Morgunblaðið - 15.06.1989, Qupperneq 42

3] Electrolux
Ryksugu-
tilboð
Z-239
1150 WÖTT
D-740
ELECTROIMIK
Z-165
750 WÖTT
Aðeins
1 .500 kr. út
og eftirstöðvar til allt
að 6 mánaða.
Vörumarkaðurinnhf.
Kringlunni - sími 685440
Miðstjórn Sjálfstæðisflokksins:
Stjórnin fari frá — kosn-
ingar eins fljótt og hægt er
Eftirfarandi ályktun var sam-
þykkt á fundi miðstjórnar Sjálf-
stæðisflokksins 13. júní síðastlið-
inn:
Miðstjóm Sjálfstæðisflokksins lýs-
ir yfir eindreginni andstöðu við
stefnu núverandi ríkisstjómar. Þessi
stefna hefur leitt til þess að ófremd-
arástand hefur nú skapast í íslensku
þjóðfélagi. Stefna ríkisstjómarinnar
hefur beðið skipbrot og hún stendur
ráðþrota frammi fyrir afleiðingum
þess. Hún er rúin trausti almennings.
Tímabilið frá því ríkisstjóm vinstri
flokkanna var mynduð sl. haust hef-
ur einkennst af miklum óstöðugleika
í stjómmálum og óvissu um fram-
vindu mála á öllum sviðum þjóðlífs-
ins. Við slíkar aðstæður er ekki unnt
að búa áfram. Ríkisstjórnin hefur
augljóslega ekki burði til að takast
á við þau miklu verkefni í efnahags-
og atvinnumálum sem við blasa og
krefjast skjótrar úrlausnar. Enn
síður hefur hún styrk til að móta
stefnu íslendinga í samskiptum og
viðskiptum við aðrar þjóðir á tíma
mikils umróts og breytinga á al-
þjóðavettvangi.
Um síðastliðin áramót bentu tals-
menn Sjálfstæðisflokksins á að það
hlyti að leiða til ófamaðar þegar
ríkisstjomin sjálf hefði forystu um
verðhækkanir og legði sjö milljarða
króna í nýjum skattaálögum á al-
menning og atvinnufyrirtæki í
landinu á sama tíma og kaupgjald
var bundið með lögum. Það er nú
komið á daginn að þessar aðvaranir
voru réttar og stefna ríkisstjómar-
innar hefur Ieitt til vaxandi verð-
bólgu, atvinnuleysis, minni kaup-
máttar og meiri erfiðleika í atvinnu-
rekstri en áður var við að glíma.
Við gerð kjarasamninga gaf ríkis-
stjómin fyrirheit um kaupmátt og
verðlagsmál sem augljóst var að hún
ætlaði að svíkja. Fyrirheit sem gefin
voru atvinnuvegunum gengu þvert á
loforð gagnvart launþegum. Ríkis-
stjórnin hefur því svikið bæði launa-
fólkið og atvinnufyrirtækin.
Það eru þessar aðstæður sem kall-
að hafa fram réttláta reiði almenn-
ings í kröftugustu andmælum gegn
ríkisstjórn sem komið hafa fram um
langan tíma.
Ríkisstjórnin gaf fyrirheit um
hallalaus fjárlög eftir sjö milljarða
króna skattahækkun. Þrátt fyrir
þetta stefnir nú í margra milljarða
króna halla á rekstri ríkissjóðs og
nýtt íslandsmet í skuldasöfnun er-
lendis. Þannig hrannast vandamálin
upp og bíða úrlausnar næstu ríkis-
stjórnar.
Miðstjórn Sjálfstæðisflokksins
ítrekar að snúa þarf af braut vinstri
stefnunnar og leggur í því sambandi
áherslu á eftirfarandi atriði:
* Rekstrarskilyrði útflutning- og
samkeppnisgreina verði bætt með
almennum aðgerðum. í því sambandi
leggur miðstjórnin m.a. áherslu á
aðgerðir í skattamálum til að bæta
eiginfjárstöðu íslenskra atvinnufyrir-
tækja.
* Millifærslu- og íhlutunarsjóðir ríki-
stjórnarinnar verði þegar í stað lagð-
ir niður. Minnt er á tillögur þing-
flokks sjálfstæðismanna um hlutverk
Byggðastoftiunar varðandi uppbygg-
ingu atvinnulífs á landsbyggðinni.
Ný sókn í atvinnumálum verður að
byggjast á því að fyrirtækin geti
skilað hagnaði til að standa undir
bættum lífskjörum.
* Gerð verði áætlun um sparnað og
skipulagsbreytingar í ríkisrekstri.
Byrjaö verði á endurskipulagninu
Stjórnarráðsins með uppruna ráðu-
neyta. Með markvissum langtímaað-
gerðum af því tagi má skapa raun-
hæf skilyrði fyrir því að draga úr
skattheimtu.
* Óhjákvæmilegt er að afnema þeg-
ar í stað þá óréttlátu eignaskatts-
hækkun er ríkisstjórnin ákvað sl.
vetur og leggst með mestum þunga
á einstaklinga, einkum ekkjur og
ekkla.
* Verð á brýnustu nauðsynjum
heimilanna er allt of hátt. Miðstjórn-
in ítrekar fyrri tillögur Sjálfstæðis-
flokksins um leiðir til þess að lækka
verð á matvælum.
* Skuldasöfnun þjóðarinnar erlendis
verði stöðvuð og efnahagslegt sjálf-
stæði hennar treyst með jöfnuði í
viðskiptum við útlönd og fjármála-
stefnu sem treystir á ráðdeild og
sparnað heima fyrir.
Núverandi ríkisstjórn hefur tekið
hagsmuni ríkissjóðs fram yfir hag
heimila og þarfir atvinnuvega. Frá
þeirri stefnu þarf að snúa.
Um þessar mundir minnist Sjálf-
stæðisflokkurinn þess að 60 ár eru
liðin frá stofnun hans. Á þessum
tímamótum ítreka sjálfstæðismenn
því grundvallarstefnumið Sjálfstæð-
isflokksins. Þeir minna á að þjóðinni
hefur jafnan famast best þegar
framfarasókn hefur verið byggð á
traustum undirstöðum víðsýnnar og
þjóðlegar umbótastefnu á grundvelli
einstaklingsfrelsis og atvinnufrelsis
með hagsmuni allra stétta fyrir aug-
um.
Afsagnarbréf
oddvíta Skagastrandar
Adolf J. Berndsen sagði af sér
starfi oddvita í hreppsnefiid
Höfðahrepps, Skagaströnd, 5. júní
síðastliðinn. Þann dag sendi hann
frá sér efiirfarandi bréf til íbúa
Skagastrandar, þar sem Sjálfstæð-
isflokkurinn fékk 42% atkvæða i
sveitarstjórnarkosningunum
1986.
„Það tilkynnist hér með formlega
að ég hefí ákveðið að segja af mér
starfi oddvita í Hreppsnefnd Höfða-
hrepps frá og með 5. júní 1989.
Greinargerð
Svo sem kunnugt er var gert sam-
komulag milli Alþýðuflokks og Sjálf-
stæðisflokks eftir sveitastjómar-
kosningar 1978, 1982 og 1986 um
kjör oddvita ofl. — Samstarf þessara
flokka hefur lengst af gengið mjög
vel uns núverandi fulltrúi Alþýðu-
flokks, Axel Hallgrímsson, batt endi
á þetta samstarf á sl. ári og gekk
til liðs við fulltrúa Alþýðubandalags
og Framsóknarflokks í sveitarstjórn
Höfðahrepps, þrátt fyrir áður gert
samkomulag flokkanna eftir síðustu
sveitarstjórnarkosningar.
Þrátt fyrir framangreinda breyt-
ingu ákvað ég að gegna starfi odd-
vita áfram og sjá til hvernig mál
þróuðust og kvað félagsmálaráðu-
neytið upp úrskurð um að mér væri
ekki skylt að víkja úr starfi oddvita
og gæti þess vegna gegnt starfí mínu
til loka kjörtímabilsins.
Fljótlega kom í ljós að núverandi
meirihluti reyndi allt hvað hann gat
að gera mér eins erfitt fyrir og nokk-
ur kostur var. Á þetta bæði við um
störf mín innan sveitarstjórnar sem
og út á við sem kjörins foiystumanns
Höfðahrepps.
Núverandi meirihluti hefur þannig
reynt að útiloka mig frá því að geta
lagt málefnum sveitarfélagsins það
lið sem mér hefur sem oddvita verið
skylt og hugur minn stefnt til.
Þetta hefur núverandi meirihluti
gert með því að grípa fram fyrir
hendur mínar í ákveðnum málum og
á þann hátt reynt að gera mig ómerk-
an orða minna og gjörða.
Jafnframt hefur meirihlutinn nú
nýlega samþykkt bókanir og tillögur
á fundi hreppsnefndar sem takmarka
svo eðlilegar athafnir og gjörðir odd-
vita að lengur verður ekki við svo
búið. Lýsi ég fullri ábyrgð á hendur
þeim þremur fulltrúum sem standa
að afgreiðslu mála á svo óábyrgan
hátt.
Þegar ástand mála er orðið eins
og það er í dag í hreppsnefnd Höfða-
hrepps þá tel ég rétt að víkja sæti.
Eðlileg starfsskilyrði oddvita eru
ekki lengur fyrir hendi.
Eg hefi nú starfað í hreppsnefnd
Höfðahrepps í 25 ár og þar af gegnt
starfi oddvita í 11 ár. Á þessum tíma
hef ég lagt mig fram um að vinna
málefnum Skagstrendinga allt það
gagn er ég hefi getað. Ég hefi leitað
við að vinna af krafti og metnaði
fyrir hönd byggðarlagsins og kapp-
kostað að reisn þess og vöxtur yrði
sem mestur.
Það er að lokum einlæg von mín
að íbúum Skagastrandar og byggð-
arlaginu sjálfu farnist vel í framtíð-
inni og áframhald verði á þeirri upp-
byggingu sem unnið hefur verið svo
markvisst að undanfarin mörg ár.“
Borðum meiri ost
Heimilishorn
Bergljót Ingólfsdóttir
Vel er hægt að taka undir slag-
orð þeirra Osta- og smjörsölu-
manna sem hér birtast í fyrirsögn,
enda ostur afar góður matur og
hollur þar að auki. Osta- og smjör-
salan gefur reglulegá út bæklinga
með uppskriftum úr eigin eldhúsi
og eru þeir til fyrirmyndar að öllu
leyti. Bæklingunum er dreift í
verslanir og eru ekki lengi að ganga
út, og því ekki öllum auðfengnir.
Ostauppskriftirnar sem hér
fylgja með koma úr annarri átt en
geta vonandi orðið einhveijum að
liði eigi að síður.
Osta-bollur
250 g rifinn ostur,
3 eggjahvítur,
salt og pipar,
rasp eða brauðmylsna.
Eggjahvíturnar eru stífþreyttar,
ostinum blandað saman við ásamt
kryddi. Gerðar eru bollur sem velt
er upp úr raspi eða brauðmylsnur
brúnaðar á pönnu og fitan látin
síga vel af á pappír áður en þær
eru bomar fram. Grænmetissalat
borið með.
Osta-eggj akaka
2-3 soðnar kartöflur,
Ostabollur
1 laukur,
50-100 g soðið eða steikt kjöt,
1 rauð paprika,
4 egg,
3 msk vatn,
1 dl rifinn ostur,
graslaukur eða steinselja.
Kartöflur, laukur, paprika og
kjöt skorið smátt og brugðið í smjör
á pönnu, síðan sett í ofnfast fat.
Eggjum og vatni hrært saman og
hellt yfir það sem í fatinu er, krydd-
að og síðan er rifnum ostinum stráð
yfir jafnt. Fatið sett í ofninn og
bakað þar til osturinn er bráðinn.
Graslauk síðan stráð yfir um leið
og borið er fram. Ætlað fyrir 2-3.
Osta-grænmetisréttur
500 g grænmeti soðið til hálfs.
Tegundum er hægt að hagræða
eftir þörfum, t.d. blómkálsgreinar,
Ostaeggjakaka
púrrusneiðar, sellerí, stöngull eða
rót.
Grænmetið sett í smurt ofnfast
fat (alls ekki fullsoðið) og yfir er
sett sósa búin til á eftirfarandi hátt.
Sósa:
2 msk. smjör eða smjörh'ki,
2 msk. hveiti,
3 dl vökvi, grænmetissoð og
mjólk,
4 dl rifinn ostur.
krydd.
Þetta er venjulegur uppbakaður
jafningur að ostinum viðbættum.
Sósunni hellt yfír grænmetið og
bakað í ofni í ca. 20 mín. við
200°C. Ætlað fyrir 3-4.
I Heimilishorni 24. maí sl. var
meinleg villa. Standa átti á
siðustu og verstu „dýrtíðar“-
tímum (ekki dýrðar, eins og mis-
prentað var).