Morgunblaðið - 18.10.1986, Blaðsíða 64

STERKTKDRT

LAUGARDAGUR 18. OKTÓBER 1986
VERÐ í LAUSASÖLU 50 KR.
ÉlmmSKmm
Tengivagninn lagðist á hliðina þegar verið var að losa úr honum sand. Morgunbiaðií/ingvar GuðmundBaon
Tengivagn valt ogskemmdi fólksbifreið
STÓR tengivagn valt þegar verið var að
losa sand úr honum við Skildinganes í
gær.
Vagninn lagðist á hliðina þegar byrjað var
að sturta úr honum. Hann skall á lítilli fólks-
bifreið sem stóð við bflskúr og kastaðist
fólksbifireiðin áfram, skall á bflskúrshurðina
og skemmdi hana. Ekki er vitað hvað olli óhapp-
inu en mesta mildi er að enginn slasaðist þar
sem böm voru í námunda við tengivagninn.
Þegar tengivagninn valt skall hann á lítilli fólks-
bifreið og skemmdi hana töluvert.
Síldarbátarnir
gætu fengið 9200
lestir af þorski
FRESTUR útgerðarmanna til að
skipta sfldarkvóta sínum fyrir
botnfiskkvóta rann út 5. október
sl. Að sögn Þórðar Eyþórssonar,
deildarstjóra í sjávarútvegsráðu-
neytinu, hafa 45 bátar skipt um
kvóta á þennan hátt, en eftir
standa 94 bátar með veiðileyfi á
sfld. Hann sagði að strax eftir
helgina yrði að taka ákvörðun
um hvort þessum bátum verði
veittur botnfiskvóti, slitni endan-
lega upp úr sildarsölusamning-
um. Sé miðað við þœr úthlutunar-
reglur sem farið var eftir í vor
yrði hér um að ræða tæplega
9200 tonn af þremur tegundum,
þorski, ýsu og ufsa.
Upprunalega var gert ráð fyrir
600 tonna sfldarkvóta á bát, miðað
við 65.000 tonna heildarveiði. Þar
sem bátunum hefur fækkað nálgast
kvótinn 700 lestir á bát. Þórður
sagði að ráðuneytið hefði fundið
fyrir því að útgerðarmenn væru
orðnir uggandi um sinn hag, eftir
að samningar við Rússa sigldu í
strand. Hefði þó aftrað mörgum frá
því að skipta um kvóta, að þar með
væru þeir að afsala sér sfldveiðum
endaníega. „Menn hafa af þessum
sökum verið tvístígandi, því
sfldveiðin hefur verið mjög happa-
dijúg útgerð víðsvegar um landið“
sagði Þórður.
Ekki er ljóst hvaða úthlutunar-
reglur muni gilda, verði öllum
sfldarbátunum úthlutað öðrum
Þórður Ásgeirsson forstjóri OLÍS:
„Engín vandkvæði á olíu-
kaupum á fijálsum markaði“
„ÞAÐ er engum vandkvæðum
bundið að fá alla þá olíu sem við
þurfum á að halda annars staðar
en í Sovétríkjunum og ég met
það þannig að kjörin ættu að
geta orðið svipuð," sagði Þórður
Asgeirsson forstjóri Olíuverslun-
ar íslands hf. þegar hann var
spurður um möguleikana á olíu-
kaupum ef ekki semdist við
Sovétmenn. Viðræður um olíu-
kaup hefjast í Moskvu á mánu-
dag.
Þórður sagði að kjör á hinum
frjálsa markaði væru mismundandi.
Ýmist væri hægt að semja um verð
sem tæki mið af verðskráningu f
Rotterdam á lestunardegi eins og í
viðskiptunum við Sovétríkin, eða
kaupa olíuna á föstu verði. Taldi
Þórður að kjörin á hinum fijálsa
markaði yrðu hvorki betri né verri
í heildina tekið en næst með samn-
ingum um mikið magn við Sovétrík-
in. Hann sagði að stundum gæti
verið vandkvæðum bundið að fá
jafii góða gasolfu og Sovétmenn
bjóða fyrir sama verð, en á móti
kæmi að Sovétmenn væru heldur
óáreiðanlegir í afgreiðslum á olíunni
og ef olfan væri keypt annarsstaðar
yrði hægt að skipuleggja innkaupin
betur sem þýddi einhvem spamað.
A síðasta ári keyptu íslendingar
304 þúsund tonn af olíuvörum af
Sovétmönnum og var það 50,9%
af öllum olíuinnkaupum okkar.
Olíuvörur eru um 90% af öllum inn-
flutningi okkar frá Sovétríkjunum.
Vegna lækkunar á olíu á heims-
markaðsverði stefndi f það að
vöruskiptajöfnuður Íslands og Sov-
étríkjanna yrði hagstæður á þessu
ári í fyrsta skipti í mörg ár. Verði
hins vegar ekkert af síldarkaupum
Sovétmanna og olíuverð helst
óbreytt stefnir í halla á viðskiptun-
um að nýju strax á næsta ári.
Sjá nánar á bls. 10: „Stefnir
í halla á vöruskiptum.“
kvóta. Þórður sagði að það yrði á
valdi ríkisstjómarinnar, sjávarút-
vegsráðherra væri nú í útlöndum
en kæmi heim um helgina. Þeim
sem skipt hefðu í botnfiskkvóta í
vor hefði verið úthlutað 60 tonna
afla af þorski, 15 tonnum af ýsu
og 10 tonnum af ufsa í stað 600
tonna af sfld. Ef miðað er við sömu
úhlutunarreglur myndu sfldarbát-
amir 94 skipta á milli sín tæplega
6500 tonna þorskkvóta, eða 69 tonn
á bát, um 1600 tonnum af ýsu, 17
tonn á bát og tæplega 1100 tonnum
af ufsa, 11,5 tonn á bát. Hér er
gert ráð fyrir að miðað yrði við 700
tonna sfldarkvóta, og ekki tekið til-
lit til mismunandi veiðarfæra sem
hafa verið tekin til greina við úthlut-
un botnfiskkvótans.
Glæfraleg
ökuferð um
Óshlíðina
fufirði
Ungur sjómaður af aðkomubáti
stal bfl og olli verulegum skaða
með ógætilegum akstri frá mið-
bæ ísafjarðar út i Bolungarvfk í
gær. Pilturinn, sem var i vörslu
lögreglunnar á ísafirði í gær-
kvöldi, er grunaður um ölvun við
akstur.
Pilturinn tók stóran amerískan
fóiksbfl traustataki í miðbæ ísa-
fjarðar síðdegis og ók á miklum
hraða áleiðis til Bolungarvíkur. Á
Leiti innanvert við Hnífsdal ók hann
á Trabant-bfl sem hann mætti og
var ökumaður Trabantsins fluttur
á sjúkrahús en reyndist lítið slasað-
ur. Þá ók pilturinn margsinnis utan
í grindverk sem er á ytri kanti veg-
arins, þama á Leitinu.
Á Óshlíð ók hann fram úr öðrum
bíl, og var nærri búinn að þvinga
hann út af veginum. Á Aðalstræti
í Bolungarvík ók hann svo utan í
bfl áður en hann stöðvaði við versi-
unarhús Jóns Fr. Einarssonar og
tók til fótanna. Trabantinn er talinn
ónýtur og stolni bflinn mikið
skemmdur.
Úlfar
Úrskurður Kjaradóms:
Laun þingmanna hækka um 10%
Forseti Islands fær 167.095 krónur í mánaðarlaun
LAUN alþingismanna hækka um 10% frá og með 1. október sam-
kvæmt úrskurði Kjaradóms á fimmtudag. Laun æðstu embættis-
manna ríkisins hækka um 7,5% frá sama tíma, nema laun forseta
íslands og ráðherra, en laun þeirra hækka um rúmlega 9%. Hús-
næðiskostnaður, dvalarkostnaður og kostnaður við ferðalög
þingmanna í kjördæmi helst að mestu óbreyttur. Laun þessi
munu hækka 1. desember næstkomandi um 2,5%, eins og laun
samkvæmt kjarasamningum rfkisins og BSRB. Laun þessi hækk-
uðu um 6% f júlf síðastliðnum.
Þingfararkaup alþingismanna
verður nú 88.963 krónur, nema
forseta Sameinaðs alþingis, sem
fær greiddar 97.859 krónur. Það
er breyting frá því sem áður var
er allir alþingismenn voru á sömu
launum. Húsnæðiskostnaður al-
þingismanna verður 13.800
krónur á mánuði og dvalarkostn-
aður um þingtímann 550 krónur
á dag. Þá verður dvaiarkostnaður
í kjördæmi 90.900 krónur á ári
og kostnaður við ferðalög í kjör-
dæmi verður eins og hér segir: f
Reykjavíkurkjördæmi, 4.500
krónur á mánuði; í Reykjaneskjör-
dæmi 8.300 krónur á mánuði og
í öðrum kjördæmum 13.400 krón-
ur á mánuði.
Laun forseta íslands verða
167.095 krónur á mánuði frá 1.
október, forsætisráðherra
161.489 og annarra ráðherra
146.808 krónur, en hluti launa
ráðherra er þingfararkaupið. For-
seti Hæstaréttar fær 138.978
krónur í laun og aðrir hæstarétt-
ardómarar 126.344, sem eru þau
sömu og laun ríkissaksóknara og
ríkissáttasemjara. Biskup íslands
fær 110.307 krónur, ráðuneytis-
stjórar 108.475 og sendiherrar
102.976.
Laun borgardómara, borgarfóg-
eta, héraðsdómara og sakadóm-
ara hækka um 11-15%, en laun
fyrir þessi embætti voru sett sam-
an í einn flokk. Áður voru launin
greidd samkvæmt þremur starfs-
aldursflokkum.
Úrskurð Kjaradóms kváðu upp
eftirtaldir: Benedikt Blöndal, Jón
Finnsson, Ólafur Nilsson, Jón G.
Tómasson og Stefán Ólafsson.
Sjá ennfremur: „Úrskurður
Kjaradóms um laun alþingis-
manna og æðstu embættis-
manna ríkisins" á bls. 32-33.