Morgunblaðið - 02.07.1987, Blaðsíða 72

TOM M AH AM BORG AR AMÓTIÐ
f
i
A
—- i
4
- sagði Andri Sigþórsson
KR-ingar
Tommamótsmeistarar
Andri Sigþórsson skoraði fimm mörk
KR-ingar sigruðu ÍR örugglega í
úrslitaleiknum um gullið á
Tommamótinu 1987, 6:2. Það
sem gerði útslagið öðru fremur
var stórleikur Andra Sigþórsson-
ar í KR-liðinu. Hann hafði spilað
mjög vel í öllu mótinu en líklegast
aldrei betur en í úrslitaleiknum.
Hann gerði hvorki meira né
minna en fimm af sex mörkum
KR-inga í þessum leik og þar að
auki lagði hann upp mark sem
Arnar Sigurgeirsson gerði.
Jafnsterkt mót og Tommamótið
verður ekki unnið með einum
manni og KR-liðið lék mjög vel sem
liðsheild. í vörninni var Kristinn
Viktorsson, sá klettur sem flestar
sóknarlotur stöðvuðust á, en hann
hlaut einnig mikilsverðan stuðning
frá hinum snaggaralega Sverri Við-
arssyni og Vilhjálmi Vilhjálmssyni.
Oskar Sigurgeirsson átti einnig
góðan leik frammi. Óskar og Andri
eru líklega okkar efnilegasta fram-
herjapar í yngri flokkunum. Arnar,
sem enn er á yngra ári, vakti at-
hygli fyrir góða boltatækni og
ákveðni. í þau fáu skipti sem vörn
KR-inga sofnaði var Agúst Jó-
hannsson markvörður réttur
maður á réttum stað og var hann
sá markvörður sem fékk á sig
fæst mörkin í motinu.
ÍR-ingar eru með gott lið og er
gaman að sjá hve unglingastarf
þeirra ÍR-inga er að skila góðum
árangri. í þessum leik mættu þeir
hinsvegar ofjörlum sínum og það
er engin skömm að tapa fyrir jafn
góðu liö og KR. Bestu menn liðsins
eru Ólafur Sigurjónsson, sem er
geysilega leikinn og snöggur leik-
maður, og Eiður S. Arnórsson.
Eiður er mjög sterkur leikmaður
og er enn á yngra ári þannig að
ÍR-ingar ættu að vera sterkir að
ári. Einnig átti Valur Þ.ÓIafsson
ágætan leik en hann gerði annað
mark ÍR-inga. Hitt markið gerði
Ólafur Sigurjónsson. Aðrir sem
ágætan leik áttu voru Haraldur J.
Guðmundsson og Róbert Hjálm-
týsson.
Tvær knáar
úr Sandgerði
Þessar tvær knattspyrnustúlkur úr Sandgerði heita Dagný Hulda
Erlendsdóttir og Baldvina Karen Gísladóttir. Þær léku með B-liði
Reynis og stóðu sig með ágætum. Nokkrar stúlkur tóku þátt í mót-
inu að þessu sinni.
„Var ekkert
að hugsa um
þennan titil"
ÞAÐ KOM víst fáum á óvart að
Andri Sigþórsson, leikmaður KR,
var valinn besti leikmaður
Tommamótsins. Það er óhætt að
segja að hann hafi borið höfuð
og herðar yfir aðra leikmenn á
mótinu. Það sem vakti athygli
blaðamanns Morgunblaðsins var
hve óeigingjarnt Andri spilaði.
Það var ekki nóg að hann skap-
aði sjálfum sér óteljandi færi með
hraða sínum og útsjónarsemi
heldur var hann og ólatur að
mata samherja sínum á frábær-
um sendingum sem gáfu mörk.
Einnig vakti athygli hve lítið það
fékk á Andra þó að félagar hans
nýttu ekki öll þessi færi. Hann var
ekki að hnýta í félaga sína heldur
hélt hann áfram að berjast. Þetta
mættu margir aðrir góðir leikmenn
taka til fyrirmyndar. Við náðum
tali af Andra stuttu eftir að hann
hafði veitt verðlaunum sínum mót-
töku. Fyrsta spurningin sem við
lögðum fyrir hann var hvort útnefn-
ingin hefði komið honum á óvart?
„Já.ég verð að segja það því ég
var lítið að spá í þennan titil. Aðal-
atriðið var að vinna Tommamótið
og hinir titlarnir komu síðan af
sjálfu sér. Þennan góða árangur
KR-liðsins vil ég fyrst og fremst
þakka góðri liðsheild og góöum
þjálfurum. Án þeirra hefðu þessir
titlar ekki lent hjá okkur KR-ing-
um.“
Andri er markheppinn mjög og
spilar líka með 5. flokki og er þar
markahæstur. Það kom því ekki á
óvart að hann skyldi verða marka-
hæsti maður á þessu móti með
33 mörk. Við óskum Andra til ham-
ingju með þennan árangur og það
verður gaman að fylgjast með
þessum snjalla leikmanni í fram-
tíðinni.
• Andri Sigþórsson var kjörinn
besti leikmaður mótsins og hann
varð einnig markahæstur.
• Það var mikill handagangur í öskjunni þegar verið var að ferðbúast. Hér eru það ísfirðingar sem
koma dóti sínu fyrir í gámi frá Herjólfi.
Skagastrákar
unnu keppni B-liða
ÞAÐ voru tvö sterkustu B-liðin
sem kepptu til úrslita að flestra
dómi: ÍA og FH. ÍA hafði sigrað
Val i spennandi undanúrslitaleik
3:2 en FH lagði KR í hinum úrslita-
leiknum 4:2.
Úrslitaleikurinn var mjög spenn-
andi og skiptust liðin á að sækja.
Markvörður Skagamanna, Leon
Pétursson átti stórleik og kom í
veg fyrir að FH-ingum tækist að
skora. Það var síðan ívar Bened-
iktsson sem skoraði sigurmark ÍA
með góðu skoti utan af velli sem
annars góður markvörður þeirra
FH-inga, Pálmi Guðmundsson réði
ekki við. Það voru því Skagamenn
sem stóðu uppi meö gullið í keppni
B-liða.
Liðið er skipað jöfnum leik-
mönnum, en geta má góðrar
frammistöðu Guömundar Kristins-
sonar og Hallgríms Olafssonar. FH
lék vel en heppnin var ekki með
þeim í þessum leik. Hjá þeim áttu
Guðmundur Sævarsson og Orri
Gíslason í vörninni góðan leik og
Pálmi varði markið af öryggi og
verður ekki sakaður um markið.