Morgunblaðið - 01.07.1987, Blaðsíða 25
MORGUNBLAÐIÐ, MIÐVIKUDAGUR 1. JÚLÍ 1987
25
V estmannaeyjar:
Borun í hraunið
varð árangurslaus
Vestmannaeyjum.
BORUNUM eftir heitu vatni í
nýja hrauninu í Vestmannaeyjum
hefur verið hætt. í ráði var að
bora þijár holur og gerðu menn
sér vonir um að þar væri að finna
mikið magn af vel heitu vatni
fyrir Fjarhitun Vestmannaeyja.
Iðnaðarráðherra útvegaði um 4
milljónir króna til þessa verkefn-
is. Þessu var hætt eftir að
boraðar höfðu verið tvær holur
þar sem hitastigið var ekkert í
líkingu við það sem reiknað var
með. „Það er verið að vinna úr
mæligögnum og munu endanleg-
ar niðurstöður liggja fyrir í
næsta mánuði,“ sagði Eiríkur
Bogason, veitustjóri, í samtali við
Morgunblaðið.
Eiríkur sagði að þessar neikvæðu
niðurstöður væru mikil vonbrigði
fyrir Vestmanneyinga, „en nú vit-
um við þó hvar við stöndum því
áður voru þetta meira spádómar
um framtíðina."
„Hraunmassinn sjálfur veldur
þeim hita sem er enn í hrauninu,
en hitinn í gossprungunni er nánast
enginn eða rétt um 20 gráður á 100
metra dýpi. Með haustinu förum
við út í það að virkja það sem við
teljum hagkvæmt að virkja, það
ætti að duga okkur tvo næstu vetur
með því að taka toppana með olíu-
kyndingu."
Eiríkur sagði að nú yrði að snúa
sér að öðrum valkostum til þess að
tryggja Fjarhitun Vestmannaeyja
orku fyrir framtíðina, þar lægi fyr-
ir að taka stórar ákvarðanir. „Við
reiknum með að í nokkur ár eða
áratugi getum við notað hraunið
sem grunnorkugjafa. Við erum þeg-
ar komnir í gang með athugun á
hagkvæmni sorpbrennsluorkuvers
og innan tíðar munum við heíja
viðræður við Landsvirkjun/RARIK
um kaup á afgangsorku. Við teljum
að töluvert sé til af umframorku
sem engum nýtist. Annar kostur
sem við erum nú að skoða er kola-
orkuver og erum við að yfirfara
gögn um það sem okkur hafa bor-
ist,“ sagði Eiríkur Bogason.
____T 1 'r_— hkj.
Minningarsjóður
Helgn og Sigvalda:
Styrkir til
efnilegra
nemenda
FYRIRHUGAÐ er að veita nokkra
styrki úr minningarsjóði hjón-
anna Helgu Jónsdóttur og Sigur-
liða Kristjánssonar kaupmanns og
hafa þeir verið auglýstir til um-
sóknar. Lágmarksupphæð hvers
styrks mun væntanlega nema kr.
100 þúsund.
Samkvæmt erfðaskrá hjónanna
var stofnaður sjóður til styrktar efni-
legum nemendum í verkfræði- og
raunvísindanámi. Stofnfé sjóðsins
var ákveðinn hluti af eignum þeim
er þau iétu eftir sig en heimilt er
samkvæmt skipulagsskrá að veita
styrki af þeim vöxtum sem sjóðurinn
ber.
Eyðublöð vegna styrkumsókna
fást á aðalskrifstofu Háskóla íslands
og ber jafnframt að skila umsóknum
þangað. Umsóknarfrestur er til 10.
ágúst n.k. og er fyrirhugað að til-
kynna úthlutun fyrir 25. sama
mánaðar eins og segir í frétt frá
stjóm minningarsjóðsins.
Menningarsjóður útvarpsstöðva:
60 til 80 milljón-
um úthlutað í ár
MENNINGARSJÓÐUR útvarps-
stöðva hefur nú auglýst eftir
umsóknum frá útvarps- og sjón-
varpsstöðvum um styrki til
dagskrárgerðar. Að sögn Jóns
Ólafssonar framkvæmdastjóra
sem er einn þriggja manna er
silja í stjórn sjóðsins gæti ráð-
stöfunarfé sjóðsins í ár verið á
bilinu 60 til 80 milljónir króna.
Síðast var úthlutað úr sjóðnum
í upphafi þessa árs og hlutu þá all-
ar þær stöðvar sem greiddu í sjóðinn
styrki, það er Ríkisútvarpið og sjón-
varpið, Stöð 2 og Bylgjan. Næst
er áætlað að úthluta í lok næsta
mánaðar og rennur umsóknarfrest-
ur út 20. júlí.
Tekjur sjóðsins eru 10% gjald
sem lagt er á tekjur af öllum auglýs-
ingum sem birtar eru í sjónvarps-
og útvarpsstöðvum.
Af þessum 60 til 80 milljónum
króna fara um það bil 20 milljónir
í að kosta rekstur Sinfóníuhljóm-
sveitar íslands en afgangurinn
rennur til dagskrárgerðar í útvarpi
og sjónvarpi.
Að sögn Jóns Ólafssonar stendur
í reglugerð um sjóðinn að hann
skuli styðja gerð menningarlegs
efnis en auðvitað sé erfitt að meta
hvað sé menning og hvað ekki. „Ég
fæ ekki séð að einhver einn aðili
geti metið það betur en þeir sem
reka stöðvamar hvað sé menning-
arlegt efni og hvað ekki. Þetta er
afstætt. Það sem fólkið vill er menn-
ing líðandi stundar. Við í stjóm
sjóðsins verðum bara að reyna að
taka mið af umsóknunum eins og
þær berast okkur og úthluta eftir
því.“
Minningarsjóður Jóns Jóhannessonar prófessors:
Guðrún Nordal B.A.
var veittur styrkur
NÝLEGA var veittur styrkur úr
Minningarsjóði dr. phil. Jóns Jó-
hannessonar prófessors. Styrkinn
hlaut að þessu sinni Guðrún Nord-
al B.A.
Guðrún er nú að semja ritgerð við
Háskólann í Oxford. Ritgerðin heitir
“Ethics and action in thirteenth cent-
ury Iceland. An examination of
motivation and social obligation in
Iceland c. 1180-1264, as represented
in Sturlungasaga". I henni er m.a.
flallað um þjóðfélagslegar skyldur
einstaklinga t.d. við fjölskyldu, vini
og samheija. Einnig er fjallað um
deilumál og trúarlíf á 13. öld svo
nokkuð sé nefnt. Niðurstöður rann-
sóknarinnar verða bomar saman við
Islendingasögur, hvar sem við á.
Háskólaráð kýs stjómamefnd
Minningarsjóðsins. í henni eru nú Jón
Símonarson handritafræðingur,
Ólafur Oddsson menntaskólakennari
og Þórhallur Vilmundarson prófess-
or. Sjóðurinn er eign Háskóla ís-
lands.
LOHAÐ
til Kl. 15.00 í dag,
ijúlí
vegna vörutalningar.
HAGKAUP
REYKJAVÍK AKUREYRI NJARÐVÍK
Verið velklædd
í sumar
Iðunnar-peysur úr
ítölsku bómullargarni
í sumarfríið.
Dömupeysur langerma og
stutterma, herra-skyrtu-
peysur og barnapeysur.
Einnig mjög fallegar sumar-
blússur frá Oscari of Sweden
og sumarbuxur frá
Gardeur.
Verslunin er opin
daglega frá 9.00-18.00,
laugardaga 10.00-12.00
(líka í sumar).
Kreditkortaþjónusta.
y y JL. PRJÓNASTOFAN
Uðumv.
Skeijabraut 1, (v/Nesveg)
Seltjaraarnesi