Morgunblaðið - 15.07.1988, Blaðsíða 5

MORGUNBLAÐIÐ, FÖSTUDAGUR 15. JÚLÍ 1988
5
Hull Daily Mail
Borgarstjórinn í Reykjavík, Davíð Oddsson, og borgarsljórinn í
Hull, Maijorie Smelt, halda á mynd sem tekin var af þeim í Reykjavík
í fyrra meðan á heimsókn borgarstjóra Grimsby og Hull stóð.
Borgarstjóri í 1000
ára afmæli Dyflinnar
Óljóst hvað olli laxa-
dauðanum hjá Haflaxi
Morgunblaðið/RAX
Starfsmenn Haflax unnu að því í gær að hreinsa dauða laxinn úr
kvíunum og átti annað hvort að urða hann eða bræða í fiskimjöl.
„DAGSKRÁIN hefur verið þétt
skipuð en skemmtileg og mikið
í hana lagt,“ segir borgarstjórinn
í Reykjavík, Davíð Oddsson, en
hann lauk í gær heimsókn sinni
til Grimsby og Hull sem hófst á
mánudag. Borgarsljórinn heldur
til þúsund ára afmælisfagnaðar
Dyflinnar í dag í boði írskra yfir-
valda ásamt eiginkonu sinni,
Ástríði Thorarensen.
Borgarstjórahjónin fóru frá
Grimsby til Hull síðastliðinn mið-
vikudag og sátu þá um kvöldið 600
manna móttöku Ólafs Egilssonar,
sendiherra í Lundúnum, og Rögnu
Ragnars, eiginkonu hans. Móttakan
var haldin með tilstyrk nokkurra
íslenskra fyrirtækja sem tengjast
sjávarútvegi en hana sóttu við-
skiptavinir fyrirtækjanna og forvíg-
ismenn, fulltrúar Grimsby og Hull
auk hátt í áttatíu íslendinga af
svæðinu. „Þetta var geysilega vel
heppnuð samkoma," segir Davíð
Oddsson, .jafnvel ein sú íjölmenn-
asta sem haldin hefur verið á vegum
íslendinga í Bretlandi.“
EKKI er ljóst hvað olli dauða
fjölda eldislaxa í sjókvíum Haflax
austan við Viðey. 1 fyrstu var
talið að þörungaflekkur hefði
verið á ferð, þar sem sjórinn var
dökkur og fiskurinn drapst mjög
skyndilega á takmörkuðu svæði.
Hins vegar hafa þeir sem nú
vinna að rannsókn málsins nánast
útilokað þann möguleika að um
þörungablóma sé að ræða. Sjúk-
dómar hafa einnig verið útilokað-
ir að mestu, en rannsókn er þó
haldið áfram á báðum þessum
þáttum. Fóðureitrun er talin ólík-
leg vegna þess að sama fóður er
ekki notað í öllum kvíunum.
Mengun í sjónum eða jafnvel
skemmdarverk hafa þó enn ekki
verið útilokuð að sögn forráða-
manna Haflax.
Tjón fyrirtækisins er áætlað á
bilinu 5-10 milljónir. Laxinn var að
mestu ótryggður. í gær unnu starfs-
menn Haflax við að hreinsa dauða
laxinn úr kvíunum. Talið er að um
20 tonn af fiski hafi drepist, en í
kvíunum voru alls eitthundrað tonn.
Að sögn Haflaxmanna hafði mism-
ikið af fiski drepist í kvíunum, allt
frá 80% í kvíum þar sem seiði voru
geymd og niður í minna en 5% í
sumum kvíunum.
Haflaxmenn urðu fyrst varir við
að eitthvað væri óvenjulegt á ferð
á mánudagskvöld, er fiskur í kvíum
nálægt Gufunesverksmiðjunni fór
að haga sér undarlega. I ljós kom
að fiskur hafði drepist í kvíunum
og töldu menn líkur á að það væri
vegna mengunar frá verksmiðjunni.
Kvíarnar voru dregnar á önnur ból
og hætti þá laxadauðinn í þeim.
Ekki er ljóst hvort það sama amaði
að þessum löxum og þeim sem dráp-
ust í kvíunum við Viðey, en þær eru
um einni sjómílu vestar.
Á mánudag tóku Haflaxmenn
eftir því að sjórinn sem kvíamar eru
í var dökkur og gruggugur. Það
ýtti undir þá kenningu að þörungar
hefðu drepið fiskinn, vegna þess að
sömu einkenni mátti sjá á sjónum
er þörungar drápu lax í fiskeldis-
stöðinni strönd í Hvalfirði í fyrra.
Hins vegar sýndu rannsóknir, sem
gerðar voru í gær, að lífrænt ástand
sjávarins virðist með eðlilegum
hætti miðað við árstíma, og þör-
ungablómi kemur þvi varla til
greina, að sögn Konráðs Þórissonar
hjá Hafrannsóknastofnun, sem tók
þörungasýni úti á sundunum í gær.
Sýni úr sjónum eru einnig í bakteríu-
ræktun, sem tekur nokkra daga
áður en niðustöður liggja fyrir.
Konráð sagði að ekki væri enn ljóst
hvort frekari rannsóknir yrðu gerð-
ar á vegum Hafrannsóknastofnunar
á dauða fiskanna.
Að sögn Sigurðar Helgasonar,
fisksjúkdómafræðings á Keldum, er
ómögulegt að segja fyrir víst hvað
olli dauða laxanna fyrr en sýni úr
fiskunum og sjónum hefðu verið
ræktuð og rannsökuð. Að sögn Sig-
urðar verður það í fyrsta lagi í
næstu viku. Engin einkenni sjúk-
dóma er að sjá á fiskinum, en nokkr-
ir laxar hafa verið krufnir og athug-
aðir.
BONGOBLÍÐA í HAGKAUP
HAGKAUP
ÝMSIR - BONGOBLÍÐA
Splunkuný (útgáfudagur í dag) íslensk safnplata
með 12 stjörnu-smellum. Flytjendur laga eru:
GREIFARNIR, STUÐKOMPANÍIÐ, JÓ JÓ, SÁLIN
HANS JÓNS MÍNS, HUÓMSVEIT BIRGIS GUNN-
LAUGSSONAR, HERRAMENN OG HUÓMSVEIT
MAGNÚSAR KJARTANSSONAR.
Þetta er plata sem þú verður að eignast og ath. að
kassettan inniheldur 4 aukalög =16 lög, tilvalið íbílinn!
OG ALLT FULLT AF GÓÐUM PLÖTUM
AHA
-STAYON THESE ROADS
LEONARD COHEN
-l’M YOURMAN
TRACEY CHAPMAN
-TRACEY
BILLYIDOL - IDOL SONGS
STEVE WINWOOD
-ROLLWITH IT
BJARNIARASON
- ÞESSI EINI ÞARNA
VAN HALEN -OU812
BREATHE - ALL THAT JAZZ
PRINCE - LOVESEXY
ÚR MYND
- MORE DIRTY DANCING
PAT BENATAR
- WIDE AWAKEIN AMERICA
ÝMSIR
- AUSTRALIAN ROCKS
MIDNIGHT OIL
- DIESEL AND DUST
SUGARCUBES
- LIFE’STOO GOOD
PREFAB SPROUT
- FROM LANGLEY PARK...
BROS-PUSH
MEGAS - HÖFUÐLAUSNIR
ROBBIE ROBERTSON
- ROBBIE ROBERTSON
JULIOIGLESIAS - NON STOP
ÚR MYND - BETTY BLUE