Morgunblaðið - 19.11.1988, Page 17

MORGUNBLAÐIÐ, LAUGARDAGUR 19. NÓVEMBER 1988
17
Skúli Pálsson og Eðvarð Ingólfsson raeð bókina
Morgunblaðið/Arni Sæberg.
Æviminningar Skúla
í Laxalóni komnar út
Út er komin bókin „Baráttusaga
Athafnamanns - endurminningar
Skúla Pálssonar á Laxalóni“,
skráð af Eðvarði Ingólfssyni rit-
höfúndi. í kynningu á útgáfunni
á vegum Æskunnar var rakinn
ferill Skúla í stuttu máli m.a.
með þeim orðum að hann væri
„einn af framsýnustu athafha-
mönnum þjóðarinnar á þessari
öld, brautryðjandi nýrra atvinnu-
greina, forsjáll og harðdugleg-
ur.“
í fréttatilkynningu frá Æskunni
segir m.a.: -í bokinni lýsir hann
viðburðaríkri ævi sinni, uppvaxtará-
rum á Vestfjörðum, minnistæðu
fólki og margs konar umsvifum í
atvinnulífinu. Hann stofnaði fyrstu
veiðarfæragerðina hérlendis, und-
irbjó jarðveg fyrir veiðar og verkun
humars fyrstur manna, en þjóð-
frægur varð hann fyrir fiskeldi og
áratugabaráttu, sem hann háði við
yfirvöld, vegna ræktunar regn-
bogasilungs. Þetta er hressileg bók
og skemmtileg. Skúli talar tæpit-
ungulaust og skefur ekki utan af
hlutunum. „Framkoma valdastofn-
ana í minn garð er eitt mesta
hneyksli í atvinnusögu þjóðarinn-
ar,“ segir hann.
Bókin er 190 blaðsíður, prentuð í
Prentsmiðjunni Odda hf. Forsíðu-
myndina tók Heimir Óskarsson, en
Almenna Auglýsingaþjónustan sá
um útlit.
Minning’ar séra Rögn-
valds Finnbogasonar
Bókaútgáfan Forlagið hefur
sent frá sér bókina Trúin, ástin
og efinn — minningar séra Rögn-
valds Finnbogasonar á Staðastað
sem Guðbergur Bergsson skráði.
í fréttatilkynningu útgáfunnar
segir m.a.: „Séra Rögnvaldur ræðir
hispurslaust um þær róttæku
lífsskoðanir sem hann hlaut í vega-
nesti í foreldrahúsum og leit sína
að leið til að samrýma þær hlut-
verki drottins þjóns í íslensku þjóð-
kirkjunni. Hann rekur efasemdir
sínar og innri togstreitu er hann
stendur reynslulaus frammi fyrir
ábyrgð sálusorgarans uns hann
sannfærist um að ekkert er tilviljun
og honum er ætlað að takast á við
hlutskipti prestsins. Inni í þessa
margslungnu sögu fléttast ástir og
tilfinningamál næmgeðja manns og
tæpitungulausar lýsingar á sam-
ferðamönnum — ávirðingum þeirra
og mannkostum.
Guðbergur Bergsson skráir sögu
séra Rögnvalds af þeim djúpa og
næma skilningi sem honum er gef-
inn. Hann víkur hiklaust af troðnum
Séra Rögnvaldur Finnbogason
og Guðbergur Bergsson.
slóðum íslenskra ævisagna þegar
söguefnið gefur tilefni til og fyllir
frásögnina ólgandi fjöri og kankvísi
þótt undiraldan sé þung og alvöru-
þrungin," segir að lokum í frétt
Forlagsins.
Trúin, ástin og efinn er 214
blaðsíður. Bókina piýðir mikill fjöldi
mynda. Prentsmiðjan Oddi hf.
prentaði. Björn Jónsson/AUK hf.
hannaði kápu.
Miðstjóm ASÍ:
Gripið verði til að-
gerða gegn leiguskipum
MIÐSTJÓRN Alþýðusambands
Islands hefur beint þeim tilmæl-
um til aðildarfélaga sinna að
huga að aðgerðum gegn leigu-
skipum sem mönnuð eru erlend-
um sjómönnum.
Ályktun þessa efnis var sam-
þykkt samhljóða ,af miðstjórninni,
en þar segir ennfremur: „Miðstjóm
ASI ítrekar fyrri samþykkt sína frá
því í janúar síðastliðnum og skorar
á viðskiptaráðherra að stöðva nú
þegar öll leyfi til gjaldeyrisyfir-
færslu vegna leigutöku erlendra
skipa, sem mönnuð eru, erlendum
sjómönnum og ætluð eru til reglu-
bundinna siglinga að og frá íslandi.
Þá skorar miðstjórn ASÍ á ríkis-
stjórnina að hún beiti sér fyrir því
að nú þegar verði úttekt gerð á
stöðu íslenskrar kaupskipaútgerðar
í samanburði við útgerðir kaupskipa
á Norðurlöndum, þannig að saman-
burður verði meðal annars gerður
á rekstrarkostnaði áætlanaskipa og
svokallaðra „trampara" þar sem
meðal annars komi fram laun
áhafnar og launatengd gjöld, olíu-
kostnaður og tryggingar og farm-
gjöld ofangreindra siglingaskipa."
Bókum
þjóðhætti
og þjóðtrú
BÓKAÚTGÁFAN Örn og Örlyg-
ur hefiir sent frá sér bókina
„Þjóðhættir og þjóðtrú" sem
Þórður Tómasson safiistjóri í
Skógum skráði eftir Sigurði Þor-
steinssyni frá Brunnhól á Mýrum
í Hornafirði.
Þórður í Skógum segir 'm.a. í
formála bókarinnar: „Verk mitt er
aðeins endurskin af frásögnum
gamla mannsins. Heimur og hrynj-
andi talaðs orðs hjá honum gæddu
það lífi sem aldrei getur færst yfir
á bók eða blað. Enn er sem ég sjái
hann fyrir mér, hinn gamla þul,
álútan í sæti, horfandi í gaupnir
sér, líkt og úti á þekju með hugann
víðs fjarri, en allt í einu er litið upp
með glampa í augum, spurn eða
athugasemd er færð fram og fróð-
leikur látinn í té með eftirminnileg-
um málhreim og sérkennilegum
áherslum:-Bókin er vitni um trú,
hugsunarhátt og venjur horfinnar
aldar. Hún er einnig vitni um mann
Þórður Tómasson
sem ekki sigldi þann byr að vera
eins og fjöldinn, mann, sem var
mótaður ijarri þeirri öld sem hann
þó lifði og hrærðist í. Hún fellur
ekki undir það sem nefnt er bók-
menntir, réttur hennar, ef einhver
er, felst í því að hún geti orðið
síðari rannsókn íslenskrar þjóð-
menningar að einhveijum notum.
Framan af þessari öld hefði verið
hægt að taka saman bók sambæri-
lega við þess í flestum sveitum
landsins. Nú er það liðin tíð og
önnur áþekk þessari mun ekki síðar
sjá dagsins ljós.“
Gódan daginn!
SÝNING
laugardag og sunnudag kl. 13-17
Allar gerðir af flutningakerrum - hesta-
kerrur - vélsleðakerrur - hjólhýsi- og það
nýjasta: Kerrurfyrirfjórhjól.
Varahluta- og viðgerðaþjónusta.
VÍKURVAGNAR - KERRUSALURINN,
Laufbrekku 24 - Dalbrekkumegin - s. 45270.
SMÍDUM SAMKVÆMT ÞÍNUM ÓSKUM
Hornsófar - Sófa-
sett
Ledurklæddur hornsófiverd kr. 119.000,- stgr.
Eitt besta úrval borgarinnar af leðurklæddum
hornsófum og sófasettum. Einnig Leður look.
Hagstætt irerð.
Opið til kl. 16.00 laugardag.
VALHÚSGÖGN
Ármúla 8, símar 82275 og 685375
TILBOÐ ÓSKAST
í Cherokee Jeep 4x4 árgerð ’84,
Scout Traveler S/W 4x4 árgerð ’79,
Mitsubishi Rosa, 20 farþega, árgerð ’80,
ásamt öðrum bifreiðum er verða sýndar á
Grensásvegi 9, þriðjudaginn 22. nóvember kl. 12-15.
Jafnframt óskast tilboð í „JOY“ loftpressu diesel 600 cy.
Tilboðin verða opnuð á sama stað kl. 16.
SAL/I 1/ARAfARLfÐSEfGA/A