Morgunblaðið - 24.10.1987, Qupperneq 35

MORGUNBLAÐIÐ, LAUGARDAGUR 24. OKTÓBER 1987
35
Karpov endur-
lieiinti forystuna
Skék
Margeir Pótursson
Það stefnir allt í að fjórða
heimsmeistaraeinvígi þeirra
Kasparovs og- Karpovs verði
það skemmtilegasta af þeim
öllum, eftir að Karpov sigraði
f fimmtu skákinni í gærkvöldi
og náði forystunni í einvíginu
á nýjan leik. Áskorandinn hefur
nú hlotið þijá vinninga, en Ka-
sparov, heimsmeistari, tvo. Að
þessu sinni er teflt um hver
haldi titilinum fram til 1990,
og sigrar sá sem fyrr hlýtur
12’/2 vinning. Verði niðurstað-
an 12-12 heldur Kasparov titlin-
um. Af fimm fyrstu skákunum
hafa þijár unnist og hafa meist-
ararnir á köflum teflt miklu
hvassar en í fyrri einvígjum
sinum.
Karpov tefldi í gærkvöldi
hvassar gegn Griinfeldsvörn Ka-
sparovs en hann hefur nokkru
sinni áður gert í einvígjunum.
Hann valdi hið svonefnda upp-
skiptaafbrigði, sem gefur honum
peðamiðborð, sem ýmist reynist
styrkleiki eða veikleiki. Karpov
kom síðan með nýjung í tólfta
leik er hann nældi sér í peð.
Peðsránið er þekkt í svipaðri stöðu
og þykir nokkuð djarft. Staða
áskorandans varð líka losaraleg,
og um tíma virtist halla á hann.
En Karpov tókst að halda stöð-
unni saman, hann gaf peðið til
baka í 26. leik og það létti honum
vöm ina. Á því augnabliki tók
Kasparov alveg skakkan pól í
hæðina, hann ofmat sóknarmögu-
leika sína og fór með þrjá menn
inn í herbúðir andstæðings síns.
Staða Karpovs var hins vegar
miklu traustari en hún sýndist og
eftir að hann náði að hrinda þess-
ari fífldirfskulegu atlögu heims-
meistarans vom úrslitin ráðin.
Eftir slaka taflmennsku í flórðu
skákinni á mánudaginn má
Karpov nú aftur vel við una. Sjálf-
straust Kasparovs hlýtur hins
vegar að hafa beðið mikinn hnekki
við það að sókndirfska hans varð
honum að falli. Svo virðist sem
Karpov sé miklu ömggari með sig
núna en í einvíginu í fyrra og
betur undir það búinn að mæta
hvössum og frumlegum atlögum
andstæðingsins.
Sjötta skákin verður tefld á
mánudaginn. Þá hefur Kasparov
hvítt.
5. einvígisskákin:
Hvitt: Anatoly Karpov
Svart: Gary Kasparov
Anatoli Karpov
GrUnfeldsvörn
I. d4 - Rf6 2. c4 — g€ 3. Rc3
— d5 4. cxd5
Uppskiptaafbrigðið hefur
lengst af verið vinsælasta vopn
hvíts gegn Griinfeldsvöm, en
Karpov hefur ekki beitt því áður
gegn Kasparov.
4. — Rxd5 5. e4 — Rxc3 6. bxc3
- Bg7 7. Bc4 - c5 8. Re2 -
Rc6 9. Be3 - 0-0 10. 0-0 - Bg4
II. f3 — Ra5 12. Bxf7+
Þetta mun vera nýr leikur í
stöðunni, miklu algengara er 12.
Bd3, sem getur t.d. leitt til þekktr-
ar skiptamunsfómar eftir 12. —
cxd4 13. cxd4 — Be6 14. d5!?
Peðsránið er hins vegar þekkt
eftir 11. — cxd4 12. cxd4 Ra5.
Það verður að segjast að það er
býsna mikið sem hvítur leggur á
stöðu sína til að vinna peðið.
12. - Hxf7 13. fxg4 - Hxfl+
14. Kxfl - Dd6 15. e5
Hér virðist eðlilegra að leika
15. Kgl — De6 16. Rg3, því nú
tekur svartur öll völd á hvítu reit-
unum á miðborðinu.
15. - Dd5 16. Bf2 - Hf8 17.
Kgl - Bh6 18. h4!?
Þessi leikur veikir hvitu peða-
stöðuna enn frekar, en Karpov
hefur þegar verið farinn að ráð-
gera að búa kóngi sínum vígi á
h2 eða h3.
18. - Df7 19. Bg3 - Be3+ 20.
Kh2 - Dc4 21. Hbl - b6 22.
Hb2 - Dd5 23. Dd3 - Rc4 24.
Hbl - b5!
Kasparov leggur hér lúmska
gildm fyrir andstæðing sinn.
Karpov má ekki taka peðið og
leika 25. Hxb5? vegna 25. —
Rxe5! 26. Bxe5 — Hf2 og hvítur
getur ekki varið g2 og verður mát.
25. Kh3 - a6 26. Rgl!
Karpov teflir vömina af mikiili
útsjónarsemi, hann gefur peðið til
baka fyrir að koma þessum ridd-
ara á góðan stað á f3.
26. - cxd4 27. Rf3 - Hd8 28.
a4 — dxc3 29. Dxc3
Ég tel að hér verði þáttaskil í
skákinni og Kasparov leiðist út í
ranga áætlun. Kóngsstaða
Karpovs er það traust að mögu-
leikar svarts felast ekki í sókn
gegn henni. Hins vegar em menn
svarts vel staðsettir og hann er
með frípeð á drottningarvæng,
sem reyndar gæti einnig orðið
skotspónn hvíts. Heimsmeistarinn
hefði því átt að tefla rólega, t.d.
kom vel til greina að leika 29. —
Hd7 og svartur stendur a.m.k.
ekki lakar að vígi.
30. Kh2! - bxa4?! 31. Hb4 -
Rd2
Þótt þessi laglegi leikur stand-
ist taktískt, er svarta sóknin
aðeins stormur í vatnsglasi.
32. Hxa4! - Rfl+?
Þessi og næsti leikur svarts em
hrein fífldirfska. Hér mátti enn
hætta við og leika 32. — Rxf3+
33. gxf3 — Bd2 og jafntefli er
líklegasta niðurstaðan.
33. Kh3 - Hdl 34. Dc2 - Hcl
35. De2
Svartur er lentur í ömurlegri
aðstöðu og staða hans er töpuð.
Ef einhver skyldi halda að hann
sé í sókn er það misskilningur,
menn hans em bundnir við að
valda hveija aðra og hvíta kóngs-
staðan er óvinnandi vígi. Síðasta
sóknartilraunin gerir síðan illt
verra:
35. - h5 36. Bel - Dd7 37.
Dxa6 — Hal 38. Dxg6+ og
svartur gafst upp.
Árni Björns-
son heiðraður
ÁRNI Björnsson tónskáld verð-
ur gerður að fjórða heiðurs-
félaga Sambands íslenskra
lúðrasveita í kaffisamsæti sem
sambandið mun halda Árna í
Menningarmiðstöðinni Gerðu-
bergi á morgun, sunnudag.
í fréttatilkynningu frá Sam-
bandi íslenskra lúðrasveita segir
að meðal verka Árna séu mörg
samin fyrir lúðrasveitir og að
marsar Árna séu á heimsmæli-
kvarða. Hugur hans hafí ávallt
staðið nálægt lúðrasveitum og sé
hann vel að viðurkenningunni
kominn. Aðrir heiðursfélagar SÍL
hafa verið þeir Karl O. Runólfs-
son, Oddgeir Kristjánsson og
Árni Björnsson tónskáld
Hreiðar Ólafsson.
Kaffísamsætið hefst í Gerðubergi
klukkan 14.
Ráðstefna um
lífeyrismál rík-
isstarfsmanna
RÁÐSTEFNA um lífeyrismál
ríkisstarfsmanna verður haldin í
Borgartúni 6 í dag, laugardag,
klukkan 9.30 til 12.
Á ráðstefnunni flytja Birgir
Bjöm Siguijónsson, Valgeir Gests-
son og Þorsteinn Á. Jónsson stutt
erindi um stöðu þessara mála og
síðan verða almennar umræður.
Ráðstefnan er öllum opin, en ríkis-
starfsmenn eru sérstaklega hvattir
til að mæta.
(Fréttatilkynning)
Frá einum bar veitingahússins eftir breytingamar.
Veitingahúsið Glæsibæ:
Sal breytt og nýr
veitmgastjóri ráðinn
VEITINGAHÚSIÐ í Glæsibæ
hefur nýlega ráðið til sín veit-
ingastjóra, Guðmund Símonar-
son, sem starfaði í sumar sem
yfirþjónn á Naustinu. Ennfrem-
ur hefur stóra salnum í veit-
ingahúsinu verið breytt, til
dæmis eru nú í honum fjórir
barir í stað fimm áður.
Aðaláherelan verður á árshátí-
ðir og aðra mannfagnaði en einnig
verða almennir dansleikir. Þá er
fyrirhugað að hafa lifandi tónlist
þau kvöld sem veitingahúsið er
opið og fá þekkta innlenda og
erlenda söngvara og skemmti-
krafta þegar líður á veturinn.
Hljómsveit hússins er Hafrót
og leikur hún aðallega lög frá
sjötta og sjöunda áratugnum
ásamt gömlu dönsunum eftir því
sem við á hveiju sinni. Eigandi
staðarins er sem áður Halldór
Júlíusson.
Kórtónleikar í
Laugameskirkju
KÓR Laugarneskirkju heldur
tónleika í kirkjunni sunnudaginn
25. október þar sem flutt verða
verk eftir Vivaldi og Buxtehude
en á þessu ári eru liðin 350 ár
frá fæðingu hins síðarnefnda.
Auk kórsins taka þrir einsöngv-
arar þátt i flutningnum og
kammersveit.
Stjómandi tónleikanna er Þröst-
ur Eiríksson en verkin sem flutt
verða eru kantatan „Jesús heill
míns hjarta" eftir D. Buxtehude og
Gloría eftir Vivaldi. Einsöngvarar
eru Sigrún Gestsdóttir sópransöng-
kona, Guðný Ámadóttir alt og
Halldór Vilhelmsson bassi. Þýðingu
á texta fyrmefndu kantötunnar
önnuðust dr. Sigurbjöm Einareson
og Heimir Pálsson.
Á þessum tónleikum mun Ann
Toril Lindstad leika einleik á orgel,
prelúdiu í C-dúr eftir Buxtehude.
Hjónin Þröstur og Ann Toril hafa
um tveggja ára skeið skipt með sér
starfí organista kirkjunnar en
Þröstur hefur nú verið ráðinn org-
anisti við Garðakirkju og mun Ann
Toril því starfa ein sem organisti
við Laugameskirkju.
Tónleikamir í Laugameskirlg'u á
sunnudag he§ast kl. 17.00 og em
aðgöngumiðar seldir við inngang-
inn.
Morgunblaðið/Ámi Sæberg
Kór Laugameskirkju á æfingu í kirkjunni updir stjórn Þrastar
Eirikssonar organista.
Leiðréttíng
Þau mistök urðu í Morgunblað-
inu í gær, föstudag, að rangt
nafn kom undir mynd af dr.
Sveini Bergsveinssyni, sem
fylgdi afmæliskveðju til hans.
Áfmæliskveðjan var frá Þóri
Einarssyni og kom nafn hans
bæði undir myndina og kveðjuna.
Morgunblaðið biðst velvirðingar
á þessum mistökum.
HAFÐUALLTÁ
HREINU
FÁÐU ÞÉR
OTÐK