Hvalir eru í útrýmingarhættu,
það er málið. Hinn siðaði heimur
vill ekki útrýma dýrum sem hafa
lifað með manninum frá alda öðli
en íslenskir ráðamenn hafa orðið
þjóð sinni til skammar í þessum
málum. Þeir ættu að biðja þjóðina
fyrirgefningar á mistökum sínum
og hætta að skipta sér af þjóðmál-
um sem ábyrgðarmenn."
Þakkir til
Hreyfilsmanna
Kristján Jónsson hringdi:
„Mig langar til að koma á fram-
færi þakklæti til bílstjóra á
leigubílastöðinni Hreyfli. Sérstak-
lega til þeiira sem annast
Garðabæ og Hafnarfjörð, ég þarf
oft að ferðast þarna á milli og
þeir eru mjög liprir og fljótir á
staðinn."
Regnhlíf varð
viðskiia við
eiganda sinn
Lydia hringdi:
„Eg er hrædd um að regnhlífín
mín hafí orðið viðskila við eiganda
sinn. Ég varð fyrst vör við þetta
nýlega en þetta getur hafa gerst
fyrir nokkru. Regnhlífin er óvenju
stór kvenregnhlíf, brún og ljós-
drapplituð. Mér þætti vænt um
ef fínnandi myndi hringja í síma
18643 því að þetta var óvenju
stór og góð regnhlíf."
Hver tók dökkblá
sólgleraugu?
Kona hringdi:
„Síðastliðið fímmtudagskvöld
varð lítill drengur fyrir því að
dökkblá sólgleraugu sem hann
hafði lagt frá sér voru tekin. Þetta
gerðist rétt fyrir austan Huldu-
land á nokkurs konar barnaleik-
velli sem þar er. Hann lagði
sólgleraugun sín í grasið og þegar
hann vitjaði þeirra síðar voru þau
horfín. Að vonum ber drengurinn
sig hálfílla vegna þessa og því
þætti mér vænt um ef sá sem
hefur sólgleraugun undir höndum
hringdi annaðhvort í síma 18748
eða 83838.“
Sagan „Katrín“
góð og vel lesin
Kona á Sauðárkróki hringdi
og vildi þakka fyrir söguna
„Katrínu" sem lesin hefur verið í
útvarpinu undanfarið. Hún sagði
söguna bæði vel lesna og góða.
Það væri sífellt verið að kvarta
og kveina en alltof sjaldan vakin
athygli á því sem vel er gert. Sjálf
sagðist hún hlusta mikið á rás
eitt og þar væri margt sem gam-
an væri að hlusta á.
Sendum Reagan
póstkort
Áhugamaður um áframhald-
andi líf á íslandi hringdi:
„Tími er kominn til að við Is-
lendingar förum að svara fyrir
okkur vegna átroðnings Banda-
ríkjamanna á rétti okkar og
freklegrar íhlutunar í það hvemig
við förum með auðlindir okkar.
Ég legg til að allir Islendingar
sendi Reagan Bandaríkjaforseta
póstkort þar sem við mótmælum
harðlega framkomu Bandaríkja-
manna. Ég er þess fullviss að í
máli sem þessu myndu fáir skor-
ast undan enda allir búnir að fá
sig fullsadda af frekjunni í þeim
fyrir vestan.
Með þessu myndum við sýna
þeim að við getum barist með
sömu vopnum og hvalafriðunar-
menn og gaman verður að sjá
hvemig upplitið verður á Reagan
þegar honum berast 200.000
póstkort reiðra bandamanna hans.
Bandaríkjamenn hafa nóg af
vandamálum heima fyrir, spilling,
glæpir og mengun eru hlutir sem
allir Bandaríkjamenn verða að
búa við. Þeir ættu að snúa sér
að eiginn kálgarði og láta íslend-
inga um sínar auðlindir."
Það er ekki
hægt að kenna
sauðkindinni
um allt
Hulda skrifar:
„Mig langar til að vekja athygli
á því að það eru fleiri en sauðkind-
in sem skemma gróðurinn í
Þórsmörk.
Ég var þar eina nótt fyrir stuttu
síðan og mér blöskraði traðkið í
Húsadal. Moldargötur eru að blása
upp vegna ágangs fólks og svo
hefur einn berserkurinn vaðið á sum
trén og skorið börkinn af þeim og
stórskemmt.
Annars er ekki verandi í Mörk-
inni um helgar vegna fyllerís og
ónæðis.
Að lokum finnst mér kosta allt
of mikið að dvelja þama eða 100
kr. á mann. Væri ekki nóg að hafa
það 100 kr. á tjald ?“
KROSSVIÐUR
T.d. vatnslímdur og
vatnsheldur - úr greni,
birki eða furu.
SPÓNAPLÖTUR
T.d. spónlagðar, plast-
húðaðar eða tilbúnar
undir málningu.
Vegg- og loftklæðningar, límtré og parket.
Einstök gæðavara á sérdeilis hagstæðu
veröi. SpmÐ pENINGA!
- Smíðið og sagið sjálf!
Þið fáið að sníða niður allt plötuefni
hjá okkur í stórri sög
- ykkur að kostnaðarlausu.
BJORNINN
Ifið erum í Borgartúni 28
ASEA GYLIIXIDA
Þvottavélar og þurrkarar
...eins og hlutirnir gerast bestir:
Árangur náinnar samvinnu sænsku neytendastofnunarinnar KONSUMENTVERKET,
textilrannsóknastofnunarinnar TEFO og tæknirisans ASEA. Nýsköpun sem fær hæstu
einkunnir á upplýstasta og kröfuharðasta markaði heims fyrir árangur, taumeðferð
og rekstrarhagkvæmni.
ASEA CYLINDA tauþurrkari
Skynjar sjálfur hvenær tauið er þurrt, en
þú getur líka stillt á tíma.
114 lítra tromla, sú stærsta á markaðin-
um. Það þarf nefnilega 2,5 sinnum stærri
tromlu til að þurrka í en til að þvo í.
Tekur því úr þvottavélinni í einu lagi.
Mikið tromlurými og kröftugt útsog í
stað innblásturs stytta þurrktíma, spara
rafmagn og leyfa allt að 8m barka.
Neytendarannsóknir sýna að tauið slUnar
ekki né hleypur i þurrkaranum, heldur
losnar aðeins um lóna af notkunarslitinu.
Það er kostur, ekki síst fyrir ofnæmisfólk.
Sparar tíma, snúrupláss og strauningu.
Tauið verður mjúkt, þjált og slétt, og æ
fleiri efni eru gerð fyrir þurrkara.
Getur staðið á gólfi eða ofan á þvottavél-
innl.
ASEA CYLINDA þvottavélar
Þvo best, skola best, vinda best, fara best
með tauið, nota minnst rafmagn.
Vottorð upp á það.
Gerðartil að endast, og i búðinni bjóðum
við þér að skyggnast undir glæsilegt
yfirborðið, því þar er ekki síður að finna
muninn sem máli skiptir: trausta og
stöðuga undirstöðu, vöggu á dempurum
í stað gormaupphengju, ekta sænskt
ryðfrítt krómnikkelstál, SKF-kúlulegur á
35 mm öxli, jafnvægisklossa úr járni i
stað sandpoka eða brothætts steins o.fl.
Athyglisverð er líka 5-laga ryð-og rispu-
vörn, hosulaus taulúga, hreinsilúga,
grófsía, sápusparnaðarkerfi með lyktar-
og hljóðgildru, stjórnkerfi með framtíð-
arsýn og fjölhraða lotuvinding upp í
1100 snúninga.
ASEA CYLINDA er nú eini framleiðandi heimilisþvottavéla á Norðurlöndum.
Með stóraukinni framleiðslu og tollalækkun er verðið hagstætt. Og víst er,
að gæðin borga sig, STRAX vegna betri og ódýrari þvottar, SlÐAR vegna
betri endingar.
/rOnix
HÁTÚNI 6A SlMI (91)24420