Morgunblaðið - 18.07.1989, Blaðsíða 23

MORGUNBLAÐIÐ ÞRIÐJUDAGUR 18. JÚLÍ 1989
23
Eru
þeir að
fá 'ann
-?
m
Gljúfiirá lífleg
„ÞAÐ hefur verið nokkuð líflegt
í Gljúfuránni, fyrir viku síðan voru
komnir 50 laxar úr ánni og þó ég
hafi ekki nýrri tölur heyrði ég utan
að mér fyrir skömmu að menn
hefðu séð fisk um alla ána og það
töluvert af honum," sagði Friðrik
D. Stefánsson framkvæmdastjóri
Stangaveiðifélags Reykjavíkur í
gær. Best hefur veiðin þó verið í
ósnum.
Líf í Stóru Laxá
Stóra Laxá hefur ekki gefið
marga laxa það sem af er sumri,
en áin hefur iðulega verið hrikalega
mikil og skoluð. Þó hafa nokkrir
fiskar verið dregnir á neðri svæð-
unum og fyrir skömmu gerðist
það, að nokkrir Fransmenn fóru á
efsta svæðið, gersamlega ókunnug-
ir svæðinu, en létu sig samt ekki
muna um að ná fjórum stórlöxum,
12 til 18 punda fiskum. Friðrik hjá
SVFR sagði í samtali við Morgun-
blaðið, að mikið væri óselt á það
svæði og gæti hugsast að menn
væru að leita langt yfir skammt,
„eitthvað er að hafa þama úr því
að ókunnugir menn fá svona fal-
lega veiði,“ sagði Friðrik.
Jöfii og góð veiði í
Þverá/Kjarrá
„Þetta hefur gengið vel upp á
síðkastið og ekki fyrirsjáanlegt að
það dragi úr því. Raunar er með
ólíkindum hve áin hefur skilað af
laxi miðað við hversu illa vertíðin
bytjaði og hve rýrar göngur hafa
verið á Hvítársvæðinu. Það eru
komnir milli 720 og 730 laxar á
land og er skiptingin á milli ár-
hlutanna nokkuð jöfn,“ sagði Jón
Ólafsson einn leigutaka Þverár/Kj-
arrár í samtali við Morgunblaðið í
gær.
Dræmt í Dölum
Þær upplýsingar fengust í veiði-
húsinu að Þrándargili við Laxá í
Dölum í gær, að rétt rúmir 200
laxar væru komnir á land. Lax
væri að fínna um alla á, en hann
væri ófús að taka agn. Erlendir
menn eru við veiðar og þeir höfðu
einungis fengið 6 laxa fyrsta sólar-
hringinn. Meðalþunginn var þó
góður, því tveir fiskanna vógu 14
pund hvor og hinir vom allir væn-
ir. Mikill iax er í sjónum og er að
hringsóla við ósinn á aðfallinu. A
næstu dögum má reikna með því
að hann hellist inn í ána, því skil-
yrðin em góð.
Morgunblaðið/Ámi Sæberg
Laxá í Kjós leiðir hjörðina eins
og í fyrra, en þar hafa veiðst
um 900 laxar, sem er þó tals-
vert lakara en í fyrra. Þessir
voru að reyna í nyrðri Kvísla-
fossinum fyrir skömmu.
Lélegt í Laxá í Þing.
„Þetta gengur afleitlega og ef
fram heldur sem horfir fer sumar-
veiðin ekki umfram 600 laxa“,
sagði Þórður Pétursson veiðivörður
og leiðsögumaður við Laxá í Aðald-
al í samtali við Morgunblaðið í
gær. Hann sagði um það bil 260
laxa vera komna á land og margir
fæm úr ánni með öngulinn í rassin-
um. Það marggerist þessa dagana
að önnur eða báðar stangirnar fyr-
ir neðan Æðarfossa fá engan lax
og á þessum tíma sumars er það
með ólíkindum. Þórður missti einn
í 20-punda flokknum á svæði 7 í
gærmorgun. Það markverðasta við
það var, að laxinn var grútleginn.
Miðá ekki dauð
Fregnir herma að Miðá í Dölum
hafi gefið nokkurn afla, fyrir um
viku síðan vom komnir 12 laxar á
land og eitthvað hefur bæst við
það. Þetta er gott, því Miðá er ein
af þessum síðsumarsám. Þá er
bleikja farin að veiðast sem endra-
nær. Heyrst hefur að Krossá á
Skarðsströnd, sem Stangaveiðifé-
-lag Keflavíkur hefur á leigu, hafi
einnig byrjað vel. Menn sem veiddu
þar fyrir skömmu fengu þijá væna
laxa og sáu talsvert af fiski.
gg
Krabbameinsbókin komin út
Fyrsta eintak Krabbameinsbókarinnar var aflient forseta íslands,
Vigdísi Finnbogadóttur, en hún er verndari Krabbameinsfélagsins.
Viðstaddir voru Jóhannes Tómasson, ritstjóri bókarinnar, og Almar
Grímsson formaður félagsins.
„Krabbameinsbókin" heitir ný
bók sem Krabbameinsfélag ís-
lands hefiir gefið út og hefiir að
geyma margháttaðan fróðleik
um krabbamein. Bókin er skrifuð
af læknum, öðrum sérfræðingum
og leikmönnum og hefur verið
reynt að safiia margvíslegum
gagnlegum upplýsingum fyrir
sjúklinga og vandamenn þeirra.
Frumkvæði að samantekt þessar-
ar bókar átti Óskar heitinn Kjart-
ansson gullsmiður en hann féll
frá áður en verkinu lauk.
Bókin er 108 blaðsíður og fjalla
fyrstu kaflarnir um ýmis almenn
atriði varðandi krabbamein og með-
ferð þess. Þá eru fjórar frásagnir
um reynslu krabbameinssjúklinga
og síðan koma tíu kafiar um nokk-
ur algengustu krabbamein karla og
kvenna. Eru þeir kaflar skrifaðir
af læknum. í lokin eru kaflar um
aðstoð og þjónustu sem hægt er
að leita eftir.
Hugmyndin með þessari bók
Krabbameinsfélagsins er að lesend-
ur geti þar fundið upplýsingar um
krabbamein, fái ábendingar um
þjónustu fyrir krabbameinssjúkl-
inga og að hún verði til að efla
baráttugleði allra sem segja þurfa
krabbameini stríð á hendur.
Krabbamein hefur oft verið tal-
inn dauðadómur en með framförum
í læknavísindum á síðustu árum
má segja að svo sé ekki lengur.
Krabbamein er sjúkdómur en ekki
dauðadómur. í bókinni kemur fram
í samtölum við sjúklinga, að nauð-
synlegt sé að vera bjartsýnn og
halda í vonina um lækningu. Bar-
áttugleði ætti að vera kjörorð
krabbameinssjúklinga og aðstand-
enda hans.
Nokkrir velunnarar Krabba-
meinsfélagsins hafa stutt útgáfuna
árhagslega, m.a. fjölskylda
skars Kjartanssonar. Prentsmiðj-
an Oddi hf. annaðist alla prent-
vinnslu bókarinnar. Krabbameins-
bókin verður til sölu í bókaverslun-
um og apótekum.
(Fréttatilkynning)
Hallgrímskirkja:
Þýskir tónlistar-
menn á tónleikum
Hallgrímskirkja í Reykjavík
Vestur-þýsk feðgin koma fram
á tónleikum í Hallgrímskirkju
miðvikudagskvöldið 19. júlí, sem
hefjast kl. 20.30.
Það eru þau Gabriele og Herwig
Maurer frá Lambrecht í Vestur-
Þýskalandi sem fram koma á tón-
leikunum. Hún leikur á fiðlu og
hann á orgel. Leikin verða verk
eftir Johann Sebastian Bach, Max
Reger og fleiri.
Herwig er orgelleikari við Klaust-
urkirkjuna í Lambrecht,. sem er í
suðurhluta Þýskalands en þar eru
meðal annars haldnir margir orgel-
tónleikar á hveiju sumri. Aðgangur
að tónleikunum er ókeypis.
(Fréttatilkynning)
Afinæli frönsku byltingarinnar:
Ævintýri líkast
-segir Albert Guðmundsson, sendiherra
„Hátíðarhöldin voru ævintýri
líkust," sagði Albert Guðmunds-
son, sendiherra íslands i Frakkl-
andi, í samtali við Morgunblaðið
en hann var viðstaddur hátíðar-
höld vegna 200 ára afinælis
frönsku byltingarinnar 14. júlí
sl. Albert kvaðst vart eiga orð
til að lýsa stórglæsilegri sýningu
er þúsundir manna gengu fylktu
liði niður Champs Elysees breið-
götuna að kvöldi þjóðhátíðar-
dagsins. íslenski sendiherrann
sat ásamt öðrum fulltrúum er-
lendra ríkja í sérstakri áhorf-
endastúku við Champs Elysees.
Að sögn Alberts Guðmundssonar
voru hátíðarhöldin sérstaklega vel
heppnuð enda vel skipulögð. „Mið-
borg Parísar var lokuð fyrir umferð
í nokkra daga en slíkt hefði auðvit-
að ekki gengið nema fyrir velvilja
borgarbúa og með almennri þátt-
töku þeirra í hátíðarhöldunum,"
sagði Albert. „Ég held að Frakkar
séu flestir mjög ánægðir með hátíð-
arhöld vegna byltingarafmælisins,
þó er alltaf einn og einn sem segir
ofgert en þeir eru í miklum minni-
hluta.“
Ný happaþrenna:
Milljón í
vinning
Miðinn á 100 kr.
HAPPDRÆTTI Háskóla ís-
lands hefiir sett á markaðinn
nýja tegund af happaþrenn-
um. Hver miði kostar hundr-
að krónur og eru vinningar
tvöfalt hærri en áður. Hæsti
vinningur er því ein milljón
króna. Áfram verða til sölu
happaþrennur á 50 krónur.
Frá því Happdrætti Háskól-
ans hóf sölu á happaþrennum
í mars 1987 hafa meira en 25
milljónir miða selst, að því er
segir í fréttatilkynningu frá
happdrættinu. Heildarfjöldi
vinninga er yfir 4 milljónir og
nema greiddir vinningar um
630 milljónum króna.
Stjörnutískan auglýsir
Opnunartilboó
veróur í dag í nýja húsnæóinu
okkar á Snorrabraut 22.
Mikil verólækkun
er á Laugavegi 84 vegna flutninga.
Stjörnutískan