Morgunblaðið - 16.12.1988, Blaðsíða 48

48
MORGUNBLAÐIÐ, FÖSTUDAGUR 16. DESEMBER 1988
Saumavélasala mun minni í ár en í fyrra:
• FERSKLEIKI ER OKKAR FAG

Metsölublað á hverjum degi:
— segir varaformaður Félags raftækjasala
SALA Á saumavélum hefur dregist verulega saman á þessu ári
miðað við fyrri ár. Kristmann Magnússon varaformaður Félags raf-
tækjasala segir að þessi samdráttur stafi af því, að 17,5% vörugjald
var lagt á saumavélar um síðustu áramót til að afla tekna, og að
ríkissjóður hafi orðið af verulegum tekjum vegna vörugjaldsins í
stað þess að afla þeirra.
Samkvæmt upplýsingum frá
Hagstofunni, sem Kristmann hefur
aflað, seldust fyrstu 8 mánuði þessa
árs 547 heimilissaumavélar. Fyrstu
9 mánuði ársins 1987 seldust hins
vegar 2.357 saumavélar, og 4.141
saumavél allt árið. Árið 1986 seld-
ust alls 2.800 saumavélar, árið
1985 seldust 3.389 saumavélar og
árið 1984 seldust 2.011 saumavél-
ar. Tíu ár þar á undan seldust að
jafnaði milli 2.000 og 2.500 sauma-
vélar árlega.
Kristmann sagði að framreiknað
cif-verð þeirra 2.357 saumavéla,
sem seldust fyrstu 9 mánuðina í
fyrra, væri tæpar 27 milljónir
króna. Á það verð bættist 50%
vegna bankakostnaðar, uppskipun-
ar, heildsölu- og smásöluálagningar
auk ábyrgðar- og þjónustugjalda
sem gerði rúmar 13 milljónir þann-
ig að útsöluverð án söluskatts hefði
verið um 40 milljónir. 25% sölu-
skattur af því þýddi að 10 milljónir
króna hefðu runnið í ríkissjóð og
heildartelq'ur ríkisins af söluskatti
á saumavélar hefði á síðasta ári
verið tæpar 19 milljónir króna.
Cif-verð þeirra 547 saumavéla,
sem selst hafa fyrstu mánuði þessa
árs, sagði Kristmann að væri rúmar
5 milljónir. 17,5% vörugjald af því
gerði 953 þúsund krónur, og 50%
kostnaður legðist því á 6,3 milljóna
innkaupsverð. Söluverð saumavél-
anna án söluskatts hefði því verið
um 9,4 milljónir, og 25% söluskatt-
ur á það hefði fært ríkissjóði 2,35
milljónir. Tekjur ríkissjóðs af
saumavélasölu hefði því verið sam-
tals 3,3 milljónir eða þriðjungur af
tekjum ársins á undan miðað við
svipað tímabil.
„Þessi samdráttur í saumavéla-
sölu er ekki vegna þess að markað-
urinn er mettaður, eins og sölutölur
fyrri ára gefa raunar til kynna,
heldur er þetta enn eitt dæmið um
það að ofsköttun skilar ríkissjóði
ekki þeim tekjum sem búist er við,“
sagði Kristmann Magnússon.
... blóm og gjafir
Melanóra vid Eiðistorg
Formaður BSRB:
Fylgjandi há-
tekjuskatti
„VIÐ VILJUM sjá þennan pakka
allan áður en víð tökum afstöðu
til hans. Við erum fylgjandi há-
tekjuskatti, en viljum hækka
skattleysismörkin,“ sagði Og-
mundur Jónasson, formaður
BSRB, um áætlanir ríkisstjórnar-
innar að hækka tekjuskatt úr
35,2% í 37,2%.
Ögmundur sagði að BSRB hefði
ekki tekið afstöðu til þessara hug-
mynda um hækkun tekjuskatts.
Hann kvaðst hafa meiri áhyggjur
af hækkun vörugjalds, sérstaklega
á vörur til heimilisnota. „Við viljum
greina á milli nauðsynjavöru og
annarra vöruflokka." Hann nefndi
meðal annars heimilistæki og bygg-
ingavörur sem dæmi um slíka vöru-
flokka sem þarf til reksturs heimila.
Tekjur ríkisins af saumavél-
um minnka vegna vörugjalds
Morgunblaðiö/bvemr
íslenski jassballettflokkurinn og stjórnandi hans, Bára Magnúsdótt-
ir, hyllt í lok frumsýningar á „Þvílíkum jass“ á Hótel íslandi í síðustu
viku.
Þvílíkurjass
á Hótel Islandi
ÍSLENSKI jassballettflokkurinn
sýnir um þessar mundir
„Þvílíkan jass“ (All that jazz) á
Hótel íslandi. Frumsýning var
fimmtudaginn 8. desember og er
önnur sýning í dag, föstudaginn
16. desember.
Islenski jassballettflokkurinn var
stofnaður 13. september 1987 og
er sá fyrsti sinnar tegundar hér á
landi, sem sjálfstæður dansflokkur
og án opinberra styrkja, segir í frétt
frá flokknum. Dansarar flokksins
höfðu þó æft árum saman áður en
flokkurinn var stofnaður.
Karl Barbie er höfundur verksins
sem flokkurinn sýnir nú og hefur
hann sótt sér efnivið í kvikmyndina
„All that jazz" eftir Bob Fosse og
er sýningin tileinkuð honum.
Þetta er fyrsta verkefni vetrarins
hjá flokknum en síðasta vetur setti
flokkurinn upp þijár boðssýningar
til kynningar og öflunar styrktar-
meðlima sem nú telja um 200.