Morgunblaðið - 21.09.1986, Side 68

Ríkisstjómir íslands og Bandaríkjanna:
Samkomulag hefur tekist
um lausn Rainbow-málsins
SAMKOMULAG hefur tekist milli ríkisstjórna íslands og
Bandaríkjanna í svonefndu Rainbow-máli. I því er viður-
kennd sú meginkrafa íslendinga að íslensk og bandarísk
skipafélög skuli njóta jafnræðis í flutningum fyrir varnar-
liðið á Keflavíkurflugvelli. Samningurinn verður kynntur
ríkisstjórn Islands og utanríkismálanefnd á þriðjudag en
til þess að hann öðlist endanlegt gildi í Bandaríkjunum
þarf öldungadeild Bandaríkjaþings að samþykkja hann.
Þar með yrði ákvæðum bandarískra laga frá 1904 um einka-
rétt bandarískra skipa á flutningum fyrir varnarliðið vikið
til hliðar að þvi er Island varðar.
Matthías Á. Mathiesen, ut-
anríkisráðherra, er nú staddur í
New York, þar sem hann ávarp-
ar allsheijarþing Sameinuðu
þjóðanna á mánudag. í samtali
við Morgunblaðið sagði ráðherr-
ann, að sú niðurstaða, sem nú
hefði fengist á Rainbow-málinu,
væri árangur margra funda og
ítarlegra viðræðna við fulltrúa
Bandaríkjastjómar. Fyrir hennar
hönd hefði það verið Edward
, j^perwinski, einn af æðstu mönn-
um utanríkisráðuneytisins, sem
haft hefði forystu í samningavið-
ræðunum.
Utanríkisráðherra vildi ekki
ræða einstaka þætti samkomu-
lagsins á þessu stigi. Hann sagði,
að markmið þess væri að íslensk
og bandarísk skipafélög sætu við
sama borð og gætu gert tilboð í
flutninga fyrir vamarliðið. Síðan
1984 hefur bandaríska skipafé-
lagið Rainbow Navigation setið
eitt af þessum flutningum í skjóli
bandarískra einokunarlaga frá
1904 en flutningamir vom í
höndum íslendinga síðan 1967.
. Bandaríska flotamálaráðu-
neytið gaf í júlí út nýja reglugerð
fyrir flutninga í þágu sjóhersins,
þar sem settar vom skorður við
einkarétti bandarískra félaga..
Þeim reglum hefur verið mót-
mælt og þær njóta ekki stuðnings
á Bandarílgaþingi. Á hinn bóginn
sagði Matthías A. Mathiesen að
rökstuddar vonir væm um, að
þingmenn gerðu sér grein fyrir
sérstöðu Islands í þessu máli og
það væri yfírlýstur vilji Banda-
ríkjastjómar með hinu nýgerða
samkomulagi, að sérstaðan yrði
viðurkennd af öldungadeildinni.
Væri stefnt að því að samningur-
inn yrði tekinn á dagskrá í
deildinni fyrir þingslit í haust.
Ætlunin er að Matthías Á.
Mathiesen riti undir samninginn
í New York í vikunni, en í fjar-
vem hans kynnir Þorsteinn
Pálsson, fjármálaráðherra, sam-
komulagið í ríkisstjóm og
utanríkismálanefnd. Gert er ráð
fyrir að George Shultz, utanríkis-
ráðherra, skrifí undir samkomu-
lagið af hálfu Bandaríkjastjóm-
ar.
Mor^unlilaðið/Júlíus
Átján ára piltur lést af völdum meiðsla er hann hlaut þegar bifreið sem hann ók valt á Kleppsvegi í
fyrrinótt.
Atján ára piltur lést
eftir umferðarslys
ÁTJÁN ára piltur lést í gær-
morgun af áverkum er hann
hlaut í umferðarslysi skömmu
fyrir klukkan eitt aðfaranótt
gærdagsins.
Slysið varð með þeim hætti að
tveimur bifreiðum var ekið vestur
Kleppsveg í Reykjavík. Að sögn
lögreglu bendir allt til þess að öku-
menn bifreiðanna hafí verið í
kappakstri og ekið mjög greitt. Við
mót Kleppsvegar og Sætúns fór
önnur bifreiðin út af veginum og
taldi sjónarvottur hana hafa farið
átta veltur. Þrír ungir piltar, sem
í bifreiðinni voru, köstuðust út úr
henni við veltumar. Ökumaðurinn
sem lést var átján ára, sem áður
sagði, en auk hans voru tveir sext-
án ára piltar í bifreiðinni. Annar
þeirra er bróðir ökumannsins og
slasaðist hann talsvert en er þó
ekki í Iífshættu. Hinn farþeginn er
ekki mikið siasaður.
Ekki er hægt að birta nafn pilts-
ins sem Iést að svo stöddu.
Morgunblaðið/Júllutí
Umferðin i Reykjavik var gifurlega þung á föstudaginn. Hér sést bilafjöldinn á Laugaveginum
ofanverðum.
Stóraukinn umferðarþungi:
Bifreiðum fjölgað
tvöfalt á við lands-
menn síðustu 10 árin
„VIÐ HÖFUM vissulega fundið fyrir stórauknum umferðarþunga
hér á höfuðborgarsvæðinu þannig að á sumum leiðum horfir til
vandræða á vissum timum dagsins," sagði Óskar Ólason, yfirlög-
regluþjónn í umferðardeild lögreglunnar i Reykjavík, er hann
var spurður um fjölgun ökutækja á höfuðborgarsvæðinu að und-
anförnu. Það sem af er árinu hafa verið fluttar inn um 8.000
nýjar bifreiðir, eða fleiri en allt árið í fyrra. Síðastliðin 10 ár
hefur ökutækjum á landinu fjölgað um rúmlega 46 þúsund á
sama tima og landsmönnum hefur fjölgað um tæplega 23 þúsund.
Óskar kvaðst hafa tekið saman
skýrslu um fjölgun ökutækja
síðastliðin 30 ár. Arið 1955 voru
ökutæki á öllu landinu tæplega
16 þúsund og allir landsmenn þá
tæplega 160 þúsund. Næstu tíu
árin fjölgaði íbúum um rúmlega
34 þúsund og ökutækjum um
rúmlega 15 þúsund. Á árunum
1965 til 1975 fjölgaði íbúum um
25.275 en ökutækjum um 36.671.
Á árunum 1975 -til 1985 varð
fjölgun ökutækja hins vegar helm-
ingi meiri en fjölgun landsmanna,
sem Qölgaði um 22.717 á meðan
ökutækjum Qölgaði um 46.054.
Óskar Ólason sagði, að 1. jan-
úar 1986 hefðu 44.644 vélknúin
ökutæki verði skráð í Reykjavík
og í nágrannabyggðarlögum, með
skrásetningarstöfum Y og G
hefðu verið skráð 20.380, eða
rúmlega 65 þúsund ökutæki sam-
tals á höfuðborgarsvæðinu. íbúar
á þessu svæði voru þá 132.334
talsins. Alls voru þá á landinu
öllu skráð 117.982 ökutæki og
landsmenn allir 241.750, sam-
kvæmt upplýsingum Óskars
Ólasonar, yfírlögregluþjóns.