Morgunblaðið - 19.08.1986, Blaðsíða 4

4
MORGUNBLAÐIÐ, ÞRIÐJUDAGUR 19. ÁGÚST 1986
REYKJAVÍK 200 ÁRA
Hlaðborðið, sem búið var eftir 200 ára gömlum matseðli úr veislu á Bessastöðum. Frá vinstri má sjá
borgarfulltrúana Guðrúnu Ágústsdóttur, Siguijón Pétursson, Magnús L. Sveinsson, frú Vigdísi Fmn-
bogadóttur forseta íslands og Sigrúnu Magnúsdóttur borgarfulltrúa.
Opinber heimsókn forseta íslands til Reykjavíkur:
200 ára gamall matseðill
í hádegisverði í Arbæ
í prófessorshúsinu i Árbæjarsafni. Frá vinstri: forseti íslands, Magn-
ús L. Sveinsson forseti bæjarstjóraar, Ragnheiður Þórarinsdóttir
borgarminjavörður og Hanna H. Karlsdóttir.
VIGDfSI Finnbogadóttur, forseta íslands, var afar hlýlega tekið er
hún kom ásamt borgarfulltrúum og nokkrum embættismönnum í
heimsókn í Víðihlið, dvalarheimili aldraðra í Seljahverfi, i upphafi
opinberrar heimsóknar sinnar til Reykjavíkur í gærmorgun. Þegar
forseti og aðrir gestir gengu í salinn reis heimilisfólkið, um 80
manns, á fætur og söng frumort Ijóð eftir Hugrúnu (Filippiu Krist-
jánsdóttur) undir stjóra Tryggva Tryggvasonar. Þarna urðu og
fagnaðarfundir með forseta og fullorðinni föðursystur hennar,
Aradísi Þorvaldsdóttur, sem er ein heimilisfólksins i Víðihlið.
Kleppsspítala, sem fluttur var í saf-
nið fyrir nokkrum árum og hefur
nýlega verið gerður upp. Þar eru
ýmsir gripir úr sögu borgarinnar
og raunar þjóðarinnar allrar til sýn-
is. Gestimir gengu um húsið, sem
er hið glæsilegasta, skoðuðu gamla
muni og þáðu kaffisopa áður en
haldið var af stað í strætisvagninum
niður í miðborg Reykjavíkur, þar
sem tugþúsundir manna voru sam-
ankomnar.
Tertusneið í
mannþrönginni
Eftir að hafa ekið löturhægt í
gegnum manngrúann á Laugaveg-
inum í fylgd tveggja lögreglubíla
með blikkandi ljósum var komið að
Menntaskólanum í Reykjavík, þar
sem erlendir gestir borgarinnar -
Uþphafserindi ljóðs Hugrúnar,
sem skáldkonan færði forseta að
söngnum loknum, hljóðar svo (lag:
Uppi á himins bláum boga):
„Nú er bjart i borgarranni,
býr hún hátíð hvetjum manni.
Forsetinn í fremstu linu
færir bænum rósakrans.
Hingað kemur, birtu ber hún,
búendunum héma er hún
Heilladís. Og heitar kveðjur
henni fylgja úr Seljahlíð. “
200 ára hlaðborð
Eftir þessa stuttu athöfn heilsuðu
Vigdís, Davíð Oddsson borgarstjóri,
borgarfulltrúar og embættismenn
upp á vistmenn og ræddu við þá
um iandsins gagn og nauðsynjar.
Síðan fór María Gísladóttir for-
stöðukona í Víðihlíð með gestina í
stutta skoðunarferð um nýjasta elli-
heimili borgarinnar áður en forseti
og fylgdarlið hennar héldu í blóma-
skreyttum strætisvagni að Árbæj-
arsafni.
Þar tóku á móti gestunum Ragn-
heiður Þórarinsdóttir borgarminja-
vörður og eiginmaður hennar, Hans
Vollertsen. Þau buðu gestum gias
af sherryi og síðan að ganga til
skemmu, þar sem er sýning á sögu
jámbrauta og gatnagerðar í höfuð-
borginni. Þar var einnig búið að
koma fyrir tveimur hlaðborðum með
veislumat: annað var 200 ára gam-
alt - búið eftir matseðli úr mið-
degisverðarboði með Jóni Sveins-
syni landlækni á Bessastöðum 5.
júlí 1789. Samkvæmt matseðli úr
þeirri veislu var boðið upp á kerfis-
súpu, reyktan lax og kartöflusalat
með salatblöðum og karsa, soðið
og steikt kindaket, súrgraut, hind-
beijamauk og rjóma, tertur og
konfekt, kaffí og rauðvín frá Mala-
ga.
Þessar kræsingar voru einnig á
„200 ára borðinu" í Skemmunni í
Árbæjarsafni en á hinu borðinu var
nútímalegri matur, dæmigert en
glæsilegt „fermingarborð", eins og
forseti orðaði það glaðlega. Þama
settust gestimir til borðs eftir stutt
ávarp Magnúsar L. Sveinssonar,
forseta borgarstjómar, og nutu
matarins hið besta. Um þessa veislu
sáu matreiðslumenn og þjónar af
veitingastaðnum Amarhóli undir
stjóm Skúla Hansens matreiðslu-
meistara.
Að borðhaldi loknu, um kl.
13:30, gengu gestimir spottakom
í blíðviðrinu að Prófessorshúsinu
svonefnda í Árbæjarsafni, en það
er gamli læknisbústaðurinn af
Vigdís Finnbogadóttir forseti íslands heilsar upp á heimilisfólkið í Seljahlíð i Breiðholti
Hátíðarfundur í borgarstjórn í tilefni afmælisins:
Sólin f ór að skína þegar
forseti renndi í hlað
Heimilisfólkið í Seljahlíð syngur fyrir forseta íslands og borgarfull-
trúa undir stjóra Tryggva Tryggvasonar. Höfundur Ijóðsins, sem
sungið var, Filippia Krisljánsdóttir (Hugrún), er önnur frá hægri.
SÓLIN fór að skína í Reykjavík
um það bil sem forseti íslands,
Vigdís Finnbogadóttir, renndi i
hlað i Skúlatúni 2 laust eftir
klukkan tíu í gærmorgun,
skömmu áður en þar hófst sér-
stakur hátíðarfundur í borgar-
stjóra. Davíð Oddsson borgar-
stjóri og kona hans, Ástriður
Thorarensen, tóku á móti forseta
á mörkum Reykjavíkur og Kópa-
vogs á slaginu klukkan tíu og
þar með hófst opinber heimsókn
Vigdísar til Reykjavíkur í tilefni
af 200 ára afmæli höfuðborgar-
innar. Sú heimsókn stóð fram
yfir miðnættið er borgarstjóri
og frú, forseti borgarstjórnar,
Magnús L, Sveinsson og frú
Hanna Hofsdal Karlsdóttir, og
lögreglustjórinn í Reykjavík,
Böðvar Bragason og frú Gigja
Haraldsdóttir, fylgdu forseta að
borgarmörkunum á ný.
Þetta var í annað sinn í sögu
lýðveldisins, sem forseti Islands
kemur í ópinbera heimsókn til
Reykjavíkur - fyrra sinnið var fyrir
25 árum þegar Ásgeir Ásgeirsson
og frú Dóra Þórhallsdóttir sóttu
höfuðborgina heim á 175 ára af-
mæli hennar.
Talsverður hópur manna var
staddur við Skúlatún 2 þegar for-
seta og fylgdarlið hennar bar að í
lögreglufylgd, m.a. nokkrir lopa-
peysuklæddir útlendingar, sem
þóttust hafa himinn höndum tekið
með að fá að sjá forseta lýðveldis-
ins, borgarstjóra Reykjavíkur og
helstu fyrirmenn höfuðborgarinnar
alla á einu bretti.
Sameinast um endur-
byggingx* Viðeyjar-
stofu
Raunar segir hvergi berum orð-
um í lögum, að Reykjavík sé
höfuðborg íslands, eins og Davíð
Oddsson borgarstjóri benti á i
ávarpi sínu til forseta og borgar-
stjómar á hátíðarfundinum, sem
hófst kl. 10.18, en enginn vafí leik-
ur þó á að sú sé raunin. Það var
endanlega staðfest með lýðveldis-
stofnuninni, sagði borgarstjóri,
þegar fyrsti forseti íslands var kjör-
inn og það tekið fram, að embætti
hans skyldi vera í Reykjavík.
Fjrrir fundi borgarstjómar var
aðeins eitt mál: sameiginleg tiliaga
allra borgarfulltrúa um endur-
byggingu Viðeyjarstofu og Viðeyj-
arkirkju og hugmjmdasamkeppni
um nýtingu Viðeyjar í framtíðinni.
Morguninn áður hafði ríkið fært
Reykjavíkurborg að gjöf sinn hluta
í Viðey og færði borgarstjóri ríkis-
stjóminni og þjóðinni allri hugheilar
þakkir fyrir hönd borgarbúa. Hann
sagði að Reykvíkingar væm stoltir
af eign sinni, sem tengdist sögu
borgarinnar svo óijúfanlegum
böndum. Tiilagan, sem var síðan
samþykkt með atkvæðum allra
borgarfulltrúa, gerir ráð fyrir að
viðgerð á Viðeyjarstofu verði lokið
á árinu 1988 og viðgerð á kirkjunni
1990.
Hringnum hefur
verið lokað
Fjórir aðrir borgarfulltrúar sögðu