Morgunblaðið - 18.10.1986, Blaðsíða 62

62 MORGUNBLAÐIÐ, LAUGARDAGUR 18. OKTÓBER 1986
Morgunblaðið heimsækir Jóhannes Eðvaldsson:
Mér líður vel hérna
og f ramtíðin er björt
. - segir fyrrum fyrirliði íslenska landsliðsins í knattspyrnu,
sem hefur opnað íþróttavöruverslun í Glasgow
„EG fann svo sannarlega fyrir þvf, hvað erfitt er fyrir atvinnumann í
knattspyrnu að koma heim og þjálfa áhugamenn. Hugsunarhátturinn
er alft annar. Áhugamennirnir skilja ekki hinn harða heim atvinnu-
mennskunnar og eru ekki tilbúnir til að leggja eins mikið á sig og
þarf til að góður árangur náist. Samt eru margir metnaðarfullir leik-
menn á íslandi og það eru einmitt þeir, sem ná lengst f íþróttinni,"
sagði Jóhannes Eðvaldsson, fyrrum fyrirliði landsliðsins f knattspyrnu
og þjálfari Þróttar f 1. deild f fyrra
blaðsins f Glasgow á dögunum.
Frekar hljótt hefur verið um Jó-
hannes, síðan hann fór frá íslandi
í fyrrasumar eftir nokkurra mánaða
dvöl hjá Þrótti. En knattspyrnuunn-
Hf endur gleyma ekki Búbba og
leigubílsstjórinn, sem ók með
blaðamann til kappans, uppviðrað-
ist allur, þegar sagt var, hvert
ferðinni var heitið. „Hann var góð-
ur leikmaður og þó ég sé aðdáandi
Rangers, þá metur maður alltaf
þá bestu í öðrum liðum" sagði
bílsstjórinn og talaði alla leiðina
um einstaka leiki, sem hann hafði
séð með „Shuggy“ eins og Búbbi
er kaliaður í Skotlandi og bað að
endingu aö heilsa og sagðist ætla
að segja vinum og kunningjum
hvað „Shuggy" væri að gera og
hvar hann væri að finna.
Búbbi hóf sem kunnugt er knatt-
spyrnuferilinn hjá Val, síðan lá
leiðin til Holbæk í Danmörku og
þaðan til Celtic í Skotlandi, þar
sem hann var á hápunkti ferilsins.
Eftir það lá leiðin til Bandaríkjanna,
Þýskalands, aftur til Skotlands og
loks Þróttar í fyrra.
EDVALDSSON Sport
í úthverfi Glasgow stendur hú-
sið á áberandi stað og skilti fyrir
ofan gluggana segir hvaða starf-
f samtali við blaðamann Morgun-
semi fer þar fram. Þegar blaða-
mann bar að garði, var Búbbi að
selja ungum strák knattspyrnuskó
og skömmu síðar kom kona inn,
sem vildi kaupa nokkur hundruð
golfkúlur. Búbbi bauð konunni góð-
an afsiátt og hún sagöist koma
fljótlega aftur. En hvernig stóð á
því að Búbbi fór út í að versla með
íþróttavörur?
„Þetta byrjaði allt saman fyrir
eintóma tilviljun. Þegar ég kom
aftur til Glasgow í fyrrasumar fór
ég að velta framtíðinni fyrir mér á
milli þess sem ég dundaði í garðin-
um. Við búum hérna rétt hjá og
svo var það einu sinni að ég fór
út til að kaupa Ijósaperur. Hérna
var raftækjaverslun og sem ég er
að kaupa perurnar segír eigandlnn
að hann sé orðinn of gamall til að
standa í þessu og ætli að selja
lóðina og húsið. Nú, ég gerði hon-
um tilboð á staðnum, talaði við
lögfræðing minn og daginn eftir
var gengið frá málunum.
Catherine, konan mín, hélt að
ég væri endanlega genginn af göfl-
unum, þegar ég sagði henni tíðind-
in, en þetta var búið og gert. Ég
varð að breyta þessu öllu, innrétt-
aði allt sjálfur og 12. desember
opnaði ég verslunina.“ Búbbi sýndi
blaðamanni myndir af húsinu eins
og það var, þegar hann keypti, og
fór ekki á milli mála að miklar
breytingar höfðu átt sér stað. Hú-
sið er lítið, en vörunum er hagan-
lega fyrir komið og úrval er mikið.
Vörur frá Henson og
Álafossi
„Þetta er bæði heildsala og
smásala. Ég geri allt sjálfur, en er
með aðstoðarmann þrjá daga i
viku. Það er mikiil áhugi á íslensku
vörunum og ég er þegar kominn
með eitt ungiingalið, sem leikur í
Henson búningum. Svo er ég með
einkaumboð fyrir litlu minjagripa-
búningana fyrir Celtic og Rangers,
þannig að verslunin hefur farið vel
af stað. Ég er eingöngu með góð-
ar vörur og það spyrst fljótt út.
Ég hef einnig góð sambönd í
golfinu og get boðið upp á nánast
hvað sem er í þeim efnum. Þú
mátt gjarnan segja íslenskum kylf-
ingum frá því, sem leið eiga um
Skotland. Annars tekur alltaf tíma
að byggja svona fyrirtæki upp, en
ég kvarta ekki á meðan ég hef
ofan í mig og mína. Mér líður vel
og hérna vil ég vera."
Ætlaði aldrei að flytja
heim
Talið barst að fótboltanum og
hinum stutta þjálfaraferli á íslandi.
„Ég gerði mér grein fyrir að ég
yrði ekki atvinnumaður um aldur
og ævi, en boltinn togar í mann
og ég vildi miðla af reynslunni. En
það voru mikil viðbrigði að koma
til íslands. Samfélagið er svo lítið
- \
Morgunblaðiö/Steinþór Guðbjartsson
• Búbbi er búinn að ganga frá þjófavarnarkerfinu inni og setur stálgrindur fyrir gluggana að utan-
verðu. Þrátt fyrir öfluga vörn, hefur þrisvar verið brotist inn í verslunina, en engu stolið, þvf þjófarnir
hafa flúið um leið og bjöllurnar hafa farið að hljóma.
Morgunblaðlð/Steinþór Guðbjartsson
• Feðgarnir og nafnarnir fyrir framan verslunina í Glasgow. Jóhann-
es yngri er sjö ára og segist hafa meiri áhuga á náminu en fótboltanum
enn sem komið er.
og margir um sömu bitana, sem
ekki eru til skiptanna. Dvölin hjá
Þrótti var dýrmæt reynsla, en eins
og ég sagði áðan, þá er hugsunar-
hátturinn allt annar hjá litlu
áhugamannafélagi en hjá atvinnu-
mönnum. Leikmenn hjá stóru
félögunum hafa meiri metnað og
menn verða að muna, að mikið
þarf að leggja á sig til að ná góðum
árangri.
Við sjáum þetta best á glæsileg-
um árangri íslenska landsliðsins í
haust. Evrópumeistarar Frakka og
Sovétmenn, sem eru með eitt
besta landslið heims, ná aðeins
jafntefli á fslandi. íslenska liðið er
mjög sterkt og atvinnumennirnir
eru allir á toppnum, en áhuga-
mennirnir í liðinu eru þeir sem
hafa lagt mest á sig á Islandi og
þeir hafa staðið vel fyrir sínu. Út-
reiðin, sem félagsliðin fengu í
Evrópukeppninni, skemmir hins
vegar fyrir og sýnir, að félagsliðin
ná ekki langt, nema hugsunar-
hátturinn breytist hjá leikmönnum
og stjórnarmönnum. Þetta er
vinna og aftur vinna, þar sem allir
verða að starfa saman hlið við hlið.
Ég ætlaði mér aldrei að flytja til
íslands, en það var gott að kynn-
ast málunum þar.“ Búbbi segist
að mestu vera hættur í boltanum,
en hann leiki samt alltaf af og til
fjáröflunarleiki fyrir góð málefni.
„Við komum saman, gamlir at-
vinnumenn, njótum leiksins og
styrkjum gott málefni í leiðinni.
Hálftími á mark og í gær söfnuðum
við um 120 þúsund krónum."
Klukkan er orðin fimm og komið
að lokun. Búbbi segir að alltaf sé
verið að brjótast inn og því sé
hann með margfalt þjófavarna-
kerfi. Rimlar að innan sem utan,
Ijósgeislar sem tilkynna minnstu
hreyfingu á næstu lögreglustöð.
Þegar búið er að rammloka versl-
uninni, man Búbbi eftir bréfi, sem
hann ætlaði að taka með heim.
„Það verður að bíða til morguns,
því ég nenni ekki að opna hérna
tvisvar á dag,“ sagði Búbbi eld-
hress.
S.G.