Morgunblaðið - 19.08.1986, Blaðsíða 48

48
MORGUNBLAÐIÐ, ÞRIÐJUDAGUR 19. ÁGÚST 1986
Rýmingar
sala
Matar- og kaffistell
, á gjafverði
-Ýmsir keramikmunir
með30-40%
AFSLÆTTI!
Höfðabakka 9
Opið frá kl. 9-18
opid í hádeginu.
Afmæliskveðja:
Eiríkur J. Eiríks-
son fv. prófastur
Hálfáttræður varð 22. júlí sl. —
á Maríumessu — einn mætasti
kennimaður þjóðarinnar, það sem
af er þessari öld: sr. Eiríkur J.
Eiríksson, síðasti þjóðgarðsvörður
og Þingvallaprestur, einnig prófast-
ur Ámesprófastsdæmis — sannur
„aldamótamaður" í beztu merkingu
orðsins. Eg hefi oft undrast kraft
og kynngi þessa magnaða gáfu-
manns, og hrifízt af mælsku hans
og voldugri rödd, sem notið hefur
sín hvað bezt, þegar hún ómaði frá
Lögbergi út yfir Þingvelli — jafnvel
stormurinn hindraði hana ekki, því
ræðumaður færðist jafnan í auk-
ana, því hæn-a sem lét í kringum
hann, þennan sérstæða garp, sem
alla sína tíð hefur verið að gefa af
sjálfum sér þrek og þor; aldrei veill
né hálfur, alltaf „á fullu" í sér-
hverri tiltekt.
Það var vel við hæfí og var sr.
Eiríki líkt, að stíga í stólinn, þótt á
erlendri grund væri, þegar næsta
sunnudag eftir afmæli sitt. Það
skeði í skt. Pálskirkju í Kaup-
mannahöfn 27. júlí. Þar hefði ég
viljað vera. Áreiðanlega hefur sr.
Eiríki „tekizt upp“ og ég á ekki von
á því, að neinn hafí dottað! Frú
Guðrún Lára Ágústsdóttir segir í
Morgunblaðspistlinum sínum góða
7. þ.m. að hann hafí prédikað „af
þrótti og dirfð fijálslyndrar skoðun-
ar Grundtvigsstefnunnar“. Um það
efast ég sannarlega ekki, svo mjög
sem sr. Eiríkur í orði og verki, í
skóla og á stóli, hefur sýnt aðdáun
sína á þessu undraverða stórmenni
og andans jöfri: Nikolai Frederik
Severin Grundtvig, sem trúlega
hefur verið meiri áhrifavaldur í
andlegu lífi norrænna þjóða en
nokkur annar mennskur maður.
Okkur, sem höfum taugar til hins
nokkuð sérstæða Núpsskóla séra
Sigtryggs Guðlaugssonar var og er
það mikið gleði- og þakkarefni, að
einmitt sr. Eiríkur J. Eiríksson fyr-
ir rás viðburðanna skyldi svo fljótt
veljast sem eftirmaður hans, bæði
sem prestur og skólastjóri og halda
þar um stjómvöl um tuttugu ára
skeið. Ég trúi því staðfastlega, að
hinn hæsti höfuðsmiður hljóti að
hafa haft þar fíngur í spili. Þá má
ungmennafélagshreyfingin í
landinu muna meira en tveggja ára-
tuga forystu sr. Eiríks í þeim merka
og íjölmenna félagsskap.
Ég leyfi mér að nefna aðeins
þetta tvennt af margþættum for-
ystuhlutverkum sr. Eiríks, af því
mér er það kærast og efst í huga.
Um aðra þætti í embættis- og
starfsferli hans má lesa í hvers
konar æviskrám, svo að ekki verður
vikið hér í þessari stuttu afmælis-
kveðju, enda maðurinn auk þess frá
unga aldri landskunnur af þátttöku
sinni og forystu í þjóðlífí Islendinga.
Ég er einn af þeim mörgu, sem
persónulega á sr. Eiríki margt gott
að unna, bæði vestra og hér syðra.
Fyrir allt það vil ég nú af heilum
hug þakka honum og gleymi heldur
ekki hans glæstu og góðu konu, frú
Kristínu Jónsdóttur frá Gemlufalli
í Dýrafirði, sem á fáa sína líka að
sönnum mannkostum. Hún hefur
alla tíð „með elskunnar ægishjálm“
staðið honum þétt við hlið, óbrigðul
í blíðu og stríðu. Það veit sr. Eirík-
dl
ur bezt sjálfur og viðurkennir að
hennar vegna varð hann vissulega
„meiri en hann sjálfur". Og bömin
þeirra 10, sem bera uppeldi sínu
fagurt vitni.
Þeir eru orðnir margir, sem um
dagana hafa notið góðra stunda á
rausnarheimili þeirra hjóna, frú
Kristínar og sr. Eiríks, og muna
hlýju þeirra og höfðingsskap. Ég
veit fýrir víst, að þeir eru því ófáir,
sem nú senda þeim hjónum hug-
heilar ámaðaróskir og þakka liðna
tíð. En öll þjóðin stendur í ómældri
þakkarskuld fyrir dáðríkt og fóm-
fúst ævistarf sr. Eiríks, þessa
eftirminnilega hugsjóna- og at-
hafnamanns.
Ég samgleðst Eiríki J. Eiríks-
syni, að mega nú með konu sinni
á þessum tímamótum í lífi hans
slaka nokkuð á um stund, þótt ekki
unni hann sér algerrar hvfldar. Ég
vona, að honum í friði og ró takist
að sökkva sér niður í hugstætt við-
fangsefni — Grundtvig — í húsi
þess sem kallaður var „sómi Is-
lands, sverð og skjöldur". Uppskeru
þess arfs mun, ef Guð lofar, þjóðin
fá að njóta — til viðbótar öllu hinu.
Baldvin Þ. Kristjánsson
Loksins eru fáanlegar á íslandi hinar viðurkenndu
<IAX bílskúrshurðir.
<lAXbílskúrshurðirnar eru búnar mörgum kostum og eru
auðveldar j uppsetningu, og umfram allt ódýrar og
fallegar. <IAX bílskúrshurðirnar eru ekta fulninga-
einingahurðir og eru fáanlegar úr Grenij Krossvið, Furu,
og Reedwood. <IAX bílskúrshurðir eru norsk gæðavara.
Erum að setja upp hurðir að Birkihlíð 40,42, og 44 R.vík.
ÖÍ Norsk gæðaframleiðsla
0 Opnast upp, ekki út
[vj Léttar í opnun
SJ Þægilegar í uppsetningu
Allt í einum pakka
[vj Odýrar og fallegar
Kynnið ykkur verð og greiðsluskilmála í síma 39423
Einar Þór Ingvason
Birkihlíð 42 Reykjavík s.39423