Morgunblaðið - 15.04.1988, Síða 31

MORGUNBLAÐIÐ, FÖSTUDAGUR 15. APRÍL 1988
31
Ólafur G. Einarsson:
Allur bjór verði bannaður ef
frumvarpið fellur á Alþingi
ÞRIÐJU umræðu um bjórfrum-
varpið lauk í neðri deild í gær
en atkvæðagreiðslu var frestað
til mánudags. Komið hafa fram
nokkrar breytingartillögur við
frumvarpið, meðal annars ein
þess efnis að lögin taki ekki gildi
nema þau hafi áður hlotið sam-
þykki í þjóðaratkvæðagreiðslu
er fari fram laugardaginn 27.
ágúst. Ólafur G. Einarsson, fyrsti
flutningsmaður frumvarpsins,
sagðist telja að Alþingi ætti eitt
að taka ákvarðanir um mál af
þessu tagi. Ef þessi breytingartil-
laga yrði samþykkt taldi hann
að einhveijir stuðningsmenn
frumvarpsins myndu greiða at-
kvæði gegn þvi og hætta væri á
að það félli við lokaafgreiðslu.
Ef svo færi teldi hann að banna
ætti allan innflutning, bruggun
og sölu á bjór hér á landi. Arni
Gunnarsson, fyrsti flutningsmað-
ur breytingartillögunnar um
þjóðaratkvæði, tók i sama streng
og sagði að í þessum málum ætti
að vera annaðhvort eða. Núver-
andi fyrirkomulag væri fárán-
legt.
„Það er mín sannfæring að Al-
þingi eitt eigi að taka ákvarðanir
um áfengismál af þessu tagi," sagði
Ólafur G. Einarsson við Morgun-
blaðið. „Fyrri þjóðaratkvæða-
greiðslur um áfengismál eru ekki
sambærilegar við þá sem þessi
breytingartillaga leggur til að fari
fram. í þeim var annarsvegar flall-
að um að leggja á algjört áfengis-
bann og sfðan að aflétta þvf. Bann
við bjór var á sínum tíma samþykkt
eftir tillögu á Alþingi og ætti því
að vera ákvörðun Alþingis að af-
létta því. Ég held ifka að þjóðinni
sé allt annað mikilvægara núna en
að lenda í stórstyijöld um þetta
mál fram að 27. ágúst. Sundrungin
er nóg fyrir í þjóðfélaginu."
Ólafur G. sagðist lfka draga það
f efa að þessi tillaga standist sam-
kvæmt stjómarskránni. „Ég dreg
það í efa að Alþingi geti framselt
rétt sinn til þess að ákveða endan-
lega hvemig lögum skuli skipað í
landinu. Með þessari tillögu er ver-
ið að skilyrða gildistöku laga því
að einhver ótiltekinn hópur í þjóð-
félaginu samþykki einnig viðkom-
andi lög.“
Ef tillagan um þjóðaratkvæða-
greiðslu yrði samþykkt í neðri deild
taldi hann að einhverjir af stuðn-
ingsmönnum frumvarpsins myndu
greiða atkvæði gegn því þar sem
þeir gætu ekki sætt sig við að
málið færi undir þjóðaratkvæði.
Þannig gæti því farið að frum-
varpið félii við lokaafgreiðslu í þeirri
deild. „Ég mun að minnsta kosti
hugsa mitt mál vel áður en ég geri
upp hug minn,“ sagði Ólafur G.
Einarsson. Hann sagðist einnig
hafa ástæðu til að ætla að þótt
frumvarpið færi þannig breytt til
efri deildar myndi hún hafna
ákvæðinu um þjóðaratkvæða-
greiðslu. „Þannig væri málið komið
í svipaða stöðu og síðast og gætu
þá bjórandstæðingar fagnað sigri
vegna snjallrar leikfléttu en Alþingi
hefði enn einu sinni orðið sér til
skammar."
Ólafur G. sagði að ef frumvarpið
yrði fellt mætti ekki slíta þingi
nema sett yrðu lög sem tryggðu
jafnrétti þegnanna og bönnuð yrði
öll sala, bruggun og innflutningur
á áfengu öli hér á landi, hvort sem
væri til sendiráða, ferðamanna, far-
manna eða flugáhafna. „Það er
ekki bara löngunin í bjór sem vakir
fyrir okkur heldur líka að allir þegn-
amir séu jafnir fyrir lögunum."
Halldór Blöndal er einn þeirra
þingmanna i efri deild sem eru
hlynntir bjómum en á móti þjóðar-
atkvæðagreiðslu. Hann sagði við
Morgunblaðið að fyrir því væru
Ólafur G. Einarsson
engin rök að áfengur bjór myndi
auka áfengisneyslu heldur þvert á
móti. „Það er jafn fáránlegt að
halda hinu gagnstæða fram og að
segja að menn eigi að geta fengið
keypt valíum fijálst en þurfa lyfseð-
il fyrir aspirín. Ef halda á þjóðarat-
kvæðagreiðslu um eitthvað þá ætti
hún að vera um brenndu drykkina
sem leyfðir em, algjört vínbann eða
þá bann við tóbaki, en ekki um
hvort sá bjór sem nú er leyfður hér
Halldór Blöndal
á landi sé af hinum eina rétta styrk-
leika eða hvort hann megi vera
aðeins öðmvísi, til dæmis 1,8% eða
3,5%.“
Halldór sagði að fyrir tveimur
ámm hefðu sömu þingmenn og nú
berðust sem mest fyrir þjóðarat-
kvæðagreiðslu fellt frumvarp þess
efnis. „Þetta sýnir einungis að það
sem vakir fyrir bjórandstæðingum
er ekki að fá þjóðaratkvæðagreiðslu
heldur em þeir að drepa málið. Ef
Arni Gunnarsson
svo væri ekki hefðu þeir flutt breyt-
ingartillöguna um þjóðaratkvæða-
greiðslu strax við aðra umræðu,"
sagði Halldór.
Ámi Gunnarsson, sem er fyrsti
flutningsmaður breytingartillög-
unnar um þjóðaratkvæðagreiðslu,
sagði að tillagan væri alls ekki lögð
fram til þess að drepa málið. Þetta
væri tilraun af hálfu flutnings-
manna til að koma þvi til leiðar að
þjóðin fengi að segja lokaorðið,
þetta væri það mikið alvömmál.
„Þetta er alls ekki hugsað sem til-
raun til þess að drepa málið á
þingi,“ sagði Ámi. „Eg get ekki
sagt að þeir sem það segja séu að
segja ósatt, þeir hljóta að hafa eitt-
hvað sínu máli til stuðnings, en mér
persónulega er þetta það mikið al-
vömmál að ég dreg í efa að 63
menn, karlar og konur, sem hafa
kynnt sér þetta mál mismunandi
mikið geti tekið þessa ákvörðun
fyrir þjóðina upp til hópa." Ámi
sagði þetta mál vera mjög óvenju-
Iegt og hefði það flækst fyrir þing-
inu svo ámm skipti. Hann taldi að
ásðkunum á hendur bjórandstæð-
ingum um forræðishyggju væri
vísað á bug með þessari tillögu og
hún tefði heldur ekki framkvæmd
laganna lengur en um þijá mánuði,
sem væri lenging á aðlögunartíma.
Hann sagði að samþykkt frum-
varpsins mætti líkja við breytingu
á umferðarlögum sem fyrirsjáan-
legt væri að myndi valda fleiri slys-
um.
Aðspurður sagði Ámi að ef frum-
varpið yrði fellt myndi hann styðja
að allur innflutningur, sala og
bmggun á bjór hér á landi yrði
bannað. „Þetta fyrirkomulag sem
við búum við í dag er fáránlegt og
gengur ekki lengur. Það verður að
vera annaðhvort eða í þessu máli.“
Ef fmmvarpið verður samþykkt
með ákvæðinu um þjóðaratkvæði í
neðri deild en það tekið út í þeirri
efri fer málið aftur til neðri deild-
ar. Ef hún bætir ákvæðinu aftur inn
í fer málið fyrir sameinað þing. Ef
önnur hvor deildin hins vegar fellir
sjálft fmmvarpið er það úr sögunni.
Samgönguráðherra:
Kostnaður við varaflugvöll
á Akureyri 100 milliónir
127 m.kr. á Egilsstöðum
Kostnaðurinn við að gera Akureyrarflugvöll þannig úr garði að
allar flugvélategundir islenskra flugfélaga gætu notað hann þannig
að fyllstu öryggiskröfum yrði mætt um flug, brautarlengd og styrk-
leika flugbrautar svo og aðflug, er 100 m.kr. Samsvarandi kostnað-
ur við Egilsstaðaflugvöll er 127 m.kr. Þetta kom fram í svari Matt-
hiasar Á. Mathiesen, samgönguráðherra, i svari við fyrirspurn frá
Guðmundi Ágústssyni (B/Rvk) í sameinuðu þingi í gær.
Matthías Á. Mathiesen, sam- ingarum helmingjafnframtþví sem
gönguráðherra, sagði að fyrsta skil- stórauka þyrfti slökkvibúnað. Þá
yrðið til þess að geta svarað þess-
ari fyrirspum væri að gera sér grein
fyrir nauðsynlegri brautarlengd
vegna stærstu flugvéla í eigu Is-
lendinga.
Eftir sameiginlega umfjöllun
fulltrúa flugmálastjómar, Flugleiða
og Félags íslenskra atvinnuflug-
manna um lágmarksbrautarlengd
fyrir DC-8-flugvélar, sem Flugleiðir
nota vegna Norður-Atlantshafs-
flugsins, væri niðurstaðan sú að
2.400 metra flugbraut mjmdi duga.
Þar af leiöandi þyrfti að lengja
Akureyrarflugvöll um 460 m til
suðurs ásamt breikkun á malbiki
úr 30 m í 45 m. Matthías sagði að
ennfremur þyrfti að auka afkasta-
getu vegna snjóhreinsunar og afls-
ingar um helming umfram það sem
gert er ráð fyrir f flugmálaáætlun.
Þá þyrfti jaftiframt að endurbæta
flugleiðsögukerfí vegna fráflugs til
suðurs.
Lausleg kostnaðaráætlun við að
gera Akureyrarflugvöll þannig úr
garði að allar flugvélategundir í
eigu íslenskra flugfélaga gætu not-
að hana með nokkru öryggi væri
100 m.kr.
Samgönguráðherra sagði að hina
nýju flugbraut sem nú væri í bygg-
ingu á Egilsstöðum þyrfti að lengja
um 400 m til suðurs. Þar af leið-
andi þyrfti að færa þjóðveginn suð-
vestur af núverandi vegarstæði, frá
vegamótum að Lagarfljótsbrú, sem
væri 2,2 km. Ennfremur þyrfti að
auka afköst snjóhreinsunar og afís-
þyrfti ennfremur að kaupa 15 hekt-
ara úr landi Egilsstaða vegna flug-
brautarinnar og 3-5 hektara vegna
færslu á þjóðveginum.
Lausleg kostnaðaráætlun við að
gera hinn nýja flugvöll á Egilsstöð-
um þannig úr garði að allar flugvél-
artegundir fslenskra flugfélaga
gætu notað hann þannig að fyllstu
öryggiskröfum yrði mætt væri 127
m.kr., sagði Matthfas. Þess skyldi
þó sérstaklega geta að kostnað
vegna landakaupa væri erfítt að
áætla.
Steingrímur J. Sigfússon
(Abl/Ne) minnti á þingsályktunar-
tillögu þingmanna Norðurlands
eystra frá síðasta þingi um að at-
hugað yrði hvaða úrbætur þyrfti
að gera á Akureyrarflugvelli til
þess að hann gæti þjónað öllum
flugvélaflota íslendinga. Hann tók
einnig fram að þessar tölur sem
samgönguráðherra hefði nefnt mið-
uðust við stærstu flugvélamar en
vélar af gerðinni DC-8 myndu brátt
heyra sögunni til og þær vélar sem
myndu leysa þær af hólmi þyrftu
styttri flugbraut.
Jón Kristjánsson (F/Al) sagði
austlendinga hafa lagt áherslu á
góðan innlendan flugvöll á Egils-
stöðum sem gæti þjónað minni
gerðum af þotum og því hægt að
nota sem varaflugvöll í Evrópuflug-
inu. Það gerði þessi flugvöllur.
Pálmi Jónsson (S/Nv) sagði
menn hafa tengt þetta svar ráð-
herrans umræðunni um varaflug-
Akureyrarflugvöllur
völl. í því máli þyrftu menn einnig
að hafa í huga veðurfar og lands-
hætti þar sem þessi flugvöllur ætti
að vera.
Stefán Guðmundsson (F/Nv)
sagði lengsta flugvöll á landinu fyr-
ir utan Keflavíkurflugvöll og
Reykjavíkurflugvöll vera þann á
Sauðárkróki. Það væri niðurstaða
tveggja nefnda að skilyrðin fyrir
varaflugvöll væru best á Sauðár-
króki, en nú hefði verið skipuð
þriðja nefndin og grunaði hann að
hún hefði verið sett á laggimar til
þess að koma í veg fyrir að vara-
flugvöllurinn yrði á Sauðárkróki.
Hjörleifur Guttormsson
(Abl/Al) sagði að eftir síðustu ræðu
væri ekkert eftir nema að Alþingi
ályktaði um að alltaf væri blíðviðri
á Sauðárkróki. „Það er það,“ kall-
aði þá Stefán fram í.
Guðmundur Ágústsson sagði
að í sínum huga væri mjög nauðsyn-
Iegt að hér á landi væri góður vara-
flugvöllur. Hann teldi eðlilegt að
þegar byggður væri flugvöllur eins
og á Egilsstöðum væri haft í huga
að hann mætti nota sem varaflug-
völl.