Morgunblaðið - 17.05.1988, Blaðsíða 35

MORGUNBLAÐIÐ, ÞRIÐJUDAGUR 17 MAÍ 1988
35
Reuter
Michel Rocard, forsætisráðherra, og Michelle kona hans ræða málin yfir vatnsglasi í garði embættis-
bústaðs forsætisráðherra.
Skoðanakannanir í Frakklandi:
Fylgi Jafnaðarmanna-
f lokksins aldrei meira
París. Reuter.
FRANSKI Jafnaðarmannaflokkurinn fær meirihluta í franska þjóð-
þinginu í þingkosningunum 5. og 12. júni, samkvæmt skoðanakönn-
un, sem IPSOS-stofnunin gerði fyrir sunnudagsblaðið Jouraal du
Dimanche, og birt var um helgina. Francois Mitterrand, Frakklands-
forseti, rauf þing á laugardag eftir að Michel Rocard, nýskipuðum
forsætisráðherra, mistókst að fá miðjumenn í röðum hægrimanna
til þátttöku í ríkisstjórn.
Pólitískir andstæðingar Mitter-
rands sögðu í gær að forsetinn boð-
aði til kosninga í þeirri von að per-
sónulegar vinsældir hans í forseta-
kosningunum 8. maí leiði til þess
að hægrimenn missi meirihluta sinn
í neðri deildi þjóðþingsins. Öfga-
maðurinn Jean-Marie Le Pen gagn-
rýndi Mitterrand harkalega og sak-
aði hann um einræðislegar tilhneig-
ingar. „Hann vill ljúka kosningum
af á sem skemmstum tíma til þess
að koma í veg fyrir eðlilega kosn-
ingabaráttu og nægilegar umræð-
ur. Hann stefnir að alræði sósía-
lista," sagði Le Pen.
Samkvæmt skoðanakönnun
Joumal du Dimanche nýtur Jafnað-
armannaflokkurinn 41% fylgis, eða
meira fylgis en hann hefur nokkru
sinni haft. Þegar flokkurinn sigraði
í þingkosningum árið 1981 hlaut
hann 39% atkvæða. Kosninga-
bandalag Lýðræðisbandalagsins
(UDF) og Lýðveldisfylkingarinnar
(RPR), sem náðu þingmeirihluta í
kosningunum í marz 1986, nýtur
39% fylgis.
Kosið er um 577 þingsæti og
allir frambjóðendur, sem hljóta 10%
fylgi eða meira í fyrri umferðinni,
5. júní, öðlast rétt til þátttöku í
seinni umferðinni, sem fram fer 12.
júní. Hefð er hins vegar fyrir því
að flokkamir af sitthvorum væng
stjómmálanna komi sér saman um
tvo menn, sem etji kappi saman í
seinni umferðinni.
Greenpeace í Vestur-Þýskalandi:
Hvalavinir hvatt-
ir til að mótmæla
ZUrich, frá Önnu Bjarnadóttur, fréttaritara Morgunblaðsins.
GREENPEACE í Vestur-Þýskalandi vekur athygli á „ólöglegum" hval-
veiðum íslendinga í auglýsingu i nýjasta hefti tímaritsins Der Spiegel
og hvetur hvalavini til að hringja í íslenska sendiráðið í Bonn til að
mótmæla hvaladrápi. Símanúmer sendiráðsins er birt. Þrír höfðu
haft samband við það siðdegis í gær. „Við leyfum fólki að rasa út
og biðjum það svo kurteislega að skrifa okkur bréf,“ sagði Páll As-
geir Tryggvason, sendiherra.
Der Spiegel er 294 síður þessa
viku. Auglýsingin er á 194. síðu og
fer jafnvel fram hjá þeim sem leita
hennar. Hún fullyrðir að íslendingar
bijóti alþjóðasamþykktir með því að
skjóta hvali í nafni vísinda. Fólk er
hvatt til að hafa samband við sendi-
ráðið skriflega eða símleiðis. Það er
minnt á að íslendingar muni ekki
hætta hvalveiðum fyrr en fiskurinn
þeirra hætti að seljast.
Greenpeace kynnti einnig baráttu
sína gegn hvalveiðum íslendinga í
nokkrum borgum á Iaugardag. Tóm-
as Óli Jónsson, framkvæmdastjóri
Útflutningsráðs í Frankfurt, sá að-
gerðir samtakanna í Stuttgart fyrir
tilviljun. „Fulltrúar samtakanna
dreifðu áróðursmiðum gegn hval-
veiðum og hvöttu fólk til að hafa
samband við íslenska sendiráðið,"
sagði hann. „Það bar heldur lítið á
þeim og mér sýndist heldur rólegt í
kringum þá.“
Herferð Greenpeace í V-Þýska-
landi gegn hvalveiðum íslendinga
hófst um miðjan mars. Tómas Oli
sagði að hún hefði haft lftil áhrif á
flsksölu í Vestur-Þýskalandi það sem
af er. „Það hefur ekkert komið út
úr þessu hjá samtökunum ennþá,“
sagði hann.
Olía hækkar
vegna árás-
ar Iraka á ír-
önsk olíuskip
Lundúnum, Reuter.
HRÁOLÍA hækkaði um 20 tíl 30
prósent í verði á alþjóðlegum
mörkuðum í gær vegna fregna
um árás íraka á iranska olíustöð
á laugardag.
Fjögur olíuskip, sem voru við
olíustöð írana við Larak-eyju, urðu
fyrir árás írakskra orrustuþota á
laugardag. íranir notuðu tvö þeirra
til að flytja olíu í skip sem síðan
fluttu olíuna út.
Aðskilnaðarsinn-
ar fá lokafrest
Amritsar. Reuter.
INDVERSKAR víkingasveijtir
gáfu aðskilnaðarsinnum síka,
sem enn hafast við í Gullna hof-
inu í Amritsar lokafrest i gær-
kvöldi til þess að gefast upp. Var
þeim hótað árás ella. Sveitir sika
utan hofsins svöruðu hótun
víkingasveitanna með þvi að
myrða að minnsta kosti 25 menn,
aðallega hindúa.
Menn úr röðum aðskilnaðarsinna,
sem gáfust upp á sunnudag, fóru
inn í hofíð í gær og reyndu að fá
félaga sína til þess að gefast upp
og koma þannig í veg fyrir frekara
blóðbað. Alls hafa um 30 menn
beðið bana í átökum í hofínu frá
því lögregla settist um það fyrir
um viku.
Talsmenn lögregluyfírvalda
sögðu í gær að lögreglan væri stað-
ráðin í því að rýma Gullna hofíð í
eitt skipti fyrir öll af öfgamönnum
úr röðum aðskilnaðarsinna.
Nú er sumarið komið í bæinn...
og búðirnar fullar af vönduðum vörum
úr 1. flokks gæðaefnum!
VORSALA!
10 -20%
AFSLÁTTUR
er gefinn á stórum
hluta framleiðslu
okkar.
Verð á yfirhöfnum
frá kr. 500.-!!
upp í kr. 12.000.-
Betur er varla hægt að bjóða!
Kápur • Herrafrakkar
• Treflar og vettlingar
KAPUSALAN a
Næg bílastæði
AKUREYRI Póstsendum
HAFNARSTRÆTI 88 um aUt land.
SÍMI 96-25250