Morgunblaðið - 21.03.1987, Blaðsíða 35
MORGUNBLAÐIÐ, LAUGARDAGUR 21. MARZ 1987
35
*
Arsfundur Qrkustofnunar:
Leitar verkefna
utan hefðbundins
sviðs vegna lægð-
ar 1 virkjunum
Kannaðir mögnleikar á útflutningi raforku um sæstreng
ÁRSFUNDUR Orkustofnunar var haldinn á miðvikudag. Gerð var
grein fyrir fjármálum og- mannafla stofnunarinnar á síðasta ári, og
verkefnum jarðhitadeildar og vatnsorkudeildar i nútíð og framtíð.
Á seinni hluta fundarins voru flutt fræðsluerindi um fjóra mála-
flokka. Meðal annars kynnti Sigurður Þórðarson hugmyndir um
útflutning raforku um sæstreng. Þar kom fram að kostnaður við
virkjun 500 MW og streng til Skotlands er næstum því jafn mikill
og heildarfjárfesting raforkukerfis landsins.
Orkustofnun verður tvítug í sum- stofnkostnað virkjanna. Svo virtist
ar. Á starfstíma hennar hefur
orkunotkun aukist að jafnaði um
rúm 5% á ári. í frétt sem blaðinu
barst í tilefni ársfundarins segir að
afköst orkuvinnslufyrirtækja hafi
aukist hraðar en eftirspum markað-
arins; því sé raforkukerfíð nú rekið
með 8% umframgetu.
Vegna lægðar í virkjun vatns-
orku hefur stofnunin leitað inn á
önnur svið og tekið að sér verkefni
þar sem tæknileg og vísindaleg
reynsla hennar nýtist. Má þar nefna
leit að heitu og köldu vatni fyrir
fiskeldi og ráðgjöf í Kína, Grikkl-
andi, Tyrklandi og Kenya. Árin
1986-86 var einnig unnið að þyngd-
armælingum á íslandi fyrir Korta-
gerðarstofnun Bandaríkjahers.
í erindi Sigurðar Þórðarsonar var
greint frá niðurstöðum „hugar-
flugsfundar“ um leiðir til að virkja
„ódýrt“ á íslandi. Orkustofnun hef-
ur kannað betur ýmsar hugmyndir
sem fram komu á fundinum er hald-
inn var síðastliðið vor. Sigurður
drap á leiðir til spamaðar í raforku-
iðnaðinum og sagði að mikilvægt
væri að finna leiðir til að iækka
sem hagkvæmni aukist við sam-
rekstur orkukerfa með mismunandi
orkjugjafa, til dæmis vatnsorku og
jarðhitaorku. Þessi atriði hafi ekki
verið fullkönnuð.
Orkustofnun hefur gerí lauslegar
áætlanir um útlfutning raforku um
sæstreng til Skotlands. Talið er
hugsanlegt að hægt yrði að nýta
vatnsaflsvirkjanir mun betur með
breyttri sölutækni á grundvelli út-
flutnings. Sigurður sagði að kostn-
aður við virkjun 500 MW af raforku
og lagningu sæstrengs yrði um 52
milljarðar króna, en raforkukerfið
í heild er metið á 55 milljarða króna.
Erindi Hákons Aðalsteinssonar
fjallaði um áhrif virkjana á líf í ám
og vötnum. Hann fjallaði fyrst og
fremst um jökulár, en úrþeim kem-
ur megnið af vatnsafli Islendinga.
Hákon sagði að jökulár væru ekki
annálaðar fyrir lífríki. Jökulaurinn
veldur því að ljós kemst ekki niður
fyrir 3-4 metra dýpi við bestu skil-
yrði. Þar sem gruggið fellur að
hluta út í miðlunarlónum virkjana
gæti líf átt auðveldara með að dafna
í jökulám neðan þeirra.
Stuðningsyfir-
lýsingar við mál-
stað kennara
FORELDRAFÉLÖG, nemendafélög, Skólameistarfélag íslands og
Landssamband öldungadeilda eru í hópi þeirra sem sent hafa frá
sér ályktanir vegna verkfalls Hins íslenska kennarfélags. Þessir
hópar hvetja ríkisvaldið til að ganga strax til samninga og tryggja
að hæft fólk fáist til kennslustarfa í framtíðinni.
Á íjórða tug nemenda í Þroska-
þjálfaskóla Islands undirrituðu
áskorun sem afhent var fjármála-
ráðherra á Alþingi. Þar er hann
hvattur til að leysa yfirstandandi
kjaradeilu hið fyrsta og ganga
þannig frá málum að jafnan fáist
hið hæfasta fólk til kennslustarfa.
u Skólameistarfélag íslands beinir
þeirri áskorun til ríkisvaldsins að
þau bæti launakjör kennara þannig
að samningar náist. I ályktun sinni
lýsa skólameistarar yfir áhyggjum
af því ástandi sem hefur skapast í
skólum landsins vegna verkfallsins.
Foreldarfélög Hagaskóla, Laug-
arnesskóla og Hólabrekkuskóla
hvetja til skjótrar lausnar á kjara-
deilunni. I ályktunum er lýst
áhyggjum yfir ástandi skólamála í
landinu. Brýnt sé að þannig semjist
að kennarastarfið verði aftur eftir-
sóknarvert.
Nemendur í Kennaraháskóla ís-
lands sendu frá sér stuðningsyfir-
lýsingu við félaga í Hinu íslenska
kennarfélagi. Þar segir að nauðsyn-
legt sé að almenningur geri sér
grein fyrir mikilvægi þess starfs
sem kennarar inna af hendi. Skorað
er á stjómvöld að taka viðhorf sín
til kennara til gagngerrar endur-
skoðunar.
Blaðinu hefur einnig borist
stuðningsyfirlýsing þings Lands-
sambands öldungadeildanema við
kennara í kjaradeilunni. Lýst er
yfir áhyggjum vegna menntunar í
landinu verði kjör kennara ekki
bætt verulega. „Skomm við á samn-
ingsaðila að reyna að ná samkomu-
lagi hið fyrsta svo ekki komi til
frekari vinnustöðvunar," segir orð-
rétt í yfirlýsingunni.
Robert W. Becker og David Knowles.
Vestursalur Kjarvalsstaða:
Endurteknir tónleik-
ar á málverkasýningu
Guðrún Tryggvadóttir.
MÁLVERKASÝNING Guðrúnar
Tryggvadóttur myndlistarkonu
stendur nú yfir í vestursal Kjar-
valsstaða. Við opnun sýningar-
innar 14. mars sl. héldu Robert
W. Becker baritónsöngvari og
David Knowles píanóleikari tón-
leika. Nú er ráðgert að endur-
taka þessa tónleika sunnudag-
inn 22. mars og hefjast þeir kl.
15.00.
Fyrst á dagskrá tónleikanna er
„Astir skáldsins" eftir Robert
Schumann við texta Heinrich
Heine. Einnig syngur Robert aríur
úr óperum eftir Richard Wagner.
Robert er búsettur hér á landi
og hefur sungið m.a. með Sinfóníu-
hljómsveit Islands og í Þjóðleik-
húsinu. David Knowles býr einnig
á íslandi og er þekktur sem unir-
leikari auk þess að vera organisti
í Kristskirkju.
Þetta er 6. einkasýning Guð-
rúnar og eru verkin unnin á
undanfömum fjórum árum. Sýn-
ingin er opin til 29. mars og er
opin daglega frá kl. 14.00 til 22.00.
Aðgangur er ókeypis bæði á
sýninguna og tónleikana.
72,2% mjög hlynntir aðild
Islands að kjarnorku-
vopnalausum Norðurlöndum
Umræðufundur á sunnudaginn og útifundur á miðvikudaginn
SAMKVÆMT könnun, sem Félagsvísindastofnun Háskóla ís-
lands hefur gert, eru 72,2% íslendinga, sem afstöðu taka, mjög
hlynntir því að ísland gerist aðili að norrænu samstarfi um að
lýsa Norðurlöndin kjarnorkuvopnalaust svæði. 17,4% eru frekar
hlynntir þessu en 6,2% mjög eða frekar mótfallnir.
Þatttakendur í könnuninni, sem
gerð var dagana 5. til 12. mars,
vom 1.500 manns um land allt.
Samband náðist við 1.115 manns,
en þar af neituðu 7 að svara og
29 höfðu engin svör.
Nánar tiltekið reyndust 779
(69,9%) mjög hlynntir aðild ís-
lands að norrænu samstarfi um
kjarnorkuvopnalaus Norðurlönd,
188 (16,9%) frekar hlynntir, 45
(4%) hvorki hlynntir né mótfallnir,
37 (3,3%) frekar mótfallnir og 30
(2,7%) mjög mótfallnir.
imskringla
Landnáma
r
Síðasta sýningarhelgi hjá Guðbergi
SÝNINGU Guðbergs Auðunssonar í Nýlistasafninu lýkur nk.
sunnudagskvöld. Sýningin er opin frá kl. 14.00-20.00.
Skipting þátttakenda eftir kynj-
um leiðir í ljós, að konur em mun
eindregið hlynntar samstarfí um
kjarnorkuvopnalaus Norðurlönd
en karlar. 81,6% þeirra segjast
mjög hlynntar slíku samstarfi en
62,5% karla. Þá er mun meiri
stuðningur við hugmyndina meðal
yngstu kjósendanna en þeirra sem
elstir em. 77,8% kjósenda á aldrin-
um 18-24 ára er hlynntur sam-
starfínu en 59,4% kjósenda á
aldrinum 61-75 ára.
Stuðningsmenn norræns sam-
starfs um kjarnorkuvopnalaus
Norðurlands em flestir úr hópi
kjósenda Alþýðubandalags eða
91,2%, síðan Kvennalista 90,6%,
Alþýðuflokks 76,5%, Sjálfstæðis-
flokks 67,2% en kjósendur
Framsóknarflokksins reka lestina,
67,2%.
Á blaðamannafundi, sem nokkr-
ar íslenskar friðarhreyfingar stóðu
að, kom fram, að næstu daga
hyggjast þær efna til aðgerða til
að opna augu almennings og
stjómmálamanna fyrir því að ís-
land geti orðið dragbítur á undir-
búning að kjarnorkufriðlýsingu
Norðurlanda, eins og komist var
að orði á blaðamannafundinum.
Liður í því er umræðufundur á
Hótel Borg á sunnudaginn kl.
15:00, þar sem fulltrúar stjóm-
málaflokkanna munu skýra af-
stöðu sína til þessa máls í
framsöguerindum og pallborðsum-
ræðum. Annar þáttur í þessu starfí
er söfnun undirskrifta þjóðkunnra
einstaklinga undir áskomn til
ríkisstjómarinnar um að hún taki
höndum saman við þjóðþing og
stjómir annarra norrænna ríkja
um stofnun kjarnorkuvopnalauss
svæðis á Norðurlöndum. Áskomn-
in verður birt sem auglýsing í einu
dagblaðanna eftir næstu helgi. Þá
hyggjast íslenskar friðarhreyfíng-
ar efna til útifundar í Reykjavík
25. mars, en þann sama dag hefst
fundur utanríkisráðherra Norður-
landanna í Reykjavík. Ávörp á
fundinum flytja Pétur Gunnars-
son, rithöfundur, og Erik Alfsen,
stærðfræðiprófessor við Oslóar-
háskóla, sem er í forystu fyrir
hreyfíngu gegn kjamorkuvopnum
í Noregi.
Úthlutað úr
Tónlistar-
sjóði Armanns
Reynissonar
ÚTHLUTAÐ verður úr Tón-
listarsjóði Ármanns Reynis-
sonar í fjórða sinn í byrjun
júní nk. Úthlutunarfé sjóðsins
nemur kr. 175.000 og er óskað
eftir umsóknum aðila sem
hafa tónlist að aðalstarfi og
hafa hug á að semja eða flytja
tónverk, innanlands eða utan.
Stjóm Tónlistarsjóðsins
skipa: Þuríður Pálsdóttir, Anna
Snorradóttir, Mist Þorkelsdóttir,
Halldór Hansen og Ármann
Reynisson.
Þeir sem hyggjast sækja um
úthlutun úr sjóðnum em beðnir
um að senda skriflegar umsókn-
ir, þar sem gerð er grein fyrir
fyrirhuguðum verkefnum, fyrír
1. maí nk. til Tónlistarsjóðs Ár-
manns Reynissonar, Laugavegi
97, Reykjavík.
(Fréttatilkynning)