Morgunblaðið - 26.08.1986, Síða 46

r*
46
MORGUNBLAÐIÐ, ÞRIÐJUDAGUR 26. AGUST 1986
-\
s,Hanr\ var '\ ems-dags verkfell't í dag
ert eng\nn -tókr eftir því."
áster,
...vorgróður
TM Reg. U.S. Pat. Oft,—all rifltits reserved
© 1986 Los Angeles Times Syndicate
817 /
Þú gfefur mér eld?
Tölvan segir þau gleði-
tíðindi að væntanleg sé
dvergtölva!
HÖGNI HREKKVISI
Aldrei hefur
borgin verið
fallegri en nú

Við viljum þakka innilega fyr-
ir afmælisliátíð Reykjavíkur.
Hún var alveg stórkostleg.
Hvílíkur dagur, og blessuð borg-
in okkar, oft hefi ég séð hana
fallega, en aldrei sem nú. Blessuð
Reykjavík, Esjan og sundin blá.
Og fólkið allt, allir svo góðir og
glaðir.
Við þökkum ráðamönnum borg-
arinnar og öllum þeim sem skipu-
lögðu og undirbjuggu þessa
yndislegu hátíð. En fyrst og síðast
þökkum við Guði fyrir að gefa okk-
ur þetta allt, Reykjavík og afmælis-
hátíðina, honum sé lof og dýrð.
Halldór S. Gröndal
Þakkir til
Gísla Sigur-
björnssonar
Fyrir hönd aldraðra í Keflavík,
Njarðvík og Grindavík, sem notið
hafa mjög ánægjulegrar sumar-
dvalar í Hveragerði undanfarin
sumur í boði Gísla Sigurbjörnsson-
ar, forstjóra Grundar, sendum við
undirritaðar honum innilegustu
þakkir fyrir hugulsemina í okkar
garð.
Einnig eru sendar kveðjur og
þakkir til hans frábæra starfsfólks.
Guðrún Sigurbergsdóttir
Jóna Björg Georgsdóttir
Hrefna Björnsdóttir
Víkverji skrifar
Menn skyldu fara varlega í að
afgreiða það sem þeim kemur
ókunnuglega fyrir sjónir í daglegu
máli sem afbökun, útlendar slettur,
málvillur eða málrósir eins og hinn
nafnlausi Dagfari gerir af miklum
íjálgleik og lítilli kunnáttu í Dag-
fara þegar hann fjargviðraðist um
orð sem íþróttafréttaritari Morgun-
blaðsins hafði eftir íslenzkum
afreksmanni, bæting, þ.e. hann
ætlaði sem sagt að bæta sig, auka
við afrek sín og mætti Dagfari einn-
ig stefna að því. Þá gæti hann tekið
undir með íþróttamanninum og
sagt: Lesið nú dálka mína, þér sem
ekkert hafið að gera, því að bæting
mín í andlegum efnum er mikil.
Þegar orðið bæting birtist nokkr-
um sinnum á íþróttasíðum Morgun-
blaðsins og einnig í stórri fyrirsögn
þótti ritstjórum blaðsins sérkenni-
lega til orða tekið og töldu ástæðu
til að kanna, hvort þama væri óhaf-
andi málrós á ferðinni. Þeir gerðu
m.a. það sem Dagfari hefði átt að
láta sér til hugar koma, þeir leituðu
frétta í orðabókum. Þá blasir við
þeim orðið bæting, beygt að íslenzk-
um hætti og hið prýðilegasta orð
og sagt merkja bót á flík. Þar var
jafnframt að finna færeyskulegra
orð um hið sama efni, þ.e. bæting-
ur, hið fyrra kvenkyn en hið síðara
kvarlkyn. Hið eina sem íþróttamað-
urinn hafði gert í daglegu tungutaki
sínu var að auka merkingu orðsins
og láta það taka yfir það að bæta
sig, gera betur og er að dómi Morg-
unblaðsins fullgild íslenzka og rétt
notkun orðs í tungu sem er í þróun
og breytist að eðlilegum hætti í
meðförum manna. Þar með hættu
ritstjórar blaðsins að hafa áhyggjur
af því hversu ókunnuglega komizt
var að orði í blaðinu og létu þar
við sitja.
Menn skyldu fara hófsamlega í
að afgreiða það í daglegu máli sem
þeim líkar ekki eða þeir telja mál-
rósir, svo að notað sé tungutak
sprelligosans í Dagfara. í fornum
ritum eru mörg dæmi þess hvernig
málið er í þróun og hefur annar
ritstjóri blaðsins m.a. bent á slík
dæmi í ritgerð um íslenzkt mál í
tímariti málfræðinga, Skímu. Þessi
mörgu dæmi úr fornsögum okkar
^ýna að margt byijar með öðrum
hætti en því lýkur og má þar m.a.
nefna notkun orðsins kosning
(kosningar) en það orð er karlkyns
í Árna sögu biskups og sagt kosn-
ingur. Af einhveijum ástæðum
hefur Áma saga lifað af þessi 1000
ár, en af einhveijum óskiljanlegum
ástæðum veit engin nein deiíi á
Dagfara þess tíma.
Víkveija hefur borist eftirfar-
andi bréf frá Sæmundi Guð-
vinssyni, forstöðumanni kynningar-
deildar Flugleiða:
„í dálkum Víkvetja 20. ágúst,
er þess getið að stormasamt sé í
flugmálum heims um þessar mund-
ir. Fijálsi-æðisvindar í flugmálum
berist nú frá Bandaríkjunum til
Evrópu. Hins vegar telur Víkveiji
að þessi nýju viðhoif fari að miklu
leyti hjá garði Flugleiða. Talsmaður
félagsins hafi látið hafa það eftir
sér í blaðaviðtali að erlendis verndi
flest stjómvöld flugfélög viðkom-
andi lands. Talsmaðurinn gefí í skyn
að Fiugleiðamenn vilji aðgerðir af
hálfu stjórnvalda til að gera erlend-
um félögum erfíðara að keppa við
íslensku flugfélögin.
Hér er greinilega verið að vitna
í frétt í Tímanum fyrir skömmu,
þar sem nokkur orð voru höfð eftir
mér, í tengslum við hugsanlegt
áætlunarflug British Midland hing-
að til lands.
Eg sagði þar, að áður en þetta
flug gæti hafist, þyrftu stjórnvöld
að fjalla um málið. Ennfremur sagði
ég að flest ríki reyndu að vernda
sín flugfélög, og það væri til dæm-
is ekki á valdi Flugleiða að ákveða
einhliða fargjöld félagsins milli ís-
lands og Danmerkur. Hér var ég
einfaldlega að greina frá staðreynd-
um sem ættu raunar að vera Ijósar
öllum þeim sem eitthvað hafa kynnt
sér alþjóðasamskipti á sviði áætlun-
arflugs.
Forráðamenn Flugleiða hafa
margoft bent á að loftferðasamn-
ingar séu gagnkvæmir og flugfélög
í þeim löndum sem Flugleiðir fljúga
til, geti hvenær sem er hafið áætl-
unarflug til íslands. Flugleiðir eru
því í stöðugri samkeppni við erlend
flugfélög þótt óbein sé um þesar
mundir. Getgátur Víkveija um að
Flugleiðamenn vilji aðgerðir stjórn-
valda til að vernda félagið gegn
erlendri samkeppni eru gjörsamlega
út í hött.“
n