Morgunblaðið - 24.11.1989, Qupperneq 21

21
MORGUNBLAÐIÐ FÖSTUDAGUR 24. NÓVEMBER 1989
4-vt-i i ' r.->... ' t /ó—fcí-w-t i.M ,:.í-i—-; ,.r.(
Jón Baldvin Hannibalsson,
utanríkisráðherra, um viðræður við EB:
Beinar viðræður í gangi
en hafa ekki skilað árangri
JÓN BALDVIN Hannibalsson, utanríkisráðherra, segir að það séu
beinar tvíhliða viðræður í gangi milli íslendinga og Evrópubandalags-
ins um fiskveiðimál, en atvinnurekendur í sjávarútvegi hafa lýst yfir
þeim vilja sínum að hafnar verði beinar tvíhliða viðræður við EB
um fríverslun með fisk og fiskafúrðir. Þær hafi hins vegar ekki skil-
að sama árangri og sameiginlegar viðræður EFTA-landanna við
Evrópubandalagið, vegna þess 'að semja þurfi við framkvæmdastjórn
EB um tollamál og hún hafi ekki heimild til samninga nema í sam-
ræmi við fiskveiðistefnu bandalagsins, þar sem kveðið er á um að
fiskveiðiheimildir skuli koma fyrir tollaívilnanir og það hafi verið
samstaða um það á Islandi að slíkt kæmi ekki til greina.
„Mér finnst frumkvæði forvsars-
manna í sjávarútvegi gott og met
það mikils, tek reyndar eftir að
mégnið af upplýsingum þeirra er
frá utanríkisráðuneytinu, en ég má
til með að leiðrétta einn misskiln-
ing. Það er ekki val milli þess að
fara apnað hvort EFTA-leiðina eða
leið tvíhliða viðræðna við Evrópu-
bandalagið. Við höfum verið að fara
báðar leiðirnar. Munurinn er sá að
okkur hefur orðið talsvert ágengt
eftir EFTA-leiðinni, en hingað til
hefur okkur orðið lítið ágengt eftir
hinni leiðinni," sagði Jón Baldvin.
Hann sagði að samstaðan með
EFTA-ríkjunum hefði skilað tvenns
konar árangri. Annars vegar hefðu
þau samþykkt grundvallarreglunæ
um fríverslun með fisk, sem myndi
taka gildi um mitt næsta ár. Hins
vegar hefðu ríkin sameiginlega lýst
þeirri afstöðu sinni að þau óskuðu
eftir fríverslun með fisk, þannig að
Islendingar væru ekki lengur einir
um það sjónarmið, heldur hefðu
stuðning af hinum þjóðunum.
Jón Baldvin sagði að það væru
ákveðnar ástæður fyrir því að
tvíhliða viðræður hefðu ekki skilað
árangri og hann vissi að margir í
hópi atvinnurekenda þekktu þessar
ástæður, enda hefði verið haft náið
samráð við þá um meðferð málsins.
„Innan Evrópubandalagsins er það
framkvæmdastjórnin sem er ábyrg
fyrir tollamálum. Ef við óskum eft-
ir niðurfellingu tolla á fiskafurðum
í tvíhliða samningum, þá er við
framkvæmdastjórnina að eiga. Hún
hefur hins vegar ekki umboð til
samninga nema innan ramma sam-
eiginlegar fiskveiðistefnu banda-
lagsins. Sú stefna er mjög einföld.
Evrópubandalagið gengur ekki til
tvíhliða samninga um afnám eða
lækkun tolla að því er varðar fiskaf-
urðir nema gegn veiðiheimildum og
framkvæmdastjórnin hefur ekki
umboð til að falla frá þessari
stefnu," sagði Jón Baldvin ennfrem-
ur.
Norska tankskipið Tommeliten tekur regnbogasilung úr sjókví Faxa-
lax undan Vogastapa.
Faxalax við Vogastapa:
SilungTir fluttur til
slátrunar í Hafnarfirði
SLÁTRUN stendur yfir hjá Faxalaxi hf. sem er með fiskeldi í sjókv-
íum í Stakksfirði, undan Vogastapa. Slátrað er regnbogasilungi
og laxi alls um 100 tonnum og í íramhaldi af því verður öðru eins
slátrað úr sjókvium Laxalóns hf. í Hvammsvík, þannig að í þessum
stöðvum verður slátrað á þriðja hundrað tonnum af laxfiskum á
hálfúm mánuði að verðmæti hátt í 60 milljónir.
Steingrímur Hermannsson, forsætisráðherra:
Styrkjakerfi EB-landanna hefur
áhrif á samkeppnisaðstöðu okkar
STEINGRÍMUR Hermannsson forsætisráðherra átti í síðustu viku
fúnd með John Selwin-Gummer, landbúnaðar- og sjávarútvegsráð-
herra Bretlands og aðstoðarmönnum hans þar sem þeir ræddu m.a.
styrkjakerfi Evrópubandalagslanda við sjávarútveginn og niðurstaða
þessara viðræðna, var samkvæmt upplýsingum forsætisráðherra, að
Evrópubandalagslöndin hyggist ekki draga úr styrkjum sínum við
sjávarútveginn. „Ég sannfærist æ betur um það að fiskveiðimálin
og sjávarútvegsmálin verða okkur erfið í þeim viðræðum sem fram-
undan eru,“ sagði Steingrímur í samtali við Morgunblaðið.
„Ég vildi afla mér upplýsinga um
það hvernig Breta sæju framtíðar-
fyrirkomulag vegna samninganna
Við EB, með tilliti til sjávarútvegs-
ins,“ sagði Steingrímur. Hann sagð-
ist sérstaklega hafa viljað kynna
sér styrkjapólitíkina í sjávarútvegi,
sem væri mjög sterk í Evrópu-
bandalaginu.
„Ráðherrann sagði að það væri
afar ólíklegt að styrkir til sjávarút-
vegsins yrðu felldir niður í bráð,
jafnframt því sem hann taldi ólík-
legt að þeir yrðu aðskildir frá land-
búnaðarstyrkjakerfinu. Sjávarút-
vegsstefna þeirra yrði því áfram
tengd landbúnaðarstefnu þeirra, að
þessu leyti,“ sagði forsætisráð-
herra.
Steingrímur sagði að í máli Bret-
anna hefði komið fram að þeir teldu
ekki að styrkjastefna þeirra ætti
að hafa áhrif á samkeppnisaðstöðu
okkar íslendinga, þar sem hér væri
fyrst og fremst um styrki að ræða
til þess að aðstoða verksmiðjurnar
til þess að bæta gæði framleiðslu
sinnar. „Það eru margar verksmiðj-
ur mjög lélegar. Hreinlæti er ekki
nægjanlegt og tæknivæðing ónóg,
þannig að starfið er mestmegnis
fólgið í handavinnu. Þeir fullyrtu
að hér væri aðallega um hollustu-
háttastyrki að ræða og styrki til
þess að breyta úreltum verksmiðj-
um í nútímaverksmiðjur," sagði for-
sætisráðherra.
Forsætisráðherra sagðist hafa
bent á að ef eigendur verksmiðj-
anna þyrftu að ráðast í úrbæturnar
á eigin kostnað, þá yrði það þeim
miklu dýrara, sem þýddi bætta sam-
keppnisaðstöðu fyrir Islendinga, en
þeir hefðu ekki tekið undir hans
sjónarmið. „Ég er'ekki sannfærður
um að þetta styrkjakerfi þeirra
hafi ekki áhrif á samkeþpnisaðstöðu
okkar,“ sagði Steingrímur.
Öryggismálanefnd hefur gefið
út ritið Evrópubandalagið: stofn-
anir og ákvarðanataka eftir Þor-
stein Magnússon, stjórnmála-
fræðing.
í kynningu segir svo: „í riti þessu
er fy'allað ítarlega um stofnanir
Evrópubandalagsins og ákvarðana-
töku innan þess. Gerð grein fyrir
skipulagi og hlutverki stofnana
bandalagsins, þar á meðal leið-
togaráðinu, ráðherraráðinu, fram-
kvæmdastjórninni, Evrópuþinginu
og Evrópudómstólnum. Þá er fjallað
um ákvarðanatöku í málefnum Evr-
ópubandalagsins og megináherslan
lögð á ákvarðanir er lúta að al-
mennri lagasetningu bandalagsins.
Auk þessa meginefnis ritsins þá
Fyrirtækin standa þannig að
slátruninni að fiskurinn er fluttur
lifandi frá sjókvíunum með norsku
tankskipi sem leigt er hingað í
þessum tilgangi. Laxinn og silung-
urinn er háfaður upp úr kvíunum
og settur í tanka skipsins og flutt-
ur til Hafnaríjarðar, 20-25 tonn í
ferð, þar sem slátrun fer fram.
Fiskurinn er blóðgaður hjá Norður-
stjörnunni og slægður í laxaslátur-
húsinu Hreifa í Hafnarfirði og
Kola í Vogum og síðan fer meiri-
er í inngangsköflum fjallað almennt
um Evrópubandalagið og raktar
ástæður fyrir stofnun þess og gerð
grein fyrir hlutverki bandalagsins.
Þá er stjórnskipan bandalagsins
rædd og áhrif hennar á fullveldi
aðildarríkjanna. Umfjöllunin um
stjórnskipan Evrópubandalagsins
er ekki síst mikilvæg í Ijósi þess
að engin dæmi eru um að sjálfstæð
ríki hafi látið af hendi jafn mikið
vald og verkefni til sameiginlegra
stofnana ríkjabandalags eins og ríki
Evrópubandalagsins hafa gert.
í lokakafla ritsins er svo m.a.
fjallað um ýmsa þætti sem vert er
að hafa í huga þegar menn eru að
reyna að átta sig á eðli stofnana
er mestu máli skipta í samskiptum
íslands við Evrópubandalagið."
hluti hans í frost. Þessa dagana
stendur yfír slátrun á silungi hjá
Faxalaxi og síðan verður lax slátr-
að úi' sömu stöð. Eftir það flytur
skipið smásilung úr kvíunum í
Hvammsvík til áframeidis í Faxa-
laxi og síðan hefst slátrun á fiski
úr kvíum Laxalóns í Hvalfirði.
Ólafur Skúlason hjá Laxalóni
segir að ekki sé búið að ganga frá
samningum um sölu á fiskinum.
Þessa stundina sé líklegast að stói'
hluti hans fari til Japans. Þá færi
töluvert af regnbogasilungi til
Belgíú. Hluti af laxinum er smár
og er Laxalón að gera tilraun með
útflutning á honum þannig. Sagði
Ólafur að fyrirtækið hefði fengið
ágæt viðbrögð við tilraun sinni.
Nýtt blað í
Kópavogi
NÝTT fréttablað í Kópavogi,
Kópavogsblaðið, er komið út.
Blaðið kemur út hálfsmánaðar-
lega í 5.500 eintökum og verður
borið út í hvert hús í Kópavogi
og einnig dreift til fyrirtækja.
í leiðara blaðsins segir að reynt
verði að gæta hlutleysis í frétta-
flutningi en jafnframt hafa hags-
muni bæjarfélagsins í fyrirrúmi.
Ritstjóri blaðsins og ábyrgðar-
maður er Sigrún Árnadóttir en
blaðamenn eru Guðni Björn Kjærbo
og Hörður Sigurðsson.
Rit Öryggismála-
nefiidarumEB
Komdu í Kringluna d óvenjulega
símasýningu Pósts og símo
Þér er hér með boðið á símasýningu Pósts og síma dagana 22. til
25. nóvember á 2. hæð í Kringlunni.
Við verðum með nýja og fullkomna síma og símsvara til sýnis
og sölu og þú færð að vita allt um Sérþjónustu í staffæna símakerlinu
og Almenna gagnaflutningsnetið. Komdu á símadaga í Kringlunni 22. til 25.
nóvember. Þú hefúr
rÞf8 8aman PÓSTUR OG SÍMI
Við spörum þér sþorin.