Morgunblaðið - 10.03.1987, Side 29
MORGUNBLAÐIÐ, ÞRIÐJUDAGUR 10. MARZ 1987
29
Hafnar því að lýsa
Norðurlönd eínhliða
kjarorkuvopnalaus
Marktæk afvopnun fer ekki fram
öðru vísi en að hún sé alhliða
„ÞAÐ ER ljóst, að allt tal um
kjarnorkuvopnalaus svæði í
okkar heimshluta, sem ekki
tekur mið af raunverulegum
umsvifum Sovétmanna, er
marklaust. Marktæk afvopnun
fer ekki fram öðru vísi en hún
sé alhliða og tryggilega sé um
gagnkvæmni og eftirlit samið.
Sjálfstæðisflokkurinn hafnar
þeirri leið að lýsa Norðurlönd
einhliða kjarnorkuvopnalaus.
Hann ítrekar þá stefnu, að
kjarnorkuvopnalaust svæði á
Norðurlöndum getur því aðeins
átt rétt á sér, að það sé hluti
af mun víðtækara samkomu-
lagi um að draga úr vígbúnaði
og spennu í Evrópu, jafnt á
landi, í lofti sem á hafinu eða
í því“, segir m.a. í ályktun um
utanríkismál.
í ályktuninni segir ennfremur:
„Sjálfstæðisflokkurinn mótmælir
fyrirhugaðri staðsetningu endur-
vinnslustöðvar fyrir brennsluefni
kjarnorkuvera í Skotlandi. Kjarn-
orkuslys þar gætu haft ófyrirsjá-
anlegar afleiðingar fyrir lífríki
norðurhafa.“
í fyrsta kafla ályktunarinnar
er Qallað um stöðu utanríkismála
og það sem áunnist hefur í tíð
núverandi ríkisstjómar. Þar er
m.a. fagnað byggingu nýrrar
flugstöðvar í Keflavík og
milliríkjasamningi um sjóflutn-
inga milli íslands og Banda-
ríkjanna.
I öðrum kafla er rætt um leið-
togafund stórveldanna hérlendis
og sagt, að sú staðreynd að ís-
lendingar hafa ætíð komið fram
af fullri reisn gagnvart stórveld-
unum báðum hafi gert þeim
auðvelt að sætta sig við Reykjavík
sem fundarstað. Ennfremur er
sagt: Hins vegar er mikilvægt,
að ekki sé farið í grafgötur um
þá staðreynd, að þrátt fyrir gest-
risni gagnvart erlendum fulltrú-
um, hefur engin breyting orðið á
utanríkisstefnu íslands. Sú van-
þóknun sem Islendingar hafa á
stjórnarháttum í Sovétríkjunum
og útþenslustefnu þeirra er
óbreytt."
í þriðja og síðasta kafla er
m.a. fjallað um utanríkisverslun
og sagt að fáar þjóðir eigi jafn-
mikið undir greiðum milliríkjavið-
skiptum og íslendingar.
Ennfremur er þar fjallað um
Landhelgisgæslu íslands og sagt
að efla þurfi hana svo og al-
mannavamir hérlendis. Þá er og
eftirfarandi setningu að finna í
ályktuninni: „Haldið verði áfram
að þróa breytingar á fyrirkomu-
lagi verktakamála á Keflavíkur-
flugvelli með það fyrir augum að
fleiri aðilar eigi kost á verkefnum
þar. Hugmyndum um að krefjast
greiðslu fyrir aðstöðu Atlants-
hafsbandalagsins hér á landi er
afdráttarlaust hafnað.“
Blómvöndur frá ömmum og ófæddum
Rannveig Tryggvadóttir afhenti Ragnhildi Heigadóttur heU-
brigðis- og tryggingaráðherra blómvönd á landsfundinum. Sagði
hún blómvöndinn frá ófæddum börnum og öllum ömmum á
landinu sem þakklætisvott fyrir að fæðingarorlof verður lengt
úr þremur mánuðum í fjóra um næstu áramót og enn frekar á
komandi árum. Ragnhildur þakkaði blómagjöfina og það hugar-
far sem að baki byggi.
Húsnæðislánakerfið hefur
stórbætt aðstöðu ungs fólks
Orkuverð verði sambærilegt og í nágrannalöndunum
í ályktun um húsnæðismál ítrek-
ar Sjálfstæðisflokkurinn stefnu
sína, að sem flestir einstaklingar
geti eignast íbúð og búið í eigin
húsnæði. Þá er þróun húsnæðis-
mála á kjörtímabilinu rakin og sagt,
að hið nýja húsnæðislánakerfi hafi
stórbætt aðstöðu þeirra sem nú
hyggjast komast yfír íbúðarhús-
næði, sérstaklega ungs fólks sem
er að eignast sína fyrstu íbúð.
Nokkur atriði eru sögð þurfa lag-
færingar við og um framtíðarþróun
húsnæðislánakerfísins segir að hún
þurfí að byggjast á eftirfarandi
meginatriðum: „Bankar og spari-
sjóðir sjái um lánveitingar og mat
á umsóknum með tilliti til greiðslu-
getu og eiginfjárstöðu umsækjenda.
Fólk eigi kost á því við kaup og
sölu fasteigna að gengið sé frá við-
skiptunum að fullu um leið og
samningar eru gerðir í samráði við
lánastofnun viðkomandi. Seljandi
geti fengið kaupverð staðgreitt og
greitt upp öll áhvílandi lán sín og
heildargreiðsluáætlun gerð um end-
urgreiðslu áhvílandi lána kaupanda.
Staðgreiðsla kaupverðs lækkar verð
á nýju og notuðu húsnæði, öllum
til hagsbóta. Bankar og sparisjóðir
veiti framkvæmdalán til bygginga-
raðila gegn viðeigandi trygging-
um.“
I ályktun um iðnaðarmál segir
m.a., að gefa verði lánasjóðum at-
vinnulífsins aukið frelsi og svigrúm
hvað varðar lánveitingar, lánakjör,
fjáröflun til endurlána innanlands
eða utan, kaupleigustarfsemi og til
kaupa á eignarhluta í fyrirtækjum.
Varðandi orkumál er sagt, að miða
verði ráðstafanir við það að orku-
verð hér verði sambærilegt og í
samkeppnislöndum okkar.
Þá segir, að efla eigi Útflutn-
ingsráð Islands og tryggja að ráðið
fái nauðsynlegt fj'ármagn til þess
að geta gegnt hlutverki sína. Vilji
er fyrir að efla þann þátt utanríkis-
þjónustunnar sem snýr að við-
skiptamálum og fjallað er um að
efla þurfí menntun og starfsþjálfun
á því sviði.
í kafla um fræðslumál er fjallað
um endurskipulagningu iðnfræðslu-
kerfísins, ennfremur að efla þurfí
endurmenntun og símenntun
starfsfólks. Þá er ályktað um rann-
sóknir og þjónustustarfsemi og
segir þar m.a., að með skattalegum
aðgerðum verði að örva rannsókn-
ar-og þróunarstarfsemi fyrirtækja.
I ályktun um samgöngumál er
fjallað sérstaklega um samgöngur
á landi, sjó og í lofti. Auk þess er
sérstakur kafli um ferðaþjónustu
og annar um fjarskiptamál. Segir
almennt, að góðar og öruggar sam-
göngur, bæði innanlands og við
önnur lönd, séu ein af meginfor-
sendum fyrir sjálfstæði þjóðarinnar
og að áfram verði unnt að byggja
landið allt og nýta gæði þess. Þá
segir um framkvæmdir að útboð
samgönguframkvæmda verði meg-
inreglan, bæði varðandi hönnun,
nýbyggingar, svo og viðhald mann-
virkja, og leitast við að haga stærð
verkáfanga með það fyrir augum
að ná sem bestri hagkvæmni við
framkvæmd verksins, svo og með
hliðsjón af getu verktaka á viðkom-
andi landsvæðum.
Tekið verði
tillit til
gagnrýni á
námsskrár
NÁMSSKRÁR grunnskólans komu
til umræðu í skóla- og fræðslu-
nefnd landsfundar Sjálfstæðis-
flokksins um helgina. Þar var m.a.
vakin athygli á nýútkomnu riti
Arnórs Hannibalssonar Skóla-
stefna, sem geymir harða gagn-
rýni á skólamálastefnu íslenska
rikisins. í ályktun landsfundarins
um skóla- og fræðslumál segir, að
við endurskoðun námsskráa beri
að taka tillit til þeirrar gagnrýni,
sem fram hafi kornið.
I ályktuninni segir, að á fyrstu
árum grunnskólans beri einkum að
leggja áherslu á íslenska tungu og
bókmenntir, stærðfræði, kristnifræði,
skrift og sögu lands og þjóðar. Æski-
legt sé, að skólamir geti haft val um
röðun nemenda í bekkjardeildir og í
blönduðum bekkjum verði nemendur
ekki fleiri en 24.
Þá er menntamálaráðuneytið hvatt
til þess, að afla ýtarlegra upplýsinga
um námsefni og kennsluhætti í skól-
um landsins og birta þær í aðgengi-
legu formi í því skyni að greiða fyrir
málefnalegum umræðum um skóla-
mfií.
I ályktuninni er lýst stuðningi við
áform um háskólakennslu á Akureyri
og hvatt er til, að kannað verði hvort
háskólastofnun þar geti verið rekin
sem sjálfseignarstofnun.
Um málefni kennara segir: „Mikil-
vægt er að skólamir hafi á að skipa
vel menntuðu og hæfu starfsfólki.
Því ber að endurskoða launakerfí
kennara með það fyrir augum að ein-
falda það, bæta kjör kennara og veita
þeim hvatningu til að afla sér sem
bestrar faglegrar menntunar."
Andstaða við
lögverndun
LÖGVERNDUN starfsréttinda
kom til umræðu á landsfundi
Sjálfstæðisflokksins um helgina.
Guðmundur Magnússon, blaða-
maður, sagði að lögverndun bryti
gegn grundvallarstefnu flokksins
um athafnafrelsi og væri auk þess
óhagkvæm og ranglát. Fyrir
frumkvæði hans var hert á álykt-
un fundarins um þessi efni.
í ályktuninni, sem er í kafla um
iðnaðarmál en flutningsmaður kvað
einnig ná til annarra málaflokka,
segir, að lögvemdun eigi eingöngu
að ná til starfsheitis. Lög um lög-
vemdun einkaréttinda til ákveðinna
starfa beri að nema úr gildi nema
þegar almannaheill bjóði annað.
Verö MAZDA bíla hefur hlutfallslega
aldrei veriö lægra en núna. MAZDA
323 LX 3 dyra Hatchback 1300 kost-
ar nú aðeins 355 þúsund krónur. Þú
gerir vart betri bílakaup!
Nú gengur óðum á þær sendingar,
sem við eigum væntanlegar fram á
vorið. Tryggið ykkur því bíl strax!
Opið laugardaga frá kl. 1 - 5.
mazoa
BÍLABORG HF.
SMIÐSHÖFÐA 23, SÍMI 68-12-99
gengisskr. 4.3 fl?