Morgunblaðið - 21.03.1987, Blaðsíða 60

60
MORGUNBLAÐIÐ, LAUGARDAGUR 21. MARZ 1987
ÍÞRÓTTIR UNGLINGA
Umsjón/Vilmar Pétursson
• Sjötti flokkur Stjörnunnar. Þeir eru Andri Arnaldsson, Gunnar Gunnarsson, Sveinn Sveinsson, Jón
Guðni Ómarsson, Hafsteinn Hafsteinsson, Magnús Jónsson, Jón Haukur Baidvinsson, Ragnar Árnason,
Sigurður Sigurbjörnsson, Ragnar Hilmarsson, Kristinn Pálsson, Hugi Guðmundsson og Hörður Jóhanns-
son. Á myndina vantar Einar B. Jónsson.
Höfum lagt áherslu
á skot og vörn
— segja handboltastrákarnir í 6. flokki Stjörnunnar
STJARNAN úr Garðabæ tryggði
sér rétt til að leika í úrslitariðli
íslandsmótsins í 6. flokki þegar
þeir unnu 2. deildina glæsilega
um seinustu helgi.
Þeir voru að vonum kátir
Stjörnustrákarnir þegar þeir löptu
Svala og borðuðu lakkrísdraum
sem ánægður stuöningsmaður
þeirra gaf þeim þegar þessi áfangi
var í höfn. „Það er náttúrlega fínt
að fá Lakkrísdraum og Svala en
það væri nú samt ennþá betra að
fá verðlaunapeninga eftir úrslita-
keppnina," sögðu strákarnir sigur-
reifir.
Kapparnir voru spurðir hvort
leikirnir í 2. deildinni hefðu verið
erfiðir. „Nei, þetta var nú ekkert
ofboðslega erfitt, við unnum alla
leikina létt. Við höfum æft vel í
vetur og bjuggumst alveg eins við
að vinna deildina. í forkeppninni
gekk okkur ekki eins vel, þar töp-
uðum við tveimur leikjum og þess
vegna lékum við í 2. deild núna,“
svöruðu þeir.
Næst barst talið að möguleikum
þeirra í sjálfri úrslitakeppninni.
„Við reynum náttúrlega að
vinna. Að undanförnu höfum við
lagt mikla áherslu á skot og vörn
því það hafa verið okkar veikustu
hliðar. í vörninni förum við of mik-
ið út á móti mönnunum og þá
opnast oft vörnin á bak við okkur.
Ef okkur tekst að bæta það ættum
við alveg að eiga möguleika því
sóknin hjá okkur er góð. Það eru
KR og Breiöablik sem verða erfið-
astir í úrslitunum því að í þeim
liðum eru margir strákar sem erfitt
er að stoppa. í fyrra lentum við í
2. sæti en við höfum nú misst
marga góða menn síðan þá því
þeir eru komnir uppí 5. flokk. Við
hinir höfum lært margt síöan í fyrra
og höfum góða þjálfara þannig að
við ættum alveg að geta náð í
verðlaunapening," svöruðu strák-
arnir og voru greinilega ákveðnir
að mæta sterkir og vel undirbúnir
í úrslitin.
Ekki ætti úthaldsleysi að verða
strákunum neinn þröskuldur að
góðum árangri því auk handbolt-
ans æfa flestir ef ekki allir þeirra
einnig fótbolta og æfa stíft, að eig-
in sögn.
Hverjir skyldu fagna Ísiandsmeistaratitli seinnipartinn á sunnudaginn.
MorgunblaAið/VIP
Einar Þorvarðarson:
Bjóst ekki við
góðum árangri
FYRIRLIÐI sjötta flokks HK var
að sjálfsögðu ánægður eftir að
lið hans hafði tryggt sér 2. sæti
2. deildar íslandsmótsins í hand-
knattleik og þar með rétt til
þáttttöku í úrslitabaráttunni um
Islandsmeistaratitilinn.
Hinn káti fyrirliði heitir ekki
ómerkara handboltanafni en Einar
Þorvarðarson. „Ég er mjög
ánægður því eiginlega bjóst ég
ekki við svona góðum árangri
núna. í fyrra urðum við (slands-
meistarar en síðan hafa margir af
þeim strákum gengið upp í 5.
flokk.“
Núna þegar úrslitaslagurinn um
íslandsmeistaratitilinn nálgast var
forvitnast um það hjá Einari hvern-
ig tilfinnig það hefði verið í fyrra
að standa uppi sem sigurvegari
eftir allt erfiði vetrarins. „Það var
ofsalega gaman. Á laugardeginum
á eftir fórum við á Tommaborgara
og svo fórum við allir í bíó. Allir
voru að óska manni til hamingju
og svona," sagði kappinn.
En ekki þýðir að gleyma sér yfir
endurminningunum því annar
slagur er í augsýn. „Við höfum
æft þrisvar í viku í vetur og helst
æft „fitturnar" og vörnina. Vörnin
er núna oröin sterkasti hluti liðsins
en við þyrftum að bæta sóknina
svolítið. Við náum ábyggilega að
fínpússa ýmislegt fyrir úrslita-
keppnina. í forkeppninni gekk
okkur mjög illa en núna hefur okk-
ur gengið miklu betur. Við unnum
alla okkar leiki nema gegn Stjörn-
unni sem eru sterkir," sagði Einar
að lokum.
Morgunblaðið/VIP
9 Þeir hafa mátt þola marga skothríðina markmennirnir
Eggert Gíslason og Jónas Stefánsson.
Erfiðast að
verja niðri
MARKVERÐIR í handbolta eru oft
ekki öfundsverðir af hlutskipti
sínu þrátt fyrir að á stundum
geti þejr orðið helstu hetjur liða
sinna. í sjötta flokki eru margir
efnilegir markmenn. Þeirra á
meðal eru þeir Eggert Gíslason,
Fylki, og Jónas Stefánsson, FH.
Allir markmenn eiga í meiri erf-
iðleikum að verja ákveðna hluta
marksins en aðra. Jónasi finnst
erfiðast að verja skot niðri en Egg-
ert á verst með að koma í veg fyrir
mörk þegar skotin koma uppí
hornin.
„Við erum alltaf á fullu allar
æfingar en þeir sem spila úti fá
hvíld öðru hvoru. Við þurfum líka
að vera liðugir," sögðu markmenn-
irnir þegar þeir voru beðnir að
bera sína stöðu saman við annarra
í liðunum. Báðir hafa þeir alltaf
spilað stöðu markvarðar en þrátt
fyrir það hafa þeir skorað mörk á
æfingum með því að henda þvert
yfir völlinn og yfir hinn markmann-
inn. Jónas er að íhuga að hætta
sem markmaður næsta vetur en
Eggert er ákveðinn í að halda
ótrauður áfram.
Strákarnir voru látnir spá um
hvar þeirra lið lentu í íslandsmót-
inu. Eggert bjóst við að hann og
félagar hans myndu verma 3.-4.
sætiö. Jónas taldi 3. sætiö líkleg-
ustu staðsetningu FH-inga.
„Baráttan um titilinn verður milli
Víkings og Breiðabliks," sögðu
markmennirnir að lokum.