Morgunblaðið - 26.08.1986, Blaðsíða 23

MORGUNBLAÐIÐ, ÞRIÐJUDAGUR 26. AGUST 1986
23
Assad Sýrlandsforseti.
Assad heitir Líbýu
stuðningi í stríði
Nikósíu, Kýpur.
HAFEZ ASSAD Sýrlandsforseti
hefur heitið því að berjast við
hlið Líbýumanna ef Bandaríkja-
menn gera árás á Líbýu.
Assad gaf út þessa yfirlýsingu
við komu sýna til Trípolí, höfuð-
borgar Líbýu, á sunnudag. Assad,
sem er helsti bandamaður Sovét-
manna í arabalöndunum, og
Gadhafi eru nánir bandamenn.
Fréttastofan JANA hafði eftir
Assad að Sýrlendingar og Líbýu-
menn væru á sama báti í baráttunni
gegn ráðabruggi heimsvaldasinna,
sem beinist ekki aðeins gegn Líbýu
heldur öllum arabaríkjum.
Krabbameinsþingið í Búdapest:
„80—90% krabbameina
stafa af ytri orsökum“
Snorri Ingimarsson læknir í viðtali við Morgunblaðið
NÚ STENDUR yfir í Búdapest, höfuðborg Ungveijalands, 14.
Alþjóðlega krabbameinsþingið. Á því sitja nokkrir fulltrúar
Krabbameinsfélags íslands og hafði Morgunblaðið samband við
einn þeirra, Snorra Ingimarsson framkvæmdastjóra félagsins,
og spurði hann fregna af þinginu.
Snorri sagði að rúmlega 7.000
manns væru á þinginu, þar af
væru fjórir frá íslandi og eru þeir
allir í stjóm Krabbameinsfélags
íslands. Þeir eru, auk Snorra,
læknamir Gunnlaugur Snædal,
sem er formaður félagsins, Tómas
Ámi Jónasson varaformaður og
Sigurður Bjömsson ritari. Á þing-
inu hefur mest verið rætt um
orsakir krabbameins og sagði
Snorri að um 80-90% krabba-
meins stöfuðu af ytri orsökum
sem hægt væri að vinna bug á.
Ber þar hæst reykingar, mengun
ýmiss konar og mataræði, en gildi
þess verður mönnum æ Ijósara.
Mikill hugur er í mönnum á
þinginu og sagði Snorri að menn
væm farnir að sjá árangur áróð-
urs gegn reykingum. Hefðu
bandarískir læknar m.a. skýrt frá
því að nú hætti árlega um ein
milljón manna að reykja í Banda-
ríkjunum, en því miður væri það
svo að þar létist árlega um hálf
milljón manna vegna reykinga.
Snorri var spurður um þær nið-
urstöður sem breski læknirinn Dr.
Richard Doll hefði kynnt, en þar
kemur m.a. fram að í þeim löndum
þar sem sem svokallaðar
„lights“-sígarettur nytu vinsælda
hefði tíðni lungnakrabba minnk-
að. Snorri sagði að líklega væri
rétt að lungnakrabbi hefði minnk-
að í réttu hlutfalli við minna
tjörumagn. „En við megum ekki
gleyma því að reykingar valda
fleiri sjúkdómum en lungna-
krabba, bæði hjarta- og æðasjúk-
dómum og margvíslegum
lungnasjúkdómum. Lausnin er því
ekki að reykja „léttari" sígarettur
Snorri Ingimarsson læknir.
heldur að reykja alls ekki og að
forðast að vera á stöðum þar sem
reykt er.“
Um orsakir krabbameins sagði
Snorri að læknum sárnaði eðlilega
að þorri krabbameina stafaði af
umhverfisþáttum sem tiltölulega
lítið mál væri að draga úr eða
hefta. Eru reykingar að sjálfsögöu
efstar á blaði, en fullyrða má að
enginn einn þáttur valdi jafn-
miklum skaða. Þá sagði Snorri
að menn væru að gera sér betri
og betri grein fyrir áhrifum mat-
aræðis. „Verst eru sum efni sem
myndast þegar matur er varinn
skemmdum, bæði með salti og
eins þegar hann er reyktur. Þá
má nefna að dýrafita tengist
ákveðnum krabbameinum, en ef
til vill er þó merkilegast að vissar
fæðutegundir virðast hreinlega
varna því að krabbamein myndist
og eru það helst fæðutegundir úr
jurtaríkinu".
Snorri sagði að á ráðstefnunni
ríkti nokkur bjartsýni um að tak-
ast megi að fínna mótefni gegn
hlutum af þeirri veirutegund, sem
veldur alnæmi. Takist það verður
hægt að bólusetja fólk við þessum
skæða sjúkdómi.
Að lokum sagði Snorri að þátt-
taka á þingum sem þessu væri
íslenskum læknum ómetanleg, því
þarna gæfíst þeim tækifæri til
þess að bera saman bækur sínar
við aðra lækna sem glímdu við
sama óvin.
Kjarnorkuvígbúnaður:
Stórveldin hyggjast
miðla upplýsingum
Washington, AP.
ÞEIR Ronald Reagan, Bandaríkjaforseti, og Mikhail S. Gorbachev,
leiðtogi Sovétríkjanna, munu ræða leiðir til að draga úr hættu á að
kjarnorkustyrjöld skelli á ef af fyrirhuguðum fundi þeirra verður.
Hugmyndin er sú að selja á stofn miðstöðvar í Moskvu og Wash-
ington sem skiptist á upplýsingum varðandi kjarnorkutilraunir,
liðsflutninga og tilraunir með flugskeyti.
Sendinefndir stórveldanna í Genf september á síðasta ári þegar nefnd
hófu í gær að ræða um slíkar mið-
stöðvar og hvemig draga megi úr
hættunni á kjamorkustyijöld.
Þessi hugmynd kom fyrst fram
árið 1983 en Sovétmenn gátu þá
ekki sætt sig við hana og sögðu
að hér væri um áróðursbragð að
ræða af hálfu Bandaríkjamanna.
Sam Nunn, þingmaður demó-
krata, sem situr í hermálanefnd
Bandaríkjaþings, sagði í viðtali í
síðustu viku að Sovétmenn hefðu
breytt afstöðu sinni til hugmyndar-
innar um að setja á stofn sérstakar
„kjarnorkumiðstöðvar" og að þeir
teldu nú að þær gætu leitt til
víðtækara samkomulags milli stór-
veldanna um afvopnun.
Þingmennirnir Sam Nunn og
John Wamer komu þessari hug-
mynd á framfæri við Gorbachev í
bandarískra þingmanna fór í heim-
sókn til Sovétríkjanna. Þeir Reagan
og Gorbachev ræddu um miðstöðv-
amar tveimur mánuðum síðar og
urðu ásáttir um að vinna að frekari
útfærslu hennar.
I næsta mánuði munu samninga-
menn Bandaríkjanna og Sovétríkj-
anna koma saman til fundar í
Washington til frekari viðræðna um
málið.
X-Jöföar til
11 fólks í öllum
starfsgreinum!
Til leigu í Kópavogi
Bakhlið hússins
Nýtt og glæsilegt 950 m2 versl-
unar- og iðnaðarhús við
Kársnesbraut í Kópavogi til
leigu. Húsið er á tveimur hæð-
um, verslunarhúsnæði uppi
með góðum innkeyrsludyrum
hússins við
Kársnesbraut
og iðnaðarhúsnæði eða vörulager niðri. Stór lóð sem
hægt er að loka af er við bakhlið hússins. Leigist í einu
lagi eða í hlutum. Upplýsingar í síma 641144 á skrifstofu-
tíma.
2
) dagar
tilfyrstu
útsendingar
Y L GJA Ni

——1
NYTT UTVARP 28.AGUST
989