Morgunblaðið - 21.07.1987, Side 22

22
MORGUNBLAÐIÐ, ÞRIÐJUDAGUR 21. JÚLÍ 1987
Bátarnir koma inn til hafnar í Sandavogi á sunnudaginn.
Morgunbiaðið/Jóhann ívarsson
Jens Ingólfsson markaðsstjóri hjá útflutningsráði og fararstjóri í Færeyjum og Guð-
mundur Lárusson hönnuður og framleiðandi Sóma-bátanna ræða málin við komu
bátanna til Færeyja.
Sómabátarnir
komnir til Færeyja
— Góðar viðtökur í Sandavogum
SÓMA-bátamir tveir, sem sýna á
í Færeyjum alla næstu viku
ásamt ýmsum búnaði til fisk-
veiða, komu til hafnar í bænum
Eiði á Straumey síðdegis á laug-
ardaginn. Hafði ferðin þá varað
í 13 klukkustundir. Bátarnir fóru
frá Reykjavík sl. miðvikudag, en
vegna slæms veðurs urðu þeir
að bíða í vari á Höfii í Horaa-
firði þar til á laugardag þegar
lægði. Tveir menn vora á hvorum
bát. Guðmundur Lárusson hönn-
uður og framleiðandi Sóma-
bátanna sem stýrði öðrum þeirra
sagði í samtali við fréttamann
Morgunblaðsins við komuna til
Færeyja að siglingin hefði tekist
vonum framar og bátarnir reynst
með afbrigðum vel.
Að sögn Guðmundar var lagt úr
höfii á Homafírði um fímmleytið
að morgni laugardags í súld og
rigningu. Þegar þeir hefðu verið
komnir 30 sjómílur út hefði sólin
brotist fram og skinið látlaust á þá
það sem eftir var fararinnar, með
hægri golu. „Það var dýrðlegt veð-
ur, en nokkuð þung undiralda, sem
tafði okkur," sagði Guðmundur, „og
það var augljóst af henni að veður
hefur verið mjög vont“. Þetta var
raunar fyrsti dagurinn í hálfan
mánuð sem veður var nógu gott
fyrir bátana að sigla þessa leið að
sögn Guðmundar, en áhöfnin var
einróma um að ferðin hefði tekist
mjög vel. Svo gott var veðrið, að
sonur Guðmundar, Óskar, sólbrann
allnokkuð þegar honum varð það á
að sofna á dekkinu svolitla stund.
Um 60 mflur undan Færeyjum
sigldu bátamir fram á stóra hvala-
vöðu. Þeir hægðu ferðina og sigldu
hring eftir hring kringum hvaiina
sem létu sér ekki bregða og vora
frekar forvitnir að sögn leiðangurs-
manna.
Leiðin sem bátamir sigldu er um
250 sjómflna löng og er mjög
óvenjulegt að svo litlir bátar sigli
hana, sagði Guðmundur, en Sóma-
bátamir era tæplega átta metra
langir. Ferðalagið tók 13 tíma með
tæplega 20 sjómflna meðalhraða á
klukkustund. Sóma-bátar era mjög
hraðskreiðir af fískibátum að vera,
með 30 sjómflna hámarkshraða á
klukkustund, en þung undiralda
tafði nokkuð í þessari ferð eins og
fyrr sagði. Vélin í bátunum er 220
hestafla frá Volvo-verksmiðjunum.
Þeir era engu að síður hugsaðir sem
fiskibátar, stöðugir og með gott
rými fyrir afla. Að sögn Guðmund-
ar era Sóma-bátamir alíslensk
hönnun.
Eins og fram hefur komið í frétt-
um Mbl. er ferð þessi farin til að
selja Færeyingum búnað til smá-
bátaútgerðar. Þeir eiga líklega fleiri
báta hlutfallslega en nokkur önnur
þjóð heims og er markaðurinn því
nokkuð stór. Hafnir í sérhveijum
bæ og þorpi era fullar af smábát-
um. En þar sem nokkuð langt er á
miðin og straumar era víða geysi-
stríðir og hættulegir á hinum mjóu
sundum milli eyjanna, era hinir
hefðbundu og hægfara bátar Fær-
eyinga bundnir við bryggju mestan
hluta árs. Þeir sem standa að þess-
ari fljótandi vörasýningu um borð
í bátunum vonast til þess meðal
annars að geta sýnt Færeyingum
fram á lausn á þessum vanda þeirra
með íslenskum bátum og búnaði til
fiskveiða.
Góðar undirtektir
í Sandavogi
Bátarnir vora komnir til eyjanna,
en formleg sýningarferð á þeim
byrjaði ekki fyrr en á mánudag.
Því var ákveðið að heilsa upp á
íbúa bæjarins Sandavogs á eynni
Vogum á sunnudaginn í tilefni af
því að þar héldu menn samkomu
um helgina, eða stefnu eins og það
er oft kaliað hér í Færeyjum. Sett
var ein stutt tilkynning í útvarp
samdægurs um heimsóknina, stuttu
áður en bátamir renndu inn í höfn-
ina. Þótt heimsókn þeirra bæri svo
brátt að, höfðu um 140 af um 700
íbúum bæjarins farið í siglingu með
bátunum að þremur tímum liðnum,
þegar haldið var burt aftur, eða um
20% bæjarbúa.
Aðalfundur sýslunefiidar Norður-Múlasýslu:
Alyktað gegn mið-
stýringu sjóflutninga
Geitagerði, Ffy’ótsdal.
AÐALFUNDUR sýslunefiid-
ar Norður-Múlasýslu var
haldinn í Fellabæjarskóla,
Fellahreppi, dagana 12. og
13. júní. Að venju voru af-
greidd um 100 erindi um
margvísleg efiii. Hér á eftir
er greint frá helstu sam-
þykktum.
Ný Qallaskilareglugerð
Sýslufundur leggur til að fjalla-
skilareglugerð Norður-Múlasýslu
verði endurskoðuð og í þeim til-
gangi verði kosin þriggja manna
nefnd sem starfa skal milli funda
sýslunefndar. Sérstaklega skal end-
urskoðun flallaskilareglugerðarinn-
ar taka mið af breyttum aðstæðum
í sveitahreppum með tilliti til þeirr-
ar fólksfækkunar sem þar hefur
orðið og erfíðra Qallaskila vegna
þess.
Aðalfjallvegur
Snæfellsleið
Sýslufundur felur sýsluráði að
kynna fyrir alþingismönnum og
samgöngunefnd Sambands sveitar-
félaga á Austurlandi tillögu sem
sýslunefnd Norður-Múlasýslu
ályktaði um árið 1986, um aðalfjall-
veg um Snæfell, Brúaröræfí og
Krepputungu sem nefndin gerir að
tillögu að fái nafnið Snæfellsleið.
Hér er mjög mikilvægt mál að því
er varðar þróun ferðamála á há-
lendi íslands.
Gegn miðstýringu
sjóflutninga
Sýslufundur vill vara við miðstýr-
ingu Reykjavíkursvæðisins á
beinum sjóflutningum til landsins
og fagnar þeim auknu beinu flutn-
ingum á vamingi til Austurlands,
sem átt hefur sér stað síðustu árin.
Fundurinn bendir á lægra vöraverð
sem beinlínis má þakka þessu
aukna frelsi í sjóflutningum. Jafn-
framt ítrekar sýslunefndin áskoran
á Alþingi og dómsmálaráðherra að
staðsettur verði tollvörður á Aust-
urlandi með aðsetur á Seyðisfírði.
Varaflugvöllur á
Egilsstöðum
Sýslufundur vill beina því til sam-
gönguráðherra að varaflugvöllur sá
sem talað er um að byggja hér á
landi verði byggður á Egilsstöðum
og bendir á í þessu sambandi að
margir að reyndustu flugmönnum
þjóðarinnar hafa lagt það til í grein-
um, sem birst hafa eftir þá undan-
farin ár. Er f þessu sambandi bent
á góðar aðstæður og einnig þá stað-
reynd að á Egilsstöðum er yfírleitt
annað veðurfar en á Reykjavíkur-
svæðinu. Jafnframt er bent á þá
miklu þýðingu sem slíkur völlur
muni hafa fyrir alit athafnalíf á
Austurlandi.
Aukið fé sýsluvega
til dreifbýlisins
Sýslufundur vill enn og aftur
skora á Alþingi, samgönguráð-
herra, vegamálastjóra og sam-
göngunefnd SSA að gangast fyrir
breytingu á reglugerð nr. 62/1964.
Sýslunefndin vill að fellt verði úr
reglugerðinni ákvæði um óakfæra
vegi merkta bókstafnum „Ó“ en í
þess stað verði haldið eftir 25% af
ríkisframlaginu til ráðstöfunar fyrir
ófyrirséð. Að öðru leyti verði reglan
óbreytt svo og önnur ákvæði reglu-
gerðarinnar.
Aðalstöðvar Skóg-
ræktar ríkisins
Sýslufundur tekur undir fram-
komna tillögu á Alþingi síðastliðinn
vetur varðandi flutning aðalstöðva
Skógræktar ríkisins á Hallorms-
stað.
Lögreglustöðvar
Sýslufundur gerir kröfu til þess
að lögreglustöðvar með fanga-
geymslum verði reistar á Vopnafírði
og Egilstöðum, en úrbætur í þessum
málum era óhjákvæmilegar.
Rækjuvinnsla á
Austurlandi
Sýslufundur skorar á athafna-
menn, Alþingi, stjómvöld og sveit-
arfélög á Austurlandi, að fylgja
fast eftir að hingað fáist keypt skip
til rækju- og botnfískveiða svo og
að komið verði á fót öflugri skelfisk-
vinnslu á Austurlandi. Þetta sé gert
í ljósi þess sem komið hefur fram
í rannsóknum Hafrannsóknastofn-
unar, að fyrir Austurlandi séu mjög
góð botnfísk- og rækjumið. Jafn-
framt, samhliða verði unnar
nauðsynlegar kannanir á markaðs-
og sölumálum.
Nýting háhitasvæðis
í KverkQöllum
Sýslufundur vill beina því til
Orkustofnunar að hún kanni mögu-
leika á nýtingu háhitasvæðisins í
Kverkfjöllum með tilliti til ferða-
mannaiðnaðar, fiskiræktar og að
flytja jarðvarmann til byggða.
Nytjaskógur á
Fljótsdalshéraði
Sýslufundur fagnar niðurstöðum
þeirra kannana sem benda til að
hér á landi megi rækta nytjaskóga
með arðbæram hætti. Skorar fund-
urinn á Skógrækt ríkisins og
landbúnaðarráðherra að sérstak-
lega verði gert ráð fyrir að slíkum
nytjaskógi verði komið á fót á
Fljótsdalshéraði. Vakin er athygli á
þeim árangri sem þar hefur náðst
í skógrækt. Fundurinn leggur til
að kosin verði sérstök nefnd til að
kanna þennan möguleika og hvar
helst beri að gera stórátak og jafn-
framt að vinna arðsemisútreikn-
inga.