Morgunblaðið - 21.10.1986, Blaðsíða 16

16
MORGUNBLAÐIÐ, ÞRIÐJUDAGUR 21. OKTÓBER 1986
Borgarstgórn
Deilt um innakst-
ur að Staldrinu
Júlíus Hafstein (S) lagði á fundi borgarstjórnar á fimmtu-
dag fram tillögu um að rofin yrði miðeyja, sem nýlega var
komið fyrir við Stekkjarbakka og innakstur að versluninni
Staldrið þannig auðveldaður. Sagði Júlíus það vera skyldu
borgaryfirvalda að gera þeirri atvinnustarfsemi kleift að
þrífast sem hún úthlutar lóðum undir atvinnurekstur.
Sigurjón Pétursson (Abl.)
sagði að ef þessi breyting yrði
að veruleika myndi hún fela í sér
stóraukna slysahættu og hefðu
umferðarsérfræðingar borgar-
innar lagst gegn þessu. Taldi
hann að ekki ætti að láta undan
verslunareigendum sem vildu
beina umferð „einmitt að sinni
verslun".
Bjarni P. Magnússon (A) sagði
það ekki skipta sig nokkru máli
hvort að tekjur þessa verslunar-
eiganda hækkuðu eða lækkuðu.
Hann ætlaði að greiða tillögu
Júlíusar atkvæði þar sem hann
hefði farið á staðinn og gert
„vettvangskönnun". Á þeim tíma
sem hann var staddur þama
hefðu þrír bílar sem ætluðu að
Staldrinu virt umferðarhindranir
að vettugi og ekið á móti umferð
til að komast að staðnum. Taldi
hann þetta vera „að fara úr ösk-
unni í eldinn“, og með samþykkt
tillögunnar væri verið að auka
umferðaröryggi.
Davíð Oddsson sagðist þegar
í borgarráði hafa lýst efasemdum
um að skynsamlegt væri að ijúfa
þessa miðeyju og taldi eðlilegra
að bíða þangað til reynsla væri
fyrir hendi um umferðarþunga á
staðnum. Hann greiddi því at-
kvæði gegn tillögunni.
Vilhjálmur Þ. Vilhjálmsson (S)
taldi Siguijón Pétursson gera of
mikið úr þeirri hættu sem þessi
breyting kjmni að skapa. Benti
hann á að svipað fyrirkomulag
væri t.d. við innkeysluna að
Heklu við Laugaveg.
Katrín Fjeldsted (S) sagðist
ætla að greiða atkvæði gegn til-
lögunni þar sem hún taldi að það
mundi auka slysahættu að ijúfa
þessa miðeyju. Sagði hún slysa-
tíðni vera mjög háa þar sem
innakstur af þessu tagi væri
leyfður, t.d. við Laugaveg og
Suðurlandsbraut.
Ingibjörg Sólrún Gísladóttir
(Kvl.) sagði að sér þætti leiðin-
legt þegar verið væri að réttlæta
þetta með því að benda á um-
ferðarlagabrot, eins og Bjami P.
Magnússon hefði gert. Hún taldi
ekki að Staldrið mundi missa
mikil viðskipti vegna þess, að
þessi miðeyja hefði verið sett
UPP. °g þó að svo væri gæti það
ekki réttlætt að umferðaröryggi
yrði stefnt í hættu.
Sigrún Magnúsdóttir (F) sagði
beygju af því tagi sem tillagan
gerði ráð fyrir vera mikla slysa-
gildru og því ekki hægt að
samþykkja hana.
Tillaga Júlíusar Hafsteins var
samþykkt með átta atkvæðum
gegn sjö.
Staldrið. Deilt var um innakstur að því.
Deilt um verkaskiptingu ríkis og
sveitarfélaga í dagvistarmálum
Ingibjörg Sólrún Gfsladóttir (Kvl.) lagði á fundi borgarstjómar á
fimmtudag fram tillögu frá Alþýðubandalagi, Kvennalista og Fram-
sóknarflokki, um að borgarstjóm mótmæli þeirri ákvörðun ríkis-
stjómarinnar að skera hlutdeild sina i stofnkostnaði dagvistarheimila
niður um helming án þess að ætla sveitarfélögunum nýjar tekjur til
að sinna lögboðnum skyldum sínum.
Ingibjörg Sólrún hafði áður lagt
fram svipaða tillögu að bókun á
síðasta fundi borgarráðs. Þá höfðu
borgarráðsfulltrúar Sjálfstæðis-
flokksins óskað eftir að fá bókað
að „út af fyrir sig væri eðlilegt að
uppbygging dagvistarheimila sé al-
farið verkefni sveitarfélaga fremur
en ríkisins". Eðlilegar forsendur
fyrir slíkri breytingu væru þó að
sveitarfélögum sé bættur tekju-
missir og að þau hafi algjört forræði
um rekstur og skipan innri málefna
dagvistarstofnana. Ingibjörg taldi
þetta vera hluta af þeirri stefnu að
„bijóta niður alla félagslega þjón-
ustu" og væri þessi tillaga „fijáls-
hyggja í hnotskum". Var hún
sérstaklega andvíg því að sveitarfé-
lögin hefðu algjört forræði í þessum
efnum og taldi það leiða til að eng-
inn ætti meiri rétt „en sveitarfélag-
inu þóknast". Með þessu væri verið
að stuðla að efnahagslegu misrétti.
Davíð Oddsson, borgarstjóri,
sagði félagslega frumkvæðið oftast
hafa komið frá sveitarfélögunum
sjálfum og „forræðishyggju“ Ingi-
bjargar Sólrúnar vera „með ólíkind-
um“. Sagði hann sveitarfélögin
alveg geta sett sér reglur til að
vinna eftir sjálf. Verið væri að
treysta hina félagslegu þjónustu
með því að „flýja reglugerðarfargan
ríkisins". Davíð sagði það vera í
samræmi við stefnu sveitarstjómar-
manna hvarvetna að auka forræði
sveitarfélaganna og áleit að íbúar
sveitarfélaganna vildu það líka
frekar, en að þessi mál væm í hönd-
um „einhverra manna í ráðuneytinu
sem þeir hafa aldrei séð og geta
ekki náð til“. Sagði hann engan
lqörinn fulltrúa Reykjavíkur hafa
komið nálægt þeim reglugerðum
sem þar vom settar. Varðandi áætl-
un ríkisstjómarinnar um að skera
niður hlutdeild sína um helming
sagðist hann hafa meiri áhyggjur
af, að verið væri að taka tekjur frá
sveitarfélögunum með því að skerða
tekjur jöfnunarsjóðs. Þetta væri
tekjumissir_ upp á 300 milljónir.
Guðrún Ágústsdóttir sagðist ekki
skilja af hveiju borgarstjóm gæti
ekki sameinast um þá tillögu að
mótmæla niðurskurðinum, þar sem
mjög svipuð tillaga hefði verið sam-
þykkt samhljóða á síðasta ári. Tók
hún undir orð Ingibjargar Sólrúnar
um að varasamt væri að fela sveit-
arfélögum algjört forræði í þessum
efnum og sagðist hafa svipaðar
áhyggjur og hún.
Bjami P. Magnússon (A) sagðist
vera sammála tillögu sjálfstæðis-
manna og að hann héldi, að við
gætum áfram treyst þvf að bömum
yrði áfram séð fyrir góðri þjónustu.
Sagði hann það vera í samræmi
sjónarmið þeirra sem trúa þvf ekki
„að almætti ríkisins geti séð okkur
best fyrir félagslegri þjónustu".
Sagðist hann treysta þeim sem
sætu í borgarstjóm betur til að
tryggja þessa þjónustu en ríkisvald-
inu. Hann sagði það þó vera eðlilegt
að löggjafinn setti reglur um lág-
markskröfur. Lagði hann til að
borgarstjóra yrði falið að hefja við-
ræður við ríkisstjómina um hvemig
veita mætti sveitarfélögunum tekj-
ur til að taka að sér að fjármagna
og reka dagvistarheimili.
Siguijón Pétursson (Abl.) sagði
oft hafa verið þörf en nú nauðsyn
að sveitarfélögin stæðu gegn þess-
um niðurskurði. Sagði hann það
nánast vera orðna reglu að eftir
því sem ríkisstjómir tala meira um
forræði sveitarfélaga taka þær
meira af telcjum þeirra. En þó að
skerðing jöfnunargjaldsins væri
svívirða taldi hann að ekki mætti
gleyma „litlu málunum" eins og
hlutdeildinni í stofnkostnaði dag-
vistarheimila.
Júlíus Hafstein (S) sagði að á
næsta ári mætti ætla að kostnaður
borgarinnar vegna rekstrar dag-
vistarheimila verði um hálfur millj-
arður og væri þetta „mikill og
þungur rekstur". Spurði Júlfus
hvort ekki væri kominn tími til að
athuga aðrar leiðir og nú rekstrar-
form í þessum efnum án þess þó
að draga úr félagslegri þjónustu.
Taldi hann að taka ætti þetta til
athugunar og ekki væri skaði ef
sveitarfélögin fengju að stjóma sér
sjálf og „forræðishugsun Kvenna-
listans viki“.
Sigrún Magnúsdóttir (F) sagðist
hafa áhyggjur af því, að í framtíð-
inni yrðu ekki til peningar til að
tryggja uppbyggingu dagvistar-
heimila. Sagðist hún ekki sjá því
neitt til fyrirstöðu að konur sem
em heima hjá bömum sfnum, og
taka jafnvel að sér böm annarra,
fái greitt fyrir það frá ríkinu.
Ákveðið var, með atkvæðum
Sjálfstæðisflokks og Alþýðuflokks,
að samþykkja tillögu Bjama P.
Magnússonar.
Mundu eftir
C-vítamíninu.
Stuttar fréttir úr borgarstjórn
Starfslaun til
listamanna
Á fundi borgarstjómar á
fimmtudag var ákveðið að vísa
til menningarmálanefndar, til
frekari umfjöllunar tillögu minni-
hlutaflokkanna um að frá og með
árinu 1987 verði veitt úr borgar-
sjóði starfslaun til a.m.k. þriggja
listamanna og ætti upphæðin að
nema að minnsta kosti þremur
árslaunum, eins og þau em skil-
greind í núgildandi reglum um
starfslaun listamanna og vera
veitt til listamanna í þremur ólík-
um listgreinum. Kristín Ólafs-
dóttir (Abl.), sem mælti fyrir
tillögunni, sagði þetta vera
„sólskinsbjarta tillögu" sem allir
ættu að vera stoltir af að sam-
þykkja. Taldi hún að þetta mundi
kosta borgina tæpa milljón á ári
umfram það sem nú er veitt til
þessara mála.
Sundlaug Sjálfs-
bjargar
Borgarfulltrúar Alþýðubanda-
lagsins báru á fundinum fram
tillögu um að greiðsla fyrir heitt
vatn í sundlaug Sjálfsbjargar í
Hátúni 1_2 verði hin sama og í
sundlaugum Reykjavíkur, þ.e.
30% af húshitunarverði og yrði
þá laugin opin almenningi síðdeg-
is og um helgar. Davíð Oddsson,
borgarstjóri, sagði það rétt að
almenningssundlaugar fengju
vatn á þessu verði en það fengju
hins vegar ekki t.d. skólasund-
laugar og sundlaug Grensás-
deildar Borgarspítalans. Taldi
hann þó mörg sanngimisrök lúta
að því að sundlaug Sjálfsbjargar
fengi vatn á niðurgreiddu verði
og lagði til að málinu yrði vísað
til borgarráðs þar sem menn
gætu fundið lausn á því sem all-
ir sættu sig við.
Mengnn frá
fiskeldisstöðvum
Á fundinum var samþykkt að
vísa til borgarráðs tillögu frá Sig-
rúnu Magnúsdóttur (F) um að
gerð yrði athugun á mengun frá
fískeldisstöðvum undan strönd-
um Reykjavíkur.
Kostnaður vegna af-
mælishátíðar
Nokkrar umræður urðu á
fundinum um svar borgarstjóra
við fyrirspum Ingibjargar Sól-
rúnar Gísladóttur (Kvl.) um
kostnað vegna afmælishátíðar
Reykjavíkurborgar sem hann
lagði fram á fundi borgarráðs
þriðjudaginn 14. október sl. Taldi
Ingibjörg Sólrún Gísladóttir nær
að áætla kostnaðinn 134 milljón-
ir en 80—90 milljónir þar sem
svarið væri „alls ekki tæmandi
og ýmislegt annað inni í mynd-
inni“. Davíð Oddsson borgarstjóri
sagði að afmælishald sem þetta
yrði ekki „niðumjörvað fyrir-
fram“. Hann sagði þó tölur
standast almennt nema hvað
tæknisýninguna varðar, en þar
væri líka um vemlega eigna-
myndun að ræða. Siguijón
Pétursson (Abl.) sagði að þeir
liðir er snem að afmælinu virtust
vera í lagi, en að sér hefði bmgð-
ið þegar hann sá kostnaðinn
végna tæknisýningarinnar, þar
hefði orðið „sprenging" $ kostn-
aði.