Morgunblaðið - 21.10.1986, Blaðsíða 17

MORGUNBLAÐIÐ. ÞRIÐJUDAGUR 21. OKTÓBER 1986 17
Reglur um afgreiðslutíma
verslana í Reykjavík
teknar til endurskoðunar
Á FUNDI borgarstjórnar á fimmtudag var tekin fyrir tillaga Al-
þýðubandalags, Alþýðuflokks og Framsóknarflokks um að borgar-
ráði yrði falið að taka til endurskoðunar reglur um afgreiðslutima
verslana í Reykjavík með það fyrir augum að rýmka hann.
Siguijón Pétursson (Abl.) sagði
hér vera gamlan kunningja á ferð
og væru þrjú atriði sem réttlættu
þessa tillögu um að afgreiðslutím-
inn yrði tekinn til endurskoðunar.
í fyrsta lagi hafði verið gengið út
frá því þegar þessi reglugerð var
sett að svipaðar reglur mundu gilda
í nágrannasveitafélögum. Sú hefði
ekki reynst raunin og verslun flust
úr borginni. Einnig hefðu orðið deil-
ur út af s.k. kvöldsölulista og hvaða
hluta verslana mætti nota undir
kvöldsölu. Taldi Siguijón að þær
deilur mundu standa þangað til
reglugerðin yrði tekin til endurskoð-
unar. Loks taldi Siguijón að
kvöldsala gæti orðið til að styrkja
stöðu kaupmannsins á hominu.
Sigrún Magnúsdóttir (F) sagði
afstöðu sína til þessa máls byggjast
fyrst og fremst á því að til stæði
að veita nokkrum verslunum kvöld-
sölulejrfi og taldi hún nær að leyfa
kvöldsölu almennt og láta þar með
undan kröfum Reykvíkinga um
rýmri verslunartíma eins og tíðkað-
ist í nágrannasveitarfélögum. Þessi
rýmkun yrði þó að vera í samráði
við samtök hagsmunaaðila og yrði
þeim gefinn góður aðlögunartími
ef af þessu yrði. Mikið álag væri á
fólki í verslunarstöfum og hefði hún
sérstaklega áhyggjur af röskun á
fjölskyldulífi þess fólks. Sagðist hún
vera ósammála fullyrðingu Sigur-
jóns Péturssonar um að þetta mundi
styrkja smásölukaupmenn og taldi
það frekar vera stórmarkaði sem
mundu hagnast á þessu.
Bjami P. Magnússon (A) sagði
afstöðu sína ekki byggjast á því
hvort þetta mundi leiða til þess, að
verslunartími lengdist eða styttist
eða hvort vöruverð hækkaði eða
lækkaði. Auðvitað væri gott ef þetta
mundi t.d. styrkja stöðu kaup-
mannsins á hominu, sem væri
félagsleg nauðsyn, en hvort svo
yrði væri ekki mergur málsins.
Taldi Bjami aðalatriðið að þessi
mál ættu að vera í höndum aðila
markaðarins, kaupmanna og neyt-
enda.
Ingibjörg Sólrún Gísladóttir
(Kvl.) sagðist ekki vera sannfærð
um að þetta væri spor í rétta átt.
Taldi hún þetta lengja vinnutíma
og leiða til þess að hverfaverslanir
legðust niður í æ ríkara mæli.
Vissulega væri það hagræðing fyrir
neytendur að geta verslað á lýmri
tfma, en það væri skammgóður
vermir ef það leiddi til hækkaðs
vöruverðs.
Davíð Oddsson, borgarstjóri,
sagði að ýmsar hliðar væru á þessu
máli sem bæri að skoða nánar og
lagði því til að málinu yrði vísað til
borgarráðs til frekari umQöllunar.
Magnús L. Sveinsson (S) sagði
að verslunarfólk væri undir gífur-
legu álagi nú þegar. Því væri
nauðsynlegt að fá samninga við
vinnuveitendur um vaktavinnufólk
í verslunum ef verslunartími yrði
rýmkaður eða gefinn fijáls. Sagði
hann það vera „blákalda staðreynd“
að sams konar reglur og í Reykjavík
giltu ekki í nágrannasveitarfélög-
unum „og því ekki nema vona að
neytendur spyrðu af hveiju ekki
væri hægt að fá sömu þjónustu í
sjálfri höfuðborginni". Magnús
sagðist ekki vera viss um að nægj-
anlegt væri að rýmka verslunartíma
um eina til tvær klukkustundir en
haida sunnudeginum fyrir utan.
Hann taldi ennfremur að lengri
verslunartími mundi tvímælalaust
leiða til hækkaðs vöruverðs.
Ámi Sigfússon (S) sagðist vera
þeirrar skoðunar að það væri ekki
S verkahring borgaiyfirvalda að
ákveða hvenær Reykvíkingar versl-
uðu. „Eg vil að við göngum hreint
til verks og afnemum reglugerðina,
allt tal um rýmkun væri ekki í takt
við tímann," sagði Ámi.
Ákveðið var að vísa málinu til
borgarráðs.
BAUKURINN,
KJÖRBÓKINOG
LANDSBANKMN
HJÁLPA ÞÉR
AÐNÁENDUM
SAMAN
Þegar lítið fólk ræðst í stórar
fjárfestingar er gott að minnast
þess að margt smátt gerir eitt
stórt. Smámynt sem safnað er
í sparibauk og síðan lögð á
Kjörbók stækkar og ávaxt-
ast hraðar en þig grunar.
Bangsa baukurinn fæst í öllum
sparisjóðsdeildum Lands-
bankans. Þegar spariféð úr
honum er lagt inn er Kjörbók-
in vísasta leiðin að settu
marki. Barnið, baukurinn og
bankinn leggjast á eitt;
tölurnar hækka og að lokum
ná endar saman.
Kennum börnunum okkar að
spara peninga og ávaxta þá,
það er gott veganesti og
gagnlegt.
Landsbanki
íslands
Banki allra landsmanna i 100 ár