Morgunblaðið - 21.07.1987, Blaðsíða 16

Morgunblaðið - 21.07.1987, Blaðsíða 16
16 MORGUNBLAÐIÐ, ÞRIÐJUDAGUR 21. JÚLÍ 1987 U- EG- TINA Erlendar baakur Jóhanna Kristjónsdóttir Tina Turner with Kurt Loder: L Tina Utg. Penguin 1985 Tina Turner fæddist Anna Mae BuIIock, síðla nóvembermánaðar 1939, í Tennessee í Bandaríkjunum. Hún ólst upp við lítið ástríki for- eldra sinna, eftir því sem hún segir í bókinni. Hún virðist hafa verið í nokkrum vafa um, hvað hún ætti að leggja fyrir sig, eins og oft er með ungt fólk. En snemma laðaðist hún að tón- list og þegar hún kynntist hljómlist- armanninum Ike Turner, var framtíð hennar ráðin. Hún hóf að syngja dægurlagamúsík og framan af einkum jazz og blús. Hún aflaði sér mikillar hylli og ferðaðist vítt um Bandaríkin. Einkalff hennar var heldur rugl- ingslegt og snúið. Innan við tvítugt hafði hún eignazt son, og hafði síðan ekki öllu frekari skipti við barnsföðurinn þann. Ike Turner var kvæntur maður, þegar þau tóku upp kynni og um hríð var ekki öldungis á hreinu, hjá hvorri hann ætlaði að ílendast. En vegur Tinu fór stöðugt vaxandi og fjöld; laga hennar öðlað- ist vinsældir. Þau Ike eignuðust son, hann skildi við fyrri eiginkonu og giftist Tinu. Eftir frásögnum Tinu að dæma hefur hjónaband þeirra verið hið erfiðasta og Ike var einlægt að lemja hana sundur og saman. Þetta var, að hennar sögn, verulega ömurlegt. Og mjög óheppi- legt og leiðinlegt, þegar hún þurfti kannski að koma fram á hljómleik- um kvöldið eftir. Og erfitt að fela iíW{«nBS, ífe? mtí stttnítiílh? Mlðri íttwafc |tfrí«nfitf eí llM'lttllllO MvLffsSliöry TlnaTurner withKurtLoder Kápumynd glóðaraugu og alvarlega áverka. Tina segir frá misþyrmingum eigin- mannsins af furðulegu skeytingar- leysi, ef ég mætti orða það svo. Einhvern veginn snertir það mann ekki og fer fyrir ofan garð og neð- an. Eftir lægðir og hæðir á frama- brautinni, gerði hún hlé á söng um tíma. Hún kvaddi sér hressilega hljóðs á ný með metsöluplötunni Private Dancer kom út upp úr 1980. Þá var hún skilin við Ike og hafði gengið í gegnum sálarstríð. Sem kemst þó ekki alveg til skila vegna þessa einkennilega hlutleysistóns, sem hún hefur lagt sér til í bókinni. Nú um stundir er Tina Turner hin ókrýnda drottning rokksins - að því er fróðir menn segja mér og lesa má í bókinni. Hún ferðast um og er eftirsótt hvarvetna. Og alltaf er látið fylgja með, hvað hún haldi sér vel, orðin 48 ára. Enda óvenju- legt fyrir söngvara í þessari músíkgrein. Satt að segja verður lesandi furðu litlu nær um Tinu í bók Kurts Loder, sem er að öllu leyti unnin í samvinnu við hana. Einhver hálfkæringur og hræri- grautur í framsetningu gerir að verkum að það er erfitt að fá neina heildarmy nd út úr þessu öllu saman. Hvaða kostur er bestur? margnota rakvélar eru ódýrari en venju- leg rakvélarblöð! Og hver ^JBiC) rakvél dugar jaíh- lengi og eitt rakvélarblað. KRISTIN MYSTIK Erlendar bækur Siglaugur Brynleifsson Aurelius Augustinus: Auf stieg zu Gott. Herausgegeben, eingeleitet und iibersetzt von Ladislaus Boros. Hildegard von Bingen: Gott seh- en. Herausgegeben und eingeleitet von Heinrich Schipperges. Meister Eckhart: Éinheit im Sein und Wirken.Herausgeben, einge- leitet und zum Teil ubersetzt von Dietmar Mieth. Texte Christlicher Mystik. Piper 1985-86. Ágústínus er nú kunnastur fyrir Játningar sínar, sem komu út á íslensku í þýðingu Sigurbjarnar Einarssonar 1962. Ágústínus er talinn til merkustu og áhrifamestu kirkjufeðra. Hann lifði frá 353 til 430, tímabil umbreytinga og hruns Rómaveldis. Alarik rændi Róma- borg 410 og sá atburður virtist tákna aðdragandann að heimsendi, í margra augum. Áhangendur hins forna siðar töldu fall Rómar eiga sér orsakir í afrækslu goða Grikkja og Rómverja, sem varð kveikjan að höfuðverki Agústínusar „De civit- ate Dei". Hann hóf ritun verksins, að ætlað er, um 413 og Iauk því 426. Með skrifum sínum ætlaði hann að hrekja þessa kenningu heiðinna manna um ástæðurnar að falli Rómar. Verkið varð allsherjar útlistun á andstæðunum: heiminum og kristnum dómi og þar var og er grundvöllur kristinnar sögu- heimspeki. Ágústínus skrifaði fjölda annarra rita. Á síðari árum átti Ágústínus í hörðum deilum við Pelagíus sem urðu til þess að skerpa kenningar hans um náðarútvalningu, synda- fallið og erfðasyndina. Þegar hann var skeleggastur í skrifum sfnum um þessi efni talaði hann um mann- kynið sem „massa peceati" synda- massa. Náðin var Agústínusi allt, og í nánum tengslum við trúar- reynslu hans, þessara einkenna gætti einkanlega í síðari ritum hans, en hann var svo frjór að síðari tíma guðfræðingar hafa getað aus- ið ótæpilega af þeim mímisbrunni. Útgefandi þessa vals úr ágústí- nskri mystík var Ladislaus Boros, sem setti saman margar merkar bækur um guðfræði. Utgefandinn skrifar ítarlegan inngang og velur síðan úr ýmsum ritum Ágústínusar þá kafla, sem snerta reynslu hans og innlifun í þau efni, sem tæpast verða tjáð með orðum, nema til komi ritsnilld, víðfeðm og djúp þekking og skýr hugsun. Til þess að geta komið reynslu af þessu tagi til skila án þess að úr verði mein- leysis vaðall, þarf einnig þá ögun og mnsæi, sem örfáum er gefin. Útgefandinn skipar efninu niður í tíu þætti. Hver þáttur fjallar um guðfræðilegar hugmyndir og hug- tök, svo sem: Líf og verund, upphafning til Guðs, frfall frá Guði, dauðastríðið, nóttin, tilgangur mennskrar tilveru o.fl. Sem dæmi úr vali útgefanda: „Mikill ert þú drottinn og dásamur næsta. Mikill er máttur þinn og speki þín ómælanleg. Og þig vill maðurinn lofa, þetta brot sköpunar þinnar, maðurinn, er ber dauðann með sér, ber vitni syndar sinnar með sér, og vitni þess, að þú stend- ur gegn dramblátum. Samt vill maðurinn lofa þig, þetta brot sköp- unar þinnar. Þú vekur honum yndi af lofi þínu. Því að þú hefur skapað oss handa þér og hjarta vort er órótt, unz það hvílist í þér." (Þýðing: Sigurbjörn Einarsson; Játningar 1,1.) Heildarútgáfa verka heilagrar Hildegard von Bingen kom út á árunum 1954-1972, Otto Míiller sá um útgáfuna. Þar með má segja að Hildegard hafi risið upp. Hún var vissulega þekkt af guðfræðing- um og miðaldafræðingum, en textar hennar voru fáum öðrum kunnir og áhugi á störfum hennar var hverfandi. Með þessari útgáfu vaknaði þegar mikill áhugi fyrir verkum hennar, hún er meðal merk- ustu guðfræðinga miðalda, auk þess skáld, náttúrufræðingur og læknir. James Bond XVI: Velheppnuð aðgerð Kvikmyndir Arnaldur Indriðason LogandJ hræddir (The Living Dayligths). Sýnd í Bíóhöllinni. Stjörnugjöf: •(-)•(-)• Bresk. Leikstjóri: John Glen. Handritshöfundar: Richard Maibaum og Michael G. Wilson. Framleiðandi: Albert Broccoli. Kvikmyndataka: Alec Milis. Tónlist: Hljómsveitin A-Ha. Helstu hlutverk: Timothy Dal- ton, Maryam d'Abo, Jeroen Krabbé og Art Malik. Aftur erum við stödd inni í byssuhlaupinu og horfum út 'a grannvaxinn smókinginn beygja sig niður og skjóta á okkur. Blóð- ið lekur niður tjaldið, Bond-stefið setur okkur í réttar stellingar og skemmtunin getur byrjað. Svona hefur þetta verið í 25 ár og svona gæti það verið í næstu 25 ár. Eða réttara að segja á afmælisárinu; vonandi verður það svona næstu 25 árin. James Bond XVI. Ekkert annað í kvikmyndasögunni jafnast á við hinar sífelldu vinsældir og langlífi njósnarans. Það má þrefa um ástæðumar fyrir vinsældunum en sú einfaldasta er auðvitað sú að myndirnar hafa verið, eru og munu verða bráðskemmtileg kvik- myndaleg afþreying. Það er sama hversu oft okkur er sögð sama sagan um sama fólkið, sömu óþokkana, sömu Bond-stúlkurnar, við virðumst aldrei fá nóg. Myndirnar hafa auðvitað verið misjafnar í gegnum tíðina en sú nýjasta, Logandi hræddir (The Living Daylights), sem frumsýnd hefur verið í Bíóhöllinni, hefur allt það til að bera sem prýða má góða Bond-mynd; hraða, spennu, kímni, sprengju sem Bond gerir óvirka á síðustu sekúndu, bfl sem einn og sér gæti sigrað Varsjárbandalagið, hvert áhættu- atriðið hrikalegra á fætur öðru, stúlku, sem við getum allir öfun- dað Bond af, illmenni sem í þessu tilviki eru aðeins grínfígúrur og ævintýralegan söguþráð sem er nógu óskýr og óskiljanlegur til að skipta engu máli. Myndin er frískleg og hressandi Timothy Dalton í hlutverki James Bonds í Logandi hrædd- ir. eins og Bond sé kominn endur- nærður úr löngu sumarfríi. Hinn nýi Bond hefur orkað eins og víta- mínsprauta á gamla liðið og það hefur lagt alla áherslu á að kynna hann sem best. En það fer ekki hver sem er í smókinginn hans Bonds. Fram- leiðandinn Albert Broccoli hefur valið vel að setja Timothy Dalton í hlutverk meistaranjósnarans í Logandi hræddir. Dalton er fjórði leikarinn sem ber þann kross á herðunum eins og fyrirrennarar hans hafa gjarnan viljað lýsa því. Þeir hafa báðir orðið fráhverfir hlutverkinu með árunum og viljað losna og kannski á Dalton eftir að upplifa eitthvað svipað. Hann er nú einu sinni metnaðarfullur Shakeaspeare-leikari. En í augna- blikinu er hann hinn ódauðlegi Bond og kemur því bráðvel frá sér. Hann á við tvo drauga að etja. Sean Connery var frummyndin og í augum margra hinn eini og sanni Bond. Margir eiga aldrei eftir að sætta sig við neinn annan í hlutverkinu. Það er álit manna að hann hafi verið harður, kald- hæðinn og hrokafullur en arftaki hans, Roger Moore, hafi verið sjarmerandi og kíminn en á end- anum næsta litlaus og þreyttur enda orðinn hálf sextugur í sfðustu myndinni. Mitt á milli þeirra kom ástralskur sýningar- herra að nafni George Lazenby sem gerði litla lukku. Með Timot- hy Dalton kemur upplyfting sem var löngu orðin tímabær. Ahersl- an hefur aftur færst yfir á Bond eftir að hann hafði næstum orðið undir í einhverjum Grace Jones- Duran Duran sölutrixum. Það er einfaldlega ekkert sem mælir gegn þvf að Dalton fari með hlutverkið næstu tíu árin eða svo. Hann tekur það mjög alvar- lega og traustum tökum enda veit hann hvað í húfí er. Sem Bond er hann alvörugefinn, traustur, ákveðinn, jafnvel raun- sær og gott ef ekki rómantískur en kímnin er í lágmarki. Dalton er leikari góður og fer létt með Bond-rulluna. Með mýjum Bond hlýtur líka að koma ný „Miss Moneypenny" en annars er 007 umkringdur gömlum kunningjum og fram- vindan er mjög með hefðbundnum hætti þótt handritið sé óvenju óljóst í lýsingu á fyrirætlunum og markmiðum óþokkanna og óþokk- unuin sjálfum. Hollenski leikarinn Jeroen Krabbé leikur höfuðóvin Bonds, gerspilltan KGB-foringja, án þess að vera sérstaklega ógn- andi heldur þvert á móti kómísk fígúra; hin gullfallega Maryam d'Abo leikur Bond-stúlkuna og á í miklum erfiðleikum með að leyna hrifningu sinni á draumaprinsin- um og Art Malik leikur afganskan uppreisnarforingja er talar falle- gustu ensku sem frelsissveitirnar munu nokkru sinni heyra. Austrið og vestrið mætast í sameiginlegu átaki til að losa heiminn við hinn spillta KGB-mann og jafnvel enn spilltari vopnasölumann sem er grínútgáfa &f amerískum hers- höfðingja. Átakið lendir auðvitað allt á Bond sem fer létt með enda dyggilega búinn ýmsum tækni- undrum frá Q. Eins og venja er berst leikurinn víða um heim og spennandi dirfskuatriðin ná hám- arki þegar Bond og erkióþokkinn slást hangandi í neti aftan úr vöruflutningaflugvél í háloftun- um. Við erum aftur stödd í ævin- týraheimi James Bonds og þrátt fyrir ýmsa galla býður hann uppá ósvikna skemmtun.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.