Morgunblaðið - 17.05.1989, Qupperneq 20

20
MORGUNBLAÐIÐ MIÐVIKUDAGUR 17. MAÍ 1989
I EINSTOK
UPPSKRIFT
AÐ GOLFEFNI
Takið línolíu og blandið með trésagi. Bætið leir og krít til
mýkingar og korkberki til að auka hlýleikann og fjaður-
magnið. Litið með náttúrulegum litarkornum og þurrkið í
allt að einn mánuð. Útkoman verður óviðjafnanlegt nátt-
úrulegt gólfefni, LINOLEUM. Efni á heimili, skrifstofur og
stofnanir. Endingargott og auðvelt í þrifum. Litirnir hafa
aldrei verið jafn margir og fallegir.
SENDUM BÆKLINGA OG SÝNISHORNABÆKUR
Grensásvegi 13,105 Rvík, símar 83577 og 83430
A HVERJUM LENDIR
ÞUNGIVERKFALLSINS?
Verkfall á greiningarstöð — áhyggjuefni foreldra
eftir Jóhann Inga
Gunnarsson
Nú hefur verkfall háskólamanna
í ríkisþjónustu staðið á sjöttu viku.
Fjölmiðlar flytja okkur fregnir af
því að upp úr viðræðum hafi slitn-
að, nú sé varla lengur ræðst við.
Lausn vinnudeilunnar virðist því
ekki í sjónmáli.
Ein þeirra stofnana sem orðið
hefur að draga mjög úr starfsemi
sinni vegna verkafalls sérmenntaðs
starfsfólks er Greiningar- og ráð-
gjafarstöð ríkisins. Stöðinni er ætl-
að að þjóna einstaklingum með
hvers kyns fatlanir, aðallega þó
bömum og unglingum, en einnig
að veita foreidrum þeirra ráðgjöf
og stuðning. Segja má að þungi
starfsins felist í greiningu og þjálf-
un bama á forskólaaldri. Öll athug-
un og þjálfun hefur nú lamast i
verkfallinu, og bitnar það m.a. á
hópi sex ára bama sem þurft hefðu
greiningu strax vegna væntanlegr-
ar skólagöngu næsta haust. Biðlist-
ar stöðvarinnar em langir og lengj-
ast nú óhjákvæmilega vegna verk-
fallsins.
Öll eram við sammála því að
böm okkar hljóti uppeldi við hæfi
og allir heilbrigðir foreldrar leggja
fúslega á sig mikla vinnu til að búa
bömum sínum sem best skilyrði.
En einn er sá hópur foreldra sem
óneitanlega þarf að leggja meira á
sig en aðrir, en það era foreldrar
fatlaðra barna. Þessi börn þurfa
miklu einstaklingsbundnari og
markvissari þjálfun til að ná þroska
en önnur börn, og mikilvægt er að
þjálfun rofni alls ekki, því að ann-
ars er hætta á að árangur mikillar
vinnu hverfi út í veður og vind.
Hver dagur skiptir máli, og þegar
vika fellur úr vegna veikinda eða
óhappa getur komið afturkippur í
þróunina, það sem áunnist hefur á
mörgum vikum glatast auðveldlega
á einni. Það er því slæmt að missa
viku úr. Nú höfum við hins vegar
misst úr sex vikur og jafnvel fleiri.
Orsökin er ekki veikindi að þessu
sinni, heldur óhapp af mannavöld-
um.
Engum blandast hugur um að
framfarir hafa verið miklar á sviði
greiningar, þjálfunar og ráðgjafar
fyrir börn og foreldra fatlaðra barna
undanfarna áratugi. Greiningar- og
ráðgjafarstöðin er nokkurs konar
hornsteinn allrar starfsemi á þessu
sviði hér á landi. Þar fer greining
fram og þar eru fyrstu skrefin á
þroskabrautinni stigin.
Við, foreldrar fatlaðra bama,
höfum miklar áhyggjur af þessu
verkfalli. Sú röskun sem verður á
lífi barnanna bitnar þungt á okkur
en þyngst á smáfólkinu sjálfu: börn-
um sem þegar hafa orðið fyrir ágjöf
í lífinu og eiga á brattan að sækja.
Foreldra- og styrktarfélag Grein-
ingarstöðvarinnar skorar á deiluað-
ila að setjast að samningaborði og
semja sem fyrst. Mikilvægt er að
starfsmenn séu ánægðir í starfi og
að þeir sem mesta þekkingu hafa
á meðferð og greiningu barna fáist
tii starfa á Greiningar- og ráðgjaf-
arstöðinni og þiggi laun í samræmi
við menntun. Verkfallsaðgerðir og
þrýstingur í þessu máli bitnar á
þeim sem síst skyldi, gagnkvæm
þrjóska deiluaðila bitnar á lífi sak-
lausra barna. Fjármálaráðuneytið
er ósveigjaniegt í sinni afstöðu,
Jóhann Ingi Gunnarsson
„Verkfallsaðgerðir og
þrýstingur í þessu máli
bitnar á þeim sem síst
skyldi, gagnkvæm
þrjóska deiluaðila bitn-
ar á lífi saklausra
barna.“
verkfallsmenn í sinni. En raun-
veralegur þungi verkfallsins lendir
á litlum herðum sem ekki geta þrýst
á neinn. Eini þrýstingurinn sem við
getum beitt er að höfða til siðferðis-
þroska deiluaðila.
Foreldra- og styrktarfélag Grein-
ingar- og ráðgjafarstöðvar ríkisins
skorar nú á deiluaðila að taka sjálfa
sig siðferðilegu taki og semja
strax!
ft.’CHr
MAZDA 323
EITT MERKI
— ÓTAL GERÐIR
• Samlitir stuðarar, hlífðarlistar
og speglar.
• Ný, glæsileg luxusinnrétting.
Athugiö sérstaklega:
Ný, hagstæðari greiðslukjör
en áður hafa þekkst!!
Það fást yfir 20 geróir af MAZDA
323, ein þeirra hentar þér
örugglega. Til dæmis
MAZDA 323 SUPER SPORT:
• 1.3 L eða 1.5 L vélar, 5 gíra
kassi.
• Belti við öll sæti og dag-
Ijósabúnaður.
• Sérlega hagstætt verð.
BÍLABORG HF.
FOSSHÁLSI 1, S. 68 12 99.
Höfundur er formaður Foreldra-
og styrktarfélags Greiningar- og
ráðgjafarstöðvar ríkisins.
___________Brids______________
Arnór Ragnarsson
Bridgefélag Breiðfírðinga
Tveimur kvöldum er lokið í Mitchell-
tvímenningskeppni félagsins, sem er jafn-
framt síðasta keppnin á spilaárinu. Mikil
barátta er um efstu sætin, og hafa Sigrún
Jónsdóttir og Ingólfur Lilliendahl nauma
forystu þegar einu kvöldi er ólokið. Staða
efstu para er þannig: Sigrún Jónsdóttir — Ingólfur Lilliendahl 624
Sigríður Pálsdóttir — Eyvindur V aldimarssdn 612
Helgi M. Gunnarsson — Jóhannes Sigmarsson 605
Magnús Sverrisson — Guðlaugur Sveinsson 605
Páll Valdimarsson — ísak Örn Sigurðsson 603
Eiríkur Hjaltason — Sverrir Ármannsson 577
Sveinn R. Eiríksson — Steingrímur Pétursson 573
Helgi Samúelsson — Jón Þorsteinsson 567
Síðasta spilakvöldið hjá félaginu verður
þann 18. maí, og verður þá spilað til um
kl. 22.00, en þar á eftir verða kaffiveiting-
ar og verðlaunaafhending fyrir keppni vetr-
arins. Spilarar sem unnu til verðlauna á
spilaárinu, eru hvattir til að koma og taka
á mðti verðlaunum slnum.
Bridsféiag Kópavogs
Síðastliðinn fimmtudag var spilaður eins
kvölds tvímenningur og var spilað í einum
16 para riðli. Verðlaunaafhending fyrir
keppni seinni hluta tímabilsins fór fram og
jafnframt voru veitt verðlaun fyrir brons-
stigameistaratitil sem Ragnar Jðnsson
hlaut.
Efstu pör í keppni kvöldsins voru:
1. Sigurður Siguijónsson —
Júlíus Snorrason 263
2. Agnar Kristinsson —
OddurJakobsson 239
3. Ármann J. Lárusson —
Holgi Viborg 225
4. Grímur Thorarensen —
Guðmundur Pálsson 220
Aðalfundur félagsins verður haldinn
föstudaginn 19. maí í Þinghól, Hamraborg
11, kl. 20.30. Félagar eru hvattir til að
mæta.